早日終於看了網球王子首套大電影－「不可能的網球」(笑)，裏面主要都係參照越前龍馬岩岩加入青春學園網球部及首兩場地區賽為藍本。
戲中賣點除了數位型男之外，網球「比賽」就係主要的賣點，漫畫/動畫初頭佢地都唔係話打得咁似超人(呢家就已經變咗超必龍珠)，但起戲裏面，CG 比賽就成為咗戲裏面最懶係精彩的一節，有啲睇到呆呆地，可能動畫/漫畫裏面畫得誇張咗啲都覺得正常，但黎到真人電影版，好似睇緊龍珠咁，識得起空中出超必真係睇到目定口呆-_-。
起劇裏面，最覺得唔慣的就係青春學園冇咗個教練，起漫畫/動畫裏面個教練會坐埋起球場架嘛，戲入面就唔見埋，只係起最尾一幕同開頭一幕出現咗一陣，但問題係個教練….年齡差廿歲！而且靚女咗好多添(由島谷ひとみ演出)，係咪因為呢套係美男片，廢事個靚女教練左住晒影響女觀眾情緒XD。
以下係「不可能的網球」裏面，「不可能」的畫面 -___-；；
電影
回應的RSS
按此回應
暫時未有引用通告
(0)
2007年02月10日
星期六睇電視，TVB播緊套叫「新春豬事町」的節目，睇睇下已經覺得怪怪地，點解啲野熟口熟面架呢，再落去，點解咁鬼似亞視早兩年果套「開心大發現」，連人都似無似樣，胡楓=何守信，廠景又似，連裏面提果啲「大發現」，亞視套開心大發現都有介紹過，真係睇到呆晒。
TVB抄節目已經唔係新鮮事，以前都找唔少架啦，不過以前就抄外國節目，但今次就連亞視都唔放過，話晒亞視開心大發現係買日本NHK電視台(記錯，應是NTV，謝謝指正)版權黎做，無記呢啲抄完重話冇抄，真係缺得加Cheap到爆，天下間不能容忍，一係咁啦，等有線10蚊台出街後大家馬上轉會吧(未計$800安裝費XD)，好過睇埋啲垃圾 TXB 台，完全係欺騙觀眾。
等博士送你一句金句啦：抄人節目冇創意，送隻黑豬過肥年。
隨心
回應的RSS
回應(1)
引用通告(1)
(0)
2007年02月05日
尋日收到HKBN Sales的電話，話我的無合約 bb10 由下個月開始要加價了，開頭不停咁話bb100 加到$399, bb25加到$288，bb10都加價了，又開始叫我簽約了(起呢半年 sales 前前後後已經打咗黎null我簽約都有五次以上，次次都話好快加價叫我快簽，今次真係講到明下個月會加，當然報紙亦有賣，我已經有晒心理準備)，跟住，好戲來了，終於講出bb10 唔簽約只售$168/月 (我呢家係$148無合約)，如果簽約的話，可以好抵咁只要$138就有bb10，$168有$bb25，$188有bb100(全部簽24個月)，我當然唔簽，又開始一場電話互戰(太多粗口，下刪一千字)，講完一大餐，繼續仍然 $168唔簽約，對完資料後，唯有收線。
估唔到，收線後1分鐘，Sales再打黎話..經理睇過我個profile (惡人谷)，見我用緊家居電話(其實數碼電視我都有仍然用緊)，再次比咗個更賤的Plan我，$138 bb25(同樣簽24)，真係一價還有一價低，當然仍然唔簽約，佢都耐我唔何，吹咩！
以上價錢供大家參考，當你呢期bb合約到期，呢啲價錢可以比你參考下，你平啲定我貴啲….
你重記得我個2b嘛，終於到期了，但我完全冇興趣比錢，唔知HKBN會唔會搵到我null我renew 呢?
隨心
回應的RSS
按此回應
暫時未有引用通告
(0)
2007年01月29日
忙到喊, blog 都買小見小….所以儲儲埋埋一堆blog…-_- 當你清咗一兩個job之後，新job又不斷咁堆埋黎，睇下我死先定你死先。
1. 自備購物袋
呢家惠康逢星期二都冇膠袋日，所以記住唔好星期二去問佢囉個膠袋，否則就會好似咁……
不過，出一張五毫子的單，
究竟用小一個膠袋，同出小一張單，邊樣環保啲？
不過呢家超市真係，樣樣都話特價，但其實一啲都冇得特，尤其惠康，好多貨品都係局你買兩樣先有得平，果個「平」即係以前買一件的價錢，但如果你買一件，個價錢又會比以前買一件貴，所以根本係貴咗＋搵笨咗，騙案到爆，所以，一係你就屈服買兩件，一係你就蝕比佢，加價了！
2. 電腦展騙案
早排電腦節，有人同我講支huey好鬼平，貼出黎話$450抵到爛，咁我都冇野好講啦。
不過好友bryan上到電腦節，諗住去買支huey黎用，點之一望就被騙！佢囉張單張望，原來係單買$650，你要買塊二千蚊的手寫板，先有得用特價$450換購支huey，真係騙到爆，因為貼出黎果度只係貼$450但冇寫明係要買野換，嘿！
不過老實講支huey 的確OK架，另外huey 岩岩出咗 Ver 1.05，主要係支援Vista 同埋加入繁體中文支援，唔岩的話唔洗更新…
3. 又一騙案…人仔台 Blackberry新定義，無限=50MB
最近研究緊啲新Project，同Email 有關，咁就有興趣想搵部 blackberry 試下用，咁我知 fee 佢有用開blackberry，咪問下佢囉，佢就同我講人仔台呢家有$0機價無限任用，咁吸引，當然又去睇下啦，點之一望個pages，$0機價係回贈，要比$4180買機，再分24期回贈，重慘過24個月無痛分期。
跟住再望下無限任用plan啦，原來又有一條公平使用條款，用爆50MB，佢有權收番你錢，咁咪即係變「無限 = 50MB」 ？真係呃人到爆，雖然佢話”可以”收你錢，咁但係對用家黎講，冇任何保障，真係人仔騙案。
4. 減壓品：Tales of the World
真係有幾個月冇打過 PSP Game，所以上兩個星期就買咗隻 Tales of the World玩，買之前我完全唔知隻Game玩乜的，買完先知原來係Monster Hunter Tales 版，即係打任務，但唔可以Online打，只可以Online d/l 啲人落黎比你Add落去請佢去一齊打Mission。
另外你都可以將自己Upload上去佢個網度，比人Download，so 都幾有趣。Tales系列我都打過幾隻，但唔係隻隻都有心機打，呢期都有打番Tales of Destiny，但由於太忙，一星期只係打得兩三個鐘，進度非之慢。我都有upload自己上去，呢個就係上星期的我.. -_-
5. 家香雞晚餐
呢家又開學了，所以夜晚又要起又一城出現搵餐飯，呢期家香雞出咗個晚餐，咪去試下啦。
分別試咗個1號同3號餐，我只可以用三個字黎形容，「好唔得」，重要唔包野飲，要另外加$6，$32食個咁嘅餐，真係「Delay No More」。 (編按：將「Delay No More」讀咩小小，就變成粗口)
6. 理大藝墟 2007
藝墟又到，忙極都要去一陣，code geass大熱，有cosplayer 做齊全套Zero重有個頭盔，真係好正！邪神 Fate/stay light 亦出現攪攪震，最近終於有錢同部相機買番支燈同支鏡，終於可以試下，果然係差好遠。正所謂一分錢一分貨..就係咁解。
自從上年開始忙同埋資金不足，就開始冇攪Cosplay，上年去台灣見到一兩個角色好正都令我有啲想Cos果個角色的沖動，但造衫同諗個道具點整先係最令我頭痛，有人同我講番大陸做咪平囉，但我已經有多年冇番大陸，我上一次番大陸的印像係…一出羅湖就見到一個大地窿(起地鐵)，咁你幻想下我有幾耐冇番上去-_-。
最後，請大家玩完後清理一下啲垃圾………
問唔中起cosplayer forum 見啲人成日都鬧會展實Q話D cosplayer換衫同攪頭長期霸住個廁所，整完又攪到成地垃圾，但只係一咪話人，自己亦唔去改善，呢期 CW23 又開始出現鬧劇，小朋友果然係小朋友，諗野真係好小朋友。
PS：24非常緊張，不過冇乜時間走去集集寫，所以….大家努力。
隨心
回應的RSS
按此回應
暫時未有引用通告
(0)
2007年01月29日
Unbelievable!
估唔到電視未播(1月16日)，電視同步賣的 DVD 已經比流咗出黎！之前起Online 播果條Trailer都係來自 EP1-4裏面，四粒鐘已經咁精彩！
警告：以下內容有劇透，唔想睇唔好Click入去！
電視
回應的RSS
按此回應
暫時未有引用通告
(0)
2007年01月09日
又繼續Blog債時候…
始まりのヒト/バーテンダー
近期發覺，原來我有一年冇講過同音樂有關的Blog，所以都要無無聊講兩句，最近真係汁都Load埋，連Bartender 都有睇，裏面的OP/ED細碟Natural High 的「始まりのヒト/バーテンダー」的確幾好聽(唔好Google 錯網站XD)，日本太多歌星，有時真係識唔晒，另一樣就係太出名果啲呢家欠缺驚喜，有時真係聽多啲/認識其他歌手作品，好過來來去去都係濱XX、宇XXX、BXA、MoXXXXg娘呢啲…
如果你問我「Bartender 好唔好睇？」，我就會問番你轉頭「蟲師好唔好睇？」。
以後會寫多啲好聽的歌Blog。
Suica + Passnet = PASMO
之前去東京，身上起碼要袋住Suica卡同Passnet飛，呢家終於可以改寫了，日本仔果邊終於傾掂數，出張叫PASMO卡，除咗可以搭埋私鐵外，巴士都OK，另外Pasmo 亦會同 Suica 共通，即係事彈一張卡就可以攪掂晒，好在我張Suica重起銀包，3月18日起就可以用得了！想知邊啲車搭得，可以去 PASMO網站睇下，如果你主要都係東京圈同近交的話，都包保OK。
繼陳志雲話抽起唔會再播東華Yumiko甩褲片段但又起自家娛樂新聞台無刪剪翻播外，TVB新聞又起2006大事回顧入面，再次播出三號風球派比安垃圾筒KO女人片段，呢家啲傳媒真係冇面比！
金色的琴弦 (金色のコルダ)
最近同音樂有關的節目都人氣急升，首選的當然係交響情人夢，高收視之餘，呢個月11號更會推出動畫版，男女主角有關智一同川澄綾子，極高Cast。另一套帶起的就係由漫畫同遊戲都有推出的戀愛故事/遊戲金色的琴弦 (金色のコルダ)，不過今次就試下玩隻 PC Game 版本，玩法都幾有趣，但玩玩下都有啲悶。
我一向都唔鍾意玩呢類戀愛 SLG 遊戲，而且重係勁水皮果隻！更可以用「奇差」黎形容。隻Game 一邊又要搵樂譜，又要練習，又要周街比演，又要買Item，當然唔少得最重要的「溝仔」！所以玩完最後係輸晒，一條仔都溝唔到 XD。不過真係幾好笑，當個主角理解能力低的時候，演奏真係好難聽，走音之如，個畫面重有一堆 ^*@&^&*@ ，睇見都忍唔住想笑。另外，3月15日重會推出金色的琴弦2 PS2版本，繼續添食落去！不過Website 重未有介紹隻Game會點玩法，到時先算。
Ys Origin
Falcom 真係好賤，伊蘇出極都有，呢次重玩埋前傳，個主角終於唔再係Adol，不過今次個故事就起晒個「白色巨塔」入面，好似玩緊Persona3 咁XD，不斷每層上。呢集個故事講乜就去呢度睇啦， 無謂講，畫面方面由於都係用番之前Ys6個Engine，畫面係OK靚，不過啲敵人同大佬暫時都算易打，就算你唔夠打，出去升番兩三個Level 就肯定夠打，同普通RPG 打法冇咩分別 XD。由於聖誕「休戰」，呢家只係打到第三個大佬「轉轉機械甩手怪」，暫時要升番一兩個Level 先夠打大佬。另外比一個Tips大家，得閒無野做的時候，可以長期戴住個「敵人隱形面具」周圍打下，你會無意中發現一兩三個隱形寶箱的。
Shopping
聖誕期間收到 U2 寄黎又有 Private Sales，咁咪去望下啦。點之今年真係經濟好咗，有7折至5折的衫係小咗好多，早一兩年係大部份都有7折，呢家係得果三四五件先有，而且自從U2用番 G2000個名黎賣之後，男裝衫係縮咗水，小咗一半有多，越黎越難揀，不過都好彩買咗條褲(折咗$17X)，平過Uniqlo(折咗都要$200起)。我 比較喜歡去Private Sales，一來人小啲，冇好似平時Big Sales咁師奶狂搶貨，另外就係買褲會足碼，我試過Big Sales去買褲，條條都斷碼，最後一條都買唔到，所以Private Sales 有呢樣好，當然折頭就小啲啦，但都好過冇。
另外就係有次去IKEA(我的至愛)，見到呢張新Product檯，咁都要賣$860，IKEA 啲價錢每次都令我有「驚喜」，另外起兒童部見到呢隻「馬」，用黎Cosplay啲Online Game 真係好正，不過我諗唔到有咩角色，一係我自創一個出黎。
KIDNAPPED
上一季動畫真係套套爛到冇朋友，07年頭果啲更屌屌聲，所以開始轉煲劇集，日劇都睇咗交響情人夢、母親14歲同地獄少女，後尾連 Prison Break 成個Season 1 煲晒，呢家煲緊Season 2，岩岩重開始起 AXN 追 KIDNAPPED，呢個月 Prison Break 同 24都會有新季，所以更有排追。
Prison Break 的確幾好睇，我以前都有睇開 CSI，但睇咗四個Season之後，真係悶到頂唔順冇再睇，Survivor 、 Amazing Race 同 The Apprentice都有追過，但又係頂唔順了，原本都有睇過幾集 House Season 1，但後尾又爛咗冇再睇，覺得都係要睇連續劇先有心機追，每集單完故事好在係Miss 咗一集都冇問題，但睇得多，來來去去都係咁頭咁尾，就已經覺得好公式化，就好似 CSI 咁睇極都係咁，開始已經頂唔順，再加上一拆三，整埋 New York 同 Miami，一個遊戲三個玩法，真係頂唔順 X 3 。
不 過係我對外國電視劇的認識真係小中之小，有時都唔知邊套好睇邊套唔好睇，另一樣係香港本地電視台播的外國電視劇真係唔多，有時播極都係果幾套出名，所以 AXN 起香港都幾多觀眾，自從 Sony 起亞洲區開 Animax 之後， AXN 就摺咗動畫呢個Section主力攪好劇集，佢呢家播的電視劇好多都係新播的，好似呢家呢套 KIDNAPPED 就係岩岩 NBC 先播完一季 ，真係快過 TVB/ATV (好似又叉開話題)。
待續…(我已經盡量寫多啲字，廢事又比人話我好似壹仔咁字多過圖)，另外起新一年祝大家斷線/龜速快樂。
隨心
回應的RSS
按此回應
暫時未有引用通告
(0)
2007年01月04日
