新 BLOG - 2008 放眼世界

今日同 Hayame 睇咗練金術劇場版(當然係日文)，咁就起大堂買咗呢個練金術明信片，裏面有兩張大卡同五張細卡，都印得幾靚，而且只係$15，抵到爆，Scan 咗佢入落電腦都好，咁我當然會再善用個Packing，所以就諗下點整佢做一個File。

不過由於個File 細過A4一啲，所以唔可以就咁痴張底紙就得。

好，版面問題，睇睇下面張圖，睇下啲卡先，入面Packing 都OK架，但我就鍾意買啲野，可以用得番，例如卡片就放起啲透明File度，又或者貼起牆或者Board，咁就可以成日睇到，所以我去CW呢家都冇再買漫畫，因為睇完就放埋一邊雪藏。

講講材料先，原本有透明膠紙同魔術貼，但…發覺呢隻魔術貼同隻透明膠紙唔夾，貼唔實，所以最後用咗叮書機…..冇法啦…………如果你唔知邊度有得買魔術貼，我介紹一個地方，裏面真係好似尋寶咁，我好鍾意去行架，就係「姨媽加私」。咁首先，剪咗條魔術貼先，剪到好似右圖咁，毛毛就長啲，鈎果邊一塊仔就夠。跟住，將毛毛就貼起正面的背，貼唔到就釘書機，最背尾就貼鈎果塊，咁因為底冇野頂住，小紙的話，啲紙就會滑出黎，所以底都整一條，咁就攪掂。

都未講過套戲，最尾佢地都過晒過去，呢邊啲人造人都好似瓜晒，咁果邊又用唔到練金術，咁重有咩故仔講？不如改名叫鋼之機械術師/鋼之蒸汽術師吧。故事方面，都OK啦，不過日文版只係得沙田有，真係想睇的話，就要親自入去了。

 動畫與漫畫  回應的RSS 按此回應  暫時未有引用通告   (0)
2006年01月16日

EP14 都出咗，所以拿拿林講埋EP13先，原來舞衣同楯都失晒蹤，唔通最尾果集會出場？呢家都13集(14集都出埋)，呢集又連呀茜都「借啲二」走咗，咁係咪，唔會再出場架啦？咁同上集…..咪一樣….條線完咗？最尾………發生乜事呢…….. 拿拿林睇埋14集先=.=

 動畫與漫畫  回應的RSS 按此回應  引用通告(1)   (0)
2006年01月15日

上個Sem成積出咗了…..出奇地…..兩科都B+….真係估唔到。初頭以為B呀、C呀咁…….吾…求學真是求分數，唔係點畢業。現實黎架。

今年的目標就係去報IVE讀 Digital Media (65331) ，希望收我啦。咁就一邊讀埋個CityU(因為差四科，咁呢個Sem B 讀兩科，下年就睇番自己鍾意果啲科讀埋Last 兩科)，另一邊就入IVE玩，真係玩架。不過暫定五月先入表申請，到時記住提自己先。呢個Sem B 下星期一開學了，番一、三……嘔血的時候又黎了……

 隨心  回應的RSS 回應(5)  暫時未有引用通告   (0)
2006年01月13日

打得興起，咁就順便打埋去NOWTV 客戶服務部反映下我的不滿，包括：

• Animax 訊號雙語係英文，唔係日文，我話HKBN送咗個數碼電視我睇，我發現佢地廣東話節目的雙語係日文，但你地個雙語係英文，一個日本動畫頻道但個雙語係英文聽唔番日文？(呢樣我一直都知，不過扮無知:X)
• Animax 個字幕系統有啲問題，個節目做緊，賣廣告，廣告之後就會即彈句字幕出黎，但對白都未講。但其他收費電視冇咁的情況發生。(我都覺得奇，點解次次賣完廣告都即彈句對白出黎架呢?咁我試過有一日，同時間開住nowbbtv 同hkbntv 一齊睇，發現，HKBNTV 冇事-_-)
• 每十分鐘，個畫面就會彈句數字出黎起四隻角，跟住Show 番個台名，覺得好煩，同埋遮住晒個畫面，曾經打過黎問，但技術Staff只係叫我由隻Modem 去decoder 條cat5由port 1 插去port 2，但根本冇解決過。呢樣我都算忍到。
• 近期個訊號開始唔Stable，有時候睇一個節目，無端端會突然間，Audio 斷斷斷咁，Video冇事，會斷斷咁成5-10分鐘，叫我點睇。

左圖就係NOWBBTV，右圖就係HKBNTV，就係咁了……..

每五至十分鐘，個畫面就會彈堆數字出黎，一陣就會出個台名。

我講完頭兩個問題，個CS聽到呆咗，唔知我UP乜，佢拿拿林搵筆抄低…跟住話會向Animax反映番個問題。第三、四個問題，我話「我呢家都重忍到，但當我頂唔順的，完約咪唔續CUT囉！」跟住CS就拿拿林話：X生，唔好咁講，我地即刻安排師父上黎同你睇下咩問題」…..

約咗聽晚，咁又睇下聽晚咩發展……

 隨心  回應的RSS 按此回應  暫時未有引用通告   (0)

事件繼續….後尾，HKBN打黎問我點解裝唔到個BB100，我又將呢三大「唔得」講佢聽，佢跟住都係話唔得。咁我無聊之下，就打去HKBN客戶投訢組，話反映下對公司Policy 的不滿，後尾，條友解釋話因為同一個ID CARD 起系統會當落一個戶口，所以就唔可以了。

咁我就黎料了，我話：「我比幾十蚊睇數碼電視就有呢啲服務，但點解比多二百蚊用多個服務，原有數碼電視應有的服務冇晒，重要貼錢出張單？我比多兩舊水你賺播，點解我比錢你公司賺反而Service重差咗？我提出拆兩個戶口又唔得，點可能迫我將原本應有的Service Downgrade 咗架？」

後尾電話個CS話，可以用另一個人登記，信用卡用我張卡扣數，咁就可以。咁我話，用另一個人登記，始終唔好播，如果打黎，要對資料，我點知人地D 個人資料？佢就答話你申請咗先，之後可以填份授權書，授權我去處理呢個戶口，咁到時你(我)打去客戶查詢時就可以用我的資料。咁我詳細問果份授權書全名係乜同埋點囉，佢就答：你搵張白紙寫份授權書，寫完雙方簽名，跟住Fax番黎比我地，我地就會入落電腦處理。

最後我就問佢，始終用人地資料都唔係咁好啦，你公司可唔可以改善下啲Policy，令到我好唔方便囉。佢就當然例牌話會同公司反映下啦。但我通常打去屌完都唔覺有反映過囉 :X

PS：起講緊的期間，無端端講講下對方冇聲，跟住不斷咁重播 “X生” (我個姓氏)呢句說話，後尾隔成分鐘先聽番個CS講野，話線路發生錯誤。可能條友禁咗playback 制不斷Loop咗佢果邊對話:X

 隨心  回應的RSS 回應(2)  暫時未有引用通告   (0)

因為我個cyber express 月尾完，呢家申請定BB100等月尾黎裝啦，咁望完份表格，見到例牌式月費單$20同信用卡自動過數，咁我睇緊數碼電視郵寄月費單都唔需要$20，又唔須要一定信用卡過數，咁我咪打去CS 問下囉。問佢三條問題就有以下回覆….

問：我用緊數碼電視，數碼電視冇收我$20郵寄月費單，我可唔可以裝bb100，但繼續收郵寄月費單，但唔收$20。
答：唔得！

問：我數碼電視唔洗用信用卡自動過數，但bb100一定要我用信用卡過數，有冇得唔洗用信用卡自動過數。
答：唔得！

問：我可唔可以拆做兩個戶口號碼，一個戶口號碼係數碼電視，另一個係寬頻上網？而數碼電視繼續郵寄月費單同唔洗信用卡自動過數？
答：唔得！

咩都唔得，咁咪唔裝囉。不過佢話，可以搵你屋企人申請，咁就可以另一個戶口號碼，但又要驚動大人，麻麻煩煩……….王維基，你真係要改改公司啲Policy先得了，收我$28一個月的寬頻電視就咩都得，收我$188的BB100就咩都唔得，冇合約又點？

 隨心  回應的RSS 回應(1)  暫時未有引用通告   (0)
2006年01月12日

放工番黎，諗住睇番錄咗的 Animax 節目，點之個HKBNTV 又 Reset 咗，通常Reset 就係加咗或減咗台，咁咪望下囉，原來加咗個叫會考A台 -.-

呢家會考 A 台有中英數睇，暫時都係第一集啦，內容都係講三份卷的簡介，咁我今年無聊報咗會考英文卷二，咁當然禁去睇下講乜啦，睇落就同出去補習社果啲咁，不過變咗睇 Video 囉，節目長短…呢家睇落好似幾短，好似20-25分鐘咁，可能第一集介紹呱，之後再睇下先，我都要會考架！

哦，原來呢三個老師楚鋒、Mia Wong 同S-Men係當代書院啲補習老師黎，真係冇留意，可能我冇買果啲年青人雜誌啦(我老餅咗:X)，有冇料就唔知了，HKBN有冇錢攪埋其他科呢？咁會唔會有會考B、C、D、E、F、U台呢

最後，禁藍色搖控器就可以去下載筆記，點用電視下載呢？原來係Email 比你，咁你先揀咗要D/L邊份筆記，跟住入你個電郵，佢又幾方便，預試咗幾個常用的 Domain，gmail、yahoo、hotmail 都有，跟住禁確定就會Email 比你，跟住即刻收到，內容都OK架，見得下人囉 :X

HKBNTV 起呢方面都好進取，主力谷師奶級收費電視台，不過佢呢期果個小學生問功課好似開始收視下跌，直播時段好似CUT左好多咁… Dunno….. 28蚊一個月好似好抵睇添 PP

 娛樂/影視  回應的RSS 回應(2)  暫時未有引用通告   (0)
2006年01月10日