新 BLOG - 2008 放眼世界

 隨心  回應的RSS 按此回應  暫時未有引用通告   (0)

 隨心  回應的RSS 按此回應  暫時未有引用通告   (0)
2007年09月28日

原本我呢家係用緊 3 的 $98 HSDPA Plan (50MB/月) + $12 隨道費，Voice 冇任何 Plan (真係講電話的話係 $0.7/分鐘) ，即係每個月月費要成 $110，但我平時一個月只係用大約 25MB Data，但要比足 $110，所以都幾貴。不過岩岩 3 出咗新的 HSDPA 循環儲值卡，計落抵好多。

張儲值卡 $98， Data $2/MB，即係 $100/50MB，同HSDPA Plan $98/50MB差小小，Voice 的話每分鐘 $0.3，抵過冇Plan上會，牌費及行政費每 30日 $2.5(現時豁免)，而且冇隧道費收添。照計我一個月用 25MB 的話，咁即係 $50/月，就算計埋$2.5 ，都只係 $52.5，抵過呢家$110一半價錢，即刻一個月變兩個月月費，抵到爆燈。

另外重有一個重點係個有效期係 180日長，抵過 Smartone 流動寬頻得 30日，更抵用。不過漫遊Data仍然係天價，要 $0.11/KB，即係每 MB $110，貴到喊，不過都有好處，就算你唔覺意上咗網，用爆都只係儲值卡果 $100 (除非一次過入落好多錢)，唔同上左台不自覺咁收咗成千過萬蚊 (報紙投訴版經常有呢啲案主)，計過真係好抵，所以呢即刻打咗去 3 CUT 咗呢家個HSDPA 月費Plan 轉用儲值卡。

如果你都有興趣的話，要留意千其咪買錯，因為 3同時間出咗兩張卡，一張叫「HSDPA寬頻上網循環儲值咭」(我呢家果張)，另一張叫「HSDPA國際漫遊循環儲值咭」，分別係張「國際漫遊卡」主要比電話用，佢包埋 3 Portal、X-Series流動服務，最緊要係個 Data 係收 $0.01/KB，即係 10蚊 1MB，差咗好多架，同埋要收 $5 月費，但漫遊Data都係收 $0.11/KB，根本冇平到，咁叫國際漫遊卡？直頭騙案黎！

 隨心  回應的RSS 回應(1)  暫時未有引用通告   (1)
2007年09月23日

今年我第四年幫某間小學教校園小記者，今年比上年更辛苦，因為年年都係果間學校，但年年教的野及重點都有唔同，年年都要做過晒啲筆記同埋諗活動/練習等等，又唔係太想重覆，因為啲學生年年都好踴躍黎上我堂，上年直頭收爆學生。

今年重點係專題報導，呢家正在寫緊啲專題報導的Guideline，Total我有六組學生，每組都要起四個星期內，製作一個8-10分鐘的視像報導，形式有啲似新聞透視果類，需要為一個特定的題目，作深入的報導及訪問相關人物。

另外重有指導筆記、一些練習以及小遊戲，間唔中重有片睇，每堂上３個鐘，共有３堂，所以其實夾夾埋埋都有好多野準備，要攪都起碼攪我幾日時間去準備一個Course，有時候重要去lib記借書睇點教。我的班通常都希望三小時都過得好充實(唔好令老師覺得我呃錢 )，識唔晒十成都起碼有五成用得番。

其實我好想知其他學校（尤其小學）點去教校園小記者？呢個真係一個富有挑戰性以及考同學多方面的技能的課外活動，並不是作文咁簡單。

 隨心  回應的RSS 按此回應  暫時未有引用通告   (0)
2007年09月22日

部 Mac Book Pro 已經差唔多 1 年….

但..RAM 嚴重不足，只係得 512MB RAM….用用下會痴線！所以正考慮..

1. 加到 2GB RAM… $900..
2. 買 AppleCare..$2088…(要趕及一年保固期內買..)

加埋 $3000……蘋果燒錢器…..

 隨心  回應的RSS 按此回應  暫時未有引用通告   (0)
2007年09月21日

最近好多人 Search 同問 LocationFree ，可能因為呢期SXNY 起雜誌狂賣”線”稿，有見及此，即將推出以下專題…

gogomedia 大戰 LocationFree！

 隨心  回應的RSS 按此回應  暫時未有引用通告   (0)
2007年09月18日

呢期日日家中OT，眼訓起黎都想飲杯熱飲，就自自然然會沖杯咖啡….

咁沖一杯咖啡有咩要準備呢？以下就係需要的工具：

1. 己磨的咖啡豆，今次採用 Starbucks 的咖啡豆，你去 Starbucks 買咖啡豆，可以叫他們為你磨，同埋記住唔洗一次過磨晒成包，因為磨咗的話要快飲，你可以先磨 1/3 ，飲完再囉去磨(免費的)。未用的咖啡粉可以搵密實瓶入住。

2. 湯羹，通常買咖啡機都會送，呢個羹係 1 湯羹 (1 tablespoon 、約5g)。

3. 濾紙，10蚊店或超市有售。10蚊店的紙質比較薄(Cheap)，超市賣的較靚。

4. 糧杯，10蚊店有售。
5. 牛奶，全脂奶或脫脂奶都可，個人喜好。
6. 黃糖，超市有售，一大包約廿蚊，可以用好耐。
7. 發泡棒，IKEA有售($19.9不包電芯，用2粒AA電)，用黎將牛奶打泡。
8. 咖啡機，我用信用卡積分換咗兩部咖啡機(一部放起屋企，另一部放起公司)，全新都唔貴，好似二三百蚊，吉之島有售。

呢隻係美式咖啡機，以滴漏方式煲咖啡，通常屋企都會買呢款，簡單方便。

開始前要講小小咖啡豆，如果你用唔同的咖啡機/沖調方法，磨咖啡豆的粗度都有分別，例如我用美式咖啡機(滴漏 Drip)，要用中磨度；用意式咖啡機(Espresso)，要用幼磨度(Fine)；而用杯的壓縮式(Coffee Press)，就要用粗磨度(Coarse)。

如果你去超市買預先磨好的咖啡豆，記住望下個袋寫住佢的磨度(通常係1-5代表)，岩磨度先好買，如果你去Starbucks 買，磨時職員都會問你磨邊個度數，你可以請教佢地。

講完一堆廢話之後，可以開始沖了，首先要進行洗機+Warm杯的工作。

1. 先將濾紙摺邊再放入咖啡機的Filter 位置，再加入約200ml 的水開始煲一次水先。例如呢啲咖啡機好多時已經內置埋Filter，但用紙Filter 可以方便啲清洗。

2. 煲好後，熄電源，將水倒到自己隻杯度，令自己隻杯熱啲，呢個過程叫 Warm 杯。

3. 加兩羹 (2 tablespoon、10g) 咖啡粉入咖啡機濾紙上面(唔洗等濾紙乾)，之後用羹頂於咖啡粉上壓一個凹位。

4. 加入 180ml 的水喉水，如果你的水喉水不清潔，可以用蒸漏水。之後就可以開電正式煲咖啡。

呢個水同咖啡的份量為一杯咖啡份量。如果你想飲大杯啲，請跟據呢個比例，例如3羹(3 tablespoon) 配 270ml 的水。

5. 起煲咖啡的同時，就要準備奶，我今次用70ml的奶(配180ml水)，奶的份量可因個人喜好而加多減少，有啲咖啡書教用100ml的奶，我覺得太多，所以就用70ml。

6. 將奶倒入一隻高身及可放入微波爐的杯入面，放入微波爐以中大火加熱30秒，請勿貪心加熱過長，否則 a) 牛奶會起微波爐入面「爆炸」 b)太熱的牛奶很難打泡。如果你冇微波爐，可以用火煲熱，或者唔加熱都得的，不過熱啡加凍奶，會沖凍杯咖啡冇咁好飲。

7. 加熱後，用發泡棒將牛奶打泡，打約30秒鐘已經可以將30%牛奶打泡。同樣請勿貪心打泡過耐，否則成杯牛奶成泡就無法與咖啡攪拌，因為泡會浮起咖啡面。

8. 打好泡及煲好咖啡後，熄咖啡機電源，先將Warm 杯水倒走，倒入新鮮煲好的咖啡。

9. 用匙羹隔住牛奶泡先將牛奶杯底下的牛奶倒入杯。

10. 再用匙羹將牛奶泡「筆」到杯面。

11. 最後，根據個人喜好加入黃糖(約 1 茶匙 1 teaspoon)。

12. 攪拌後，飲得杯落，哈哈哈哈。好器在後頭，洗咖啡機….

以上內容並非專業技術，只是個人分享，沖得唔好飲唔好番黎搵我！

 飲食  回應的RSS 回應(1)  暫時未有引用通告   (2)
2007年09月18日