經過五年零三個月(00年7月買)24小時辛苦耐勞任插入過之下，呢隻 Sercomm IP518H (當年賣千三蚊的 7 Port + Print Server 的 Router) 起今晚8點半突然燒咗了… WAN 燈長著， DHCP/Ping乜鬼都冇反應。..呢家啲Router 太Cheap，用兩用就死，一係就狂斷線，所以我用咁耐都冇換就係因為呢隻起呢方面都幾Stable下。下一個目標將會係 LevelOne FBR-1418TX..祝我好運-.-;;
隨心
回應的RSS
按此回應
暫時未有引用通告
(0)
2005年10月16日
1. 我呢兩三日好 Q 多野做，唔得閒理個 Blog，啲無聊外國佬都唔洗借啲二黎炸我 Comments Spam，炸咗二百幾個 Comments，所以暫時 Disable 咗留言。Delete 啲Comments好易之嘛，打一句sql statement 咪攪掂，你炸我一千個一萬個，我都係一句 sql 攪掂你！不過呢，我總係覺得係因為 Upgrade 咗去 plog 1.02 beta 之後， 裏面的bugs 攪到有 Spam 炸入黎，D Comments Spam IP 又次次唔同，我諗係咪要自己出手寫件 blocker 去入堆keyword 同Block IP Range ，但… 得閒先算-_-
2. 岩岩趕完一份 Assignment，但重有一份individual assignment 同兩份group assignment 排住做，嘔血中… 好在呢個 Sem 冇讀三科咋，讀三科真係嘔血 [呢家讀兩科 + Sit 一科堂]
3. 最近忙於籌備公司改革大計，經常起價格定位同埋資源及成本方面都未能決定，而且將會又有一兩個大客戶準備殺到，都未有時間做番 N 年前堆落黎的工作。
4. 近期有啲 Friends 想約我食飯(唔係 Sales 保險/Finance，係答謝我幫過佢手)，但我星期一至五已經有四晚要番學. (一、三、五番 CityU 星期四繼續番緊配音)，星期六日都想留起屋企食飯，而且… 我呢兩個月簽落都冇印像啲卡數令到我已經破產中….
5. 我好似從未起度講過配音啲野，得閒講下… (老實講，我已經感受到有壓力，力不從心，可能番完呢期之後，放棄的了-_-)
隨心
回應的RSS
按此回應
暫時未有引用通告
(0)
2005年10月16日
又一小時 Special…呢集啲劇情越黎越亂黎了
先黎「走樣麵包王」，成班走樣走到咁恐怖-_-
又出事了，「走樣男柯南」都出埋，條眼媚成隻「小丑」咁樣，河內係咁寸柯南咩收視咩格黎台，係咪你節目收視唔夠人地高，人地做足三百幾集你就得五十集，你妒忌人地做極都高收視咋嘛？哈哈！柯南連黑柳(子安)好多集都冇得「發癲」的訴求都講埋！(都係子安發癲好笑啲 :X)
o下? 小丑無端端比人插咗刀？睇到一舊暈… 做乜無端端咁架，開始亂黎了，但又冇交代做乜鬼插咗刀…眼都凸埋出黎~_~
我冇 Cap 到佢講三粒鐘講番之前啲野，講足三粒鐘，唔怪得電視都要做番一小時 Special 啦！ Special 在講三粒鐘嘛！
難得子安都出場了，不過又懶正經，整麵包果啲道理都唔知係咪真了，睇咗咁多集麵包理論，都唔知係咪真係Work，Work的話，咁即係係咪大家都已經食緊啲咁「勁」的麵包？唔係真的話，咁即係裏面啲理論係假的？真係一個迷 :X
小丑係真有事定扮野架，起架救傷車都咁…睇埋下集重迷離同亂黎-.-
上集有「走樣麵包王」，呢家有「型冠麵包王」！型爆！
咁快瓜到要上天堂?….越黎越發癲….國王個仔係小丑？劇情大發癲了……….國王真樣係咩呢？好似重未出現過播，呢個咁的獅子頭唔係真樣呀嘛？…….小丑都有講番真樣丫..
真係任佢吹，雖然又有理論，國皇個仔都放族失咗跌，都合理的，但…皇后呢？…………….. 冇提過咁播。
國皇咁就瓜咗??????…………. 好似啲劇情去得咁快咁……
小丑知道國皇係佢老豆但又瓜咗，痴咗線了……
哈哈哈哈哈哈！！！！！！！黑柳個「死樣」極為爆笑，同埋，黑柳唔起度時又講番「大叔」…..丫，係「大哥」 :X
咁又一小時極快劇情唔知佢想點的 Special，下集繼續劇情亂黎大戰。
動畫與漫畫
回應的RSS
回應(1)
暫時未有引用通告
(0)
2005年10月16日
1. MTR 車仔
去IFC 睇NANA前，去咗金鐘囉咗呢兩架 MTR 車仔，都成 450分 + $20 換一Set 架(即係900分+$40…)！呢家未夠450分換第3 Set…儲緊中…睇落都幾靚… (證明香港啲交通費好貴，咁都搭地鐵搭咗成千分出黎)…
2. 波係圓嘅！
早幾日訂咗本伍晃榮「波係圓嘅」寄左黎，幾好睇，講咗好多 TVB 內部的野，呢家睇咗大約1/7度啦，有時間會睇埋佢，如果你對佢有興趣，咁你要睇埋張寶華早前著作「新聞背後」了，都好好睇。
講起TVB，今朝睇到啲網站話TVB新聞部又大地震….話走左好多個資深記者，包括邱文華、黃淑玲、陳凱欣、呂秉權等等..黃淑玲同呂秉權會過有線，陳凱欣會去now24財經台。 (以上都係網站傳聞，未能證實)
3. 梁榮忠@GSD
最近各大 Gundam Seed Destiny 都不停惡屌 GSD Final 草草了事收場，今日飯局又提起，就令我諗起早幾日起報章睇到一篇講梁榮忠的訪聞，訪問中講起佢推介 Gundam Seed Destiny ，岩岩 Search 番出黎。不過個訪問都已經係五月尾出街，當知唔知個結局變成咁啦……..
4. Numb3rs (數字搜查線)
最後，我都有準時收看 Numb3rs (一放學就仆番屋企睇了)。呢集講，FBI 要去追尋一個連橫強姦犯，利用受害者提供的資料，推算出犯人住的地方。佢的數學理念係，雖然我地推算唔到兇手下一個落手地點，但我地可以推算番兇手的原點，即係佢住的地方。另外亦提及推出黎的公式過份完美，但人類並不是完美，所以要加入一啲 Noise 令到出黎的答案有誤差。
看完後，令我呢個數學白痴，產生咗個問題：乜真係可以將劇中裏面所講的資料(受害地點)，轉化為一條數學公式，去搵番兇手住的 Hotzone ？係的話，差佬寫隻Software 出黎，每次有案件咪入晒落個Software度，禁個制咪出Hotzone！
隨心
回應的RSS
按此回應
引用通告(1)
(0)
2005年10月12日
睇完 NANA 番黎，覺得好好睇。主線都幾跟番漫畫的情節，咁當然細節上唔係完全同漫畫一樣啦。由於電影上的故事編排，起碼唔會令到你睇漫畫第一冊咁睇到頭暈唔知UP乜(好似冇乜講到-_-)，主線都係放番番起奈奈同娜娜一齊的時間，而娜娜以前的故事主要以插入的方式播番出黎，所以就算冇睇過漫畫，都唔會唔明佢地的關系。
人設方面，個人覺得，最唔似的係奈奈-_-;;，中島美嘉演娜娜好入戲，連個樣好似番漫畫咁，好似個餅印咁。其他 BLACK STONES 同 TRAPNEST 演員的化裝同服飾都都演得好似，淳子都似… 總之係奈奈唔似:X (可能因為漫畫裏面奈奈成日都被畫成”攪笑化”)
場景方面，707房裏面非常跟足漫畫，包括房間、檯、床等等都好足，但一睇就知707房望出去的風景係電腦 key 上去……
睇完之後，覺得起電影版裏面，漏了漫畫裏面一個攪笑元素，就係「幸子」。漫畫裏面，幸子未出場之前，講奈奈經常亂諗野，話會有個叫幸子的女仔出黎搶章司，咁佢就周不時同章司講電話時講「係咪同幸子去街呀」、「同幸子一齊呀」等有幸子呢個名的說話(當時幸子都未出)，咁章司聽完就會問「幸子係邊個？」。咁當你睇漫畫睇到，幸子出場後，比奈奈見到幸子果時，就會笑爆，「幸子？」….電影裏面，冇講過奈奈知道個女仔叫幸子的。
另一樣冇提過，就係大魔王。話說奈奈成日話自己係大魔王附身，永遠得唔到幸福，後來認識左章司，就開始話自己遠離大魔王。後尾佢同章司散咗之後，都好似有提過大魔王的(不太Sure)，可能因為電影版，一開始果度已經係第二冊(坐火車去東京)，所以都Skip 晒了。
你可能會問，漫畫出到十三冊，咁電影講到邊度？呢樣..留番你睇完就會知，咁快講咗就唔好睇架啦 ：P 另外，裏面兩首 Theme Song GLAMOROUS SKY 同 ENDLESS STORY 都非常好聽！推介！Soundtrack DVD 重送埋電影裏面兩場 Live DVD！
總括，都係果句，好睇啦！快睇！11月3日上畫。…另外 NANA 電影網站話，決定製作續集電影版….
PS1: 張飛個編號… 1444777 .. -_-;;
PS2: 機動戰士 Z 高達 星之繼承者 11月10日上畫…….
電影
回應的RSS
按此回應
暫時未有引用通告
(0)
2005年10月12日
喺呢條黃巷嘅巷口度，有一隻狗，佢個名叫做黃汗寒狼。大家或者會覺得好奇怪，點解呢一隻狗會有一個咁得意嘅名呢？講起上嚟其實係有段古嘅。
話說喺東方有一個叫做黃汗寒狼牛牙雅夏蝦嘅國家，呢個國家嘅人都好鍾意養狗嘅，佢地養大嘅狗仲好靚同埋好強壯，但係佢哋飼養狗嘅飼料同一般嘅都好唔同。原來佢哋係用黃汗寒狼嘅焊汗糠嚟到養嘅，養大嘅狗仲吸引咗各國各地嘅人嚟到購買添！其中以壓乞黑國、很肯國、特突國、能單騰國、滑華挖國、心足縮學惡確國、等登燈等國嘅人最多。
而頭先我哋所講嘅黃汗寒狼，呢種咁昂貴嘅狗，就係呢個國家所出產㗎嘞。
隨心
回應的RSS
按此回應
暫時未有引用通告
(0)
2005年10月10日
為咗限制過份多圖但又冇乜字，呢家規定每集只可以最多Cap 十個畫面！哈哈哈～
原來我記錯了，我重以為13集之後爆鑊添，原來應該係十五集之後，同埋原來呀大叔未瓜，我重以為剪咗添。讓大家太早知道爆鑊唔係幾好添，大家當乜都睇唔到 :XXX
舞衣都幾慘，連巧海都掛住忍者唔要佢了！我要獨立！我要整飯盒比晶食！繼續 BL x GL :p 叉開話題先，碧咪話，有12個 HiME (上集其中一個畫面……) ，咁呢家咪數咗七、八個出黎，你地可以開始估下，最後係邊個幾….. (我地以前集集就係咁估，之後就估另一樣…… :X)
哈，突然間連楯都覺得詩帆都好索！男人果然好色！如果你有錄到，留意下佢起間房囉番把木棒出黎果時，地下係有本「咸書」 :X 為咗我呢個每集 Cap 十個圖的精神，所以冇 Cap 。 (咪踢爆我啦，明明Cap 唔到就Cap 唔到啦 :X)
如果你係舞衣，你會揀楯丫，定係揀黎人丫 ，定係繼續同巧海姊妹戀？ ：P 愛情的魔力，誰下擋不住 :X 咁當然，誤會越多，先有故仔講 :X
好慘啊..茜痴咗線，不過佢番生了！(起舞-乙HiME)，大家咪諗住咩財團呀，咩一號呀，咩大炮呀，其實，佢地只係………影響緊你的視線…. (當你睇埋下星期果兩集，保證你肯定小路寶！)
一黎出晒十個圖！大家一定要留意記住呢個黑曜宮，係一個非常重要的地方。等我幫你總結一下一啲重要的要點啦/問題，對未睇過HiME的人士好有幫助（其實係又爆鑊…）
有啲Point 唔敢再提番出黎，驚失去神秘感…. :p
呢次保證，下星期真係爆鑊的了！可以開始怒屌 HiME劇情！
PS: 呢套當然唔係青春校園故事啦！呢套係青春打鬥故事！
動畫與漫畫
回應的RSS
按此回應
暫時未有引用通告
(0)
2005年10月10日
