炒埋一碟一BLOG過
1. CU 未完之約
最近公務極為忙，日日做到冇停手，早兩日做到朝早六點Cable早晨，12點又繼續做，不過今日都要懶下，所以走咗去中大未完之約，今次CU雖然人小小，但CU荷花池係好景黎。今次我做番攝影”人士”(我唔適合用”師”呢個字形容自己，用”人士”就岩聽啲，冇咁的Quali就咪戴咁大頂帽)，太凍了…….8度=.=……. 真係咪玩我:P
o衣?點解右邊張相…唔係Cosplayer黎？Post 人地出黎就咪好啦，次次我都係放張果度環境的相之嘛…. 會展場地係差在我唔會再影… 部 CHEAP 雞相機，影完番到去張張都唔見得人，一係就手震，一係就Under….影完番去張張都係delete 咁… 咁唔鬼影好過，CW展貿又係咁….唉……。
2. 活得很滋味 - 蘇施黃
蘇施黃番黎了，我都係早幾日起地鐵車箱果啲字幕新聞睇到佢話番去做節目，跟住同車的「某君」話：「佢早排乳癌丫嘛」，我話：「吓？」……. 突然間太OUT添…… 後尾番黎 Search 番先睇番啲新聞睇番先知發生咩事。我都幾鍾意睇佢節目，真係好鬼好笑，但又學到下野，雖然我唔識煮餸，但我識做三樣野：
- 開個生麵，加熱水，放入微波爐叮四分鐘，食得…
- 開個公仔麵，加熱水，等四分鐘，食得…
- 放咖啡粉，加金黃糖，加奶，加水，攪攪攪攪攪，飲得…
我可以一日三餐都係公仔麵的……..IT超人就係咁-.-
3. 練金術－1‧12結局結成
唉…講起睇戲，聖誕有好多戲都未有時間去睇，碟都可能出了，例如…如果冇人愛啦，哈你波凸啦等等等…下星期又有一套練金了，不過都幾有趣，一來 TVB 播唔切(之前太多個星期停播…)，呢家攪到一星期播兩集，戲又要趕住出，因為檔期問題啦，咁就攪到，每星期追電視的小朋友，唔知講緊乜，就要入戲院睇了-__-，如何填補中間的空窿？…呢家先播到39集，重有13集，一星期播兩集，咁即係重有7星期..過年又肯定停播架啦，咁即係播到三月尾啦，套戲都落埋畫出埋正版DVD都似.. (講起DVD,哈爾DVD 都出咗，但冇$$$買… 銀行戶口得番廿蚊！)
另一樣，睇啲Newsgroups講，配音，只係得兩個主角係TVB配音外，其他都係DVD果班街外配音員，因為$$$$問題囉。請TVB配音員做街外Show，TVB要收錢架，因為合約問題，TVB合約配音員，接街外Show，首先要向TVB申請，填有幾多錢袋，睇下TVB批唔批啦，跟住然後重要比番某個 % 比TVB做commission。請番TVB配音員配，七除八扣一定高過街外自由身架啦，另外就係，走出去配，佢地要請假/調假，如果成Team TVB配音組配練金果啲去晒配套電影，咁咪冇人番工? :X
4. 琴琴首次坐廠
琴琴今日首次起TVB坐廠，Newsgroups 啲友仔已經小話日日都係珠珠+李臻好悶播….咁囉…我都話開個盤..睇下幾時友人陳家珍由TVBN 過去 630坐廠…(附送珠珠「做扒」相一張)。
生活
回應的RSS
暫時未有引用通告
2006年01月08日
高達展2005
寫寫下唔記得寫埋佢，所以過咗年先Post出黎-_- ，31號路經黃埔，所以就順路去紅磡睇下呢個年年都係冇咩睇的高達展。大型模型陣小咗，得番三個定四個，高達模型就多到睇唔晒。成個場覺得都細咗，以前有啲高達房，呢家都冇埋，大就大咗起啲賺錢方，例如咩咩遊戲、賣模型同埋卡Game。去咗三四個字就悶場離開。…… (我不是高達Fans :X)
消閒/嗜好
回應的RSS
暫時未有引用通告
2006年01月02日
偷懶之南丫島一日遊
前言：呢個南丫島一日遊…已經係DELAY了，原本係諗住12月27號話去，但唔知醒，跟住改做今日30號。同埋，我冇同任何起IRC上面的友仔提過我30號去，只係提過27號去，但唔知醒去唔成，咁就可以Test 下有幾多IRC宗實Fans 有睇我個Blogs ：X。最後，點解會去南丫島，又係有故仔，早兩個月(?)睇活得很滋味，介紹南丫島，講到好似好正咁，咪諗住話去行下囉，咁就安排咗聖誕打後去…點之…。已經特登今日唔去睇玉置成實架啦！
咁我揀咗坐船去榕樹灣，跟住由榕樹灣行去索罟灣，再行番去榕樹灣。索罟灣好Q悶．．只係食海鮮，但如果行去石排灣一個轉，要兩個鐘，再行番榕樹灣，再行一個轉，真係腳斷。
一路行山，海景都幾好，不過就多咗個發電廠…..呢排南丫島出名在…多咗個風力發電，但，好難影，又行唔到去影，最近只係影到個頂頂，
天后廟只係去咗索罟灣果個，榕樹灣果個，完全搵唔到有路牌教去-.-，不過都係冇咩睇-_-有趣的係，路經啲菜田，見到呢隻人公仔=.=
終於去咗一間活得很滋味介紹過的Coffee Shop，試咗一件Cake同一杯Coffee….味道很好。呢間野用啲有機蔬菜同埋公平貿易的咖啡豆，但價錢又唔係貴播。Cake+Coffee+10%都係55蚊，平過Paxxxic/Starxxx。
呢間Coffee亦有啲舊書可以比你慢慢睇，有啲重可以賣(2手)，有啲重可以借走，我都囉咗本書睇下。(有冇發現我重未剪頭髮？因為未有錢$$$，有啲想電蛇仔…:p)，重有Free “Wireless” 上網，雖然佢有部PC比你上網，但五毫子一分鐘………自備Notebook吧！我試過 PSP 上網 OK架，Check到Email，不過最衰PSP 上唔到IRC 同MSN….. SONY！聽到我的聲音嘛？聽埋呢句：SONY PSP 睇到 WMV 同 Video Streaming 就正了！咁就真係流動影院！可以起街睇Video Streaming 播！！！唔洗再帶部Notebook睇WTO :X
手信方面，就只係買咗呢個…細細個的蘿…. 個面有好多唔同款，最後揀咗呢個，幾有趣。
其他啲舖頭，好多都係啲木製手鏈同埋裝飾品，唔岩我。
另一樣有趣事係呢間起榕樹灣的匯豐，果然唔休做，只係開二四六，好銀行！最後，好攰…行咗兩個鐘山咁……另外就係今朝落雨，好在入到去冇雨落好好天，唔係就白去一次..
消閒/嗜好
回應的RSS
暫時未有引用通告
2005年12月30日
LocoRoco
今年AGS 真係差到冇人有…. 尤其怪叔叔嚇死你…場內又搵笨，似個電腦展咁，入到去半個鐘就行番出黎，印像分係負80，所以都唔想提…… 聖誕當日，去咗兩個鐘就閃了(其實係約咗Friends 打邊爐 :X)，入到去，最有價值唔係排果條長龍睇PS3 Demo片(我冇排)，而係起果啲 PSP Games Hotspot 試咗呢隻 LocoRoco，低B得黎又幾好玩。
呢個Demo可以玩到一關，遊戲就係你只係用L/R 制控制個舞台，令到呢Pat野，由起點去到終點，中途你要食啲生果去令到自己變大，但又要避開啲敵人，亦可以放電，Pat落自己度，打散自己去行啲路(覺得係一條條腸咁-.-)，同埋去食啲好難食啲生果。
雖然隻Game 真係過份低B，但玩過都幾有趣，買新就要諗下了….. (二手都可以)…. 不過呢家我最想試係隻繁體版 Talkman ，係咪真係講廣東話？定係都係國語(將原本隻簡體中文版轉啲繁體Fonts 就算)，我覺得最好有晒廣東話同國語兩樣啦(貪心)，如果係舊國語版，咁我就可以一次過日文、韓文同埋國語，都幾有趣，不過聽啲Comments 話Load碟慢….. 呢樣…玩得PS都知Load 碟慢架啦，已經唔係新鮮事。等緊有錢時買 Talkman 二手(起拍賣場見到$250)
又講下提外話，去完AGS 後，身邊啲Friends 都問我「睇相」(我出Cosplay張相)，好老實講，我自己都唔敢睇番自己啲相，因為自己都覺得好嚇人:X，啲Friends 睇完都話嚇親:ppp，我都係第一次出假髮，戴完一個鐘之後，個頭熱到爆+即刻成個頭Lup晒！(PS：你係咪冇洗頭！)真係以後唔會再戴-_-。同埋，我又冇時間去剪頭髮(係冇錢去剪..剪一剪又剪我八舊水-_-$$$$$，成日比人串我，搵個高級名髮型師剪，剪一剪冇一千都唔洗落樓，緊係唔係啦！)，我一年剪兩次頭架咋=.=;;;;;
不過睇番Cosplayer Forum，見到好多cosplayer 都講佢地發生啲怪事，例如「非禮」事件、怪叔叔事件、影腳佬事件、派紙仔事件、實Q事件、封廁所事件、等等等等。AGS 真係好似個名臭晒咁……重話同 SONY爭取有更衣室同Locker，叫會展改善一下啲實Q同提供一個好啲的Area比Cosplayer 重好啦，最好就有啲義工做下Cosplayer實Q，睇實啲怪叔叔怪行為….好在冇怪叔叔會揀我 :X
但對我以前係影相佬(呢家都係)黎講，會展係一個好差的地方，燈光問題，背光之如，夜小小已經影唔到，一部低級相機起會展影野係必炒(Under)，第二差係九龍灣展貿，啲燈又係古古怪怪。
PS:其實一定係我部相機太差了！換部萬幾蚊的CCD機+支勁鏡，再學某SONY怪叔叔，狂閃廿張，揀一張，咁就Perfect。
遊戲
回應的RSS
暫時未有引用通告
2005年12月29日
原地踏步‧向前一步‧停滯不前
圖1：許仕仁在五號政改否決對後見記者。
5號政改一Q清袋大局已定，許仕仁就拿拿林開記者會怒屌、發老啤，個個都鬧，不斷推波，一咪講自己冇錯，錯係果啲立法局議員同點名果兩個人士，真係「老許推波」。我從來都對5號政改冇表態，所以不會話贊成定反對，但今日議員及許仕仁、林瑞麟大家互推波，大家互插，某部份已經令我反感，再加埋早排曾生硬銷政改，電視廣告、街頭簽名等等…比起23條更惡頂。
另一樣想講就係「人數」，今日大部份支持的人士都不斷拋一堆數字出黎，話係主流民意，曾生上次遊行又唔講數字，民建聯個簽名會就話有近八十萬個簽名，早排早央先話兩邊的民意都要聽，呢家就話要聽主流民意要贊成，所以都幾「神又係你，鬼又係你」。乜都你講晒。
圖2：許仕仁在早前於關注大聯盟收集簽名送收政府後見記者。
經過呢幾日之後，政府同民建聯係咩關係？曾生同許生見記者後面都一班民建聯，民建聯黨政府？香港的政黨、政府、政治氣候都仍然係「得把口老吹」，同埋重有「中央」最後話事權，咁其實如果中央一直BAN你啲07/08、2012的話，佢都可以BAN到去2047，不如討論普選時間表前，不如叫中央定個普選年份出黎好過啦，就算話呢家有70%民意係2012普選，中央又黎一個「解話」，隨時「解話」到2047你都吹佢唔脹。
圖3：陳方安生日前見記者，叫曾生公開解釋。
最近陳方安生多次表態，令外界估計她會去選07特首，或者組「手袋黨」，但她表明不會。我覺得佢呢家話不會係唔想影響曾生現時的總治，因為佢出聲話選特首的話，大家就會有比較，隨時會反映曾生無能同失職。不過我覺得，如果陳太出黎選特首或者組黨，香港政界都會幾有趣，可能有180度大改變。至少可以改變呢家三大黨的特點：「為做中央的走狗而贊成」黨、「為做政府的走狗而贊成」黨，以及「為反對而反對」黨。如果陳太做特首，香港更加有趣，可能會脫離董生的「中央扯線特首」，以及曾生的「獨孤推銷員」，令香港注入新機。
圖4：曾蔭權於電視發表講話
最後，曾生呢一戰，輸得好核突，一咪硬銷，最初叫大家行一步，跟住就玩恐嚇，反對就乜Q都冇，停滯不前。講得衰啲，佢呢戰重差過喬治布殊出戰伊拉克，一個推銷員出生，呢家就硬銷貨品，但令買家反感，最後佢就輸粒糖，香港輸粒廠，誰錯呢？誰最大責任？相信呢兩個問題會起聖誕有排討論……
圖5：蔡素玉於上年立法會選舉論壇中，說民建聯在政網上有07/08普選。
我都覺得，好簡單，最終要普選嘛，咁話要討論幾時普選，曾生肯的話，攪個公投，叫香港市民投票選出幾時普選，最多人選果個年份就係最終普選的年份，大家都係想知幾時係終點，中間的過程都只係「循序漸進」，咁咪除開佢一件件咁進囉。雙贏的方案係大家傾出黎，政府唔讓步，民主派唔讓步(政府係讓步，但唔係讓前面的路)，其他民建聯/自由黨呢啲只係應聲虫，政府話A佢就A，政府話B佢就B…但最後市民一亂就轉軚。
時事/新聞
回應的RSS
暫時未有引用通告
2005年12月22日
(0) 
