新 BLOG - 2008 放眼世界

再唔寫，好快又一集-.- 呢幕愛莉卡件衫，甩多啲咪好囉，佢甩果時不知幾想會甩埋個胸同個羅 :X (咪發夢，呢套唔係四仔 XD)，不過珠洲城都幾大力，癲咗啲，同埋，今次咁有趣倒轉，唔再係雪之做HiME。有趣在，佢地啲關係同埋性格都完全移植(?)過黎乙HiME，例如珠洲城啲日文錯字、雪之同珠州城關系，珠洲城同靜留啲鬧氣，靜留一句：「你重係冇變呢」，的確由HiME到呢家乙HiME都冇變！

其實一齊入學嘅劇情預咗架啦，唔通踢晒佢地出校咩。懶係要講下交代劇情姐:X

HiME不能同男人有關系，否則就唔可以再做HiME，玫我好遠轉咁話：「同男人戀愛、結婚…做左果啲野之後… 就會失去乙HiME的力量」，即係唔可以上床呀！咁係咪因為咁，愛莉卡十幾年前，佢呀媽就保護到佢，因為失去咗蒼天之青玉同乙HiME的力量…

下集又講乜呢，呢家變咗 TO HEART  GL 校園片 :X 佢話有兩套校服，傷咗套又會點呢…..其實個故仔想講乜呢，想講愛莉卡做番公主？想講愛莉卡打敗外敵？好驚SUNRISE 啲衰野，20集就360度大轉變，話呢家啲怪獸其實只係前戲，每個國家的HiME要互打，打瓜咗，果個國家就會被消滅，最終HiME就成為萬國之王=.= (老作)

 動畫與漫畫  回應的RSS 按此回應  暫時未有引用通告   (0)
2005年11月04日

尋日裝咗 NOW BBTV (o下? #1) ，原本申請時只係買咗一個Animax台 (o下 #2) ，咁諗住呢家即時裝埋 NOW ATV 24 (#3) 。咁當我睇爆晒今日的免費觀看時段，跟住禁 ENTER 訂購，訂購後， ATV 24 台畫面黑晒冇野睇，其他台都睇到，咁諗住佢未即時 Update 到啦，咁今日再開，睇到播，一分鐘後，畫面就 PAUSE 咗了..再轉台再睇，一分鐘又 PAUSE 咗，再轉多次，又係黑晒了…….

跟住打去 NOWBBTV CS ，飛咗去一個Technical Staff，佢叫我 Power Off 再開，唔得，跟住Reset Decoder 再開，都唔得，咁就約咗聽日師父上黎睇。

再跟住個Technical CS 話我只係裝咗兩個台，問我知唔知呢家有買一送一優惠，我話：我唔會再買台，我已經睇緊有線電視同香港寬頻電視，呢個係第三個收費電視。(Technical 都Sales 我?…..)

尋日上黎裝個兩個師父都屌晒鬼，我屋企電話用緊香港寬頻(12月會轉番PCCW)，上網用緊 Cyber Express 3MB (PCCW線)，個師父屌話咁都簽我張單:X，佢地要起屋外搵條線入黎獨立用黎睇NOWTV，因為唔可以用番 Cyber Express 果條電話線，要另外搵條，到12月頭電話線搬番去 PCCW 又屌過:X 不過NOWBBTV 個Decoder 幾好，有兩組 AV OUT + SVIDEO OUT ，好過HKBNTV 我最舊果隻，乜撚都冇，畫面又差。

點解電話會轉番PCCW?.. 因為HKBN 個續約 Plan 收我$108，但 PCCW Sales 我，包 VAS 都唔洗$70(唔係除出黎的平均數)，簽一年約，死未……..所以咪轉番 PCCW 囉。

#1：我相信全港都唔係有好多人會一間屋企裝咗有線電視($278)、香港寬頻電視($88)同NOW寬頻電視($46, 三個都要比錢，唔係送)，如果我裝埋 SuperSUN 就真係齊晒=.=;;; NOW BBTV 呢家呢個「其他電視客戶個買一個台免解碼器費用同冇最低消費」的Promotion 我相信冇得再平，而我只係想睇 Animax (#2)，所以就打去Apply。

#2：點解裝Animax?唔係已經睇緊拿咩? 係…我香港寬頻電視已經睇到，但因為 1. 下年1月到期, 2. 只係得Animax 睇得下(其他台，心照啦) 3. 月費太貴，我相信下年1月到期會加我月費，我HKBNTV 由$8/month 睇到呢家 $88/month，如果$88/month 睇一個我值得睇的台，太貴。所以我諗過當完約就會轉番 CableTV 睇($32/month)。咁但係呢家NOWBBTV $21/month ，又冇其他Charge，如果一年完咗佢要限我最低消費 $67的話，咪 CUT 囉。

#3：點解裝 ATV24？親中台黎架播(#4)。我係一個好鍾意睇新聞台的怪人:X ，我一直都想裝 ATV24 (HKBN NEWS 24 我由佢開台屌到佢呢家，可參看呢個Blog;X) ，我諗過等 HKBNTV 下年一月完咗先買番，但係ATV24一買就12個月約，同 Animax一樣，如果我唔同時間買，咁12個月就會唔同時間完，CUT 的話就會好唔方便，諗過先後，都係決定買番啦，咁起碼同一個月完，價錢唔靚咪 CUT 囉。點之一訂就玩炒咗個台，我覺得，好明顯係 Bugs 黎，個解碼器就認到有Subscribe，所以就冇Show 叫你訂台果條Bar，但System 就認唔到，所以就Block 咗畫面。

#4 亞視「親中」新聞台呢樣，都算係公開的秘密:X ，呢家新聞報道，我睇見每日 TVB 630 已經係「屌」字了。D 資深主播都走晒，尤其男主播，呢家叫得番指手李殝叫見得下人，其他只可以用「唉」字形容。我呢家睇 News 好多時只會睇新聞二台，NOW24 呢家未真正睇過，唔比 Comments (雖然都聽唔少)， 李X庭都番咗有線娛樂台了，HKBN 香港新聞台心照啦， TVB NEWS 24 …er… OK 啦 -.-;;

 隨心  回應的RSS 按此回應  暫時未有引用通告   (0)
2005年11月03日

PS: 都錯得好過份下…………班作畫監督盲的-.-

 動畫與漫畫  回應的RSS 按此回應  暫時未有引用通告   (0)
2005年11月01日

真係吹脹，上集講完柯南今集到銀河鐵路999，真係越黎越亂黎，真係有佢講冇你講。河內咩都唔識，不如炒咗佢啦，做咩第二主角 :X 呢家啲劇情開始越黎越惡頂，希開過咗呢度開始會好啲啦。呢集都冇咩野講，得個 999 笑位囉，下集先講和馬個麵包(?)，期待快啲完呢輯-.-;; (下集劇情重過份=.=;;;;;)

 動畫與漫畫  回應的RSS 回應(1)  暫時未有引用通告   (0)

劇情已經去到二十集了！越黎越緊張！(睇過都咁緊張:X)，巧海「瓜咗」舞衣已經癲咗！成班HiME開始大戰了！下個「瓜」目標將會係楯佑一，命比舞衣拋棄，咁佢會去邊呢？重有幾多個HiME未出場呢？ :X 最後三個星期大家一定要繼續追呀 (不過好驚大家睇到最尾果集…會屌一聲:p)

 動畫與漫畫  回應的RSS 按此回應  暫時未有引用通告   (0)

又係果句，51集都播咗，呢家先講？ -___________;;

劇情越黎越過火，啲對手個個都有「背景」，好似變咗植木? HxH?..定… 呢集笑位唔多，最主要咪黑柳「串」河內果度，中段係咁講 Shadow 背景，聽到又悶又發火-_- 尤其話咩要抽起隻眼先正常，畫到好鬼核突-.-同埋兩條肌肉麻甩佬企起度，又樣衰，好鬼惡頂，睇緊港男咩-.- ;;

後尾劇情講到無端端又多咗小丑呀媽同埋話要上宇宙，下集預告好似睇緊銀河鐵路 999 ，真係睇到「媽」一聲 -.-;; 係咪因為已經睇咗幾十集，對套野越黎越有要求呢？…. 定係我睇得「太多」高質素的節目對呢啲笑料覺得唔夠好笑？ ….有待考證….

 動畫與漫畫  回應的RSS 按此回應  暫時未有引用通告   (0)
2005年10月30日

第四集都播咗了，呢家先講遲唔遲啲呀！冇計啦！想集中番啲文字，所以將文字搬晒最尾，咁樣冇咁散收收，同埋覺得大段咗 :X (心理作用:pp)

咁樣影住真白個胸，企起度就突登多個Shell 起度，肯定係假胸！尼奈望本舊相簿，見到佢老豆同愛莉卡呀媽，其實…佢會唔會係…姊妹? (當我冇講過！你冇聽過！)。

有某某君睇咗第一集話好悶，冇第一輯咁好睇，睇第二集又話悶，跟住話睇埋呢集，話好睇播！真係變得快。靜留呢集雖然打咗小小，但都覺得好好睇了！靜留萬歲！！！清水愛越黎越唔見影了，其實又會唔會….由隻貓變番做HiME ? -.- 起 HiME 世界咩都可以發生:pppp

 動畫與漫畫  回應的RSS 按此回應  暫時未有引用通告   (0)