新 BLOG - 2009起死回生

事件繼續….後尾，HKBN打黎問我點解裝唔到個BB100，我又將呢三大「唔得」講佢聽，佢跟住都係話唔得。咁我無聊之下，就打去HKBN客戶投訢組，話反映下對公司Policy 的不滿，後尾，條友解釋話因為同一個ID CARD 起系統會當落一個戶口，所以就唔可以了。

咁我就黎料了，我話：「我比幾十蚊睇數碼電視就有呢啲服務，但點解比多二百蚊用多個服務，原有數碼電視應有的服務冇晒，重要貼錢出張單？我比多兩舊水你賺播，點解我比錢你公司賺反而Service重差咗？我提出拆兩個戶口又唔得，點可能迫我將原本應有的Service Downgrade 咗架？」

後尾電話個CS話，可以用另一個人登記，信用卡用我張卡扣數，咁就可以。咁我話，用另一個人登記，始終唔好播，如果打黎，要對資料，我點知人地D 個人資料？佢就答話你申請咗先，之後可以填份授權書，授權我去處理呢個戶口，咁到時你(我)打去客戶查詢時就可以用我的資料。咁我詳細問果份授權書全名係乜同埋點囉，佢就答：你搵張白紙寫份授權書，寫完雙方簽名，跟住Fax番黎比我地，我地就會入落電腦處理。

最後我就問佢，始終用人地資料都唔係咁好啦，你公司可唔可以改善下啲Policy，令到我好唔方便囉。佢就當然例牌話會同公司反映下啦。但我通常打去屌完都唔覺有反映過囉 :X

PS：起講緊的期間，無端端講講下對方冇聲，跟住不斷咁重播 “X生” (我個姓氏)呢句說話，後尾隔成分鐘先聽番個CS講野，話線路發生錯誤。可能條友禁咗playback 制不斷Loop咗佢果邊對話:X

 隨心  回應的RSS 回應(2)  暫時未有引用通告   (0)

因為我個cyber express 月尾完，呢家申請定BB100等月尾黎裝啦，咁望完份表格，見到例牌式月費單$20同信用卡自動過數，咁我睇緊數碼電視郵寄月費單都唔需要$20，又唔須要一定信用卡過數，咁我咪打去CS 問下囉。問佢三條問題就有以下回覆….

問：我用緊數碼電視，數碼電視冇收我$20郵寄月費單，我可唔可以裝bb100，但繼續收郵寄月費單，但唔收$20。
答：唔得！

問：我數碼電視唔洗用信用卡自動過數，但bb100一定要我用信用卡過數，有冇得唔洗用信用卡自動過數。
答：唔得！

問：我可唔可以拆做兩個戶口號碼，一個戶口號碼係數碼電視，另一個係寬頻上網？而數碼電視繼續郵寄月費單同唔洗信用卡自動過數？
答：唔得！

咩都唔得，咁咪唔裝囉。不過佢話，可以搵你屋企人申請，咁就可以另一個戶口號碼，但又要驚動大人，麻麻煩煩……….王維基，你真係要改改公司啲Policy先得了，收我$28一個月的寬頻電視就咩都得，收我$188的BB100就咩都唔得，冇合約又點？

 隨心  回應的RSS 回應(1)  暫時未有引用通告   (0)
2006年01月12日

放工番黎，諗住睇番錄咗的 Animax 節目，點之個HKBNTV 又 Reset 咗，通常Reset 就係加咗或減咗台，咁咪望下囉，原來加咗個叫會考A台 -.-

呢家會考 A 台有中英數睇，暫時都係第一集啦，內容都係講三份卷的簡介，咁我今年無聊報咗會考英文卷二，咁當然禁去睇下講乜啦，睇落就同出去補習社果啲咁，不過變咗睇 Video 囉，節目長短…呢家睇落好似幾短，好似20-25分鐘咁，可能第一集介紹呱，之後再睇下先，我都要會考架！

哦，原來呢三個老師楚鋒、Mia Wong 同S-Men係當代書院啲補習老師黎，真係冇留意，可能我冇買果啲年青人雜誌啦(我老餅咗:X)，有冇料就唔知了，HKBN有冇錢攪埋其他科呢？咁會唔會有會考B、C、D、E、F、U台呢

最後，禁藍色搖控器就可以去下載筆記，點用電視下載呢？原來係Email 比你，咁你先揀咗要D/L邊份筆記，跟住入你個電郵，佢又幾方便，預試咗幾個常用的 Domain，gmail、yahoo、hotmail 都有，跟住禁確定就會Email 比你，跟住即刻收到，內容都OK架，見得下人囉 :X

HKBNTV 起呢方面都好進取，主力谷師奶級收費電視台，不過佢呢期果個小學生問功課好似開始收視下跌，直播時段好似CUT左好多咁… Dunno….. 28蚊一個月好似好抵睇添 PP

 娛樂/影視  回應的RSS 回應(2)  暫時未有引用通告   (0)
2006年01月10日

1. CU 未完之約

最近公務極為忙，日日做到冇停手，早兩日做到朝早六點Cable早晨，12點又繼續做，不過今日都要懶下，所以走咗去中大未完之約，今次CU雖然人小小，但CU荷花池係好景黎。今次我做番攝影”人士”(我唔適合用”師”呢個字形容自己，用”人士”就岩聽啲，冇咁的Quali就咪戴咁大頂帽)，太凍了…….8度=.=……. 真係咪玩我:P
o衣?點解右邊張相…唔係Cosplayer黎？Post 人地出黎就咪好啦，次次我都係放張果度環境的相之嘛…. 會展場地係差在我唔會再影… 部 CHEAP 雞相機，影完番到去張張都唔見得人，一係就手震，一係就Under….影完番去張張都係delete 咁… 咁唔鬼影好過，CW展貿又係咁….唉……。

蘇施黃番黎了，我都係早幾日起地鐵車箱果啲字幕新聞睇到佢話番去做節目，跟住同車的「某君」話：「佢早排乳癌丫嘛」，我話：「吓？」……. 突然間太OUT添…… 後尾番黎 Search 番先睇番啲新聞睇番先知發生咩事。我都幾鍾意睇佢節目，真係好鬼好笑，但又學到下野，雖然我唔識煮餸，但我識做三樣野：

• 開個生麵，加熱水，放入微波爐叮四分鐘，食得…
• 開個公仔麵，加熱水，等四分鐘，食得…
• 放咖啡粉，加金黃糖，加奶，加水，攪攪攪攪攪，飲得…

我可以一日三餐都係公仔麵的……..IT超人就係咁-.-

 生活  回應的RSS 按此回應  暫時未有引用通告   (0)
2006年01月08日

寫寫下唔記得寫埋佢，所以過咗年先Post出黎-_- ，31號路經黃埔，所以就順路去紅磡睇下呢個年年都係冇咩睇的高達展。大型模型陣小咗，得番三個定四個，高達模型就多到睇唔晒。成個場覺得都細咗，以前有啲高達房，呢家都冇埋，大就大咗起啲賺錢方，例如咩咩遊戲、賣模型同埋卡Game。去咗三四個字就悶場離開。…… (我不是高達Fans :X)

 消閒/嗜好  回應的RSS 回應(2)  暫時未有引用通告   (0)
2006年01月02日

前言：呢個南丫島一日遊…已經係DELAY了，原本係諗住12月27號話去，但唔知醒，跟住改做今日30號。同埋，我冇同任何起IRC上面的友仔提過我30號去，只係提過27號去，但唔知醒去唔成，咁就可以Test 下有幾多IRC宗實Fans 有睇我個Blogs ：X。最後，點解會去南丫島，又係有故仔，早兩個月(?)睇活得很滋味，介紹南丫島，講到好似好正咁，咪諗住話去行下囉，咁就安排咗聖誕打後去…點之…。已經特登今日唔去睇玉置成實架啦！

咁我揀咗坐船去榕樹灣，跟住由榕樹灣行去索罟灣，再行番去榕樹灣。索罟灣好Q悶．．只係食海鮮，但如果行去石排灣一個轉，要兩個鐘，再行番榕樹灣，再行一個轉，真係腳斷。

一路行山，海景都幾好，不過就多咗個發電廠…..呢排南丫島出名在…多咗個風力發電，但，好難影，又行唔到去影，最近只係影到個頂頂，

天后廟只係去咗索罟灣果個，榕樹灣果個，完全搵唔到有路牌教去-.-，不過都係冇咩睇-_-有趣的係，路經啲菜田，見到呢隻人公仔=.=

終於去咗一間活得很滋味介紹過的Coffee Shop，試咗一件Cake同一杯Coffee….味道很好。呢間野用啲有機蔬菜同埋公平貿易的咖啡豆，但價錢又唔係貴播。Cake+Coffee+10%都係55蚊，平過Paxxxic/Starxxx。

呢間Coffee亦有啲舊書可以比你慢慢睇，有啲重可以賣(2手)，有啲重可以借走，我都囉咗本書睇下。(有冇發現我重未剪頭髮？因為未有錢$$$，有啲想電蛇仔…:p)，重有Free “Wireless” 上網，雖然佢有部PC比你上網，但五毫子一分鐘………自備Notebook吧！我試過 PSP 上網 OK架，Check到Email，不過最衰PSP 上唔到IRC 同MSN….. SONY！聽到我的聲音嘛？聽埋呢句：SONY PSP 睇到 WMV 同 Video Streaming 就正了！咁就真係流動影院！可以起街睇Video Streaming 播！！！唔洗再帶部Notebook睇WTO :X

手信方面，就只係買咗呢個…細細個的蘿…. 個面有好多唔同款，最後揀咗呢個，幾有趣。

其他啲舖頭，好多都係啲木製手鏈同埋裝飾品，唔岩我。

另一樣有趣事係呢間起榕樹灣的匯豐，果然唔休做，只係開二四六，好銀行！最後，好攰…行咗兩個鐘山咁……另外就係今朝落雨，好在入到去冇雨落好好天，唔係就白去一次..

 消閒/嗜好  回應的RSS 回應(3)  暫時未有引用通告   (0)
2005年12月30日

今年AGS 真係差到冇人有…. 尤其怪叔叔嚇死你…場內又搵笨，似個電腦展咁，入到去半個鐘就行番出黎，印像分係負80，所以都唔想提…… 聖誕當日，去咗兩個鐘就閃了(其實係約咗Friends 打邊爐 :X)，入到去，最有價值唔係排果條長龍睇PS3 Demo片(我冇排)，而係起果啲 PSP Games Hotspot 試咗呢隻 LocoRoco，低B得黎又幾好玩。

呢個Demo可以玩到一關，遊戲就係你只係用L/R 制控制個舞台，令到呢Pat野，由起點去到終點，中途你要食啲生果去令到自己變大，但又要避開啲敵人，亦可以放電，Pat落自己度，打散自己去行啲路(覺得係一條條腸咁-.-)，同埋去食啲好難食啲生果。

雖然隻Game 真係過份低B，但玩過都幾有趣，買新就要諗下了….. (二手都可以)…. 不過呢家我最想試係隻繁體版 Talkman ，係咪真係講廣東話？定係都係國語(將原本隻簡體中文版轉啲繁體Fonts 就算)，我覺得最好有晒廣東話同國語兩樣啦(貪心)，如果係舊國語版，咁我就可以一次過日文、韓文同埋國語，都幾有趣，不過聽啲Comments 話Load碟慢….. 呢樣…玩得PS都知Load 碟慢架啦，已經唔係新鮮事。等緊有錢時買 Talkman 二手(起拍賣場見到$250)

又講下提外話，去完AGS 後，身邊啲Friends 都問我「睇相」(我出Cosplay張相)，好老實講，我自己都唔敢睇番自己啲相，因為自己都覺得好嚇人:X，啲Friends 睇完都話嚇親:ppp，我都係第一次出假髮，戴完一個鐘之後，個頭熱到爆+即刻成個頭Lup晒！(PS：你係咪冇洗頭！)真係以後唔會再戴-_-。同埋，我又冇時間去剪頭髮(係冇錢去剪..剪一剪又剪我八舊水-_-$$$$$，成日比人串我，搵個高級名髮型師剪，剪一剪冇一千都唔洗落樓，緊係唔係啦！)，我一年剪兩次頭架咋=.=;;;;;

不過睇番Cosplayer Forum，見到好多cosplayer 都講佢地發生啲怪事，例如「非禮」事件、怪叔叔事件、影腳佬事件、派紙仔事件、實Q事件、封廁所事件、等等等等。AGS 真係好似個名臭晒咁……重話同 SONY爭取有更衣室同Locker，叫會展改善一下啲實Q同提供一個好啲的Area比Cosplayer 重好啦，最好就有啲義工做下Cosplayer實Q，睇實啲怪叔叔怪行為….好在冇怪叔叔會揀我 :X

但對我以前係影相佬(呢家都係)黎講，會展係一個好差的地方，燈光問題，背光之如，夜小小已經影唔到，一部低級相機起會展影野係必炒(Under)，第二差係九龍灣展貿，啲燈又係古古怪怪。

PS:其實一定係我部相機太差了！換部萬幾蚊的CCD機+支勁鏡，再學某SONY怪叔叔，狂閃廿張，揀一張，咁就Perfect。

 遊戲  回應的RSS 按此回應  暫時未有引用通告   (0)
2005年12月29日