新 BLOG - 2008 放眼世界

唔識日文的自殺日本遊 DAY 3 之長崎初體驗 (3月26日)

DAY 3 終於開始正式旅程，今日主要起長崎同附近地方走兩走，不過朝早天不造美，有小小雨，所以就要去便利店買把遮($420/HK$28)，把遮透明膠，幾精美(極有無印良品Feel)，不過發現，起街搭車／巴士，見到勁多人用呢隻透明膠遮，得一兩個用其他遮，古怪。

今日去過的地方主要係起長崎南方，包括海邊的聖母教堂及神像、諏訪神社、風頭公園、坂本龍馬像、路經眼鏡橋、諏訪町商店街購物，路經長崎県美術館、長崎水辺の森公園。原本晚間的鑬車上山就改為明天。行程緊密，重急過旅行團。

諏訪神社
睇得多巫女的動畫，但真的巫女就未見過了，真係著到同動畫一樣。另外入到神社當然要求支簽同拜過神啦。入神社首先要洗手，又有步驟架，「先洗左手，再洗右手，再用水洗口。」唔明就看圖啦。

但原來拜神都有規矩，先拋個銀仔入箱，個銀仔最好係有個「窿」起中間(例如 $50yen)，跟住先兩拜，再讀經文(一大段日文:p)，跟住兩拍手，再一拜。另外，求簽另計了，要$200 yen，當然，你唔比錢都冇人知架啦。

咁我好乖的，一定有比錢:P，至於求到乜簽？呢支簽都OK架，話我咩都會好平穩咁囉(廢話咁)。如果你抽到支壞簽，就要將支簽起樹枝上打個結。另外，呢間神社專做戀愛，所以都見有對情侶黎拜神，簽都有得抽，不過我就冇抽了:X。你重可以比錢買個牌，寫上你的願望掛起個架上面架，不過我冇咁多銀兩了。

風頭公園
主要黎係睇櫻花，我地囉住個便當起山上面食，真有另一番風味(食風果隻風:p)。而且，一路食，下邊的櫻花大會(飲酒大會;P)不停有人起度唱民歌，真係入晒鄉。呢啲賞花同埋唱歌，真係動畫睇得多(例如相聚一刻)，電視劇都好小見。風頭公園入面亦有坂本龍馬像，你識佢嘛？我都冇乜印像;P

諏訪町商店街
Shopping 的時候到了，不過主要都係買咗啲手信(買到破產;p)，至多買咗啲乜，就暫時保持神秘先。另外買咗一個ipod shuffle 膠套比自己，呢啲Product 起Website 就見得多，香港賣果啲勁 Cheap ，日本果啲真係差10條街。

長崎水辺の森公園
水辺の森公園係位於「出島」長崎港海邊的長濱公園，面積勁大，境式優美，所以大殺菲林。唔鍾意影相的包補悶親，由於對面係美術館，公園裏面亦有不少美術品，主要以石為主，另一邊就有花花草草及橋。

貴價中華料理
晚餐去咗呢間中華料理食，試咗呢個滑蛋飯，極之好味，又唔係太貴，加一個士多啤利布丁，再加$100有任飲野飲，落樓都係$1139!!!!開始食得富貴了！！不過真係幾好味。任飲我飲咗佢兩杯沙冰，就好似七仔的思樂冰咁囉，但好飲過香港七仔。另一樣就係落單唔洗Fing手叫Waiter，檯面有個鐘，一禁，入面有個Screen會見到邊張檯禁o左，就會順次序咁去你檯落Order，落Order都係Remote囉住部NEC機仔落，勁方便。

冇手囉野
越買越多野，但手就得兩隻，唔夠手囉亦冇野裝住，所以最後起100yen店(香港叫10蚊店)買咗卷膠紙，痴番個紙袋….

巴士電車初體驗
坐火車、地鐵，上車前買飛，落車入飛，極為簡單啦。但長崎，主要係得巴士同電車，就唔同了。不過，巴士都極為先進架。香港坐巴士，咪只係得分段收費，而且重要係越遲上車先有得平，而早上車早落車就冇，一定要比正價。日本就唔同了，日本的巴士起車尾上車，上車時先要囉張飛，飛會印住一個號碼，車頭會有一個燈箱，會顯示現在落車的話，要付多少錢，你就看你的號碼，再看燈箱就知幾錢，即係，搭幾長比幾長，就唔會話搭一個站都要比全費。

不過你又會問，你落車比錢，啲錢Dum晒落個收錢箱，次次唔同銀碼，又點會知呢？原來部錢箱好勁架！你一次過Dum啲錢同飛落去，佢就識得掃你張飛仔係咩號碼，重識得一次過數埋錢，跟住顯示出黎，時間只係一秒攪掂，另外重會顯示埋呢程嘅價錢同你入咗幾錢，冇得呃，岩數就會播音樂。上到車，冇散紙又點呢？部錢箱包埋散紙機，入一千蚊紙或五百yen硬幣就可以換散紙，勁巴閉。咁當然除咗比現金之外，重有類似八達通的儲值卡，上車do一下，落車do一下，非常簡單。但係，長崎嘅巴士係好唔掂，起車站度係冇路線圖，你唔會知架巴士經咩站，所以你最好上網check定。至於電車，起長崎，就係全部$100yen，不過有一個轉車站，落車時問司機囉飛仔，去對面月台轉車，落車入飛仔。

50000Yen遊日本！
繼續五萬Yen遊日本，尋日有$40481Yen (HK$2673)，今日就…
遮 $420 (HK$27)
巴士 ($230 + $230) = $460 (HK$30)
午餐便當 $420 (HK$27)
乗合タクシー $200 ($13)
ipod case $980 (HK$64)
手信 ($1060 + $820) = $1880 (HK$124)
晚餐 $1139 (HK$75)
今日貴了，用洗咗$5499 ($363)，餘下6日，有現金$34982yen (HK$2310)。
大鑊了，重有六日，咁除法，每日得番$5830yen (HK$385) 可以洗，而且last 兩日冇 JP Rail Pass，搭火車自費，貴了。

小傻新，豆知識
今日講下長崎「泥猛的」。外國人可能唔知咩叫「泥猛的」，即係幾個人夾埋一齊坐的士，去某一個地區，通常係一啲遠的地區，例如由旺角去屯門，一個人坐的士就要二百幾蚊，但幾個人坐，每人除開咪幾十蚊，咁呢啲就係叫「泥猛的」。香港的「泥猛的」係非法的，不過，起長崎，就有合法「泥猛的」，叫乗合タクシー(Taxi)，但車就唔係普通的士咁四人坐位，係七人坐位的客貨車Size，主要係去山上面的住宅區。路線係固定，你可以隨時落車，價錢固定$200yen，上車付款，都幾方便，我地就係坐呢架的士上去風頭公園。

用實例學日語
蘇民峰都用實例教風水，我都用實例學日語。今日的實例事件：
坐乗合タクシー，落車時，唔小心成個頭撞落車頂，Bomb一聲，個女司機嚇到大叫話「帶左BU？」(大丈夫)，咁你要點答？比三個答案你揀：
A. 小男人！
B. 帶左BU (大丈夫！)
C. Fine, OK.

答案：當然係B啦，答A果個真係低能。答C，你講咗等於冇講，因為都唔係好多人識聽英文。答B就最好了。日本話有樣特點，好多基本對話，人講乜你講乜都冇問題，例如「呀Le架多」(多謝)呀，「多佐」(你先丫)等等，佢講同我講都得。其實重有 D ，就係唔出聲，扮啞 :X 。

預告
Day 4 繼續長崎之行，一日內夾埋洗咗近一萬Yen呀！Day56789要起街乞食了，一係就餐餐$399便當。另外重有長崎特產カステラ (Castella) 洗腦之迷。

旅遊/觀光, 消閒/嗜好回應的RSS 按此回應暫時未有引用通告 (0)
2006年03月28日

唔識日文的自殺日本遊 DAY 2 之東京國際動畫展2006 (3月25日)

由於行程關係，無法於Day2 晚寫起個Blog，冇法。Day2 全日就只係得一個行程，就係去東京國際動畫展2006。但場內大部份地方都禁此攝影，所以唔可以狂影相。

裏面分為幾部份，有一些歷代動畫家的介紹展館，另一個是動畫製作過程的介紹展出，例如點樣去作啲環境聲音等等，還有介紹一些有名的聲優，以及播出配音動畫的片段，包括有綠川光、川澄綾子、林源惠、石田彰、保志總一郎等等。
最有趣的是有兩個可以比參觀者試玩的配音「街機」。你可以選擇動畫/情節，然後畫面會先播放原裝配音版，播完一次後，就到你聽住及對住咪配番出黎，畫面除了有片段外，還有對白，以及評分(相似度)等，極為有趣。另外還有一些原畫展出，以及新進動畫/設計家的展覽。 (由於以上內容都唔比影相，所以大家估下係點啦)

返回主題，其餘的地方就係各大動畫製作商 Show Off 時候，你Up得出的都有（例如：AT-X、avex、Bandai、BROCCOLI、DENTSU、GAINAX、KONAMI、MADHOSE、NHK、PONY、STUDIO 4C、SUNRISE、TV Tokyo、WOWOW、XEBEC、等等等等，主要都係宣傳呢家及將會播放的動畫節目，狂派大量單張、Postcard等，另外還有Stamp印，例如地獄少女、EVA、柯南等，去晒指定的booth 印晒d Stamp 就可以換取禮物。另外當然重有一些宣傳的Function，例如聲優、歌手等等啦。亦有一啲冇乜興趣的booth，例如動畫/聲優學校、堔圳/北京的 Production house、反翻版booth (展出好多香港翻版DVD)等。

場內重見到一隊美國的Anime Press 攝制隊黎訪問特登由美國黎的參觀者，我行咗幾個轉，都見到二、三十個外國人，都算難得。原本我重想影架IGPX的模型車，但被職員話唔比影相…喊…

睇完就用咗七個鐘時間由東京坐車去長崎。

由於用Rail Pass 關係，唔可以用啲特快火車(即係唔係站站停)，所以就要買啲站站停的火車，另外就要轉幾次車，總共轉咗三次…未計之前重要搭一次地鐵加一次火車去品川。不過，用七個鐘嘅時間就由東京去到長崎，日本的子彈火車真係好鬼快。

不過，由於趕火車，冇時間去食飯，所以晚餐就只係呢幾件麵包，咁午餐呢？就係399yen 起便利店買的意粉便當。好似電波少年走難咁。呢樣都算，跟住不幸的事件就發生了，入住晒動畫展D單張的紙袋，一出長崎架火車，未行到去出閘，就爛咗了……….幸好還頂爛上咁番到去hotel。

點算一下，原來囉咗好多好多單張、Card，重有Files同埋雜誌。

50000Yen遊日本！
今日，真係買嘅野，就只係起場內的Keroro公仔，300yen，平到嚇死你，緊係要買啦！
尋日有現金 $42920 yen (HK$2834)
減去今日支出：
搭車 ($230,$320) = $550 (HK$36)
飲品 ($150,$140) = $290 (HK$19)
午餐 $399 (HK$26)
Keroro公仔4盒 $1200 (HK$79)
共用了 $2439，餘下7日，有現金 $40481yen (HK$2673)

日語一分鐘
經過呢兩日，精選咗啲成日用到但你唔識就唔掂嘅日文！搵個唔識日文嘅我黎教日文，教錯大家咪大檸樂？嘿！
切符【きっぷ】－車飛咁解，搭火車，間唔中會有職員查飛，唔識就唔知佢做乜了。
激安【げきやす】－起街邊啲Banner會經常寫住「激安」，意思就係貨品減價去非常便宜，近似「割引」【割引】(減價)。
大盛【おおも】－個午餐意粉咪印住「大盛」，即係比一般大啲的器皿。就好似老麥的「加大」。
間も無く【まもなく】－搭地鐵火車經常都會聽到廣播，一開始就講「まもなく」，原來係解「即將」(Soon)，[好快到下一個站，東京。]
生命【せいめい】－間唔中會見到一啲公司招牌，XX生命、YY生命，呢啲公司係做保險的，而「生命」就係指人壽保險。

小傻新，豆知識！
今天繼續豆知識，今日講下火車。每架長途火車車位都有一個火車指示圖，講每架車箱的設備，例如邊個車箱有洗手間、可以講電話等。留意一下個圖，佢寫埋車頭同車尾係邊邊。咁你會問，咁樣，回程車又點呢？個人倒轉坐？架車只係單程，來回有兩架車？

原來係車底有個腳制，一踏落去，就可以將成排兩個坐位倒轉。咁，每日都要咁轉有位，咁咪用好多人力？另外，車票有分三種，自由席，指定席(普通)以及Green Car 席。自由席即係冇劃位，咁你就要同人迫，指定席即係劃位，咁就保證有位坐(Miss 咗班車另計，Miss 咗的話，你可以坐番同一日的車，但只可以去自由席)，咁咩係Green Car 呢？架車環保啲？原來係解頭等車卡。不過我眼見，頭等真係冇乜人坐-_-。

預告
Day 3 及 4都會起長崎，而Day4 夜晚就會坐車去熊本，主力推有內容有「巴士、電車初體驗」等等！期待中。

消閒/嗜好, 旅遊/觀光回應的RSS 回應(2) 暫時未有引用通告 (0)
2006年03月26日

唔識日文的自殺日本遊 DAY 1 (3月24日)

一連九天的日本遊終於到來了，雖然尋晚起街玩到成兩三點先番家清埋要帶去的行理，在六點準時出發坐一粒鐘平價巴士去機場，然後等Check-in 及上機。估唔到行程一開始就帶為好運，由於為了同我另一個朋友一齊坐(他當時在香港站Check-in，我就準備在機場Check-in)，將我們由經濟位升級到商務位！！商務位服務同野食都差好遠，而且重有大班倚，岩晒尋晚玩到直落未訓過的我。

一個識聽小小小小小小小小日文但唔識講日文的我，去到日本會點呢？我已經有兩手準備。包括咗 PSP 的Talkman，哈哈，係咪真係Work，咁就要遲下先知了。另外我亦有一本手指日語的書，隨時緊急時候可以用，不過，通常緊急的時候，呢啲書都係未必有用，因為書裏面冇你想講果句日文。

其實呢九日會去邊度呢？對我黎講都唔重要(雖然我起呢一刻係唔太清楚:P)，但黎到日本已經係我其中一個夢想，不過呢家已經實現了。日本24時遊記現在開始！(以下時間全部以日本時間為單位。)

2:20PM一黎到日本開著個電話，就已經比Mailbox 不斷打黎，但我又唔想聽，因為一聽就8蚊，而且重可能係啲好無聊冇留Mail的電話，所以都廢鬼事聽了，留番去到Hotel 上到網搵個HKBN 2B 打去聽下 ($1，都好過$8 係搵吉)。

2:45PM好順利咁過咗開關之後，就開始進入日本世界了！
3:29PM 坐緊JR出東京，大約要坐一小時。
4:30PM 不斷轉JR，路經秋葉原 (電車男!!)，然後到達淺草酒店checkin。上到房就急試HKBN 2b 電話，點之唔work ~_~不過又趕住走去池袋了..

4:58PM 起TSUKUBA Express打SMS比香港同事，睇下可唔以起個VPN黎。
5:30PM坐咗半個鐘JR終於到池袋，終於有機會入一入animate, k-book 等動畫舖頭，不過就冇買任何野，因為day2 已經要去長崎，遲下番黎東京先買。
7:30PM 去咗UNIQLO 掃貨，掃一掃就買咗四千五Yen 衫。價錢真係同香港差唔多，不過款就新同多。

8:15PM 日本啲商場舖頭，八點就關門，真係悶到爆，跟住起池袋食咗餐買飛仔的飯。不過我啲日文真係勁唔掂，已經變咗個啞人。

8:45PM 諗住過一過去涉谷，但最後都係繼續起池袋動畫舖頭睇下。睇得最多係啲三仔商業漫畫/同人誌。佢地幾有趣，有啲新書就會包一本Demo比客睇，有啲同人誌的書就會影印兩頁出黎縮細貼起本Sample書度比你睇。(比你睇晒成本重睇買:p)但影得果啲都係三級部份。另外，有啲新書，重會放大影印咗書中三級頁內容做Sample貼起度比你睇，有啲重係彩色，舖頭入面重幾多日本男人黎買。

10點回Hotel作今日檢討。坐番Free shuttle bus 番hotel，上網問番send 比sms 的同事，問佢幾點收到，大家對番，都係4:58PM，漫遊SMS 都即時收到，果然勁！起咗VPN後，終於可以HKBN 2b 同VNC 等等，另外重睇埋cable news 。(同自己起香港有咩分別?)

50000Yen遊日本！
我身上，扣除頭七日JP Pass 、hotel同機票呢啲開支，只係有5萬Yen，咁我呢五萬Yen 點洗呢？
今日洗咗….
搭一次TSUKUBA EXPRESS 由秋葉原->淺草 hotel ($200)
買一張TSUKUBA EXPRESS 1千Yen 儲值飛 ($1000)，後尾知有儲值飛，唔洗下下買
買咗聽日Anime Fair 入場飛 ($800)
UNIQLO 掃貨($4520 連稅)
晚餐(松屋) ($560)
餘下8日，有現金 $42920yen

每日檢討！

日文都係一個好大問題，發覺連買野，個收銀講乜都唔知，一咪點頭:P，最後找完錢多謝我我又唔知UP乜。係食飯果時，討論過，叫哥哥仔比杯水我日文係乜。(以我的日語程度，就會講：「書呢媽聲，ME書屙呢佳司乜。」(中譯：唔好意思，請給我一杯水。)，不過我朋友就話可以囉起隻杯講：「屙多嘩LEE。」(中譯：再來一杯)。
我係時候囉部talkman 出黎望番啲場境，練番幾句基本日文先。

小傻新，豆知識！
每日都會將起日本見到的新奇事，揀一樣較特別講比大家聽。今日講呢個靜電板。呢塊靜電板起我住間hotel 的lift 入面貼咗起度，原來係話日本冬天靜電好勁，你出街前/番黎時，將手放起呢塊靜電板，就會吸收你身體啲靜電，咁就唔怕開門開電器時比靜電電到。

消閒/嗜好, 旅遊/觀光回應的RSS 回應(2) 暫時未有引用通告 (0)
2006年03月25日

BDay之第一次整蛋糕

一年一度的BDay 又來了，不過今年特別唔同，因為走咗去香子蘭學整蛋糕(!)我從未整過蛋糕架！連飯都唔識煮:P 所以真係大挑戰。成個蛋糕起碼有95%都係親手做架 (除咗啲雞手鴨腳的情況外:P)呢個叫榛子朱古力卷，初頭望落去好似好易架，但原來真係好惡做，幸好最後尾都埋到尾。

晚上囉咗個蛋糕出去同 Friends 食飯，係大排檔黎，食嘅時候，問大排檔老闆囉把刀黎切，佢囉咗把大菜刀出黎，笑爆咀，最後切咗十件大家分。大家都話好味，好在:ppppp

不過講樣野你知，我開始做個餅搓粉前，冇洗到手 PPPPPPPPPP 好在大家都冇食屙，哈哈哈哈，不過我都準備上機去日本了，冇仇報，嘿。

日本見！

隨心回應的RSS 回應(3) 暫時未有引用通告 (0)
2006年03月24日

小事兩則- Animax 遊戲 / PSP Online

1. Animax 有獎問卷調查？

今日路經蘋果網站，見到條Animax亂馬1/2廣告Banner，裏面有個有獎問答遊戲，無聊禁下啦，但見到佢下一頁，有呢條問題：「請選擇你合適的語音廣播」，有日+廣東/英+廣東及日+英揀。

最近Animax將不少下午時段播放的動畫加上廣東話配音播出，而由於不同的收費電視台，都有不同的播放語言(香港寬頻/有線：廣東話+日語、NOWTV：廣東話或日語+英語)，如使用NOWTV的客戶，當在廣東話的節目內，另一種NICAM語言就是英文，並不是日語，令不少動畫迷都反感(包括我在內)，在Animax的官方Forum已經有不少這方面的投訢及意見。所以當見到呢條問題，就覺得Animax係咪起度做緊意見調查。雖然動畫迷都說要求日語，但我亦曾聽過有關英語的支持者。由於晚間的節目並沒有廣東話配音，有日語及英語(美國發行DVD配的版本)，但有一些人對於看節目，並不喜歡聽一些自己不懂的語言，亦不喜歡看字幕，所以他們會選擇聽英文，因為聽得明。咁所以…真係兩難局面…..

2. PSP Online

今日收到email ，SONY 叫我2月24號去囉隻 Network Utility Disc (NUD)。SONY HK 攪咗個 PSP Online 的網站，只會比行貨正版用戶玩，現在有三個月免費使用。不過封Email 就好惡，22號出Email 叫你「務必」24號下午去囉隻碟，痴線的！另一樣，你咪諗住囉隻碟，借比人咪玩到，去PSP Online 前先要登記你部 PSP Serial No 同 MAC Address，而且每個Account 只可改三次Mac Address，要用登記咗的MAC Address 先瀏覽到 PSP Online ，另外重要Firmware 2.5 先可以用到隻 NUD ，所以水機/玩翻版就免問了。不過，其實又係局，呢家話免費三個月，咁三個月之後點計，呢家都冇講，咁即係睇裏面啲內容要另外收費啦，咁即係又係搶你錢。幾錢？唔知…..

但..我3月24號上機去日本了，所以已經搵了朋友幫我去囉，我要去完番黎之後先試到隻碟係乜了……..

電視, 遊戲回應的RSS 按此回應暫時未有引用通告 (0)
2006年03月23日

IT人談IT－資料系統保安手冊

前言：近期IT 至Hit 話題都算是個人資料外洩事件，天天新鮮。看來很像系統出了問題而引致事件，但總離不開是人為的錯失。不過你有沒有留意，這些問題通常都是在Google中發現，會不會是Google的搜索功能強勁了，可以入侵這些網上系統，令個人資料被Google儲起來？Google 是好人還是壞人？(一個有趣的比喻：「系統」是正版，Google 是專破「正版」的「老翻」)

這些事故，官方的解釋，通常都是說系統有問題並已修復，很小機會說是人為錯失(因為可能會被客戶追究)，證監會的事件就另外(因事情攪大，需要有人負責)。普通人聽這些解釋，都覺得可接受，不過我一聽，就非常好笑，很像一個天大的謊話。

先講下證監會的事件，官方說上載有密碼，下載沒有密碼，這位人兄的IT程度真是差得很，這些天大的錯失都可以錯，真的要送去讀書。你不如將你所有銀戶口的密碼寫在 Blog，讓天下間的人分享吧。這些根本與系統無關，就算你的系統有十萬個防火牆，三十層系統加密等等，但將一個已解密的檔案隨意放，有多好的系統也沒有用，完全是個人的知識的問題。送他去讀書吧。

又講講CSL事件，這件事與系統的設計有關了。CSL將一些客戶的資料輸出到 CSV檔，儲存到與系統相同的目錄下，而目錄並沒有保護，可以隨意列出檔案清單(Directory Listing)，這樣，在清單一按下 CSV 檔即可下載。完全犯了系統管理兩大錯誤。

一：將資料輸出到伺服器中可被讀取的位置，就算你的系統需要輸出一個暫存檔案，往後作處理，亦應將它輸出到Web Server無法讀取的目錄下，又或者已被保護/不會列出檔案清單的目錄(例如CHMOD 644/加了 index.html 或 .htaccess / .htpasswd 檔案 [Apache伺服器]等)，由於輸出的檔案，不是在你的系統程式管理下，即是在無需登入檢查之下，亦可讀取檔案。

二：輸出的檔案應該不可直接讀取，最好亦要經過系統檢查下讀取。例如寫一個 download.asp ，首先檢查是否已經登入，然後利用程式的開啟檔案程式碼，開啟檔案、讀取並輸出檔案下載，千萬不要檢查後就以 HTTP Redirect 指向真正的檔案路徑，否則黑客只要用一些可以讀取HTTP Header 的軟件、軟件防火牆，甚至瀏覽器的History，就可以知道檔案的真正位置。

另外最好有檔案下載時間限制，例如系統輸出的檔案，需要在十分鐘內下載，否則系統就會自動刪除這個檔案。這亦可以確保不會在伺服器上留有備份。

最後看看衛訊電訊的維修系統，系統將數百名用戶維修資料外洩。雖然系統的確是有密碼保護，但用了一些「低 B」的保護，就是用了JavaScript 檢查，即是你將瀏覽器的 JavaScript 關閉，就可略過檢查，繼續瀏覽資料。Google 何會理會JavaScript 呢，這個又是天大的笑話。雖然後來系統已更新了，在 ASP 中加入檢查，但在輸出的版面中，仍然只是有JavaScript檢查，即是現在仍然可以看到該個人資料。

看了這三個個案，都是人為的錯失。錯失一：電腦保安知識差！完全貪方便，就讓Google 有機可乘。錯失二：系統設計失誤。由於現在很多公司都需要電腦化，但負責設計系統的人員經驗不足，亦有些人員很像小學生交功課，草草了事，所以就產生保安漏洞。但其實，你現在使用中的電腦，亦可能有不少漏洞，例如沒有Windows Update，沒有安裝/更新防毒軟件，被安裝了不少偷聽/廣告/廣告軟件等等。不過一天沒有爆發，你就沒有理會吧。

由於電腦的普及，但市民對電腦的保安知識並無普及，有些更可以說是完全不懂，所以就很容讓電腦害死你。雖然政府已經有電腦保安事故協調中心，用作向市民推廣資訊保安的認識，但覺得力度不足到一般的小市民，通常是是在有大型事故後，才會在新聞中看到，但很快就變過眼雲煙。

上文雖然只是提了幾項系統設計問題及改善方法，但其實還有很多很基本的系統設計要點及操守，以下列舉兩三點，看看你又做了多少。

在設計自動登入時，不要將用戶密碼以Cookie方式儲在電腦，亦不要以Option的方法即可略過密碼檢查自動登入，例如 autologin=1; 就會自動登入。否則黑客自製一個Cookie 檔案，即可無需密碼就可自動登入。
不要直接將密碼直接儲存到資料庫，最好以單向加密方式儲存(即不可還原)。通常用戶都會以同一個密碼，作為多個系統的登入密碼，如果系統以Plain Text 儲存，黑客亦有機會利用這個密碼去登入或推算其他系統的登入密碼。
如果系統是需要透過互聯網於其他地點連線，但又只限於某些高層人士，不包括小員工，這樣就要在系統設計上加點功夫。例如設定某些戶口可以透過真 IP 登入，而其他戶口只可以經Internal IP (例：192.168.1.X)登入。又或者將系統仍然放在網內，網外無法連線，而高層人士需要透過VPN連接到系統網內，才可登入。
互聯網系統，最好使用SSL 加密方式連線，以確保傳送的資料已被加密；而系統傳送，盡量以 POST 方式傳送，由於用GET方式，網址上會留有填寫的資料，瀏覽器的History 就會留下該資料。

其實還有很多，你有興趣的話，真係找本書看看吧。這些都算是經驗之談吧。

最後，為何會一連數天都有這些問題上報？原因是因為香港人太無聊，走去不停Google 找一下一些人名，你想知你的資料有沒有外洩，在 Google 搜索一下你的姓名試試吧，可能會找到例如畢業錄、抽獎名單、名單等等網站呢。

最最後：你還記得這單新聞嗎？