新 BLOG - 2008 放眼世界

咁又一個月-_- ，所以又係時候清下Cap 咗圖十年但都未寫的嘅Blog …

首先要講的係近期被「火原和樹」中毒的金色的琴弦2。上次提過下話搵番隻第一代金色的琴弦玩，不過超惡玩，尤其我唔係呢類戀愛 GAME 的遊戲高手，呢隻金色的琴弦真係配合 TV 動畫版，一播完 TV 最後一場比賽，但唔話你知邊個係冠軍，其實即係叫你玩第二代啦！

呢次金弦2玩法同上一輯差唔多，因為都係努力練琴同努力溝仔(或女)，不過今次有唔同了，就係每場演出已經唔再係得一個人，而係大家一齊合奏，揀歌冇以前咁複雜咁要去「理解」首樂曲。人物方面，呢輯加咗兩個新人物「加地葵」及「吉羅曉彥」。

呢 輯的樂曲係要比錢買了，而且你每同你啲朋友都可以一齊練，練熟就可以組合黎演奏，不過唔好彩的話，你啲朋友練練下就會發嬲產生「對立」，咁你就要拿拿林要 做和事佬，私底下搵佢兩個練習，就可以解決，而且重可以令完成度提升10以上添。上輯一放學及星期六日就可以不斷咁去練習，但呢輯就只限了平日三次，星期 六日只可以搵指定人物或自己練，所以每次練習都係極度有限制，你可以用BP去LiLi度買多啲魔法道具用黎加快完成。

練習有分個人練、兩個人私下練及一齊演奏，個人練同兩個人私下練先會提升每首樂曲的熟習度，個人練同一齊演奏先有BP，一齊演奏唔會提升個別人士的技術經驗及親密度，所以要小心選擇黎練習，因為每次演出前Quota有限。

除咗練習外，當然重要努力去溝仔或者溝女(友情 )啦，所以我都要努力溝下火原先，嘿嘿。你睇下我星期六、日幾忙 XD

 電腦遊戲  回應的RSS 按此回應  暫時未有引用通告   (0)
2007年04月05日

岩岩得知 PSP Firmware 2.7 出咗，就急急腳裝咗了…初頭以為 PSP Firmware 2.6 之後會直接跳去 3.0 ，不過今次 Ver 2.7 加番繁簡介面已經係為台灣/香港玩家提供中文介面支援（尤其台灣…..）

Upgrade 咗之後， 起System Settings -> System Language 就可以搵到繁簡體中文。

開咗之後，嘩….啲 FONTS 好核突………一粒粒BITMAP 咁….尤其起細字特別明顯，比起 Internet Browser 入面啲中文Fonts (中黑體) 差好遠咁=.=…

至於 Flash 方面，同樣同之前WMA版本一樣，要先去 Settings 入面啟動(即係同意份條款，而且要住上網先啟動到)。

跟住搵啲有 Flash 的網頁試下啦，嘩！真係睇到播，而且識得縮細佢黎播，跟住我搵moov~ 個網頁開黎睇下啦….就…….出現.. :O (雖然唔係第一次睇到呢句野…)

PS: 無聊之下，走咗去 PSP JP Website 睇，見到 BLOOD+ for PSP 有第一、二集及特別編(即係重溫編)下載，全部無料(免費)，而且Encode得幾靚架！

 遊戲  回應的RSS 回應(2)  暫時未有引用通告   (0)
2006年04月26日

終於起去完日本番黎之後，囉到隻碟黎試，不過覺得係一個局！

隻碟就係咁，附跟一張影印核突到爆的Manual，首先你要去番 pspol.com.hk 登記你部 PSP 序號(如果你未註冊)，然後再登入戶口設定部 PSP 的Mac Address，再將隻 NUD放入PSP當 Game 咁執行，就可以了。不過如果你未登記部機的 Mac Address，係無法啟動 NUD 。另外當然，要先Upgrade部PSP Firmware 去 2.5 或以上啦。

現時 SONY 派的碟係版本 1.00C ，香港係繼韓國之後另二個啟動 NUD 的地區(與台灣同步)，至於有關中文化方面，本人曾經向 SONY HK 內部人士查詢是否由香港本地翻譯，但說並非由香港負責，估計是由台灣方面負責。 (可能是同步開發中文版翻譯遊戲的小組負責)

「開始遊戲」後，就會見到三個格，暫時就只有這三個大頻道：「我的PSP」、「PSP頻道」及「now.com.hk」。

其實呢個NUD就係一個瀏覽器，不過內置一個支援Streaming的Media Player，因為PSP Firmware 內並未有 Media Player，而且重要限你Upgrade唔玩老翻，所以局你用隻碟啦。至於內容方面，呢家都係非常之弱！大部份都係試片(PS2/PSP 廣告片、SONY Music 廣告片、電影Trailer片等)，不過亦有其他內容，如巴士Roadshow裏面的Game介紹節目、RTHK經典節目、飲食(賣比手提3G 內容果啲片的MTEL)、星座小王子、另外有兩條足本的電影(港產片)以。最Update的都算係TVB 節目(東張西望及娛樂直播)。不過冇樣岩我睇…………

個Media Player，都還OK，可以 Fullscreen 以及Zoom (同呢家 Firmware 內的Player 模式相同)，如果你睇果條片係Streaming，重可以 Scroll 前後睇。不過最做得唔好的，就係離開個Media Player，要禁 Start，再禁「關閉播放介面」，覺得唔係幾方便。

可能呢家重係小人用，Streaming 播片都好順，有啲片佢用到500kbps，質素已經算高，所以Fullscreen睇都幾靚。

暫時NUD 用家都可以免費試用三個月，但之後就要收錢了，收幾錢暫時又未公布，不過內容太唔岩我睇，呢家咁免費比你開咗Account，收錢時你唔Cut佢咪開始收你錢？不過你都未登記Credit Card 佢都未必收到你錢，但要收錢時我一定 CUT架啦，雖然呢家免費試用都預咗小野睇架啦，不過要留客，內容方面真係要加強番啲，呢家都係唔岩睇。

另一樣野就係由於個Player 係一隻NUD 碟入面，如果隻碟要更新，就非常之麻煩了，唔通又每個用家又派過隻碟？另外隻碟由於唔係話囉就囉，如果你唔見咗隻碟，亦都係一個問題之一。

最後，起拍賣場，都有幾多人將隻NUD囉去賣，叫價由 $65至$100不等，不過，其實SONY會將隻碟免費派比登記咗保養的行貨用家，只係派發時間需時，未到你的唔洗心急，另外水貨用有碟都玩唔到，因為要登記機身號碼及Mac Address，所以得物亦無所用，所以千其咪走去Bid隻碟番黎，蝕水架。

 遊戲  回應的RSS 回應(1)  引用通告(3)   (0)
2006年04月17日

1. Animax 有獎問卷調查？

今日路經蘋果網站，見到條Animax亂馬1/2廣告Banner，裏面有個有獎問答遊戲，無聊禁下啦，但見到佢下一頁，有呢條問題：「請選擇你合適的語音廣播」，有日+廣東/英+廣東及日+英揀。

最近Animax將不少下午時段播放的動畫加上廣東話配音播出，而由於不同的收費電視台，都有不同的播放語言(香港寬頻/有線：廣東話+日語、NOWTV：廣東話或日語+英語)，如使用NOWTV的客戶，當在廣東話的節目內，另一種NICAM語言就是英文，並不是日語，令不少動畫迷都反感(包括我在內)，在Animax的官方Forum已經有不少這方面的投訢及意見。所以當見到呢條問題，就覺得Animax係咪起度做緊意見調查。雖然動畫迷都說要求日語，但我亦曾聽過有關英語的支持者。由於晚間的節目並沒有廣東話配音，有日語及英語(美國發行DVD配的版本)，但有一些人對於看節目，並不喜歡聽一些自己不懂的語言，亦不喜歡看字幕，所以他們會選擇聽英文，因為聽得明。咁所以…真係兩難局面…..

2. PSP Online

今日收到email ，SONY 叫我2月24號去囉隻 Network Utility Disc (NUD)。SONY HK 攪咗個 PSP Online 的網站，只會比行貨正版用戶玩，現在有三個月免費使用。不過封Email 就好惡，22號出Email 叫你「務必」24號下午去囉隻碟，痴線的！另一樣，你咪諗住囉隻碟，借比人咪玩到，去PSP Online 前先要登記你部 PSP Serial No 同 MAC Address，而且每個Account 只可改三次Mac Address，要用登記咗的MAC Address 先瀏覽到 PSP Online ，另外重要Firmware 2.5 先可以用到隻 NUD ，所以水機/玩翻版就免問了。不過，其實又係局，呢家話免費三個月，咁三個月之後點計，呢家都冇講，咁即係睇裏面啲內容要另外收費啦，咁即係又係搶你錢。幾錢？唔知…..

但..我3月24號上機去日本了，所以已經搵了朋友幫我去囉，我要去完番黎之後先試到隻碟係乜了……..

 電視, 遊戲  回應的RSS 按此回應  暫時未有引用通告   (0)
2006年03月23日

如果你好似我係 24 的 Fans， 24 the Game 一定唔可以錯過…..

故事係講番起電視劇 Season 2 同 3 之間的事，你可以代表包括 Jack , Chase, Tony , Kim , Michelle ，去睇(體驗) 24 故事，而且重可以補完期間發生過的事，除咗玩之外，裏面亦有好多故事的片段，做到好似睇緊24咁，連玩的期間，都好似24咁左右/上下畫面，真係24中毒 :X

咁隻Game 玩乜？精彩了，呢隻Game 係 Rainbow Six + Grand Theft Auto (GTA)  + 街機 Sniper Game 結合…有時候係你起啲Building 入面射殺 Terrorist，好真實咁(不過就有小小難控制,可能我冇乜玩開呢 :X )，有時候你就起城市，成個GTA 咁，你可以以 Agent 名議”搶”啲車，去啲線人屋企，有時候你就帶住個線人駕車番 CTU，但後面有 N 架車追住架車黎炒你，你重可以炒路經的車／人等等，重可以落車打路人=.=。另外重有啲Mini Game，例如開鎖、解「解密」的檔案、盤問線人、利用衛星搵sniper等等….

隻Game 全程都由原班演員全程配音，重可以開敋字幕(預設係唔開)，聽唔慣外國人英文一Lun咀講野的我，好有幫助 (咁即係 listening 實炒 ;p) ，不過，裏面都幾惡玩，呢家玩到 Jack 起天台打直升機，惡打到狂比直升機起高空橫掃…..痴線…另外就係，每當完成一個Mission，而個Rating 有90% 以上，就會unlock 一個Bonus，但暫時未知係乜(應該要爆咗先知)，不過….有個Mission …. Rating 0% =.=

PS:全文有 OUT到冇人有系列（二）……

 遊戲  回應的RSS 回應(1)  暫時未有引用通告   (0)
2006年03月05日

今年AGS 真係差到冇人有…. 尤其怪叔叔嚇死你…場內又搵笨，似個電腦展咁，入到去半個鐘就行番出黎，印像分係負80，所以都唔想提…… 聖誕當日，去咗兩個鐘就閃了(其實係約咗Friends 打邊爐 :X)，入到去，最有價值唔係排果條長龍睇PS3 Demo片(我冇排)，而係起果啲 PSP Games Hotspot 試咗呢隻 LocoRoco，低B得黎又幾好玩。

呢個Demo可以玩到一關，遊戲就係你只係用L/R 制控制個舞台，令到呢Pat野，由起點去到終點，中途你要食啲生果去令到自己變大，但又要避開啲敵人，亦可以放電，Pat落自己度，打散自己去行啲路(覺得係一條條腸咁-.-)，同埋去食啲好難食啲生果。

雖然隻Game 真係過份低B，但玩過都幾有趣，買新就要諗下了….. (二手都可以)…. 不過呢家我最想試係隻繁體版 Talkman ，係咪真係講廣東話？定係都係國語(將原本隻簡體中文版轉啲繁體Fonts 就算)，我覺得最好有晒廣東話同國語兩樣啦(貪心)，如果係舊國語版，咁我就可以一次過日文、韓文同埋國語，都幾有趣，不過聽啲Comments 話Load碟慢….. 呢樣…玩得PS都知Load 碟慢架啦，已經唔係新鮮事。等緊有錢時買 Talkman 二手(起拍賣場見到$250)

又講下提外話，去完AGS 後，身邊啲Friends 都問我「睇相」(我出Cosplay張相)，好老實講，我自己都唔敢睇番自己啲相，因為自己都覺得好嚇人:X，啲Friends 睇完都話嚇親:ppp，我都係第一次出假髮，戴完一個鐘之後，個頭熱到爆+即刻成個頭Lup晒！(PS：你係咪冇洗頭！)真係以後唔會再戴-_-。同埋，我又冇時間去剪頭髮(係冇錢去剪..剪一剪又剪我八舊水-_-$$$$$，成日比人串我，搵個高級名髮型師剪，剪一剪冇一千都唔洗落樓，緊係唔係啦！)，我一年剪兩次頭架咋=.=;;;;;

不過睇番Cosplayer Forum，見到好多cosplayer 都講佢地發生啲怪事，例如「非禮」事件、怪叔叔事件、影腳佬事件、派紙仔事件、實Q事件、封廁所事件、等等等等。AGS 真係好似個名臭晒咁……重話同 SONY爭取有更衣室同Locker，叫會展改善一下啲實Q同提供一個好啲的Area比Cosplayer 重好啦，最好就有啲義工做下Cosplayer實Q，睇實啲怪叔叔怪行為….好在冇怪叔叔會揀我 :X

但對我以前係影相佬(呢家都係)黎講，會展係一個好差的地方，燈光問題，背光之如，夜小小已經影唔到，一部低級相機起會展影野係必炒(Under)，第二差係九龍灣展貿，啲燈又係古古怪怪。

PS:其實一定係我部相機太差了！換部萬幾蚊的CCD機+支勁鏡，再學某SONY怪叔叔，狂閃廿張，揀一張，咁就Perfect。

 遊戲  回應的RSS 按此回應  暫時未有引用通告   (0)
2005年12月29日

自早兩日打爆咗隻12戰國封神傳並賣咗後，拿拿林套咗現買咗隻 EXIT，玩落又幾好玩，頭10關係Training Lesson，之後有90關比你破，都幾考IQ，除咗你自己要走佬，你重要帶班友仔走佬。玩晒的話，佢遲下重有幾隻Mission 可以d/l，呢家已經有一個，聖誕同新年會有限時Mission版。另外重有隻MHP，呢隻係行貨二手….不過都係玩咗一陣，一來上星期溫書未有時間玩，呢家只係玩到第四個Training Missing……。不過提一提… EXIT 需要 Firmware 2.5… 需走正軌……

 遊戲  回應的RSS 按此回應  暫時未有引用通告   (0)
2005年12月19日