新 BLOG - 2008 放眼世界

今天順路，咁咪去中環囉埋 Disney 9月4號的飛，張飛幾靚仔，背面有磁帶，入場同埋囉 Fastpass 都要用張飛。

另外原來即日可以進出／入樂園，同 CW 一樣，佢地會起隻手Chop 個手印，再次入場時要入飛同手印。

DisneyLand係未開晒，起明日世界裏面的馳車天地（賽車場）係未開得，即係冇得玩。

初部睇落去，有幾個地方暫時覺得幾想玩下，一個係 (6) 泰山樹屋，另一個係呢排經常出事的(19)飛越太空山，同埋想坐下蒸氣火車。

其實真係好細同冇乜野玩，不過香港係細，所以都冇法架啦。

 生活  回應的RSS 按此回應  暫時未有引用通告   (0)
2005年08月22日

繼攪出個○○爛尾冇心機寫的龍虎榜後，突然又諗到啲惡戲…呢個起碼功夫小D，但又幾有趣，希望又可以Keep到 (唔好好似流長板又冇咗連載:X)

本日有兩個惡戲..

1. Gundam Seed Destiny - 第 44 集

2. 玻璃面具 - 第 20 集

(以上對白為設計對白)

 Uncategorized  回應的RSS 按此回應  引用通告(1)   (2)

等到了…上回預告太吸引;ppppp

哈哈哈，河內見到Kayser個樣，鼻水都噴晒出黎！乜佢個麵包，咁鬼核突，好似個月球表面／火山口咁，同埋….咁似之前和馬最初參加考試果時果個火山口麵包咁…………..

哈，發春夢？？？？？！！！！河內個樣成個女人咁！笑爆咀….未溝過女？嘿……………………

春夢後遺症….一見到蘇菲就..想咀落去….嘿…..覺得呢幕特別比平時畫得更有女人味..;pppppp

期待已久，Kayser終於出現了！哈哈，好恐怖！再加埋中田讓治把聲….好似睇緊巖窟王基路山伯爵咁…..

哈哈哈哈，子安（亮）冇機會講野，發細路仔脾氣…..

蘇菲：呢個係乜野？果個係乜野？
亮：呢個咪係傳說中的…..果個咪係….
小丑：(搶住黎講話)呢個咪勁野的黑真珠囉！果個咪意大利火山口囉！
蘇菲：咁呢個呢個呢？
亮：(拿埋個咀)你問小丑啦！咪問我！

(設計對白)

又見到基德了！今次係賽車手同終點手！我Skip晒佢地做乜鬼麵包(留番自己睇)，佢地好似玩緊鋤Dee咁大家鬥大……預告又講番和馬番番黎…冇晒神秘感添:X

全文附送三大美男圖片精華 :X

 動畫與漫畫  回應的RSS 按此回應  暫時未有引用通告   (0)

今天買了 Newtype 9 月號(自從上年年中開始，已經唔會搭正十號就出去買飛機版，等20號度去買船版算..起碼平$10，我買咗Newtype 幾多年呢，真係唔記得….)..每期都好似尋寶咁。

1. 睇到唔係好明UP乜的絕對少年…播到Ep13會播第二部橫浜編，講會係兩年後的事-_-;;;;;;; (初頭以為會13集完添)..

2. 終於有D 舞-乙HiME 的圖 (今日同Hime好有緣….)，啲角色翻炒冷飯但個名唔同咗。

3. 集集追開的玻璃面具廣告，話每隻DVD會有4集，Total 13隻，咁咪即係 52 集！正！

4. 睇到魔界戰記廣告 http://www.akaitsuki.net ，將會動畫化。

5. 衛星台節目時間表， Full Metal Panic The Second Raid 8/31同9/7 停播兩週-_-;;; 粗口一個字，「X」。

6. Anime Expo 美國早兩日格黎台講開話坂本真綾同關智一過咗去做Guest，不過佢地啲相影得比較差，Newtpe 裏面啲相影得好啲:x

大圖太大，放在全文。

 動畫與漫畫  回應的RSS 按此回應  暫時未有引用通告   (0)
2005年08月21日

今日特別同 舞-HiME 好有緣，先起今期AniWave (好難得星期日朝有得賣)睇到娛樂台下星期日晚播 舞-HiME，不過個名改到叫「誘姬」(有D怪-_-) ，初頭以為會起Animax播添，點之估唔到落咗去娛樂台！

跟住落堂去咗信和，見到出咗台版舞-HiMe 漫畫第三期，一打開，嘩！嘿……………. 嘿…….. 嘿……… 。

跟住番到屋企..睇緊娛樂台肥媽私房菜，廣告期間睇到誘姬，啲配音……………..一個字「爛」-_-;;;;;;;;;;;;;;;;;; 不過都會睇下，衰在呢家Cable 轉咗數碼Decoder，唔可以一次過錄晒配音同日語雙語（雖然日語睇咗），都會睇下配音有幾「好」睇的。

嘩:~ （圖片經過「特別」處理），如有興趣，歡迎自已去買（封面冇貼十八禁;x，售價 HK$25….）

 動畫與漫畫  回應的RSS 按此回應  暫時未有引用通告   (0)

上堂無聊中睇 Yahoo… 睇到呢篇講娛樂台「活得很滋味」，有線用左起碼一個月時間起各大頻道大賣廣告，要令到大家完全洗腦咁（即係叫大家唔買都去睇下），整呢個節目，當然有部份原素係因為大家都做走去做飲食節目，咁Cable 咪整囉，但不同的地方係好幾Hard Sell外國，唔同話只係香港裏面。雖然起Cable肥媽一早已經有，但就主要真係「今晚食乜餸」咁，但未有類似無綫亞線咁有資訊性，東亞衛視上年已經有個類似的節目「今日香港」，但睇的人真係唔知有幾多，尤其當年只係得nowbbtv 的客戶先有得睇，呢家就多咗HKBNTV 客。

有線娛樂台明晚八時開始，大膽地推出橫節目（即在節目表上打橫編排）《活得很滋味》，而且不是一至五，是一星期做足七日，在無綫、亞視也不會見到。一星期七晚每晚一小時的製作量，即使強如無綫，也很沉重，而且部分內容還要出埠拍攝，筆者起初聽到這個構思，也覺很大膽。《活得很滋味》有星級主持吳君如坐鎮外，還有兩班新主持，一班是新招募回來的靚仔靚女，另一班則是年輕的廚師，實行烹飪年輕化。在電台教煮嘢食教到全港知名的蘇施黃，則在星期六晚亮相，以「實時煮食」作賣點。有線這次大膽的橫綫編排，似乎是開始培養慣性收視。[全文]

我都認同一星期七日每日做一小時節目，而且重要外國拍攝的內容，成本以及人力物力都非常多，至於慣性收視，呢個節目可以做到幾長，其實都是一個問題，始終呢類節目都係一期期，下期唔興呢類節目，咁就點都要改變。所以呢，下期如果播另一類節目又唔係咁的話，慣性收視當然唔一定會Keep住。例如 TVB 電視劇，呢家開四線時段，都唔一定段段收視都Keep到，始終都係睇個節目質素。咁當然 TVB 太過有一向性的慣性收視，要睇開TVB的人過Cable一星期七日咁睇，當然又有難度。咁當然，香港都有一批唔鍾意追TVB劇的人士 （例：我！呢排都冇乜睇TVB，睇Cable多過睇TVB），如果真係好睇的話，得閒睇下亦不錯。

 電視  回應的RSS 按此回應  引用通告(1)   (0)
2005年08月21日

我都有幾年冇聽廣東歌，呢家聽得最多廣東歌反而係每個星期一叮啲友仔唱-_-;; 今日下午放假起屋企煲電視期間….禁咗去睇TVB，聽到首咁的歌…奶奶奶奶奶奶奶奶奶奶奶奶….完全都唔覺得佢係「唱」出黎，係讀出黎-_-;;; 呢家香港啲歌手真係好好好唔得…呀豬呀狗都可以做歌星名星，越黎越冇質素。………..

 隨心  回應的RSS 按此回應  暫時未有引用通告   (0)