新 BLOG - 2008 放眼世界

幾日堆咗個Blog起度唔得閒理，但就又被spam comment炸了。就快忙到唔記得呢個星期六要同下星期六要考試…..

小談一──WTO之亂：

幾日WTO 我都未講過，亂都不大問題，暫時對我冇乜影響，不過講起電視直播，我有睇到的有線、ATV24及HKBN黎講，有線呢次贏晒，ATV24唔係經常有直播，HKBN更唔掂，直播位置遠到好似睇唔到咁(佢做到直播都算係咁-_-)，TVBN睇唔到，所以不評論。做呢啲 Live 最考主播經驗，否則齊齊Dead Air….

小談二──曾生政改：

尋日曾生帶埋成班同事走去出席民建聯的簽名會，簡直離譜。曾生谷立法會通過都唔洗咁呀嘛，咁樣係咪即係曾生幫民建聯，官黨勾結？曾生幾時入咗民建聯？呢家規定特首唔可以有黨派，呢家咁帶隊黎支持，根本有問題，睇見都眼火爆。

早日報紙都已經講佢地簽名會出口術，同市民講係支持普選等等，跟住呢家話有40萬個簽名，又玩鬥多？曾生早日先話人數唔係重點播………

小談三：玉置成實@高達展

今年又有高達展，但經常都比人話年年翻炒，所以今年大示宣傳話今年有好多新野架，起碼有Destiny兩米高模型！玉置成實重會黎出席唱首歌咁啦(但冇講邊日到..)，最有趣是高達Fans關智斌，已取代了梁榮忠的位置，嘿……..偷食丫拿:X

小談四：Animax 2006年一月新動畫！

2006年1月Animax新動畫很正！包括有星空的邂逅 OVA 、卒業、絕對少年、風人物語和奇諾之旅！全部都係推介！

 隨心  回應的RSS 回應(1)  暫時未有引用通告   (0)
2005年12月16日

1. 星期一，PCCW 師父晨早打黎話上黎裝電話線，先諗起今日搬番條電話線黎PCCW。師父上到黎，望見電話插位，打開望完，屌晒鬼，入屋得兩條線，一條比咗個CyberExpress 3Mb BB，另一條比咗個NOWBBTV ，後尾佢打電話去機樓落Data，點之機樓一野攪死晒BB同NOWTV 兩組線，話之前D 資料錯晒，個師父打電話鬧鬼機樓條友，發晒皮氣，話我係安裝電話，呢家BB死咗我做唔到，你安排個BB維修師父上黎啦！一路裝一路屌，話：上到黎睇見兩隻Modem三組分機已經大鑊。我重有四單客，你(機樓)咁攪死晒兩組線，我重洗走？

後尾攪一餐，條CyberExpress BB 正常番，NOWTV 都正常番，電話線由NOWTV 抽出黎，但因為我呢度有幾組分機，插晒的話，NOWBBTV 個Modem 會閃Alert 燈即死，後尾只係飛咗一組分線入去。問題係電話線唔可以用 CyberExpress 果條BB 度囉，因為PCCW 獨立租咗比CyberExpress，唔可以咁偷黎用。最後終於攪掂上得番網同NOWTV。

2. 尋日打去HKBNTV CUT 電視，CS 即刻飛我條線去客戶關注組，又Sales 我。我第一句屌佢：我打黎Cut，你做乜Sales 我？跟住佢Sales 咗個$88蚊/月送水晶麻雀的Plan，重貴過之前D sales 打黎Sales 果個$28/88/月的Plan，跟住我不斷話貴，佢就話好抵，又有七十幾條頻道。我話你個價錢唔乎合我心目中合理的水平，所以我會CUT，跟住佢就話，平均除開每日都係三蚊咋播，抵過買份報紙。我即話：不如除盡啲丫，除到每秒幾多仙丫，聽落重抵呀。後尾佢就話佢地平過其他收費電視公司，而且頻道多，我話：我冇話過要轉去另一間公司播，CUT 咗咪唔睇囉。

經過一大餐你屌我插之後，佢終於話Fax份Form黎，我問佢最遲幾時Fax番去，佢就話呢個月尾前Fax番黎，然後要起合約期完之前(1月31日前)還解碼器。我問佢，點解係前，唔係後，佢答：你可以1月31日或之前還都得。我問佢點解要1月31號之前還，我都未用完個Service，跟住佢話，你可以1月31號還，但之後還的話就要收錢。(真係痴線，呢個我會遲下再寫信去投訴下-_-)最後終於Fax咗份Form黎，我亦於5min內填完Fax番去，睇下佢會唔會再打黎比個更平的留客Plan我….

3. 尋日收到考試局寄黎的會考個人資料檢查表(我無無聊聊報咗下年會考英文課程乙:X)，發現考試局寄黎的信封都好透下，完全係可以見到晒印起入面的個人資料，包括姓名、電話、身分證號碼、出生日期及地址，都好離譜下，咁諗住寫封信去考試局投訴，但諗諗下，不如又Send 比蘋果玩大佢，連埋Scan咗個信封，睇下今次又可以煲幾大。識我的人都知我幾年前有單「玩謝百老匯戲院事件」，呢次黎單「玩謝考試局」…封信及Scan 咗的圖可看內文。

 隨心  回應的RSS 回應(2)  暫時未有引用通告   (0)
2005年12月07日

你又上電視了 :X

 隨心  回應的RSS 回應(1)  暫時未有引用通告   (1)
2005年12月04日

前言：看來在無聊的時候，就是時候作文了。自資配音課程由７月上課到現在都有四、五個月了，但好像（應該是事實上）都從未談過配音的事。所以應都算是候講一下在配音課程中的苦與樂。

老實說，我經常都會拿一些興趣班課程的簡介書看，例如工聯會、港專等等。以前我都想過讀一些關於導師教學的課程，但最後都沒有去報名，年中在港專的課程簡介書中看見一個配音入門課程，學費只是八百港元，看來很像很好玩，所以就去報名試下了。

上課後，由於這個只是入門的課程，內裏只會配三套片段，其他課堂都是講其他內容，例如正音、讀音、扮聲等等。雖然很像沒有特別，但至少令我比以前更留心自己的中文發音有沒有讀錯（懶音），例如中「國」我一直都是讀中「角」，經「過」我一直都是讀經「個」等，但從來都不會理會，但現在已經強迫自己讀回正音。上完這十課後，覺得配音很有趣，但有點不夠喉（因為只得三套片段），所以又看一看港專的課程簡介，看到又有另一個「專業」一些的課程，但價錢就要千四元了。

這次真的不同了，第一課就給了一篇黃巷之狗給我們讀，第二課開始每課都有一段片配，由於全班都只是得兩個男學生，所以我就要和數位女同學配，即是我有很多機會去用不同的方法嘗試練習。（如果你又有興趣，又是男孩的話，出來配的機會會很多呢，很著數）

這期課程，我只餘下一堂，其中配過韓劇、台劇、動畫、旁白、西片、武俠片、廣告等。每一課都是一個挑戰，總括了十堂，其實配音只需要有三大技考：正音、聲線、語氣。

正音，即是讀出正確的發音，每一個做傳媒界的人都需要，包括藝員、新聞報導員等。曾聽一位電台行家說，一入行公司就會派一本字典給你，不要對公司說不懂讀某個中文字。我早前與某人談開我學配音的內容，他（現在是一名中學生）說學校都有教正確發音，但我讀中學的時候，從沒有教過粵音正讀，真的是現在的中文中學主力教中文？(笑)

聲線，就是你如何運用聲線發出的你聲音。一般人都說做配音，你要能發老、中、幼三種聲線。但原來，導師教可以用口發多過三種聲，由正中間的「中音」起，向上、下顎發音，再向上至鼻、額頭、向下至喉嚨，共七個音。中音即是平時的聲線，下顎發音像動物卡通的人物聲，喉嚨音就可發出機械人、老人聲線，上額、鼻音就像曾志偉的鼻音，額頭都可以發音？我都不信，原來額頭發音就像BB嬰孩的聲線。看來一個人要發七種聲聽來真的有點恐怖，但原來真的可以。我？我向下發展就可以，向上發展就很易出假聲。導師亦說，不要用假聲，要無時無刻都要用真聲。

語氣，最難都算是這樣，就算你有正音，有聲線，但沒有語氣，配上角色亦會暗然失息。即是你如何運用語氣表達情緒，例如喜怒哀樂，如何笑，如何哭著說對白，如何大聲地鬧人等等。語氣亦包括氣聲，例如跑步聲、用力跳起聲、打交出招聲、中劍痛楚聲、推門聲等等等。這個是最難的，如果你仍然不知是什麼，你可以看一集鋼之練金術師，看看他們的打鬥，會有一些「衣」、「呀」等等聲，這就是氣聲。配氣聲是必須的，如果你看一套節目，沒有這些聲，就會覺得非常之怪，平時大家沒留意的原因，是因為有配景音樂覆蓋了。

真的只是三大技考？當然不指啦，還有一些，最基本的技考就是「眼明耳靈口快」，眼看電視及對白、耳聽耳機、口讀對白。我們每配一套片，會先「對一次片」，即看一次片段，那個位置有自己的對白，用腦記畫面，然後讀一次稿，看看對白「夠不夠口」，有時候對白翻譯出來，字數與畫面人物口的「開合」不足，例如對白已讀完，但畫面人物仍然「講」說話，即是「不夠口」了。亦要聽原音角色的情緒及聲線配合，以及記下那些位置需要配「氣聲」，最後正式的時候，要留意畫面聽耳機，但千其不要太依賴耳機聽聲，要記畫面，因為聽到耳機講對白時才講，就會慢了一拍，而又因為你慢了，又可能會心急，所以快快地讀對白，所以又會讀得快而不清楚及讀錯對白等等。所以，在正式前又要讀一讀對白，看看是否通順及沒有讀錯字或一些生字不懂讀。

真的那麼多技考？是，其他的就是經驗。如果你練習得多，一年半載就可以去做兼職配音員。全職呢？現時除了 TVB 有全職配音員外，都聽不到街外有全職了。但 TVB 的全職配音員入行只是靠訓練班，除了要簽長約外，人工亦幾很差（我有一位朋友的朋友上年年尾參加了 TVB 訓練班，當時主力配 SuperSUN 節目，現在 TVB 中的節目都她的聲音），街外的兼職，人工要看你的經驗，通常首年因為經驗不足，人工極差，只可以當訓練的心態看，但過了一年後，人工會好一些。

早排亦聽一位行家（他以前在亞視配音組，但後來配音組解散後在坊間做領班）說，現在行內欠缺男聲及新人聲。正如你現在看 TVB 配音劇，來來去去都是配音組那一班舊人，不是說舊人不好，而是大家都聽慣了，有一些人希望想聽一些新聲線，所以你亦看到 TVB 有一些配音劇都用新一班配音員配上，除了是訓練經驗外，亦是讓觀眾有一些新感覺。

講了那麼，我適合做配音嗎？我都想了很久，只可當興趣，要當為職業的話，都對請我的人不好意思，可能我都要訓練三、五、十年才可作為職業呢。作為興趣的話，成功感可能會大一些，有一堂我們配動畫，落堂的時候有同學和我說配得很像似，我聽了都覺得有一些成功感。但我經常都對自己的聲線不滿意，例如去不到高音，例如尖叫已經不能了，很容易發出假聲，另外用得太多真聲，很易缺氣及沙聲，是否真的要「開聲」呢？我連最基本的用丹田發聲都不懂。是否應該去學唱歌呢？

最後，我亦然會為了興趣繼續去挑戰自己，雖然好玩？但不好做。

 隨心  回應的RSS 按此回應  引用通告(1)   (0)

http://www.sce.pccu.edu.tw/card/boss/

今日玩咗呢個心理測驗，話我有57%老闆格，但重點係，佢有份詳細報告，裏面寫得我好中=.=

包括話我係純潔、與人為善、有自閉之傾向、容易心軟、善其身、自我要求高的人、靜沈著、善於分析、交遊廣闊，朋友含括各個階層等等..

你又中唔中？

 隨心  回應的RSS 回應(2)  暫時未有引用通告   (0)
2005年11月19日

前日裝咗 Google Analytics 起呢個Blog度，今日終於有數字睇了。先講下Google，岩岩尋日Google股價升破400美元大關，最近又推出咗 Google Base 同 Analytics，重有Google Reader呀，Google Desktop Search 呀，Google Homepage呀，Google Talk 呀，Google 乜乜呀等等。

Google 一種簡單而實用的網站，表面上唔會呃你，又唔會有大量廣告，但佢實現咗「每人比一蚊，全球六十五億人就有六十五億」的理念。每個廣告只係幾仙，Click Click 下就賺你幾百萬。Google 推更多服務，令你起不同層面都接觸到Google，亦不斷起左右賣人地啲廣告。廣告有平有貴，大小通吃，總之就係你肯比錢，就有你份。

返回正題，雖然 Google Analytics 係買番黎，但Google 將佢平民化，而且重係免費，目的都係想你知道你個網站需要咩Keyword，然後你就可以主力落邊隻Keyword，咁最後，賺錢的咪又係佢。佢一平民化，最得益的都係用家，如果唔係，普通User何來有機會用到呢啲商業軟件。

Google只係賣Keyword都賺到發，所以Mic記同Yahoo都睇住Google走。Mic 記已經靜靜地咁行緊 Windows Live Ideas，重點將會放起Live Mail 入面。Live Mail 就好似佢隻Exchange 2003 Web版咁，同個Windows 冇乜分別，埋明頂住 GMail 。 Yahoo最近都推出了 Yahoo 360，真係有排爭。

再次回到正題。Google Analytics 更新比較慢，所以如果你岩岩裝好啲Code，佢要一日後先會有資料睇，所以你咪咁心急，等下啦。

我Cap 咗幾個Screen，係尋日一日內的資料，可以Click 入黎睇。

 隨心  回應的RSS 回應(8)  引用通告(2)   (0)
2005年11月19日

早兩日終於走咗去上次做開果個造衫師父做呢套CLUSTER EDGE 校服Beryl外套同西褲了，夾埋來回車錢要成八百蚊！如果你起ACG 見到一個著住呢套衫的Cosplayer，應該係我的了，可以黎同我打個招呼架！我諗住著住去的了，去到換都好煩，多條燕子尾之嘛：X我仍然諗緊買唔買個假髮…….心大心細中….

頭先睇ATV24直播廖秀冬記者會，比我發現字幕打錯咗，跟住唔夠20秒就改番，跟住ATV又趕住收工，廖秀冬一講完就即直播完，早兩日曾生講麵包又係咁，一講完就ATV24就話要完，接住要播12點半新聞聯播。講番頭先廖秀冬直播，直播完後主播蘆葦琪就好有「動感」地講解一次。不過呢個咩機制，聽完我都唔識計：X 證明我啲數學真係奇差！！

最後，講下呢兩個星期借咗呢堆書。E-Commere 為咗讀書做Paper用的，C#為咗有啲新Program 要寫做研究 (C# Web) 同埋Improve my programming skill，Java Game 就係見到個封面有啲日本漫畫公仔吸引咗借黎睇：XD

 隨心  回應的RSS 回應(3)  暫時未有引用通告   (0)
2005年11月17日