又一個月-_-
呢家每日的Schedule 都係…..
11-12AM訓醒沖涼，1:30PM出門口番工，番到公司處理檯頭堆工作，聽埋啲無聊電話，10PM收工，番屋企，叮番個晚飯，睇DVD(錄影咗Animax的奇幻旅程)，繼續開工，4-5AM坐起度訓著咗，7AM爬番上床訓，10AM 開始比電話炒醒…………通常11點再被炒醒後就會落床……
呢個Schedule 由去完台灣番黎之後….持續咗一個月…..
望見手上三大Project … Project A 完成度70%，Project B 完成度 60%，Project C 95%….但其實重有小Job D, E, F, G…… 極大Project H….都排緊隊…
當然，始終有偷懶的一兩天….否則冇Blog 好寫 
突然諗起，我重未睇Keroro電影同 Death Notes =.=..落咗畫未?…… -_-
奇幻旅程
先講奇幻旅程，睇呢套野，劇情唔計，我最留意到 OP 同 ED 的酒井ミキオ以及 ED 的 梁邦彦，酒井唱歌都幾好聽架，不過真係好小小小，最上次真係三年前 Planet-ES 同scryed 的歌，好聽得黎係推介，講番劇情，初頭真係唔知UP乜的，後尾睇到十三四集先知佢講乜，如果你冇乜心機追，真係三、四集就會放棄，不過故事到呢家都重係冇「緊張」成份，完全係「故事」一個，希望打後七、八集會緊張啲啦… (Animax 呢家只係得番呢套有睇，其他一係睇咗，一係唔岩睇-_-)
CW22
一年兩次的 CW 幾忙都要去的…亦都係首次 350D 出場的時候，不過今年總係怪怪咁…一來拆咗兩個館，另一邊起保鈴球場，所以個場縮咗一半，而因為拆咗兩個館，人流散晒，一個場有事發生都傳唔到過黎， 另外就係兩個場燈光完全唔同，一個白光，一個黃光，玩死晒，再加上首次實戰，對Setting 認識未深，出師不利，大部份相都影得非常差，無法見人。(後尾私影果啲影得好DD…)
呢次 CW 真係任人魚肉，比小妹妹圍住買Keroro真係走唔甩，最後都唔覺唔覺買咗成百蚊 Keroro 野 (真係唔覺唔覺，當然重有買其他野啦)…..er…….
咁當然重有買其他野啦，雖然表明由上年開始唔會買同人誌，只會買啲用得睇得實用產品，不過有時見到嘅真係好靚的同人誌(尤其 CG 畫冊)，都會忍唔住手買…最後好似都買咗三百幾蚊-_-
老麥 Keroro
老麥Keroro熱又殺到，好在我起台灣帶咗幾套老麥 Keroro 番黎，私下+放起Yahoo炒賣都賺到個Double，衰在我冇帶到印章番黎香港，估唔到比個PK 小朋友一鑊炒起老麥印章停賣，突然間印章升值四、五倍，一個 $8印仔起Yahoo炒到 $35+，如果有一套重勁，好在老麥抱抌起香港未賣，因為有傳聞話香港老麥都會有得賣，內部定價 $30 一個，原本話9月1號launch，不過呢家冇咗影… 9月1號落去老麥，連 Keroro廣告都抽起晒，要印過晒抽走印章果Part，變咗「老麥神秘換軍曹」。
香港寬頻 2B (續)
最近又囉番個 2B 黎研究，今次係飛佢落 IP 電話機/Gateway度，然後囉黎玩野，不過今次係應用起商用方面，由於 2B 係用 nortel 的 SIP 系統，所以件 Device 都要支援 nortel 的格式，最後成功起 PA168S 的IP電話機成功登入 2B，呢隻 IP 電話機有 Hold 線同 Forward，都成功起 2b 上用度，不過就做唔到三人會議，只可以兩條線分開講電話。之前試過幾隻電話都唔得，原因係因為隻電話冇得Set noretl 的專用設定，有啲就唔支援 Domain，呢隻 PA1688 精片的電話好多大陸/台灣廠都佢OEM，所以唔難搵。設定參考可以望下個圖，最主要都係service type 揀番nortel，電話號碼後面要加 hk ，Server 要睇你個號碼係 s21 定其他再nslookup 番個 ip ，同埋要開stun，其他冇乜大特別。
上到 IP 電話/Gateway 又有咩玩呢？上到 IP電話，就可以唔洗開電腦都打到電話啦(廢話)，上到Gateway先好玩，例如你有一個大陸 SIP 戶口+ HKBN 2B 戶口，咁就可以經隻 Gateway 由大陸 SIP Route去 2B 香港線，咁即係打一個大陸電話號碼經Dial Plan Route去香港電話(例如大陸Office 打大陸號碼 Route 番去香港Office號碼)，佢就唔洗比 IDD錢(國內同區或國內長途)，當然唔一定大陸啦，總之你有果個國家的 SIP 戶口都冇問題。另一個用途就係如果你隻 Gateway 有 VPN 功能，就可以用隻 Gateway 起大陸連 VPN 番黎香港黎打 2B，咁就唔怕中國電訊Block你 (早排聽過一個客講，佢公司買咗三個2B囉番大陸，比中國電訊Check到，罰咗兩日冇得上網 -_-)。
其實2B account重有好多用途，例如做 IVR線，由於申請電話線貴(商業平極都要$80/up)，2B 每條線平均只係$40蚊，而且可流動性，咁就可以用2B出 IVR 硬件，每條Line 成本平一半而且Reuseable。另外就係 2B 本身有 Schedule Dial Plan，咁你就可以set 唔同時間，Office Hour 就聽電話，Non office hour 就飛晒去 voicemail，不經人手，辦公室Hotline 必備之選。
小記者2006
今年的小記者課程月尾開班了，今年的題目係「節目構思」，如何去製作一個有題的報道/專題。內容仍然諗緊…暫時未有 idea …. -_-
乙-HiME (誘姬 II)
娛樂台終於起9月3日晚播Z-HiME，回望番，原來上年又係呢個時候播HiME，再回望，我由去完日本番黎之後，就冇再寫到個HiME Blog….爛咗尾添=.=不如我就起娛樂台播到 EP23 就補完番佢啦 (同樣日式麵包王 TVB播到 last 兩三集補完番佢:X)
最後，又黎到看圖找錯處 II 的環節，看看下圖，有咩問題？ -_- 答案起全文見到…
(閱讀全文)
隨心
回應的RSS
引用通告(16)
2006年09月04日
回來了-_-
前言
去台灣前，本人在此Blog透露一位配音員過身的事，引起網內外極大的回響，本blog 被 Forward 去超過80個Forum及newsgroups，令Server突然爆Loading及瓜咗，以及令其他相關人士引起不便，在此抱歉。
台灣自遊(由)行
台灣八日，其實有兩日都係去咗 FF8，再扣埋頭尾，咁所以只係得四日遊，不過呢八日都去咗好多地方，遠的有平溪九份淡水八里，近的東西門士林美麗華101等等都有，Last一日重去睇埋柯南10周年電影。呢家睇番啲相，啲風景相好鬼似啲 3D Card 做果D 3D Demo 咁…
望下個廁所，幾開放….你估下女廁係點？ PP
FF8
我都係第一次去外國的同人活動(日本CM我都未去過)，級數真係差幾遠，除咗同人誌外，Cosplay都唔同啲，起碼佢地服裝真係好Pro，有啲重成件過，起30度氣溫下真係好勁。不過攪笑在，原來佢地都係咁著住成件Cos服咁搭捷運，真係好攪野。
希望有時間會寫番個台灣遊指南Blog…(Coming Soon..:X)
銀髮亞基德
上星期(9/8)去咗 UA 睇銀髮亞基德，香港宣傳廣告經常都推製作人員與宮崎駿有關當吸引之用，但真係冇咩關係。先講下故事原案飯田馬之介，我上一套睇佢的作品係 Tide Line Blue (他有份原作)，如果用Tide Line Blue 同呢套的故事比，Tide Line Blue 好啲(雖然都係覺得麻麻-_-)，亞基德可能因為電影關係，故事去得比較急，但劇情有啲「行貨」(好大路)，故事係估到晒咁，冇乜驚喜，不過都可接受。GONZO方面，都仍然係展示佢地 3D + 2D 的技術 (睇Vandread 都睇唔少-_-)，3D 都幾好，但2D繪畫就不太平均，有時OK，有時唔得，又係呢家現今日本動畫介外盤監督不力再加上資金不足而引起。
音樂方面，一開始播 OP (調和 oto ～with reflection～) 真係好有 Ali Project 影子，不過原來係KOKIA，OP+ED (愛のメロディー) 都有驚喜，值得一聽(收錄於 KOKIA 最近推出的 pearl ~The Best Collection~大碟或OPED細碟內。另外，如果你有去睇，但一落Credit就離場的話，你錯過咗 Credit 裏面的畫面了….(呢個係香港人睇戲通病，落幕就走人)
最後再講下呢個「人造字幕機」，電影節協會近期採用一組獨立搵部投影機打上去的「人造字幕機」，上次電影節已經「領教」過，睇怪醫博士成個字幕機「自稱壞咗」，播咗十分鐘已經要停片，再Tune過字幕機，呢次又黎甩字幕，差咗超過30秒，好在呢30秒都係得幾句字幕，唔係真係有排比觀眾「媽叉」。希望佢地要再改善下。
2006 會考…
我好似起度講過我今年考會考英文，初頭都諗住起碼 DDDD = D ，如果有C 就更好啦，點之出黎…..
Oral 囉 F ?????? 唔係呀嘛….. 我係咪要去 BriXXXXX CounXXX報下英文課程呢？真係一個天大笑話…… -_-
供樓首期
為咗消除會考囉 F的黑暗，當晚就去咗供樓….
總於買咗了，呢家要開始學影相！(其實我唔識影相 PPPPP )
但呢家先係首期的開始，重有玻璃，閃，腳等等等等等等裝備….. 錢銀從何來？
又係 TVB 小道消息
今次又收到消息人士報料..(點解咁多料:P)，前「有條線」深宵男主播，將會去 TVB 做主播….將會代上個Blog講果位正離職女主播個位，但呢位正離職女主播最近身體欠佳…所以都未知幾時正式離職….
消息完畢-.-
去完台灣後由於工作量大增(有3個Project都係八月尾起貨)，無法自拔，所以本Blog暫時放暑假。
隨心
回應的RSS
暫時未有引用通告
2006年08月17日
TVB 消息兩則
一連兩天「天文台」收到消息兩則..
第一單是一個不幸的消息，傳自TVB配音部，有一位在 TVB 配了廿多年的配音員昨天因 Cancer 過身….她配過的電視劇及動畫家傳互曉，她的離去真是配音界一大損失，TVB 老手真的買小見小….
第二單就傳自TVB新聞部，又有一位收費電視新聞台主播將於短期內離職，她將會轉去 CableTV 新聞部。她最近曾在 TVB 翡翠台報導新聞提要，但TVB未能給她發展的空間，所以決定轉工。
下次再Blog可能已經是台灣打風之旅了….
隨心
回應的RSS
暫時未有引用通告
2006年07月23日
走前急急忙
個blog 好似期期都係寫我忙忙忙咁，係！因為要清晒啲野又飛……
不過，天有不測之風雲，颱風格美正一步步殺入台灣…重要係台北方向…. 唉~_~
Apache 炒 PHP Session 之迷破案
研究咗兩個月，有一個客部機行 Windows XP Pro + Apache 1 + PHP 4 + MySQL 4.0 行一套我地公司寫的 POS 系統出單，但發現有一個問題，就係經常都會Auto Logout，初頭研究係因為 PHP SESSION file 讀唔到所以就自己 Logout，不過我地自己起 Linux Platform試都冇事，亦又試過起Windows Platform再試都冇事，用盡各種方法，包括轉去 Apache 2，轉PHP 5 等等，都仍然唔得，又試過dump debug log trace 仍然冇效，足足試咗兩個月，終於搵到真正原因。原來係隻 WinXP 裏面套 NOD32 個 AMON(自動防護) set 咗 Scan ALL files，當個 Apache + PHP 開session時，nod32 佢 scan 個session file 的時間長過 php/apache accept 的timeout 時間，就當咗冇 session 存在，所以就瓜咗。呢家 Set 番好，就冇再發生了-_-;;
睇電視要岩 Channel
早兩日同某新政黨要員講起，佢公司要裝個收費新聞台睇News，呢家報緊價。NOW 有現價， TVB PayVision 同 CableTV 要等 Sales 覆(兩個都話要等3日)，跟住就講起話佢老闆話要睇 TVB 新聞台，但我同佢講，尋日(早兩日之前嘅尋日,即星期三) TVB 輸成條街播，陳太起外國記者協會開午餐會冇直播，之後見記者又冇直播， ATV24 2PM都有個直播丫， CableTV 兩場都有直播，不過佢一講話要睇 TVB 咁我就知 TVB 講啲野內容岩佢老闆聽多啲。正如大家都叫 ATV 做親中台，CableTV成日播長毛咁解。
隨心
回應的RSS
暫時未有引用通告
2006年07月22日
日本動畫展2006
1. 日本動畫展2006
岩岩留意到日本動畫展 2006 的宣傳，看看內裏的動畫…
特攝片都佔咗四套，其他有啲個方向係好特別，又有啲係鬼片，呢啲都OK，但最古怪就係囉幾套電視版本的動畫選頭幾集起戲院播，有啲重係起日本電視播放中，雖然真係噱頭，但….你呢家睇完頭幾集，爛咗尾，又唔知幾時香港播(唔播就攪笑)，不過揀得出黎，應該 Animax 都係買咗會播 (大大話話Animax 贊助)，最後你可能會番屋企 BT 番之後果幾集。(今年Animax 走去贊助呢個，冇贊助漫畫展….)
我可能會睇其中兩套「劇情」片，包括再會在明天及長崎1945，特攝片真係唔岩我，不過由於呢兩套頭一場果日我都重起台灣未番，之後果場起 Art Centre Agnes b 播，但我唔係咁鍾意果個場，而且呢岩岩起台灣番黎元氣大傷，再加上過大海(灣仔)所以都未必會睇。
2. 科大之約 2006
呢家寫blog先諗起，科大之約啲相抄晒起PC但掂都未掂過…..。大家都好似比涼宮熱洗腦咁，多人影嘅原因係涼宮？定係個Cosplayer嘅兔衣著？(應該問，有幾多個識涼宮呢套動畫？) 呢樣就真係要問下呢班「攝影師」先知了。 老實講，我不太好涼宮-.-，因為套動畫涼宮的戲份都唔係太多，反而講佢身邊班「未來人」重多…..(唔洗同我講獸王星同ZEGAPAIN )，熱潮嘅野，套劇完咗，都好快會被新動畫接棒，一季幾十套動畫，新接舊，舊野真係好快 OUT 。
PS: 藍貓無處不在…
PS2: 唔好話我知相裏面影到你…..
3. Gundam Seed Destiny (機動戰士特種命運) in TVB
有機會在 TVB 看了一集，只可以講 TVB 配音組呢家係起最差的時候，舊人太多工作，新血仍未上手，有點力不從心咁，正所謂配音的好壞係可以影響成個節目以及每個角色的成功。而再加上 TVB 上剪下剪(OPED 加黑BAR)同左剪右剪 (OPED 駁片) [香港三間電視台都係咁做]，完全令大家繼續愛上 BT 同睇Animax，不過，小朋友當然唔會理，繼續睇。至於起星期六播係一個雙贏方案，包括套劇集唔洗剪得咁重手，核突畫面可以照播，而且一星期播一集，即係又播一年，模型同遊戲卡商真係多謝晒，起碼又有一年高達熱潮，正如綱練熱咁(不過衰在 TVB 之前停播得太多，唔可以同電影檔期接棒，變咗接唔到軌)。
好，又黎到看圖找錯處…..嘅時間……. (TVB未比人打鑊金?)
答案就係…….
(閱讀全文)
隨心
回應的RSS
暫時未有引用通告
2006年07月14日
忙忘亡
好忙，所以忘記咗呢度，最後陣亡。……..
1. 睇波不賭波，不賭笑呵呵。
世界盃已經場場爆冷，燈神再現，網友個個買波輸到喊，尤其英格蘭同巴西，個個叫苦連天。好在我冇買波，否則慘無人道。
2006世界盃金句：睇波不賭波，不賭笑呵呵。 (PS: 原本句野係…不賭老母多 ，不過比人問..「唔賭錢會爆多幾個呀媽？」所以就改咗佢了。)
2. 獸王星
近期其中一套幾鍾意的動畫就係獸王星，賣點當然係堂本光一初次配音啦，不過都唔好唔記得頭五集高山みなみ(柯南)一人配兩角，而且係分得清邊把聲配邊個，不過就真係好「柯南」 Feel :O 。
但睇晒 11集，最尾真係….唉…..我的「紙巾」 (ティズ) 啊，點解會咁架？唯有話….十幾年前老土劇情….唉….。但….繼「紙巾」後…又一令我傷心肉絕的事…….估唔到係….。(見下文)
3. ZEGAPAIN
另一套有追的動畫，就係老牌子 SUNRISE 的 ZEGAPAIN 。
另一個喜愛的角色(算唔算係女主角呢?) 守凪了子，突然間起EP13 就………………… (不過總係覺得 SUNRISE 啲劇情，每次一個角色有特別發展，就即係果個角色的末日。但，佢唔係女主角黎架咩？…..）好慘啊！！起地鐵睇呢集，睇到眼濕濕果隻…. PK SUNRISE!!!
一睇到呢幕…話..消失咗… 真係……….點解要亡！！！！！！
4. 全港動漫畫歌唱比賽 2006
7月2日晚當然要出席呢個歌唱比賽啦，參賽者果然水準幾高，而全場焦點當然係涼宮春日的OP/ED，全場拍晒獎，不過冇法啦，SOS團面對強敵，只可自娛不過未能獲獎。
不過我又諗咗啲衰野，日本街頭都有人跳涼宮春日舞，香港都得，起旺角街頭整個涼宮春日快閃黨。先有一條友，無端端起街邊放低部播音機，跟住走咗去，跟住部播音機突然間有啲音樂播出，快閃黨成員起四方八面咁行埋去部收音機度，跟住，涼宮ED開始播，大家就開始跳涼宮舞，跳完，成班四方八面極速快閃，囉埋部播放機走，最後大家起吉野家集合。得唔得呢？
5. Fancy Frontier 8 (開拓動漫祭)
估唔到我又因為去睇 Fancy Frontier 而飛去台灣，而且又去8日（當然FF8只係兩日)。 不過，當我同其他人講我飛嘅時候，佢地異口同聲話：「又飛？你三月尾先去完日本黎咋播，都唔夠四個月又飛？又去8日？」……. 呢次真係冇錢，真係冇架….要忍手手手手手手手手手手。FF8 有咩睇呢？同人誌囉，中原麻衣囉！！
不過，FF8令我諗起一樣野，我帶唔帶套衫去 FF8 Cosplay 感受下台灣同人活動的氣氛呢？不過我啲國語真係「波波波波」 (國語四個音節都係讀同一個音，明啦 :X) ，要急急學下啲國語….
不過最初大家係安排去漫畫博覽會，但發覺嘉賓太以漫畫為主，聲優Cast 都麻麻，但FF8有中原麻衣，差好遠呢，所以就改去FF8了。如無意外，兩日都會去晒FF8，當然當晚我地會即時報導一下裏面情形啦。
PS: 我起日本動畫展囉果個紙袋(爛咗果個呢)，其中一邊就係 ZEGAPAIN….。
隨心
回應的RSS
暫時未有引用通告
2006年07月06日
忙到嘔之風水叔叔呃你十年八年
近排忙到抽根，工作、娛樂與訓覺時間安排得密麻麻….
1. 世界波
世界波令到工作心情減慢，精神無法集中，食無定事，杯麵零食買多咗等等。起屋企一條友睇波都幾悶，尤其Chat Room 網友各有Delay (由十幾秒到一分鐘不等，原因不明 
)，被「媽」話唔該同佢地Sync番個鐘先打 “Goal~~~~”等字眼，大家一齊Goal咁話 
所以最好都係成班一齊睇，上星期六就成班Chat Room友上黎一齊睇住個電視Go Go Go~~
不過啲友仔話電視機張相，好似打緊WE… (相片中冇一個係我:X)
2. 飛天彈道真人版
星期日有個朋友帶咗我去啟德打 Golf，但我其實係第一次打，所以就即係黎學 Lesson 1，經過個半鐘地獄式訓練，初部都明白點打，重話我第一次打已經幾好，跟住叫我番去囉支藤條練習下。
學完 Lesson 1 ，只要學識三大口決，就識「打」 Golf (發球)，包括：腳要曲(凸Pat)，左手要直，腰要直。只要練熟，就可以打得好好。不過 Golf 真係好貴，比起其他運動都貴，場貴、用具貴….真係上等人玩意。但至少唔洗走黎走去，又唔係考眼力，又唔係考體力，都幾岩好似我呢啲體育傷兵。不過，第二日就慘了，腰痛，腳痛，手指痛膊頭痛等，成個廢人。（圖中之人都唔係我，亦唔係我嘅 Friends，只係起場中亂影:X)
3. 小記者 Volume 3
上星期某日下午，突然有人打黎搵我，原來係某小學的一位老師，今年又想搵我教小記者訓練班，佢好驚咁話我係咪今年唔黎教(出面真係冇人教?參看下文)，計埋今次，我已經係第三年幫呢間小學教小記者課程，但痛苦在，由於佢地小記者呢個課外活動係由小四至小六，每年黎一啲走一啲，即係可能有個學生三年都會見到我(即三年一個Cycle)，咁我咪又要諗過晒要教乜？經過一番痛苦的討論後，決定今年當興趣課程收晒所有新同學仔，然後起裏面再揀啲精英出黎做小記者。不過今次會有小量改改啲內容，同埋Update番啲報紙/片段，活動都會有更改，而且諗咗一啲新遊戲，有難度之如亦富有真實感，教乖嘅小朋友真係幾好。
(相中係上年10月教小記者果時影嘅，佢地玩緊一個好簡單，但又好多小朋友都想出黎玩嘅小遊戲，就係讀稿。畫面播住一條 TVB 新聞片，同學仔手上有呢段片的 VO 文字，佢地只要跟住 VO 睇住畫面讀一次，就係咁。不過，佢地讀得比較慢，而且讀到好似念書咁，所以就要比佢地讀下，知道應該要讀得生動啲，否則悶親觀眾。)
校園小記者係教局近年推廣嘅重點興趣小組，可以比小朋友可以自己親自去見識不同嘅事物，亦訓練佢地嘅思考與、文字、說話及表達的技巧，都算係全人發展架。不過由於都算係新嘅活動，而裏面亦包活了新聞稿件寫作的技考以及拍攝 (DC/DV)嘅應用，一般小學老師都唔會識呢啲，咁所以就好多時都要搵外面公司幫手攪，或者參加報社攪嘅小記者訓練。不過全港有七百幾間小學，而且唔係間間都抽到去參加報館攪嘅小記者訓練，所以其實呢個都係一個幾吃香嘅生意。我都搵到一間攪小記者嘅公司，佢地由一啲新聞/傳理嘅畢業生攪，佢啲套餐有平有貴啦，不過都真係幾好搵架。
不過又諗起一個笑話，每次上堂，都會有小朋友問我：「你係咪記者黎架！」。其實，我唔係 :X
4. 風水大師
自從起電視跟完蘇師父學咗十幾堂風水之後，呢家已經識睇八宅、基本風水布局，呢家教緊九宮飛星，的確幾難，要專心啲上堂先得。網友知我學識睇風水之後，就走黎問我同佢睇下，又問我佢公司搬新Office應該坐咩靚位，連客都打黎問我話同佢新Office睇下，係咪真係咁恐怖？不過…講都唔信，自從二月尾我起移媽買咗兩支富貴竹番黎之後，突然間開始旺到爆，做到踢晒腳，講都冇人信。
5. 香港突急見客之 Band 3 中學
今日突然間入咗去間 Band 3 嘅中學見客，佢地想搵公司寫套訓導資料嘅管理軟件，咁就約我上黎傾下，講下佢地學校啲違規點計數，點Gen Stats 等等，咁講起佢地呢家Existing嘅 DB，就係搵 Excel 一行行裝住，佢地話一年都成二萬幾個違規記錄，用 Excel 黎處理同埋做統計，都幾囉你命。點解會搵到我地？因為我地同佢啲辦學機構另一間中學 (今次呢間Band 1 :X)，做咗個老師進修統計嘅系統，呢家好鬼煩，要年年計下啲老師進修時間，報上去教局，咁所以就要搵人寫套 System 了，咁呢間Band3中學想搵人寫，又知同母學校有個咁嘅System，就問佢地囉咗我地Info，朝早11點打黎，想下午2PM去開會，真係急過坐火車…而且間學校位置好偏僻….真攪笑。
隨心
回應的RSS
引用通告(2)
2006年06月13日
(0) 
