動畫 DVD 連載雜誌
有日路經童年夢，無聊之制，又見到呢啲動畫 DVD 雜誌，賣十蚊人仔一本(12蚊港紙)。除咗呢本「動畫狂熱」外，重有另外幾本，大致上都係咁，一本薄薄書仔，加兩隻 DVD ，賣港紙12-15蚊，重有一箱舊雜誌，港紙20蚊3本。
望望封面，寫住雙 DVD 8GB 海量動畫， 36集動畫完整收錄，高清畫面 + 悅耳音質。究竟裏面係啲乜呢…8GB 36集有幾「高清」呢？…
一個無聊過頭，咁就走去比錢買番黎望下了…..裏面掛咩頭賣咩肉，番到屋企開部DVD 機睇下就知了….
搭地鐵回家時拆來看，本書仔裏面原來都有內容架播，不過我諗都係起其他雜誌「翻」番黎，都有十幾頁，印刷 OK 啦，要求不要太高 :X 。
隻碟面印都可接受啦，同大陸翻版 DVD 面差唔多咁 (事實上就係大陸翻版 
) 。重點來了，回到家第一件事就係開DVD 機，放隻碟入去睇啦………
燈燈燈燈…………….
“3″ />
哈哈，真係有18集AVI 的Menu比你揀，雖然個Menu 都幾七，但算吧啦…心諗…一隻D4..4GB..18集AVI..即係 18 X 25min…=450min / 60min = 7.5小時..一隻D4 放7.5小時的節目….Quality 都會幾…… 差！咁點都要開睇下裏面係乜架啦，咁揀套乙Hime 睇啦。一睇…..嘩！！！！！大陸Csub！！！！而且畫面都幾差下。……
咁再望埋其他啦，全部都係不同大陸CSUB黎，$10 36集(半月刊)，真係比啲上唔到網/下載速度慢/DL唔到等等的大陸同胞睇，而且重有本書仔！
好，跟住囉隻碟去PC望下啲Video 係乜料。一望之下，係 DVD 格式 (VOB)，但啲片只係 MPEG1 格式，而且重係..平均800 - 1100k 質素，比 VCD 更差 (VCD CBR 1150k) ….
最後一句：好在都係$12蚊買黎玩下……………. 對香港人(尤其好熟上網)黎講，大家都 BT / emule 等等架啦，都識路去搵黎download，而且速度極快，唔同大陸網民，ADSL 1.5MB龜速下載…所以起大陸出呢啲「DVD雜誌」雜誌都幾有作為，而且重有幾本起市場添。至於$10人仔平定貴，我都唔知了，大陸人窮人好窮，有錢人好有錢…..兩個極端世界。
動畫與漫畫
回應的RSS
暫時未有引用通告
2006年02月26日
日式麵包王 - 62-66 集
陳師奶按：一次講五集？你都懶得幾過份 :X
62-63..太耐了，冇乜特別…忘記吧:P
63-64…嘩哈哈哈，一睇見呢個「呀伯」就笑到爬起度…… 又令我諗起呢個Blog……. 如果你唔知呢個呀伯係乜水，咁你要睇下呢個Blog 了，有講的….
哈哈哈，哈哈哈哈！多咗隻字啊！跟住我急急腳又Row 番去開場果時望下，真係有播！！！真係笑爆咀！(你估下TVB播果時，會唔會將個節目都靜雞雞改咗名做「天才麵包師啊」呢？
哈哈哈哈哈哈哈！黑柳結婚3分鐘後離婚了！勁好笑…………. 呢度真係服咗作者的諗頭………
前言：因為呢排冇乜 PSP game 好玩，咁所以就買咗條 2GB DUO 搭車食飯煲 AVI，一日都煲到1.5hr AVI，原來我起街浪費咗好多時間。65-66 就係起地鐵睇的了…….
65-66….睇到呢度…又令我有幻想..如果冠茂是女的就好了 :O
呢集咁鬼 FANS 向的…………………….
出事了！千其咪起地鐵睇麵包王… 會笑到成架地鐵都聽到你啲笑聲 -______________________- ，笑到肚痛．．(黑柳 X、爬地道、黑柳娃娃..)
繼續笑到肚痛…..
警告！勿在地鐵看麵包王….否則…….笑到變傻佬/婆！
動畫與漫畫
回應的RSS
引用通告(1)
無線新聞台殺入NOWTV
PCCW 終於起今日公布了！新電視同PCCW 達成協議，於NOWTV網絡播放新電視內容，一如我地所料，有齊TVB八大頻道(包括無線新聞台)，價錢未有，於六至八星期內開始播放。咁睇下我地的探子，係咪真係40蚊新聞台，23蚊戲劇台等等了。
為咗證實係咪真係冇價錢，我又打去 CS 同申請Hotline，問晒兩邊有冇Plan 同幾錢，佢地都只係答我今日先公布，所以咩都未定，叫我留意PCCW網站等等。
PS: 如果你個3G台，有直播財爺預算案，記住無聊開黎睇:X
電視
回應的RSS
暫時未有引用通告
2006年02月21日
無線新聞台 in NOWTV 收四十蚊一個月？
最近收費電視大戰傳聞就係無線新電視靜靜改名「無線收費電視」然後起NOWTV 落地，但無線一直都唔評論。
今日從相關人士聽到..佢收到 NOWTV 的職員打黎推銷「無線收費電視頻道」，其中包括”精選劇集台+無線大劇院”套餐，話大約廿幾蚊(印像中係$23)，另外話有無線新聞台，但佢話成四十蚊一個月(可能佢聽錯呱，我都話ATV24都係廿五蚊咋播)，個推銷員話會Fax份資料比相關人士，但暫時未收到。
為了證實，我就今日即刻打去NOWTV CS 部sales 兩個部門問，是否已經有TVB頻道申請，CS 話未收到消息，sales 果位就聽到呆咗，話”我地只係得美亞電視劇台”….
咁所以要等消息人士收到份Fax send 比我先可以證實…
但隨住無線以傳播”媒界”方式入主NOWTV，咁ATV24咪真係可以明正言順咁摺埋？李超超早前已傳話因為ATV24不理想，所以先要自己攪頻道，首先攪財經台(3月播)，然後就係攪自家新聞台，當ATV同NOW的合約起今年年尾完就會結束不再比錢，然後TVB又自己有台，咁NOW 的頻道內容就開始強大，而無線亦會準備攪娛樂頻道，如果到時又比埋NOW播，咁NOW 又會更多才地內容，因為一直以黎NOW都係缺乏本地內容。
以收費電視台黎講，有線的本地內容算係最多，亦係強項，所以當NOW由買起ESPN/Star 、HBO等等頻道後，已經對有線係有一定的壓力，而當再NOW開始做埋自家頻道，或同TVB合作聯播頻道拆數，對有線來講更係壓力。其實呢家已經有壓力，例如外國電視劇方面，美亞電視劇台片亦非常之新，例如Touch，新電視亦主打西遊記同步播放，但有線呢一期就只有一套我係金三珣，雖然娛樂台重有其他幾好的節目，例如活得很滋味，呢個星期開始播的精讀班等等，都比冇呢類節目的NOW(東亞衛視唔計)，同TVB暫時一個都冇比，都算仍然係領先。
再以財經頻道黎講，NOW急急在3月推財經台，話要好過CNBC同Bloomberg 等，雖然有線想搶先改名為財經資訊台以首個本地財經台搶頭炮，但外界批評仍然唔係好掂。而有線最掂的新聞台，暫時仍然站穩陣腳，ATV24 雖然已經比初初有改善，但仍然唔得，無線新聞台都OK，不過就做突發就仍然未掂。
但觀眾並非好似我地要求咁高，可能只係睇邊個收費電視有佢想睇的節目，然後搭單要埋一個大家都係果類的野(例如買睇波，就跟一個新聞台)，而一直以前係有線主打的足球體育，都慢慢開始被NOW食走，可能過埋世界杯之後，面對的就係英超續約，外界傳NOW李超超以”必定要到手”的心態去投，但又有傳聞指英超方面想以分豬肉方式去賣，因為一間電視台到手，但佢亦唔會轉播每周全部賽事，所以就想以分豬肉，每間電視台都有部份強隊，再加啲唔Hit的隊，互拉平均，大家得益，又賺多啲，但呢個仍然係傳聞，不過對有線黎講仍然係一個問題，因為可能會令一部份客戶流失去NOW，咁樣都係大鑊。
電視
回應的RSS
暫時未有引用通告
2006年02月18日
HKBN商業寬頻BB100
我屋企條BB100 都重未裝到(仍然係BB10)，但HKBN今日就寄黎推銷商業BB100，好抵$899！公司條和記2MB(簽2MB但用足10MB)，都要五百幾蚊一個月，如果你重係用緊龜速行等PPPOE，可以考慮下:P
隨心
回應的RSS
暫時未有引用通告
2006年02月17日
(0) 
