今日賣咗兩隻PSP Games 套現，錢一黎，跟住就洗晒佢了:P
咁就起書局買咗三本書…….
第一本係… 日語會話辭典，呢本野點都好過 Talkman (今日岩岩賣咗…:p)，除咗可以囉去日本用之外，重可以平時學下常用日語對話。(HK$80)
第二本係… CEO對話。我一向都有興趣睇呢啲管理書籍，原本呢套野有 DVD 賣，不過一集都賣成五十幾蚊，買晒咪五舊水？本書都係賣138蚊….
第三本……係我第一本比錢買的英文小說=.=….. 達文西密碼。點解買英文？講我話學英文都冇人信啦！中文版賣百幾蚊，但英文版只係$76蚊…平成四十幾蚊，所以…買英文版啦。….(PS:你估我係咪真係有心機睇? …之前我睇基路山都係睇中文版…..)
最後….比完錢..先知…用某銀行信用卡有9折……但咁岩，我就係用果張信用卡比…… 所以最後平o左 $29.4….
隨心
回應的RSS
按此回應
暫時未有引用通告
(0)
2006年04月28日
netvigator (PCCW) 繼 now 網上節目$10任睇TVB節目重溫之後，又一恐怖新產品 MOOV~，以$39蚊一個月(原價$69)任聽歌曲，唔洗每首收費。
睇落$39好似好抵，除咗裏面歌曲都幾多及齊外，亦無收聽限制外，但一講到下載歌曲呢段，就話「無須下載，網上連線收聽」，咁即係「冇得下載，只限網上收聽！」，如果你想抄落mp3 機，咁你自己諗諗計了:P 不過當然，以正版黎睇，$39算係平，而且冇任何限制，但裏面啲歌…..我搵唔到日文歌，所以完全唔岩我 
PPPP (中文同英文歌就有……)
另外，正想我login 入去望下…….就…..
隨心
回應的RSS
按此回應
暫時未有引用通告
(0)
2006年04月24日
上星期看櫻蘭高校提及「庶民咖啡」，窮人冇時間磨咖啡豆，所以要飲即沖咖啡，重要賣100克300Yen！(看到呢幕真係笑出口..原因下面先講:p)
極為有同感！窮人的確係冇時間磨咖啡豆！亦都唔識沖咖啡！
最近望望信用卡積分，原來我已經儲咗接近六萬分….係時候搵啲野換下。咁例牌去望下個禮品Menu，望極都唔岩心水，越高分果啲，大大部份都係家庭電器，但我對果啲真係冇乜興趣(我要黎做乜?一係屋企已經有未壞，一係就冇用)。最後比我見到呢件……
咖啡機一部！如果我換黎放起公司，咁就可以唔洗再起公司沖「庶民咖啡」！不過…就要改買咖啡豆同埋買過濾紙，咁就真係變咗「富豪咖啡」了………
咁我呢啲窮人會唔會有冇時間去研究咖咖豆？
最後，好笑的原因係…我起公司都係飲緊畫面中同一隻牌子同一個Packing的「庶民咖啡」……….(Packing 說明都係印日文字 :p)
動畫與漫畫, 隨心
回應的RSS
按此回應
暫時未有引用通告
(0)
2006年04月19日
我的 iTune 一直都有一問題，就係不斷咁侵食我硬碟空間。
起iTune 的音樂資料夾，佢會不斷咁 Generate 順號碼的 Temp File，食到我隻Windows 叫救命話冇 HDD 位。好似今次咁，食咗9.6GB…..次次都要人手入去剷。你有冇咁的情況？
隨心
回應的RSS
按此回應
暫時未有引用通告
(0)
2006年04月17日
一年一度的BDay 又來了，不過今年特別唔同，因為走咗去香子蘭學整蛋糕(!)我從未整過蛋糕架！連飯都唔識煮:P 所以真係大挑戰。成個蛋糕起碼有95%都係親手做架 (除咗啲雞手鴨腳的情況外:P)呢個叫榛子朱古力卷，初頭望落去好似好易架，但原來真係好惡做，幸好最後尾都埋到尾。
晚上囉咗個蛋糕出去同 Friends 食飯，係大排檔黎，食嘅時候，問大排檔老闆囉把刀黎切，佢囉咗把大菜刀出黎，笑爆咀，最後切咗十件大家分。大家都話好味，好在:ppppp
不過講樣野你知，我開始做個餅搓粉前，冇洗到手 PPPPPPPPPP 好在大家都冇食屙，哈哈哈哈，不過我都準備上機去日本了，冇仇報，嘿。
日本見！
隨心
回應的RSS
回應(3)
暫時未有引用通告
(0)
2006年03月24日
由於有Quiz (-_-)，要溫書，以下內容，不日推出（保證起上機去日本(3月24)前推出部份內容))
重有好多精彩內容，記住密切留意！
(以上內容，全部吹水，請勿投訢)
隨心
回應的RSS
回應(3)
暫時未有引用通告
(0)
2006年03月20日
忙咗成個星期，出街，見客，做野，吹水，食飯等等，雖然未能用文字表達，不過都可以組成一堆圖片新聞節錄。
1.老翻風雲
最近，我將呢張相，Paste 出黎比啲友仔睇，個個一睇都問我同一個問題：「真架？」，個個都比個Windows 嚇親，但我跟住會話：「假的。」嘿….你買咗正版未？…
2. XBOX 360
早兩日(16號)起尖咀碼頭等巴士，起對面的士站，見到一排幾架的士都貼咗 XBOX360的廣告，連條隊後尾都有個男仔囉住部XBOX360，XBOX真係咁正？…… 不過我都係對 FF12 有興趣多啲…..
跟住…上到巴士，終於第一次起 Road Show 睇到網球王子，真係剪到一段段唔知Up 緊乜，算吧…… ~_~
3. VALKYRIE PROFILE
個幾月 PSP 冇Game 打，終於出咗隻有啲興趣玩的 Valkyrie profile，不過好惡玩下，一開始已經玩錯，同埋最唔識係佢個 System ，例如原來要自己升Lv，自己「練成」啲道具/武器等等，所以已經由頭玩過…..
不過呢個3月真係好過份， PSP 有 Valkyrie Profile， PC有英雄傳說6 SC， PS2 有 FF12，邊玩得切？….. PSP 出黎搭車打都還以，但 PC 同 PS2 真係冇時間玩，痴線的！
4. 電影節
電影節又殺到了，但唔知點解覺得今年冇咩好睇，但不過買下買下都買到幾套戲，另外上年冇睇到露天銀幕，今年補番，揀咗睇怪醫博士， 唔揀FF7的原因係 1. 睇咗&有DVD，2. 露天睇，音響欠佳，無謂啦。
我會睇以下幾套戲，睇下有冇機會見到你：
PS: 相有好多張飛，多咗果啲係同朋友訂的 :X
5. 同人誌
如果我畫啲咁的同人誌公仔漫畫，你估有冇人會買？ 神龍刺青都起 CW 賣得晒啦，不如我都出本呢啲怪公仔漫畫啦
如果你還有膽量同勇氣，歡迎Click 去睇全文，重有一張圖片 :X
隨心
回應的RSS
回應(2)
暫時未有引用通告
(0)
2006年03月18日
