最愛男人購物狂
過咗十五…逗咗千八蚊利是，派咗六百蚊利是(如果我唔記得派比你的話，唔好意思…下年補番:p，我真係派漏咗比啲好朋友….見諒:p)，都OK啦..(乜你都要派利是？..你唔比我已經………..)，咁跟住就已經做咗Shopping 購物狂… 呢幾日買咗….
1. Philip DVD Player 一部 ($890)
呢部 DVD Player 係 Philip DVD Player 系列中貴果隻級數，因為佢睇到 DivX！咁我就可以燒啲 AVI DVD 起部唔記得29定32吋電視機睇～咁我試過睇咗幾套…你要考慮的因素有…
a. 因為電視有Save Area (即係切邊，咁所以 d AVI 字幕好多時會跌咗出個邊外面，咁好在我個電視機有得Set 16:9 將啲字幕縮番入畫面，但啲人就會扁咗啲，但如果你用LCD TV 果啲就會好啲…
b. AVI 的 fps 同VBR MP3 問題，我試咗幾套…如果果套AVI 的fps 係23.97 的話，電視睇出黎就有啲跳格咁的Feel，但有啲又冇乜事…不過最嚴重係 VBR MP3，你一 Fast Forward 就會甩咀…..
c. RMVB 呀，H323呀，MKV呀，AVI+STR呀…etc… 拜拜…..食自己…咁我就試過將集 24 用VirtualDub + TextSub Encode 個字幕起電視睇，好正！好似睇緊DVD咁！
2. ASUS WL530G Router + 54mbps USB Adapter
今日睇同事檯本上星期的”老母”廣場(冇買十年)，見到ASUS 呢隻WL530G 的廣告， 新春Promotion WL530G + 54mbps USB Adapter 原價6XX 特價 $498，抵到爆！（原本上上星期諗住想買隻WL530囉出旅行用(貪佢夠細隻)，咁望過拍賣場，但都要四舊水….呢家498連埋條USB真係好抵！ 11g Adapter 都想換好耐(呢家用緊張3年前3COM Office Connect PCMCIA)，但一直都睇唔岩啲二手(都好貴)．．咁我就拿拿林叫我同事出開黃金同我買番黎！(鳴謝我好同事:X) 呢家真係一野攪掂晒。
買完番黎一拆黎望，嘩！真係好細隻！細到嚇死你！囉出去旅行用真係好方便…(看下文)，另外再望埋隻火牛，完全係旅行專用，佢跟晒不同的電插，好正！另外條 USB Adapter 跟咗一條電話繩，另外重有一個轉插，方便你可以將條USB 轉不同方向黎插，唔會頂到格黎，好正！原本諗住番到屋企就有54MB 用，點之唔記得屋企隻 AP 只係11b -_-;;算！有錢先換埋屋企AP，隻AP好小用….(真係AP only..not router)..
3. EPSON LX300+ x 2
聲明先，呢部機係幫客買，我好耐冇玩過 dot matrix Printer，今次真係有機會玩番，訂咗兩部printer 比個客用黎print 單用，呢隻係 EPSON 最平的一隻 dot matrix printer 型號，只係千二蚊港紙一部，抵到爆，最長入到 A4紙。我呢家同個客寫緊隻Web Base 的POS 系統，可以Remote access 去埋數，Server 起 Frontend ，直接intranet 咁access 去入單出單，IE print 單，然後 dot matrix 一印兩張(過底紙)咁出單。IE 做呢啲 Printing 好好玩架(玩謝你)，你點諗啲record 一版印幾多條，第二版又要print 過啲header 再印落去，都玩謝你(當然我已經玩咗4年…已經知點玩-_-)，不過今次係dot matrix，咁所以要睇下點就位，同埋張電腦紙唔係A4，係另一隻特別Size,而個printer driver冇得揀呢隻紙亦冇得Custom Size，最初就出事，因為load 紙佢唔可以咁準確一頁一頁上，會Print Print 下走位(呢樣就唔同laser/inkjet 一定係一張張)，最後比我起Google 搵到點樣可以經Windows 做Custom Size 比個Driver，跟住即刻Perfect 晒！太正….
4. 一張去日本的來回機票….
嘿…呢期太多野做了(手上有3個Job on hand 未complete..日日做到冇停手..今朝先又見完客)，做到嘔電，日日話跳樓，所以要去減壓。上個月中Hayame 同我講機票特價，二千蚊來回機票，咁我咪話”去啦”，去就要做，咁就訂咗機票了，機票一千九百尾，連埋Tax二千四(用呀媽張信用卡有200蚊refund)，所以二千二蚊落樓，抵到爆，會起3月24號上機，4月1號番黎，共9日…會同hayame 去，Hotel/行程未定晒，但會由東玩到西，會有幾日起關西。去旅行最麻煩的就係啲客打黎搵我，漫遊好X貴呢，咁我最多諗咗三個方案…
- 將手提所有call飛晒去公司個Mailbox(可以online 聽番)，叫啲客公司野就打比我同事，要我Follow 的就留voice，我夜晚起hotel online 聽番voicemail 處理，有事就打 2b 電話番香港… 但呢個有緊要事上黎就搵唔到我，因為飛晒去mailbox，覆電話都要夜晚，啲客收工啦。
- 起日本開張電話卡，將個2b 經0060飛去日本張card, 手提照飛mailbox, 重要事就打我2b 個number 直接搵到我，再有事就打番回撥番HK。計成本，因為個手提鎖咗，要搵smartone 解鎖要$800，然後要買電話卡(unknown)，再之後要計0060 打去日本(好似$4/min)，再計埋打番HK回撥($7.8/min)，但最後尾Hayame 話日本電話唔係插卡(係播，CDMA -_-)，咁就失敗了….
- 請個秘書，將手提飛晒去秘書，佢同我聽call分類，Urgent 要我處理就SMS我($1/一個)，我就打番回撥番黎($7.8/min)，睇落好似好抵，但請個秘書每日都二百幾蚊啦，去九日…咁即係起碼二千蚊落樓(成本價)，但可能成日都冇Call …..
最後決定呢個方法….
- 照樣漫遊…..我打過去Smartone 問，原來漫遊緊，人地打黎，我唔聽，等到條友收線，我係唔會計1分鐘Charge，但如果我禁咗”Busy”制等佢飛去mailbox的話，會計我Charge。咁有call 我就有佢響，睇Caller ID (會有)，係啲呀豬呀狗打黎，咪有佢飛去smartone 個 VoiceMail(冇得online 聽)，咁重要call咪即聽，跟住如果啲呀豬呀狗留咗message,我就可以夜晚用2b打番smartone 個voice no去聽(收$1聽一次)，咁再用2b覆，咁成本就係$8(當聽8次/晚) + Urgent 要聽的漫遊 + Urgent 要打的回撥… 最平係呢個option…..
突然間係咪覺得好似變咗個師奶咁要計到咁盡呢… 冇法啦，我一日啲電話響過不停…咁當然，如果我真係唔好采去到日本個2b 比hkbn 停咗，或者connect唔到，我重有..打平價PCCW calling card 回撥($4 一分鐘)或者打大陸的ip phone ($1.5一分鐘)，總有方法打番香港，問題只係$$$$
遲下再講日本之旅…..
隨心
回應的RSS
引用通告(4)
2006年02月17日
《超級機械人大戰 魂》演唱會改期改到四、五月……….
早幾日前先諗…買4百五定2百8飛..後來覺得4百五太貴而且我只係聽影山D歌..(太Out了:X),所以決定買2百8….原本尋日下午Online買咗兩張飛…
點之今朝就收到消息話…要改期到4月or5月….都賣緊飛,要改期都幾大鑊…(現在的時間係朝早7:50AM)…睇下下午佢地有冇公布:P
傳聞話….因為某某的簽證問題 (話冇 Passport) ..
好在我唔係果啲七點幾鐘走去信和排隊買飛果啲….只係用15min 起部電腦clickclickclick….
如果佢真係要退票…. online 訂好簡單,佢地都係用paydollar,login 入去起條transaction 禁VOID 或 REFUND 就ok,出去賣飛果啲就麻煩..條友又要親自去舖退錢…真係麻Q煩了 
下午消息：取消了～….呢兩日會公布換票/退票安排….
隨心
回應的RSS
引用通告(5)
2006年02月16日
HKBN2B 話我地址亂填 XD
哈，真係有人去 Verify 個地址，我比咗一年錢架啦！好，我已經入咗個埃及的地址同電話入去(Google~)，睇下又會點
隨心
回應的RSS
暫時未有引用通告
2006年02月15日
舞-乙HiME - 第18集
呢期太忙，都冇時間理個blog……. 下星期會好啲的了-.-
發生咩事大家會散晒，一個捉咗，一個暈咗，一個傷咗，一個冇事咁起學校，一個就飛咗去唔知邊度…真係講唔通-.-(所以都廢事講，等大家自己估啦，講故就唔好駁故)，其實可能係個編劇諗唔掂點樣可以各散東西，但又可以捉走一件，所以事Q彈亂咁黎大爆炸，炸到唔知點咁。
卡爾迪帝國呀肥叔同佢身後個HiME 又出場了，我覺得佢的線眼就係知繪(因為佢同肥叔個HiME 都係田中理惠配，個樣又有小小似)
上個blog講完呢集就講了，地底琴壇(歌、演奏者、守護者)，已經爆埋首歌第三節起真白度…(但應該係愛莉卡成日唱果首)..但又話演奏者係愛莉卡，咁守護者呢？深優？…..
真白後尾真係好鬼慘….佢會點呢…會唔會講佢起沙漠行行下就見到愛莉卡？-_-;;
PS: 乙Hime offical website 個角色Page 終於加咗個Index ，之前只係得個pulldown menu 好黑人憎，另外就係，多咗好多個 ??? 角色….另一樣就係”五柱”呢個欄有兩個??… 會係舞衣同愛莉卡呀媽拿嘛？…
如果你唔怕spoiler..又睇識日文..可以去jp wiki 睇到好detail 的乙hime 內容，唔識日文都唔怕，送個人肉翻譯機比你，不過要小心，因為個wiki 有齊動畫同漫畫版，睇清楚邊段係動畫（アニメ），邊段係漫畫（漫画）。
動畫與漫畫
回應的RSS
暫時未有引用通告
2006年02月15日
舞-乙HiME - 第17集
就快播18架啦，所以拿拿林起飯後消化的時候打咗17先………
一開場咁影住埃爾，肯定有啲古怪…….(例牌的編劇…).. 又 睇緊 SEED 了:~~~~ SEED OP 呀:~~~~
好似第一次見玖我物質化…..係咪呢….
係啦，真係黎人，之前早一集定兩集聽把聲已經覺得似，但後尾冇望番聲優，終於講真係黎人黎(PS:馬後炮!)，咁好似真係舊 hime 角色除咗舞衣同埋楯右一正式出場(OP唔計;p)，其他都出現過晒。..
周街都係奸角！！！！！呢個世界冇個好人！！都話架啦，老土劇情，條手巾仔真係有關係，上集先起blog講完，呢集就出事…
嘩！！！ 漆黑之金剛石！ SEED 呀！！！！ (亞斯蘭 VS 飛鳥！！！)
Stella 呱咗！！！兩架 Gundam 大戰大爆炸呀！！！-_–;;; 睇緊 hime定睇緊 SEED 呢???? 呢個係一個迷…..預告大家好似已經去晒沙漠….加爾德羅貝(呢個國)已經玩完？？
再Recall 番啲迷先….
- EP7 美袋命地底琴壇(歌、演奏者、守護者)，會唔會就係史密斯/凪想要的技術？
- 知繪係邊班的奸角？佢又想做乜？(OP佢與主角同一列，應該係高級奸角！)
- 深優又係乜水？
- 杉浦碧點解要加爾德羅貝？(點解得碧有愕天王，其他都冇:X)
- 點解黎人變咗生化人？
- 舞衣幾時出場？愛莉卡呀媽(?我有冇記錯)..幾時出場？ (Kira ? :X)
- OP 重有幾個新角色…又幾時出場?
動畫與漫畫
回應的RSS
暫時未有引用通告
2006年02月10日
香港寬頻 2b 電話
由於最近要試一啲 IP Phone 的產品，咁就想買一個 USB 電話黎試落一啲軟件度(好似 Skype咁)，咁出面果啲USB電話一個都要二百幾蚊，而且又唔係咁靚仔，咁岩睇見香港寬頻出咗一個 USB電話連一年電話費的套裝，只係賣 $399，計落又幾抵玩，咁咪買件黎玩下順便落 Testing 用。平均即係每個月 $33.3，假如當你個電話要錢($200)的話，平均每個月 $16.5 添。(網上登記的話，每個月係要$48的…)
套裝包括一隻白色電話(睇落都好過200蚊啲核核突突USB電話)，同一包野，裏面有一個 Pin 密碼同一隻 CD 。 CD 係個USB 電話的 Driver ，用黎令到個 USB 電話啲制有反應，但可以唔裝。CD 裏面冇 2b個軟件，你要去番2b個網站 Download 黎裝。(後記#1)
而個 Pin 就最緊要，你要去番 2b 一個指定的網址，入呢個 Pin 就可以啟動個服務，即時揀一個電話號碼(揀咗好耐先搵到個靚Number)，填寫個人資料，佢就會將個密碼Email 比你，咁就可以即刻用到。
由於個USB電話其實都係一個Sound Device(無需Driver)，而Windows 會自己搶新Device，所以如果你想長插個電話，又可以聽歌+講電話，咁你就要起番控制台改小小設定，就係起 Sounds and Audio Devices 入面揀番你張Sound Card，然後剔”Use only default devices” ，咁就唔會發生搶Sound Device情況。
而隻2B軟件裏面，你都可以設定用邊個裝置去聽響聲同對話裝置。例如將電話響聲就用番 Sound Card，而對話就用番個USB 電話 (佢叫 K1010)，咁就可以解決問題，當然你亦都可以用番 USB 電話去做電話響聲，但好細聲下，如果你冇Set Popup 或者唔起電腦面前，就會Miss Call。
2b 個軟件的功能都幾齊全下，如果對方都係2b的話，重可以玩 Video Call 、電子白板、傳送檔案等等，始終呢件野都係北電網絡(Nortel) OEM ，差極有限。不過，我覺得最正的，係佢的飛線功能，完全係值回票價。出面買一個有咁的 Function 的飛線，冇可能以呢個價錢做到。
2b的飛線，並唔係一般飛線咁簡單，可以Set 不同的Profile。當建立一個Profile 之後，可以設定呢個飛線的條件，例如所有來電都飛線、指定電話號碼，或冇來電顯示先飛線。
跟住，你可以設定飛去邊度，包括指定電話號碼、2b的VoiceMail信箱(但未推出)、或者直頭 Reject Call ！最勁係，你可以有兩種的飛線方法，一個係一條路咁飛，號碼1 -> 號碼 2 -> 號碼3 -> 號碼 4 咁…(最多4個)，每個可以Set 響幾多秒之後冇人聽先飛線。另一個係，可以Set 最多4個電話Number，然後一齊響，大家鬥快聽，亦同樣可以Set每個號碼最長響幾耐。呢個真係值回票價！
重未完，你重可以Set 呢個Profile 的有效時間，例如逢星期幾幾點至幾點，任你Set，即係任你定，例如逢星期一至五番工時間就飛去手提，其他時間就唔飛線，凌晨就Reject 晒所有Call，死未！另外亦可以手動隨時去啟動或者停用個Profile，好方便。$33.3 有咁的服務，驚唔驚=.=..
另一樣最關心的就係，食幾多電腦資源…軟件電話，就係食CPU 架啦，以我呢部Celeron 2.4 512MB 雞電腦黎講，平時唔講電話最少化的話，食1.5MB 至 2MB，講緊期間，就食咗我50% CPU，8.5MB RAM，還可接受。
實戰：我打比我個Friends手提，講咗成40分鐘電話，冇斷過線，朋友話話音幾好，Bandwidth大約用 130kb/sec，不算多，冇機會試 Video Call 同其他…。至於如果你想囉番大陸用，咁就祝你好運，大陸Block 得好鬼勁，2b 都係行 SIP 技術，大陸照Block 可也，睇你好唔好采了，其他國家一般都OK，NAT以下都冇乜問題，最緊要冇封 port。
後記#1：我初頭都以為個電話會內置埋個軟件(硬體版)，因為我以前試過一隻USB 手指Flash Memory的產品，係一條128MB USB(RAM)，但有埋Headphone頭同埋個軟件電話起入面(ROM)，你一插條USB入電腦，佢就Autorun ROM入面個softphone，唔洗下下安裝咁煩，囉去周圍用就好方便，同樣內置Sound Device ，唔洗Driver。但呢個usb 電話同出面一樣，冇內置(主要係sofware成日Update啦，唔通叫客flash 個rom 好似update firmware 咁咩。
後記#2：呢個完全係一個漏洞！我埋明買黎試，只會用一年，佢Online 登記個人資料，我亂填落去，Email 就用我起Gmail 開專係用黎收垃圾Email 的A/C，電話地址亂填，身份證又唔係一定要填，信用卡直頭冇問我，咁一年後，佢一定搵唔到我去收錢自動續用，話叉之佢。同埋入咗的個人資料(姓名/出生日期)，起番2b 個客戶管理係冇得改，修改信用卡又未用得，咁佢唔洗指意我會入番落去 :X
咁我亦試過去番Online 登記新號碼(免費試用果個)，佢要你入晒咁多項資料， 身分證必定要入，但唔洗入信用卡，但我暫時就試唔到試用期後續用果版洗唔洗入信用卡，我諗應該要，但呢家買佢果個Pack 再入Pin啟動就唔洗，所以…嘿嘿…
時事/新聞
回應的RSS
引用通告(2)
2006年02月04日
Animax兩週年，節目變晒廣東話
無端端今日 Animax 節目有啲多咗廣東話，例如戀愛小魔女同通靈王，多廣東話唔係問題，但冇得揀番日文就係問題，用NOW TV 的話，雙語99%都係英文(如果果個節目冇配英文先有日文)，而有線同SuperSUN直頭冇，最好係 HKBNTV ，雙語係日文黎。不少觀眾都向 NOWTV 反映，當上個月中 NOWTV Upgrade 後，語言設定變咗 L/R 聲，下下轉台就變咗左邊日文/右邊英文 或 左邊廣東話/右邊英文 麻Q煩的情況。 NOTTV 反映極都冇改善，真係睇到把鬼火…如果你又係同樣係受害者，不如聯署寫信去 Animax 反映下啦！
電視
回應的RSS
暫時未有引用通告
2006年02月01日
(0) 
