新 BLOG - 2008 放眼世界

L Change the World - 雷聲大雨點小

年初一看了 L Change the World 優先場..有D失望…

隨心回應的RSS 回應(1) 暫時未有引用通告 (0)
2008年02月09日

公務煩忙,不日推出 again…

有時間會盡快寫番以下內容………

1. 高清產品2 - 圓剛 USB…. 或…

相信大家都睇電腦雜誌睇 USB 高清 Test 都睇到喊…. 呢支圓剛係聖誕前囉番黎試的…但圖/相 cap 到呢家都未得閒寫,都out out 地,應該都未必會再寫…取而係…

EIGHT HD-1 高清解碼器，呢隻野將於下星期首賣..基本的function 都齊，EPG 可以做埋預錄(冇講識唔識自動轉台，呢期有一隻「正方型」的decoder唔識轉台)，插 USB HDD 就可以錄落隻硬碟，標清會錄做MPEG2，高清會錄 AVI (但冇講咩compression)，不過就衰在暫時未可以用番隻解碼器讀番 HDD 的file 起電視playback，暫時只可以起電腦playback，佢地話遲下會加番做埋playback 功能，價錢約 $23XX，當有機到貨時會即時測試..(有時間會盡快出review )

2. 台灣行2008 - 高雄旗津

旗津位於高雄市南面的一個半島，海對面就係中國大陸，旗津最出名就係租單車去參觀多個景點…會慢慢介紹。

3. ColorChecker 色卡

呢張卡睇雜誌就見得多，呢張24格的色卡有咩玩呢…最近手多訂o左張番黎玩…

(此圖只係Just for fun…張相本身只係用手機影 Noise 到爆，準確度有很 )

隨心回應的RSS 按此回應暫時未有引用通告 (0)
2008年01月18日

我的第一份「未諗到」2D Animation 功課1分鐘短片

重記唔記得之前條「未諗到」Animation 功課的Draft，經過一星期的大戰後，終於交到功課，首先真係要多謝同組的同學Buy我的Storyboard，亦都多謝同學聽我支笛，將功課由設計人物角色、畫keyframe、做animation、做3D、影 stop motion等等都起最短時間內完成。雖然分數唔重要(我亦唔知有幾多分)，但我個人覺得已經很滿足，始終都係第一個2D Animation 的故事短片。

作品名稱：棋逢敵手 (Go Master)

故事：一個來自日本的十一、二歲的天才，認叻，自細喜歡下圍棋(Go)，贏得不少獎項，有時候更在internet 與不同的對手下棋。有天他在internet 見到一個叫棋聖的對手…

看後你是否有以下的感覺…?

(閱讀全文)

隨心回應的RSS 按此回應暫時未有引用通告 (2)
2008年01月13日

讀 IVE 與讀 Master

起 IVE 生活(涯)了三個月，終於都忍唔住要講幾句。

(閱讀全文)

隨心回應的RSS 按此回應暫時未有引用通告 (0)
2007年12月10日

又一個月冇寫blog ~_~

近黎工作太忙，都冇時間打理個Blog…

畢業禮

月頭終於行完畢業禮，於CityU功成身退，不過呢家起IVE功課忙到冇朋友，又讀正啲要畫公仔的科目，我都唔識畫公仔，死硬啦！所以呢家好痛苦啊！！睇下幾時頂唔順要退學..

PS: 比人話…..呢張係靈異相片….(我個頭去咗邊度？？)

兩鐵合併

香港鐵路終於進入新一頁，就係九鐵倒閉-_-;;;重有幾日，快啲去九鐵影下相記念下先！

合併是好是壞？只可以話…呢個世界會變的….

facebook

我之前係罷玩facebook，但呢家真係…唔玩唔入流…連lan 妹都玩，你唔識玩facebook? 比人笑大個口..有時候就係咁，例如你D friends 個個都睇果套電視劇，聽果堆流行歌，但你就全部另類，唔入流，攪到冇話題。

Facebook真係咁好玩？定係一個尋人網站？

Canon Expo

星期五去咗 Canon Expo吸毒，主要都係試下部膠清攝錄機HG10同想試支800mm，部HG10幾好，Spec同JVC比好好多，畫質亦好滿意，不過本身個鏡頭就唔夠Wide，要另外買多個Wide鏡，咁當然有心玩就買埋機頂定向咪同埋其他配件一炮過 (早兩日同個Friends一齊出去幫佢公司買咗兩部HG10 每部$9550)。但支800mm就真係冇時間排隊試..(趕住走)，不過就去排隊試咗兩支Wide 的L鏡，一支定焦一支變焦，好鬼毒…不過我冇錢(參看下文)，所以毒唔到我！

Hongkong walker

近期umagazine 同新假期都有書仔換(換晒了~)，唔知同唔同hongkong walker 出書有關，但點都買本黎睇下 (因為同學又買黎睇…唔睇下冇朋友:P)，覺得一本70%講飲食 30%講消閒的雜誌，以價錢$15 黎講，內容質素仍然有待改善 (一本umag/新假期都唔洗$15，但厚幾倍)，佢以貴中平去寫Guide我覺得係幾OK的，方便地以個人的取向去選擇/閱讀，排版方式亦盡量唔似香港的雜誌方式(雖然本野係起台灣果邊排-_-…)，但仍然有野需要改善。

最大的問題就係相，呢本野內容除咗有香港的內容，亦有如日本、台灣的內容，一看日本內容的食物相片(日本方面攝影)，同香港內容的相片，完全係差好遠，衰啲講句重差過飲食男女=.=(當然後來知道點解會咁…)，不過就真係要改善下啦。另外就係價錢，呢本野呢家話自己原價$25，現特價$15，呢本野係賣$15我覺得OK，但如果賣$25的話，我就覺得不值了，真係買番umag同新假期冇咁嬲。

2d animation 功課…

上個月第一次去做 2d 的 animation，由於我根本唔係做開 graphic，所以就另類的方法做呢份功課..就係相片做背景+實物結合類似Stop motion，雖然手畫的野好核突，不過第一次做呢D功課，都算係咁啦..

呢家又準備緊第二份 2d animation 功課，係group project 黎，但我重未入組早排手多已經做咗個storyboard (90%)，但我又唔想浪費佢，同埋又想試做一啲非drawing式的片段(實驗動畫)，所以睇下搵唔搵到啲志同道合 Group組去做。

eeepc Blog

一個月冇理..但原來我個eeepc blog 起main site 同mocasting 加埋有超過30000hits ，因為link o左去幾個大型的forum，連newsgroup都有，不過都唔係寫得好好，有心機的話會再寫好D。

預告：又去台灣…

冇錯，我又去台灣，12月20日出發，24號番黎(番黎食聖誕大餐，哈哈)，目的係去聽演唱會….經過上次年中的黑仔，今次一定要去animate 再掃野番黎！另外番黎會坐hellokitty 飛機 (雖不是我的喜好)..點都影下相先！我有D 想起飛之前可以再買多支wide 鏡去用..不過..算吧啦..我已經窮到喊~_~ 另外如果你呢期又去台灣，可以買本hkwalker 第1期，裏面有張coupon同機票或eticket去台北觀光協會換張台北捷運一日票，我都岩岩換咗番黎！

PS: 我篇台灣高鐵文章會有D info 更新..包括高鐵呢家有自由席，高雄地鐵紅線今年年尾通車…

隨心回應的RSS 回應(1) 暫時未有引用通告 (0)
2007年11月29日