新 BLOG - 2008 放眼世界

架勢堂 2005 年 10 月 3 日 - 迪士尼太空山壞機

網友報料，尋日903森美小儀架勢堂講咗早排放出去比人睇果條迪士尼太空山壞機片段，講得好鬼好笑，我一路聽都笑出黎。所以特登搵咗個重溫番黎，冇聽到的，可以Download 黎聽下，只係 2MB。

借呢個機會，講下放呢條片同呢家聽番黎的回應的感想。

最初放呢條片，主要係想講迪士尼職員處理呢件事的失誤地方，除咗有果位外籍人士趕大家走（呢段我企個位太遠同埋數碼相機問題，所以錄唔到），同埋由排咗成粒鐘都唔肯講係壞機，只係話「未能升空」，只係叫大家等，唔等得就走，到大家坐晒起地下等，等多半個鐘先話要關門，令到全城排隊人群開始起哄。

但估唔到的係，大家的集中點，放咗起鬧得最大聲果幾個中年男人（佢地成班係排起我格黎，如果比佢睇見條片都好好笑 :X）一咪鬧，一咪叫回水，同最後尾一班呀叔師奶搶紅色特別 Fastpass果啲「影衰香港人」的寫照。呢個係我意料之外的地方。可能起我的心目中，因為有去到迪士尼親身經歷呢件事，所以就只係想將我 Feel 到最 Worst 的野就覺得係事件的重點，所以有句說話：「旁觀者清，當局者迷。」係有佢的道理。

你只要起各大 Search Engine (YahooHK, Google, MSNHK) 打入 “太空山壞機”，就可以搵到好多 Forum 都有呢條片的蹤影。

隨心回應的RSS 按此回應引用通告(6) (0)
2005年10月04日

購物魔鬼！

睇完個廣告之後，果晚一落堂就仆咗去旺角豐澤買咗部 PSP 了，當然係24個月分期啦！！！咁因為行貨 Game，所以冇乜Game 揀，咁所以就揀咗隻新 Game 天地之門中文版！

我從來冇諗過會買 PSP，如果唔係24個月分期，真係唔會買……

第二朝，晨早 11 點走去咗 UNIQLO 掃貨，因為11AM開門，所以未洗要排隊入去，但遲多半個鐘，已經要排長龍了。咪話入去要排，連試衫都排兩個字，排隊比錢排四個字，所以就開著部 PSP 一路打一路排了……

UNIQLO 入面啲人好似啲衫唔洗錢咁，男女狂掃，好快出到街周街都係 UNIQLO 了…不過佢啲野真係幾平，平過無印良品好多，如果你都有興趣，早啲去排去買褲，呢幾日開張日做緊特價$200蚊條，我都掃咗一袋。(我見有好多人去專掃褲，一掃就五六條-_-;;;;;;)

隨心回應的RSS 按此回應暫時未有引用通告 (0)
2005年10月02日

我老豆玩咸濕Web Chatroom ?

啱啱番到屋企，見到我老豆坐起電腦面前訓著咗，個芒開住個 Web Chatroom，裏面有大大個大陸”北妹”坐起度講國語，覺得係咸濕 Chatroom，咁我就靜靜雞影咗佢落黎：PPP (唔好話比我老豆知:X)

我屋企都算係個IT 家庭…. 屋企有5部電腦，老豆自己一部，我媽同我妹用一部，我自己都有2部PC 1部Notebook，我老豆用電腦黎玩大陸 Game Room 、Webcam Chatroom 同睇財經新聞 (我老豆部機有兩隻Webcam -_-)。我媽就Online買賣股票、自己去大陸 BT Site 搵韓劇Download，我妹就起各大Forum 搵Scan 果啲漫畫儲，儲夠4GB 就燒落碟，同埋起HK Yahoo 賣家產，我都唔知佢有幾多野賣。我…. 咪普通人一個 :X 講起早兩日無意中起餃個blog 度見到link 去我呢度個名叫”奇人小新之Blog “，我有幾奇呢？

隨心回應的RSS 回應(1) 引用通告(1) (1)
2005年09月30日

ipod shuffle 有 Bugs……

早兩日見到 ipod updater 2005-09-23..終於有 ipod shuffle 的update 。

初頭以為有咩正野加落去啦 (部機咩 Q 都冇，有咩可以加 ? :X) ，個 Description 話係 Bug Fixed！

哈哈， ipod shuffle 有 Bugs 啊，所以我就整咗呢張「設計圖片」，搵隻蒼蠅(?) 同佢影番張相 :p

PS: Next Blogs.. FF7 AC 特別版 DVD… 三日前囉咗番黎 Cap 咗堆Screen 但未處理……..

隨心回應的RSS 按此回應引用通告(3) (0)
2005年09月29日

Disney 太空山壞機賓客被困空中及惡鬧演藝人員事件

估唔到我攪出黎的傑作 “Disney 9月4日公益日太空山壞機賓客被困空中及惡鬧演藝人員事件” 由 PUMB 起9月4號晚開始開始流傳，已被傳到去各大 Forum 同 Newsgroups，重有一堆 Email Forward，直至尋日，三條片夾埋已經有五十六萬下載人次(第一條片超過20幾萬，另外兩條片各15萬)，下載流量共超過340GB（最高一日去到48GB)，攪到 Server 頂唔順，差D 被停Server！唔好睇少 Internet 的魔力！

諗起一兩年前一個笑話，有某朋友起網上透過ICQ流傳一個關於”香港學生作文” 的Scan的功課(當時很出名)，最後該網扯又由 ICQ 流傳回他手上，完全笑爆。