舞-HiME (誘姬) 有線第五、六話
都係果句…好Q多野做,睇都要睇DVD錄影…..
深優終於出下場了…大家睇見佢同茜，都估到發生咩事啦:XXX
哈哈，BL 啊;~~~但呢家睇番，但原來又係洗腦用…..真係每一幕都有佢的原因……………
不過呢家番睇，先知原來茜都有咁多劇情，之前真係冇為意……可憐的茜..
又係時候講下廣東話 :X
楯：其實凍咖啡都冇所謂呀，你話係咪？
舞：而且重係一罐好凍好凍的咖啡添呀
楯：好奇咩，因為我都係一個好 Cool 的男仔啊
舞：嘻！你講乜野呀！你 Cool？
楯：我唔Cool咩？
舞：當然唔係，你邊度 Cool 呀！
楯：你咁樣講野？
楯：都唔明佢地幾個點解嘈成咁
巧海：祐一學長呀，你對我家姐…..
楯：唔？
巧海：你對我家姐，即係其實…
楯：唔該你啦，唔好聽個老色狼亂咁講呀，你唔係唔知你家姐成個老虎X咁架啦，我點會鍾意佢播！
巧海：但係其實，家姐都有溫柔的一面架！
楯：姐弟戀架？
巧海：我緊係唔會亂倫啦！
楯：唔該你快啲訓啦，聽日重要早起身呀
巧海：我地真係冇亂倫架，哼！
嘩！預告呀…….難得的預告終於番黎了…………………..
之前果啲..食晒落肚了!!!!
咁又兩集……………………… :X
動畫與漫畫
回應的RSS
暫時未有引用通告
2005年09月13日
日式麵包王 - 44 話
呢排太忙，一來開學，二來多野做，連日式 EP44 出咗都唔知…
Win 咗法國佬，大家都好似開心咁傾閒話，河內懶係勁咁，好似係佢打羸法國佬，連蘇菲都睇唔過眼佢，河內呢家個假髮真係好鬼七 :XXX
大家去咗出席 F1 賽車比賽，呢個騎呢佬，唔係咁知佢串緊邊個，只係知成個七Look 河童榚樣。跟進先好笑…
話說呢條前係駕住架Benz豆腐車(我都冇為意係架Benz 黎，係kh提下我…)，舊豆腐放起頭，又真係笑爆。
哈哈，哈，講呢條友以多拉A夢的技安，連套衫同個草地都似。
有冇人知原本條友係影射緊邊個?真係唔識…
哈哈，右上角老翻佬同和馬個樣好好笑，又係熟口熟面，但又諗唔出係邊個 :X 個老翻佬係賤男人手下，另外條友就賤女人請番黎，個個都驚衰咁，和馬咪要諗計，唔可以比老翻佬 Dupe 咗去賣，Protection ON ~
河內怪樣又番黎了。………………………… d怪樣真係法國藝術;p
下回，街霸 King Fight 大戰！
動畫與漫畫
回應的RSS
引用通告(1)
2005年09月12日
Age of Empire III
急急腳 Download 咗 AOE3 Demo 試玩，玩面靚得過份，部電腦更加慢到抽根！Default 1024 x 768 起我部龜速電腦，慢到每格重播咁，後尾 Set 番 800 x 600先可接受到。
AOE 一向都係咁鬼惡玩，永遠我起兵起樓起大炮都唔夠電腦快，佢次次帶成隊兵黎打我我都冇卒仔同佢鬥-_-今次重慘，有得Zoom In 睇得好清楚，睇住啲英國佬射殺我啲人仔，唉….
今次 Demo 真係好正，明吸引你去買，話10月尾推出，不過我肯定唔會買囉，AOE2 都玩到冇心機，鑊鑊都係電腦贏，我打條毛咩。
遊戲, 電腦遊戲
回應的RSS
引用通告(4)
2005年09月09日
跳跳虎迪士尼一日遊
今天(九月四日)跳跳虎帶了我去迪士尼。
大約8點45分，我們來到欣澳站，登上迪士尼線地鐵，跳跳虎遠望車箱外的風景，「迪士尼我來了！」
跳跳虎來到迪士尼了～當然要同門口的火車站影張相啦！
跳跳虎都要買飛架！跳跳虎入閘了！
跳跳虎見到珠珠啊！當然要影番張相啦！
跳跳虎當然要和幻想世界的城堡影張相啦，今晚呢度有煙花睇架。由於未到10點，三個世界都未開門，所以跳跳虎去咗小鎮大街睇精品，睇下～跳跳虎厀咀啊。
落大雨啊…..不如去坐火車啦！火車黎啦～跳跳虎當然要霸頭位啦！火車開了～
黎到幻想世界了！第一件事就去囉小熊一家杯杯 Fastpass ，然後去排隊看米奇 4D 音樂劇，非常好睇啊！最有趣是，個舞外的外框完全唔知點解會唔見咗，出番黎果時又突然間出番黎，睇唔出點變番黎！
Fastpass 未夠鐘，唯有去泰山樹屋行下，屋頂好正啊，遠望都望不到香港的高樓大廈，真係去咗樹林咁。落屋的遊戲有些很有趣。
夠鐘囉下一張 Fastpass 了，囉了獅子王劇，然後回小熊維尼坐蜜糖杯看故仔。見到我啊：～～～！！
跟住去了排轉轉杯坐，跳跳虎頭暈了…………….又在小熊維尼商店見到我啊～
夠鐘看獅子王劇了，不過等入場都等了半個鐘，又落大雨，難為了跳跳虎了！音樂劇亦很好看啊！跳跳虎肚餓了，去了巴斯光年快餐店買了個快餐，不過排隊亦排了45分鐘，趕不切去看3點半花車，買完快餐跑出來看，都已經3點45分…只可一邊企著食包一邊看花車，所以沒有手和跳跳虎影相。
4點，看完花車，快快腳回 Space Mountain 排隊玩，點之排了近兩個鐘，就說壞了…..大批冇品的市民在大叫回水，跳跳虎亦留下看熱鬧，雖然有大部份人已經散去，但還有十多個市民在大鬧經理，最後經理派了一些特別 Fastpass 給他們，如果遲下開番的話，可以即刻當Fastpass玩。跳跳虎亦幫我囉了 Fastpass，唯有一陣希望會開番啦。跳跳虎很想玩啊！
唯有去排巴斯光年啦，不過上方指示牌寫住要排180分鐘…….在排排下期間，巴斯光年出現了，大批人沖上前和他影相，我亦本著跳跳虎精神影一張先！
有得玩了！排兩個鐘（應該係四個鐘，計埋之前兩個鐘得個吉的話）玩四分鐘巴斯光年，我有 Level 5 啊，跳跳虎手腳大差了，只有 Level 3……這時大約8點多些，正想離開之制，看到 Space Mountain 開番了，跳跳虎急急腳跳去排隊，出示了特別 Fastpass 之後，好快就有得玩了！！！很好玩啊！！！！！跳跳虎太驚了..只可爬在飛船下……
玩完 Space Mountain ，大約8點40分，跳跳虎又急急腳跳去中央大街，等9點鐘放煙花，呢個時候已經有大批賓客起度霸靚位了，我都霸到一個很好的位置。9點開場了！燈光加上煙花真係非常之靚啊！看完之後….跳跳虎沖了去大街商店買野～商店迫滿人，連比錢都要排三個字隊～嘿…跳跳虎破產了…..
最後跳跳虎好開心咁起10點半離開迪士尼樂園….但…成隻腳都係水，變咗落湯虎了………
生活, 隨心
回應的RSS
引用通告(1)
2005年09月06日
舞-HiME (誘姬) 有線第三、四話
都係講下啲配音有幾恐怖…
什麼是「星球領航少女」的力量？我好似冇印像有啲咁野……. 我都起碼叫睇晒丫，但好似真係冇講過啲咁野 ….. (定係我根本冇留心睇過呢 :XXXX)
珠洲城：知唔知唔湯唔水點解呀？
雪之：係咪湯飯呀？……
珠洲城：哈哈哈哈！你唔知就唔好講啦！
舞衣：要啲咩食…
楯：一個笑容
舞衣：Menu冇啲咁嘅野架播！
楯：今時今日咁的服務態度點得架！…..
舞衣：我啲服務態度都要睇下對住啲咩人客咁姐..
又繼續期待下集….
PS: 今日睇Aniwave 有篇講誘姬的文章，講由舞姬改為誘姬的原因（好明顯係吹水……..)話因為舞姬中文讀出黎個音「冇機」，唔吉利播，咁呢家就變誘姬即係「有機」咁，睇完篇文都啤一聲…………..
動畫與漫畫
回應的RSS
暫時未有引用通告
2005年09月05日
咪記日
尋日係咪記日（咪記日？）因為尋日走去裝咗兩個咪記軟件。
第一個係…. SyncToy 。一件好Q陽春的咪記檔案同步軟件。
基本上SyncToy基本File Sync 的功能都齊，不過如果可以再加強多一個Level 就更好啦。例如佢呢家係以每個Folder為一個Job，但如果可以每個Job再Set 多過Folder 黎Sync就更好啦。回想起兩年前我去咗搵一套岩自己用的File Sync軟件，試咗起碼十套，最後買咗一套叫 InSync 的軟件，一直用到呢家，直頭係推介。
第二套就係Windows Desktop Search-_-;;; 有人會問，點解唔用 Google Desktop ？你估我唔想架！Google Desktop 同NOD32 唔夾之嘛。
Desktop Search 都幾方便，以前 Search Email 下下要開住個 Outlook Express 同埋 Search 得好慢，呢家打個字幾秒都唔洗就搵到，同埋，Search 完之後重有得即時Preview（不過時快時慢先出到個Preview啦），至於佢個 MSN Search，可以改左佢做 Google Search :X 起 Option 入面咁 Set 就可以：
http://www.google.com.hk/search?hl=zh-TW&q=$w
不過自裝咗之後，就發現當做Indexing 時，NOD32 就彈出黎話個Engine 整咗啲File 出黎有毒，而且係第三次……..
古古怪怪…….
隨心
回應的RSS
引用通告(1)
2005年09月02日
派米？定係趕住去死？
今朝睇新聞，講尖咀派米有個呀婆瓜咗。究竟佢係派派下仆到瓜咗？定係佢想爬入去個欄打尖仆到瓜咗？定係佢路經晨運跑步仆到瓜咗？啲呀婆，連支水都爭，係咪政府一直都「扮」正視問題，總係冇事就睇唔到，有事就出黎講兩句，就好似啲魚咁，比業界同議員互插。Cable片段有段旁白講得好正：「搶閘狂奔，跟住跌到整親！」真係好應景。
何生都幾有趣。呢年佢的事最大單都算係北京奧運馬術同體院事件，正所謂「攪攪震，冇幫襯！」好似為求達到目的，就唔理人地生死，趕晒啲人去山卡拉，個場就留黎比馬術，跟住就Hard Sell 話重建後個場重正咁。
呢啲官員，唔該叮走佢…………..
隨心
回應的RSS
暫時未有引用通告
(0) 
