呢套 Cloverfield 真係好有趣。入場前從身邊聽到以下的comments..
但睇完之後，我完全唔覺頭暈(可能我剪得多呢D頭暈片…)，拍攝真係好 Home Video Feel，令你覺得好真實，但其實又覺得真係好縮皮，偷雞同埋好好玩的片。
此片不適合一家大細、唔識上網、師奶、呀叔、情侶、懶人、廢人、影評人觀看。
(以下內容有劇透……)
電影
回應的RSS
回應(3)
暫時未有引用通告
(1)
2008年01月23日
3月時日本剛播秒速5cm Yahoo JP 放了第一話出來，當時看了亦寫了一個小評，但由於未看二、三話，所以未有整體短評。剛剛電影節Summer Pop 終於帶來了新海誠的動畫，亦令我在年頭寫的電影節blog 內容成真。雖然 DVD 已在日本推出，但已經忍手不看，等在電影節在戲院內看。總算看了，當然有讚亦有丙！(有關第一集故事簡介請看早前的blog)
畫功一流，場景細緻
首先講畫功，看齊三集後，今次5cm的畫功比上兩套更靚，尤其在畫背景方面如天空、雲海、草原，都非常細緻，在處理陽光方面，亦非常之出色，呢樣真係比起外國的大制作動畫完全不同級數。
故事時間 (Timeline)
至於時間的交代，如果有留心睇的話，起畫面上面係有交代每一集的年份，例如第一集係 1995年，當時手提電話仍未大普及，所以男女主角仍然以郵件通訊。但到第二集，他們已經有手提電話，代替書信，第三集他們已經長大亦已經出社會工作，時間係2008年，在第三集中段男主角貴樹在便利店囉咗本雜誌睇，裏面提及衛星上太空是 1999年，即是第二集是在1999年發生。即是故事其實已經係過咗13年。
故事：偷雞劇情
故事方便，我覺得新海誠呢次係有啲「偷雞」。新海誠起畫工上係出色，但在故事上處理的手法經常都有一啲問題。今次他將故事一切三，在第三集最尾播歌，一鑊過將呢13年發生的事起首歌內一次過快速咁播晒出黎，佢就可以諗小好多劇情，但又可以交代整個故事，等你超快吸收，吸收唔切就唔該買隻DVD煲番。
雖然佢有一部份冇詳細咁交代，但總括上都估到男主角貴樹同女主角明理因為分隔二地，而大家各自都在自己的學校識了異性，開始中斷聯絡，大家各自有各自的生活，雖然貴樹仍然掛住明理，但只係打短訊但唔敢Send出去。而最後，明里與高中的男朋友結婚，而貴樹雖然曾經與一個叫水野的女子交往三年，但最後水野亦發現貴樹心裏面仍然係有另一個女子而分手。
另外你有睇過星之聲的話，都知新海誠好鍾意以「訊息」去表達自己的思意，去取代語言的溝通，經常都係「自然自語」，缺乏互動性，劇情、內容等由觀眾自己起畫面及對白中前後分析及吸收，第一、三集就是這樣。你可以話係新海誠的風格，不過太過過份就令到觀眾覺得故事很悶。
第一集有一半都是坐電車，要表達的內容不多，第三集直頭「打矛波」一首歌講晒13年的事，最有心機及劇情編排，都算是第二集，用了一集去講澄田花苗一步一步鍾意了貴樹，但經常猶移不決，到最後正想表白時，終於都向現實低頭，感覺到貴樹心裏面有另一個，而繼續維持同學的關係。
雖然最後故事仍係表達到想帶出什麼訊息，但仍然係「一舊舊」地表達出黎。我覺得新海誠起編寫一啲較長的劇本的時候，總係無法連貫到，所以話今次將個故事拆開三集係偷雞。
另一樣滿意的係主提曲「One more time, One more chance」的歌詞非常好及貼題，雖然被放在一個偷雞的地方處。呢首歌係山崎まさよし起1997年播放的電影「月とキャベツ」裏面的主提曲，10年後比新海誠再用，再由山崎まさよし番唱5cm Edition版本，仍然係好正。所以睇畫面追劇情之如，都要留意下歌詞。睇唔切？DVD吧！
戲院中文字幕爛
五十五蚊係值回票價的，不過今次電影節播放的版本係亞洲影業代理咗的字幕版，即係話好大可能起香港係會上正場(可能只在電影中心/APM上映)，亦會好快出正版DVD，如果正版DVD 係好似日本DVD 特典版有齊咁多個訪問、MV及Storyboard，是非常之值得買，但唔該佢地要譯過個中文字幕先，因為呢家播放果個版本啲中文字幕錯得好過份，有啲譯到錯Q晒…..
後記…
畫面其實交代了不少劇情，例如介子戴在無名指(結婚)，貴樹心中的幻想(一直都想著同明理一齊)、貴樹的工作(Programmer)，另一幕特別想講講下，就係以下的畫面：
係貴樹收到佢前女朋友水野的 Email ，上面有張倒轉咗的Form，其實係一張雇用保險的離職證明書，證明佢離職，可以去Claim 雇用保險(類似失業救濟金)。想知多啲可以睇下呢個 Webpage 有介紹日本的社會保障制度。
電影, 娛樂/影視
回應的RSS
回應(3)
暫時未有引用通告
(3)
2007年08月09日
特登去囉咗兩張電影節 Animax Theatre ，原因只係想睇下有冇攪攪震人士帶個邪神 Saber 去，但非常地失望，係冇的。今日睇到電影節Newsletter講話有成50人入唔到場，真係唔知佢派咗幾多飛出去，我見有啲人坐到去好邊邊而且係超惡 睇，所以呢啲場，你早一個鐘黎排隊啦。場刊話會播80分鐘，所以都預咗裏面係播番頭三集，所以入去都係當「溫書」，問題係睇下佢地點剪法，不出所料，都係 剪晒每集啲OP/ED咁，連續咁播三集。
不 過估唔到地，個畫面Source超差。畫面係差到爆晒光Over晒之如，畫面重一條條線咁，字幕唔係 Animax 平時用開的字幕字體，有啲似台灣電視台用果啲，不過實際個Source起邊黎真係唔知。最恐怖係啲名稱翻譯，基本上好多Terms 佢地都冇譯錯，但啲角色名就真係嚇死人，例如Archer 譯做「雅齊」，呢個都重接受到，恐怖在女主角Saber譯做「榭依笆」！！ 真係「超低能‧勁攪笑」。初頭都以為係咪台灣果邊係咪咁譯，但後尾Check番台灣果邊的DVD代理，佢地都係用番 Saber ，冇將佢譯做中文，所以真係唔知做乜攪到咁=.=。不過要等Animax 香港真係播的時候，再睇下咩環境了，不過要等到5月3日……
另 外講下兩樣野，第一樣係張椅係套晒「Animax X HKIFF」的椅套，我問過同日中午場次的朋友，佢話果時係未有 Animax 的椅套，所以應該係開場前工作人員好努力咁去套的。另外就係場外有個Cos 日式麵包王的Cosplayer，問番相熟的Cosplayer，原來佢係黎幫下手，所以大家有去，覺得「無離頭」做乜有個麵包王Cosplayer，唔 好咁大驚小怪。我的電影節差不多去到尾聲，重有兩套戲未睇，睇晒後一次過講下。
娛樂/影視
回應的RSS
回應(1)
暫時未有引用通告
(0)
2007年04月05日
我的電影節首場節目惡女花魁終於成功入場，但現在只是惡夢的開始….
HKIFF 今年亂到爆燈大家都可能已經略有所聞，而我地就係正正的受害者=.=
(圖為電影惡女花魁監督蜷川實花(右)、木村佳乃(中)及安藤政信(左)，咁岩今日囉住支Canon 50mm f/1.4, ISO800, f/2.5 1/125，影出黎非常滿意，快靚正)
我和我的朋友共三人都算是貪少便宜，夾埋一齊於2月24日(網上售票當日)一齊訂了20張飛(除番開每張只係$1手續費)，但佢地今年的系統真係有問題到爆，除了收唔到電郵通知外，地址錯咗(錯得好攪野，覺得係佢地Online 個Database 未能同出飛/出信個Database配合，好似人手重新key in 過個地址咁)，三月頭Call番佢地收唔到Confirm Email 後補收番時發現，再出Email叫佢地改番岩。
但點之，到上星期五都重未收到戲飛(第一場係20號)，咁咪打去追，佢地覆話已經寄咗，但跟住到星期一(尋日,19號)都收唔到，後尾再Check 番DB，個地址又係錯，都唔知寄咗去邊，最後攪一餐，佢地唔肯出過晒啲飛，但我地又收唔到飛，佢就出封信比我地，用黎只係今場入場，但要我地去警局報失，連同報失警方封信一齊入場。而其他果18張飛，呢家仍然冇信冇票，又唔知寄咗去邊。HKIFF 更話啲飛分咗兩次寄，兩次都可能係唔同地址….
所以我地仍然要為呢18張飛努力追尋解決方案…收咗我地手續費，但資料又攪錯，飛又唔知寄去邊，又唔肯出過啲飛，又要我地去差館報失，浪費警力，遲下可能重要我地親自上去追番呢18張飛，真係慘過乜。過一過海車錢都唔指$20…(訂飛果位朋友住屯門，要出中環佢個Office 來回都廿幾蚊啦..)
看到這封信後(來自HKIFF網站)，我相信還有不少的受害者都有類似的情況，我亦於其他人的Blog 中見看有些人訂飛寄回來的信封地址係手寫的，所以我相信今年真係亂爆到暈，我星期六去HKIFF時見到Office入面超恐怖，有約有近20人不斷地釘飛同信趕住寄票，亦有一兩個人在等囉遺失的飛，完全係冇停手。而我另一套戲就係只映一場的武士的一分(點解得一場？因為戲院29號有正場…)
HKIFF下年搵我起個System啦，攪到咁嘅屎樣，我有做開 Paydollar 做Integration架(Payment Feed)，一啲都唔難，重易過大陸套云網(Cncard)，嘿嘿！
我上HKIFF攪乜？其實係去囉張Animax通行證，係咪今年又送唔晒有多呢？
電影, 隨心
回應的RSS
按此回應
引用通告(2)
(0)
又到三月，除咗係我就快生日之外，亦係一年一度搵戲睇的時候，因為香港國際電影節又黎了。
佢個Website 年年都係咁黑人憎咁難睇，除咗個Pulldown menu年年都要由頭揀過之外，又要套套戲click入去睇Desciption，今年啲Description直頭變埋image，細粒之如又難睇到爆，勁惡攪，囉本場刊睇冇咁嬲。
初步睇咗，暫時已經搵到呢幾套想睇。
因為冇本書，個Website 又冇得Search by 國家，所以都可能有睇漏想睇嘅戲。另一樣就係，呢次Animax Theatre 有三套戲，分別係小小備長炭、命運守護夜同玻璃艦隊。諗咗好耐先醒起命運守護夜就係 Fate / Stay Night =.=。到時啲ACG友仔囉埋隻邪神 Saber 入場就真○晒咀，不過咁的話，即係Animax將會好快播呢三套劇，咁其實未必值得比錢入去睇。另外上年起日本動畫展中的 Animax 廣告曾經播過話會有 FF7AC，但仍然未有音訊。
另外講起日本動畫展，當時都有幾套係日本播緊的動畫，例如機動搜查隊(TOKKO特工)[一集]、怪醫外傳(Ray)[四集] 全部冇晒影，只係得聖魔之血(Trinity Blood)有起Animax播。不過當然仍然希望今年有再辦，例如帶銀髮阿基德黎香港，近期最想就係有新海誠套秒速5cm黎，因為隻顏色真係太靚，勁鍾意，希望可以起戲院睇到。[下個blog 介紹(如無意外)]
今年id club冇咗9折優惠，咁唯有搵齊老友一齊網上訂飛用盡$20手續費，24號好去訂飛了，尤其得一場果啲。
電視
回應的RSS
回應(1)
暫時未有引用通告
(0)
2007年02月22日
早兩日HKBNTV Update 了機頂盒，可以於12台收看AXN了，自從上年8月10日AXN和有線的合約更新後，AXN不再是有線的獨家頻道，NOWTV亦可以收看了，而當時亦同時將SONY其下另一頻道Animax在有線的附加收費頻道轉回基本頻道，對SONY來看，AXN不再是有線獨家是一個開拓新觀眾層面的決定，當然亦同時令 Animax於有線中可免費讓觀眾收看，其實都可算是雙贏方案。其實之前Discovery Channel亦同樣有這個問題，最後亦是在兩家電視登錄。
至於AXN落地HKBNTV，亦與現時MGM一樣，採用按台收費方式，並不包括在基本頻道方面。由於始終加入一個質素較高的頻道，費用亦相當大， HKBNTV由於上客人數及費用都是比其他收費電視平，但又不希望因為加入高質素頻道而令月費大增，採用NOWTV的用者自負的收費模式，更對他們長遠發展有利。
現時AXN於2月28日前都可以免費收看，之後的費用暫時HKBNTV都未定價，早兩天曾經致電HKBN查詢之後的費用，但回覆說仍然未定案。不過以現時MGM 的收費與NOWTV的比較，他們簽一年約的費用都是 $21/月，而 NOWTV 現時收看 AXN 的月費為 $40/月，即是在HKBNTV 亦好大可能都是大約$30-$40/月，相信不會貴過NOWTV的。
以現時HKBNTV的方向，應該暫時都不會再加免費台(加極都係大陸衛星台)，會向單一收費台方面發展，一來可以加入一些較為強勁的頻道，另外當有一定數目的頻道時，亦可以推出合約套餐，賣給新及現有客戶，亦可鞏固收入來源及加強競爭力。
至於Animax最近亦公布於三月頭開始播放日本其中一個知名的音樂節目Music Station。於香港，日本的音樂節目是非常缺乏，除了沒有一個專屬的日本音樂頻道外(版權問題)，於電視播放日本音樂的時段亦很少，至多都算係星期一日的無間音樂時段，就算收費頻道Channel V 亦不多，Animax 於播放日本音樂來說，已經算是較多了，在廣告時段亦經常播放日本歌曲PV，現在更在每星期五播放Music Station，不過由於未正式開始播放，暫時未知與日本播放相隔多久。
於年三十晚 Animax播放了Music Station Super Live 2006，該節目是於2006聖誕放播的，Animax 於年三十晚及初一播出，共長四小時，裏面所有對話及歌詞都譯上中文字幕，真的算是非常之有誠意，所以我都估計三月播放的Music Station 亦應該會有配上中文字幕，所以最小都要遲一星期播放，但如果遲一個月至三個月的話，就有點兒過份了。
另外Animax將於4月1日開始播放死亡筆記 Death Notes，真是觀眾一大褔氣。上年年尾時已經有報導指Animax已購入Death Notes，不過通常是需要等日本方面播放完畢，海外地區才可開始播放。今次應該是Animax首套日本仍然在播放，而可在Animax播放的動畫(同一季內)。不過新年流流賣 Death Note 廣告….. 嘿…啋！
電視, 娛樂/影視, 隨心
回應的RSS
按此回應
暫時未有引用通告
(0)
2007年02月19日
當坊間仍然討論3月頭曾生與梁生開得成論壇之制，HKBNTV突然搶頭啖湯骨，攪得成一個獨腳戲論壇，比其他電視台更快手。雖然真係得梁生獨腳戲(根本曾生冇必要出席)，不過起電視台以及傳媒方面黎睇，的確係比其他台搶先一步，而且以他們的小台黎講，呢次已經係一個新特破以及經驗。
基本資料
節目於尋晚(2月9日)8PM直播，由兩位於新聞部資歷較長的主播譚宇頌及冼程峰主持，出席嘉賓包括梁家傑、時事評論員黎則奮、香港婦女勞工協會總幹事胡美蓮、中原地產主席施永青、立法會議員梁國雄及學者劉銳紹。原定節目長約1.5小時，但後來加長達接近兩小時。
節目安排了梁家傑、黎則奮及主持譚宇頌於旺角香港寬頻門市為直播點，而其他嘉賓於葵涌的新聞中心錄影廠進行直播式互動討論，其間更有市民於旺角門市外作即時發問問題。
節目場地及佈景
早期HKBNTV的弱項在於直播的技術，所以今次他們選擇於旺角門市，一來是自己地方，可以使用自己的網絡及設備作現場直播，另外亦方便建立佈景，他們用backdrop背住後方的工作檯，前面加上茶几，將 Camera 放在舖外位置，簡單的現場錄影即成，而且於旺角鬧市作直播，一來可以更容易讓市民收看及參與節目，比起 Phone In 更為有效(始終HKBN是小台，觀眾層面有限，於旺角街頭更容易加插市民發問時段，收效更大)，亦可以作為一個即時的宣傳效果，有助HKBNTV的推廣。
葵涌錄影廠方面，他們用了一張長檯，同時間可以坐三位嘉賓及主持，再用鮮色貼上數碼電視及香港新聞台的台徽，比起平時報導新聞所用的圓檯更搶眼，可能都是為了推廣節目，選用鮮的橙+綠色作為主色調。另外亦在右方放了backdrop，可能因為想不到Backdrop放在那裡，當然又不想做一條超長的backdrop cover晒背面的電視Panel。 Backdrop 用了紅色的色調，亦可能是因為梁生參選的Theme colour 是紅色，所以Backdrop亦用紅色作為主色。
節目及嘉賓安排
討論內包括由幾位嘉賓輪流向梁生進行發問，另外亦於旺角門市外找了幾位市民進行發問，不過可能由於始終分隔兩地，互相討論及交接容易出現混亂，亦可能主持並非有主持這類多嘉賓的討論節目，有時未能控制場面，這方面亦需要作改善。
嘉賓安排方面，他們請了嘉賓來自不同界別，有基層、商界及泛民主派，亦包括了時事評論員，嘉賓都是以向市民想聽到的聲音為主，原則上都算不錯，都算為中立(除了梁國雄)。
但當然如果他們請左派/民建聯這類支持曾生的嘉賓，一般都不會出席，出席的話亦除時攪亂檔，即係等如曾生根本無需要出席這類小圈子論壇，因為選他們的都是一班小圈子，只需要服侍這班小圈子就已經足夠，其他外間基本冇興趣亦冇必要聽。亦正如左派人士只會對曾生的聲音有興趣，其他人士不聽亦不聞。
仍需改善之處
這次論壇特備節目對他們來講都算係新嘗試，以我記得他們應該未辦過這類兩地直播的討論節目。這次最大的問題就係於旺角直播，地方比較嘈雜，而且在旺角門市上面更有一個大熒幕同步直播，所以很容易地聽到有節目的回音，而且最初領咪的收音欠佳，主持及嘉賓的聲音被街外的聲音覆蓋，後來已經改善，不過由於太嘈，嘉賓的耳機非常難聽到葵涌錄影廠嘉賓的對話，讓梁生要經常按實耳機才可聽到。
另外就是他們的片頭動畫(intro)的中文字比較「行貨」，至於Namecard 顏色設計都算滿意合格，轉播技術由於我真的不知道他們是用什麼品牌的技術，所以無評論，不過我相信他們都是用 IP 轉播技術(類似 now財經台所用的streambox)，不過始終用 IP轉播，解像度及bitrate都可因為傳送的頻寬而有作不同，畫質亦有所而影響，所以不能作正面比較。
總結
今次HKBNTV搶先攪論壇，除了係新嘗試，亦係為公司品牌宣傳的一個機會，但對他們黎講，觀眾層及數量仍然係一個問題，HKBNTV 的觀眾層面主要都是一些觀眾質素要求較低的市民(與有線相反)，當然資金、節目成本及內容選購方面亦足以反映他們的對像是一般的小市民，今次HKBNTV都算辦得不錯，都值70分。
小插曲
起觀眾發問時段，無端端殺出早前巴士呀叔陳乙東，發表佢的偉論，將香港上市，每人派100股，值50萬，再不收稅，跟住再講曾先生有450位刷鞋仔的票，跟住又話係咩白雪公主，聽極都唔明 XD
電視
回應的RSS
按此回應
暫時未有引用通告
(0)
2007年02月10日
