新 BLOG - 2008 放眼世界

卡塔爾多哈半島電視台英語頻道 Al Jazeera English

卡塔爾(QATAR)呢個地方，以前我都從來未聽過，但自從911之後拉登就開始成日聽到，因為裏面的首都多哈(Doha)有間電視台成日播出獨家拉登片段，就係半島電視台(Al Jazeera) [Wiki]。最近卡塔爾又出名了，因為多哈亞運會，但問題係…卡塔爾係起邊度呢？

紅點咁細粒？放大啲！

嘩！原來卡塔爾係一半島，位於沙地亞拉伯海邊的一個半島，國境與沙地亞拉伯相連。不過卡塔爾的面積都不是很大，自從911後，再加埋呢家多哈亞運，相信都唔會冇乜人未聽過，可能只係唔知起邊度。

半島電視台原來都有10年的歷史，是以阿拉伯語(當地語言)作為播放語言，一向以國際為主的新聞電視台，大家第一時間就會諗 CNN、BBC，如果你有NOW TV，更可以收看到 FOX、SKY TV、EuroNews、DW等這些美國、英國、德國、歐洲等新聞聲音，但欠缺了中東的聲音，而且美國佬愛國主義強列，對於中東國家的聲音差不多叫完全封殺，但由於半島是以阿拉伯語播放，難以向全世界廣播，半島電視台就選擇了以英語向全世界播放，令中東CNN推向國際化。

要向全世界廣播，當然要在不同地方設立新聞中心，他們在美國華盛頓、倫敦、吉隆坡設立直播新聞中心，半島電視台曾經希望在香港設立亞太區直播中心，但由於北京方面不保證新聞自由的問題，以半島的原則，根本不會談條件，所以就要另尋直播中心地點。不過幸好香港仍然可以收看到半島電視台，唔似美國佬同中國大陸全面封殺，冇Cable台肯為他們「落地」。

現時半島電視台以 12 小時直播新聞 12 小時資訊目為主，每半小時為一節目，直播時段形式與CNN/BBC等大型新聞頻道以同一製作方式，以記者 Live 直播報導最新消息，香港的有線/無線亦在近兩三年開始經常以記者現場直播方式報導特發新聞。據半島講2007年會全面24小時播放，現時都可以話係試播階段。

半島電視台的新聞內容主要以中東新聞為主，當然不會少得國際大事，亦會報導其他國家的新聞專題故事，如果你平時有睇開CNN/BBC呢類大台，睇下 Al Jazeera 真係會大開眼界，一啲平時你唔會起呢類台聽到的新聞，完形畢露。

播放方面，Al Jazeera 已經採用 HDTV 高清制式播放，但香港仍然係「落後」地區，暫時未能以高清收看，不過畫質亦非常之高。暫時香港只有香港寬頻數碼電視55台可以收看，不過相信好快其他收費電視頻道都可以睇到。你亦可以去 Al Jazeera 網站有 online broadcast，但高質素版本要比錢睇。

如果你有興趣睇下 First Day 播放，可以去Youtube 睇下。首條Breaking News就係日本地震有海嘯，而且有AlJazeera的介紹，播放咗不少呢幾年經典的畫面。我亦無聊錄咗條 Al Jazeera 1分鐘 Intro 片段(704x396/DIVX6.4/MP3/12MB)，有興趣又可以d/l黎睇下。

電視, 隨心回應的RSS 回應(4) 暫時未有引用通告 (0)
2006年12月03日

Autostitch Project

可能有好多人已經聽過呢隻Autostitch軟件(我會用Research Project形容好啲)，但我真係唔知。話說中環天星碼頭 Last Day，IRC Galileo用菲林相機影咗一張好 Wide 嘅相，我初頭以為又係啲 Wide 機影，但佢話係用 Autostitch 合成的，完全係唔似係合成出黎。

相片合成軟件，我以前就只會用 Adobe Photoshop 的 Photomerge 功能，但效果真係強差人意，我今年年中去日本同台灣都影咗一啲相番黎Photomerge，但真係好唔掂，為咗試下 Autostitch 係咪真係咁勁，今次做咗一個小測試，睇下Photoshop同Autostitch出黎的效果作一比較。

測試一：

第一個測試係三張圖合一，地點是台灣淡水漁人碼頭情人橋。先睇下三張原圖。

三張相其實都冇乜特別，顏色線代表接合位，要留意是條橋是否可以接得埋，因為連接位就只有一小部份，而亦要接到地面，另外就是圖片(B)紅圈的人群，在圖片(C)是沒有的，這些情況經常都會發生。

先睇睇 Adobe Photoshop 的Photomerge (Normal模式)，出黎一條條斜的顏色不配合就係 Photoshop 的問題，而且橋接合不到斷開了，地面亦同樣有這個情況。

Adobe Photoshop 的Photomerge 除了有Normal模式外，另外有一個叫perspective 模式，效果是非常之好，99%可以接合到橋與地面，但問題就是相片變型，變型後剪裁出來的長方型相片，會缺了一角，例如這個 perspective 例子，紅色框就係可剪裁的範圍，左方橋的一角缺了，唔通我走去剪剪貼貼中間空缺的天空，雖然這個例子就可以剪貼，但並非所有例子都可。

馬上睇睇Autostitch的合成結果。

橋的接合直頭係Very Good ，天空的顏色亦完全看不出是合成出來，而且可剪裁範圍接近原圖，再放大看看，亦不覺有接合不齊的地方出現，除咗……

之前圖片(B)紅圈的人群，在Autostitch變了一班鬼魂咁，Blur咗一半，不過望番Adobe Photoshop的Photomerge perspective模式，同樣有這個效果，呢啲情況，可能你預先起其中一張相剪走佢先，咁的話接駁效果應該會好好多。

以上Adobe Photoshop 及Autostitch都係用Default(Auto)的設定，至於起Autostitch入面的選項，有另一個 No Blending 的選項，比大家作為參考一下。

測試二：

今次測試用上五張相，相中係一片海邊的濕地植物。即刻睇睇Photoshop的結果先。

呢次同樣有Photoshop的天先問題，Normal 模式的斜式接合無法完全配合整個相片，但在perspective模式中，並無接合的問題，而由於今次這五張相片都比較橫，於perspective模式，可剪裁的位置大部份都可以保留，都很滿意。

跟住睇下Autostitch的合成圖。

於Autostitch 下，接合真係非常完美，可剪裁框更達到99%，尤其在大片植物下，限難發現樹葉有重叠的鬼影，最右下角的柱邊，在Photoshop photomerge 的perspective 模式下，都有一些接合瑕疵，但在Autostitch就找不到一些非常明顯的接合問題，我覺得非常滿意。

再比番個 No Blending 版本比你參考。

呢個Autostitch 的AI Research Project 真係非常之正，唔怪得囉埋Trademark，呢個Research係黎自University of British Columbia 的 PhD 學生 Matthew Brown，佢放咗一個非常之簡單，但食RAM食到喊的Demo軟件起佢的網頁比你試，由於呢個只係一個Research Demo，所以軟件非常簡陋，不過外間亦有商業軟件公司買咗License將Autostitch 的技術放入佢地的圖像軟件，例如Autopano Pro 等，但估唔到連 ILM (製片商)都同佢買 License 用黎電影的後期製作。真係有啲想叫 Adobe買咗個 License放起Photoshop入面，Adobe大把錢買一個License唔難呱，Macromedia都係咁買啦。「你唔係唔買呀嘛？」

攝影, 隨心回應的RSS 回應(2) 引用通告(7) (0)
2006年12月02日

日內瓦起邊度？

隨心回應的RSS 按此回應暫時未有引用通告 (1)
2006年11月08日

每週一Blog (其實都有兩週)

CODE GEASS
近期迷上 SUNRISE 新番 CODE GEASS ，除咗係 CLAMP呀，制作組大河內一樓、谷口悟朗、音樂的中川幸太郎都係以前有追開嘅作品Producer，包括以下我喜歡又好好睇嘅：無限のRyvius﹑SCRYED、Rahxephon、Planet ES、GUN X SWORD等等…，不過最令我記得都係頭三套，無限のRyvius劇本係最正，真係玩心理戰，SCRYED最記得係Kazuma同劉鳯大戰(乙HiME都唔知係咪番炒佢)，Rahxephon 就覺得自己係咪睇緊 EVA 咁，不過一講頭兩套就唔可以唔提黑田洋介，不過呢套 CODE GEASS冇佢份XD，但最主要都係呢啲中毒入骨嘅片，都係來自 SUNRISE，好似上套 Zegapain 未比佢毒夠，呢套CODE GEASS 再毒過你，一開波頭兩集就好有魔力，好吸引，如果有時間，我都會每集整番個Blog，但呢家真係冇時間……

地海傳說
同「宮崎」有關的戲，我都會仆去睇，所以今次特登星期四上果日就去睇咗場 2:40PM (日語版)。後尾望番Yahoo Movie 入面啲Comments，講到好差咁，雖然我未睇過原著小說，但都望過wiki 同其他website大約知個原著講乜。

先講下畫功，畫功算不錯，與上套 Studio Ghibli 嘅哈爾移動城堡比的話，叫Keep到囉，不過我覺得呢套的作畫有啲似番上兩套的千與千尋，另外有部份畫面好似似曾相識咁，例如基度坐住隻奴仔跑果度，好似幽靈公主男主角咁，件服裝又似，係個男主角老咗四十歲。另外最尾大戰哥普果幕石磚地凹落去，好鬼似哈爾移動城堡搵 3D 做果幕咁。跑上塔頂果幕又好似睇緊貓之報恩咁，總之好似睇過晒咁。

另外作畫方面，有一幕真係非常老土，我睇到差啲笑出黎(估到-__-)，就係女主角蒂露由龍變番人果幕，我都諗佢會點變架呢，點之玩埋呢啲白痴人先用的分鏡，老土到爆。

音樂呢次搵寺嶋民哉做，真係有啲似久石讓咁，覺得幾好，不錯不失，女主角清唱果段，有網友話廣東話版係變咗做中文，真係要領教下唱成點，日語版手嶌葵唱得很好，我都好滿意。ED首歌亦很好，但估唔到望番Ed Credit 先知新居昭乃 + 保刈久明作曲，真係估唔到。 (Zegapain OP 就是新居昭乃 +保刈久明)

Comments 不少都話故事悶，拖得長，唔知講乜，條龍做乜鬼等等，我睇又冇呢個情況，究竟係咪廣東話版配完出黎之後表達得差？我諗我會再搵朝睇早場廣東話版了解番個情況，不過的確有一部份內容佢係表達得唔清楚，而有部份係因為來自上兩輯的小說內容(雖然係改篇)，所以故事就冇詳細交代，所以我都諗住買番本小說煲下。

母親14歲
起女王的教室出名的志田未來，今次出演呢套比女王的教室更受爭議，果時睇女王的教室覺得志田幾可愛架(實又比人話我幼齒)，呢家佢起劇裏面覺得老咗添…但講番劇情，呢套母親14歲的確幾好睇，尤其囉黎當教育片咁播比年青人睇都岩，所以我覺得 TVB或者Cable會買黎播，不過一播就有排比外面插。講番志田，原來佢早排同女王的教室另一個男主角松川尚瑠輝(真鍋由介)拍咗套偵探學園 Q 的特別編(飾澤數馬)，而志田就做美南惠。

City W SU
呢個真係一個笑話，早兩日番CityU上堂，見到民主牆貼滿一本 SU 筆記簿封面，寫住找錯處遊戲，原來封面 City U SU 打錯為 City W SU，由於封面用了線條式的藝術字型，所以初頭都不為意是錯字，但後來望真，U字的確小了一橫。樓上就貼了壹周刊唐副校的新聞，雖然已經是舊聞，但有學生在相片中，唐副校身邊的女人的腳上，畫上了 <-- ? --> (大脾有幾粗) ，又係勁爆笑。早期民主牆冇乜睇，呢期真係多番啲娛樂。

街邊凍啲定商場凍啲？
無聊在葵芳吉野家，囉個溫度計測下有幾凍.. 21.3度。咁 25.5 度起邊度？原來係起某 Data Centre …

PS:

銀髮阿基德
尋日望 Aniwave 見到預告介紹銀髮阿基德都覺得可怪，原來11月16日上番正場，想睇番就去睇了。

早前咪話過Cable 娛樂台個乙Hime廣告打錯字，但原來無意中望到佢地改番了。

隨心回應的RSS 回應(1) 暫時未有引用通告 (0)
2006年10月30日

HKU 配音員講座

以攝影師的身份去 HKU 的配音員講座，雖然內容都係果啲吹下水，實際帶出的訊息不多，但香港係缺乏這類與幕後人員見面的活動，所以亦吸引了不少 Fans 出席，最後更因為觀眾一窩峰走到台前與嘉賓簽名而引起小小混亂。

(閱讀全文)

攝影回應的RSS 回應(1) 暫時未有引用通告 (0)
2006年10月14日

家居網絡保安全廣告雜誌

呢家個個屋企都可以上網，而且速度重越黎越快，由以前的28.8k 數據撥號上網，到呢家已經有 100MBps 寬頻上網，呢家真係好方便。但係唔知大家對網絡嘅保安又知幾多呢，其實呢家你上互聯網，就好似開咗屋企度大門咁，有好多不法的人士會不停咁入侵你屋企，就好似你屋企度鐵閘大門比人爆開咁，你屋企就話可以裝套勁的防盜系統，咁互聯網又點防盜呢？

有好多人屋企都會買啲俗稱 Router 即係路由器嘅硬件，用黎幾部電腦公享上網，就算屋企得一部電腦，好多人都會買Router，由於呢啲寬頻路由器都有一啲基本的防火牆嘅功能，防火牆可以用黎阻隔不法份子入侵屋企的網絡以及電腦，一般呢啲家居路由器嘅價錢幾百蚊左右，所以好多人都會用佢。但係由於呢啲路由器所使用的處理器級數較低，所以如果真係連續受到黑客攻擊及入侵，路由器的速度就會減慢，令到你上網的速度大減，甚至不斷斷線，無法正常上網。現時本港各大 ISP 的網絡都不斷受到黑客及其他受病毒或木馬入侵的電腦進行攻擊，情況非常嚴重，所以網絡的保安不可以缺少。

唔用Router又會比人入侵，用Router又會令到隻Router負荷過重而癱瘓，咁點算好呢？今次我就為大家推介一隻價錢平而又功能強大的防火牆產品，就係呢隻 Sonicwall Pro 100 防火牆。

Sonicwall Pro 100 採用 Toshiba 3927 H2 (133 Mhz) 處理器，內置 16MB 記憶體，支援 PPPOE 及 DHCP 嘅寬頻連線方式，亦內置 DHCP 伺服器，以及 DMZ 連接埠和 One-to-One NAT網絡設定，再加上你可以自行設定不同嘅Rules 同Filter，你重可以購買高階網絡過濾系統以及網絡級防毒及電郵過濾模組，令你家居上網比以前更安全，而且就算受到黑客攻擊亦冇咁容易令到你上網癱瘓，令你可以24小時都可以極速上網，無人阻擋。雖然呢隻產品已經推出5年，但仍然屹立不倒，足以證明呢隻 Pro 100 係可靠嘅產品。

聽落好似好正，你可能會諗呢隻 Pro 100 係咪好大隻架呢？咁又唔係播，雖然佢功能多多，但體積就同一個寬頻電視機頂盒大細差唔多，所以好適合一般細少的家庭用，你呢家用緊果隻Router 可以即刻收埋佢。

咁呢隻野重有咩功能呢？如果你屋企有小朋友，用呢隻 Pro 100 就岩晒，佢裏面有上網的連線的時間設定，你可以設定某一部IP嘅電腦，只可以起某個指定時間上網，咁就可以控制小朋友唔會上網太耐而影響功課，另外重有內容過濾，你可以輸入一啲指定的文字或網址，例如 “Game” 、 “性” 、 “icq.com” 等字眼，當下載的網頁含有呢啲文字，就會即時中止讀取個網頁，你亦可以訂購過濾功能，裏面預設咗一堆以不同組別分類的網站，例如”遊戲”、”賭博”等，更可以有效控制小朋友唔會去到一啲不良網站。

有咁多咁正嘅功能，係咪好想即刻買佢番屋企看門口呢？呢家就係好機會了，今日我介紹得，就當然有正正優惠啦，Sonicwall Pro 100 原價(五年前)賣緊 HK$13,888 ，今日超級特惠價只係賣 $388 ，你冇聽過，全套今日超級特惠價只係賣 $388 ，而且重有獨家優惠，再送你本港免費送貨及一小時基本安裝服務，真係抵過普通爛鬼 Router 架，優惠只得呢一秒，快啲打黎 (853) 2888-1888 (接通按3字)，同我地嘅客戶服務員聯絡。

再講多次，全套 Sonicwall Pro 100呢家超級特惠價只係賣三百八十八蚊！只係得 10套，就算你住起甲級保安嘅私家樓，但未有甲級網絡保安嘅話，呢家只要三百八十八蚊就可以擁有，重唔快啲打黎 (853) 2888-1888 (接通按3字)，同我地嘅客戶服務員訂購呢甲級網絡保安嘅 Sonicwall Pro 100 防火牆！10套好快就賣晒架啦！

(以上內容全屬攪笑，唔好真係打去訂 )