新 BLOG - 2008 放眼世界

個袋好得意…….

 隨心  回應的RSS 回應(1)  暫時未有引用通告   (0)
2005年10月09日

舞-乙HiME 終於播了！哈哈哈，重回我的舞-HiME 影子！十四年前的野 SKIP 咗了，哈哈哈哈！

果然係舞-HiME(?)，今次又係坐船，不過係起沙漠行的船，上集都重見到命，今集見唔到了………. 

連OP 都同第一輯差唔多咁，尤其畫面的動作設計同分鏡都有啲似第一輯。o衣？右邊張圖果個係咪珠洲城？佢今次都係 HiME？睇黎全世界都係HiME拿！一開OP果幕HiME陣十幾廿件女！我果然係睇緊HiME！

哈哈哈，愛莉卡傻下傻下太有趣了！大鄉理同一個傻妹咁，行路都仆親，有啲似命的影子。提起命，還有下文……..

大家唔好亂諗野呀！臉上面邊果啲係「雪糕」黎架！重露埋底，好 Service 啊！

呢輯HiME的世界觀比上一輯好好多，除咗有學園外，今次重有外面的城市，設計亦幾現代化，沙漠中的城市。迫水老師呢集變咗起皇宮裏面，抱住果隻「貓」就係命(清水愛)了，呢輯被Downgrade 做咗隻貓，真係可憐…. 真白呢次做咗公主，不過就係百厭公主了，相當攪笑。

龍珠龜波氣功？…………….. 

奴獸出黎了，今次妖獸要由人與暗神合體出黎的怪獸，唔同之前果啲，而乙HiME 要有一個主人認證珊瑚舞鬥服（係咁呱，始終係 EP1 未知咁多 :X），「變身」(物質化)個畫面，好 HiME :X (呢套咪 HiME 囉，緊係好HiME啦！)

呢輯玖我可以同靜留經常起埋一齊了～ (GL~~~) 茜都出場了，今次好鬼型！～架車快過皇宮果啲黑箱車(:X)，度門重識咁打開，型到爆～～茜復活了！！！！！重記得呢個Blog 嘛？岩男潤子第一集就有佢了！似乎係主力人物之一播！

靜留果幕好型！不過短過頭，閃一下就話爆咗………..
下集我都要做乙HiME～

好明顯呢輯係將舞-HiME 裏面各種不滿同要求合埋一齊，變成呢套乙女HiME，ED首歌都有名你叫乙女啦！個ED好唔得，懶到出汁….. 繼有茜復活繼續活躍，套校服好有女傭味，玖我同靜留繼續痴埋一齊，珠洲城入圍成為乙HiME等等….睇黎下集殺入校園內，更多HiME影子。

 動畫與漫畫  回應的RSS 按此回應  暫時未有引用通告   (0)
2005年10月09日

尋日下午五點收到一堆 Sober 變種病毒電郵，由於今次 Sober 變種有啲改動，令到一般防毒軟件都認唔到變種，好在六點已經有新的病毒定義更新，但到凌晨，又再收到另一款 Sober 變種，今次Sober 變種會連自己的檔案都有所改變，好在一個鐘後又出咗 Update 。呢件事令我諗起 Symantec 有名的 LiveUpdate之前係一星期先有一次更新，除咗重大病毒之外。

一星期 Update 一次，咁Real-time Protect 有咩用呢？新病毒都防唔到，個軟件又貴過人，出乜鬼。岩岩望到 Norton Anti-Virus 2006就有改動了。呢家 LiveUpdate 變咗三件野，包括LiveUpdate Daily，LiveUpdate Plus 同LiveUpdate Weekly。 Daily 版只係比 Anti-Virus 2006系列及 SAV Corp 10 的用家。 Plus版比Corp客用黎比 Enterprise客戶配合佢的 LiveUpdate Admin Utility用，而 LiveUpdate Weekly 就比番舊客戶繼續每星期Update。

我一向都好反感一星期先 Update一次，咁不如唔好出算吧-_-，而SAV Corp 10重busg到喊，食RAM 加神神地。呢家總算起liveUpdate 加番Daily Update。再唔咁做，其他公司已經係一日Update 幾次，你呢家重係賣名唔賣料，如果用開SAV的公司一爆鑊，下年唔Renew你咁佢咪又做小一個客。

 隨心  回應的RSS 按此回應  暫時未有引用通告   (1)
2005年10月07日

我已經忙記咗N日前Cap 咗FF7AC 啲圖，呢家先諗起。

一開第一隻隻碟，除了有套片本身外，重有其他片段（我喜歡望咗其他野先望主片段:X）

相信FF7AC大家都睇咗，所以都唔鬼Cap，不過，最有趣係第三條Audio Track，係成班聲優一路睇一路傾談（笑多過乜），都幾有趣。

講下啲所謂「特典」，首先有呢個 REMINISCENE OF FF7，將 FF7 遊戲的對白同CG剪成番個故仔，比啲未玩過FF7的觀眾睇番個故仔講乜。

跟住就係一堆 FF7 副產品的 Trailer，電話Game、PS2 Game 等等等….

另外重有一個製作特輯，訪問製作隊伍以及聲優等。

限量版另一隻碟，有剪咗的畫面 Bonus Track，不過都唔係剪咗好多，每條都係幾秒鐘。

另外，重頭戲就係 FF7 Last Order OVA，不過我未睇…..(所以冇圖)

總括，DVD版太正了，畫面靚爆，音樂靚爆！你睇咗AVI/RMVB版的話，就會好有興趣有隻 DVD ！始終AVI/RMVB 都壓咗冇 DVD 咁靚！

 動畫與漫畫  回應的RSS 按此回應  暫時未有引用通告   (0)
2005年10月07日

今集 FMP Second Raid EP 10 帶大家遊香港，因未有時間實地考察，我又冇駕車，有部份是向網友查詢大約位置，如有錯漏，歡迎指點。

先看看香港的地圖，都算Update 播，起碼填咗海的地方都有，唔再係十年前漁港。

啲實景真照抄，連中原地產，七仔呢啲都保留番晒。

呢度叫輝皇豪園，都算係高上的住宅，佢地就係起呢度的高層單位開會。樓下停車場就泊咗兩架貨Van。今次冇畫錯駄盤方向了。上次 RODTV 倒轉咗左右駄。另外「狩人清潔有限公司」的「狩人」係日本用語，係咪應該叫番「獵人」？(請指教)

呢張真係名乎其實一張「假」的駕駛執照。我都相信香港人唔會改個咁的名叫「郭爽慧」（應該係台灣人名），另外左邊拼音，GUO, SHUANG HUI 係國語拼音，但都重岩，最錯係果個中文電碼，三個電碼都唔啱。根據中文編碼網頁裏面的中文商用電碼表，1801係「必」，1109係「壼」，0320係「儒」。我唔知台灣係咪有另一組電碼，但呢度係香港，呢張係香港駕駛執照。張執照後面翻得幾足，真的一樣。

開車了，車由輝煌豪園，路經羅便臣道轉去摩羅廟街。（都唔知岩唔岩的:X）  跟住應該圖２係高主教書院果個位置附近，跟住唔知架車點駛法了，我都唔識。遲啲有時間去實地考察之後再Update 番。

我問過下，圖片3 應該係花園道近美國領事館，跟住架車已經落咗去中環告士打道（圖片４）。

咁就就去到灣仔，轉入會展菲林明道（圖５），再駛入紅隨（圖６）。黎到呢度停一停先。

黎到呢度，就考你唔係廣東話又唔係國語，係唔知咩話的聽力能力。好明顯又係搵台灣佬譯啲廣東話出黎攪到古古怪怪，初頭「明白拿」都重聽得到下，後尾已經變咗電子字典機咁讀出黎….

士兵：「咪行！」
Melissa：「明白拿，開『車』（窗）」
Melissa：「獵人清潔有限公司的人，XXXX」
士兵：「後面個袋，乜野黎架？」
Melissa：「就係果啲清潔工具，有咩問題？」
士兵：「冇…野」
Melissa：「行得架啦？」

一出紅隨，留意下佢畫出紅隨啲太陽光閃下閃下果個位，好真實。跟住出到黎果兩個廣告（圖７），其中一個係唔係地鐵多點時間多點生活？另一個廣告就唔知…另外，廣告後面個火車站唔見咗。跟住，唔知點架車兜咗去Polyu 燈位（圖８），之後就轉咗入去呢個Polyu正門噴水池同博物館位了。

經過一幕的士飛車特技，同又唔知UP乜的廣東x國語話之後，我們的歷史博物館同 Polyu 鍾士元樓就爆咗了，你去過歷史博物館未？我都未去過，未去就快去了，爆咗就冇了:X

宗介繼續被愛情洗腦呢家傻下傻下咁，離開了尖咀，預告話去咗油麻地，唔通呢個公園就係廟街？

PS： ED Credit 士兵ABC都應該係大陸／台灣人，全部都係拼音黎。

 動畫與漫畫  回應的RSS 按此回應  引用通告(8)   (0)

睇見十月新番個 List 就暈…..成 30套新番，你點睇！

圖解：
：～　唔睇了　：O　有時間先睇　：D　必睇　資料來源：NewType 10月號

我已經精選黎睇，咁都有成近10套，真係日日起屋企睇動畫唔番工都得的了，新番已經慢慢殺入黎了！正所謂「 十月新番，睇到工都唔番！」

 動畫與漫畫  回應的RSS 按此回應  暫時未有引用通告   (0)
2005年10月05日

我都係今日先知呢套CBS電視劇 Numb3rs (港譯數字搜查線)，會起呢個月會起香港播，全完未聽過，但一睇介紹就覺得好有趣，亦都好想追黎睇。

一向我都有追開同 FBI / CIA 呢類的片(例 xfiles、 CSI、24、The Agency等…) ，今次呢套 Numb3rs 講一個 FBI 的探員同佢數學天才的細佬利用數學破解奇案。美國呢套戲重有 Teacher Kit 可以比老師教學用，睇完套劇應用番裏面的數學理論，完全係活動教學，香港都可以試下架。（睇完大奧教大家點樣爭權奪利:X)

xfiles 睇咗好多年睇到悶，尤其Mulder走咗之後就覺得唔好睇了。 CSI 頭幾集都好好睇，但後尾發展到又NY又Miani又開始冇追了。24幾好睇，集集都好緊張，睇小一集都唔掂，期待下年新一輯。The Agency，播咗一輯唔知點解香港又冇播落去，咁就Miss 咗了，上幾個月 Hallmark Channel 都播過下，但我跟唔到個 Schedule 睇，又唔知佢係咪第一輯定新一輯，miss 晒了。呢幾個月一套US電視劇都冇追，Lost 都冇睇….呢套希望又可以每星期追下。(雖然已經有成套 Season 1 Download…)

10月10日起逢星期一  10點鐘起AXN (有線22台)首播…  (PS:希望記得睇-_-;;)

 電視  回應的RSS 按此回應  暫時未有引用通告   (0)
2005年10月05日