新 BLOG - 2008 放眼世界

由於對 CW 的不滿(老作)，真的走了去實地參觀澳門同人節。話說我都有超過十年冇去過澳門(冇記錯上一次去係小學的時候….)，不過話晒澳門都係講廣東話，又可以洗港紙，一條友去都冇咩問題的！

(不過真係冇為意今日係澳門XYZ渡假村開幕日)

早前已在網上看過場刊的 Map，不知道係地方問題，還是澳門的同人組織冇想像中的多，已經覺得呢個 Events 會係非常之細，例如場地以及組織數目。場地大小有啲似觀塘IVE的hall(螢之祭，不包括舞台位置)。今次出席是Day2的活動，活動由 2PM到8PM，由於已經在1:45pm到達會場，會場人數只有約十多名，非常冷清，不像香港的同人活動，個個晨早排隊入場。

過了 2點後，人潮開始出現，而且開始有迫爆會場之感覺，再加上 Cosplayer 同時間都在場內被圍影，場內非常之熱鬧，就好似香港CW咁。至於 Cosplayer方面，場內的 Cosplayer 不多於30個，但就非常受到參觀者歡迎，經常出現圍影情況，參加者大多數都是喜歡/熱愛動漫，不像香港 Event 會有「怪叔叔」及Model。但有趣的是看不到他們走出場外私影，不知是否澳門和香港的文化差異，例如澳門 Cosplayer 不習慣著住 Cosplay服裝在大街行走/影相。

會場表演方面，大會今次安排了翻唱動漫歌曲、動漫歌曲表演以及本地歌手演出，個人覺得都不錯(雖然不是歌唱比賽，演出者唱歌質素不太好)，但亦能帶起參觀者對動漫作品的喜愛。

表演安排了跳 Lucky Star OP 舞，都有不少人圍著觀看，而且舞台只是高了觀眾一級，可以與觀眾近距離表演，氣氛真是很好。(同場加插白石稔 WaWaWa) (由於早走，未能觀看晚場涼宮 Show)

另外大會亦有宣傳時段，由主持親自走到各個組織幫手推介(格價)，個人覺得攪手係有心想推廣同人活動 (不過個主持就真係對同人冇乜認識咁囉)，另外大會亦有印制會場 Poster ，一共有 3張，A1 Size，$20一套。不談畫功，但起碼都有心做埋一份，而且我亦覺得印刷質素亦很好，$20係超值，呢方面香港攪手真係可以參考借鏡一下。

其中有一檔早兩日在 CW 看過他們的精品，今次在澳門再一次看到(留意的原因是因為在 CW 時已經想買，但錯過了)，但價錢比起 CW 平了50%，一問之下原來他們是澳門的同人組織，由於要走去香港 CW 賣，所以價錢就貴了。另外亦與一位澳門居住的參觀者交談，講起於澳門購買日本動漫精品，他說在澳門是沒有售賣日本動漫精品的舖頭，可能就係因為咁，所以同人產品在澳門較多Fans，因為可以用極平的價錢購買動漫精品。起翻唱動漫歌曲內，啲歌都非常Update，咁即係澳門 「BT 事業」都非常普及？

最後就係想講下娃娃，雖然會場內放了幾隻娃娃，但行過幾次都覺得冇乜參觀者對娃娃有興趣咁(唔知係咪真)，反而對Cosplayer更有興趣。 反而覺得大會應該加個「請勿用閃光燈」的牌放起度，因為覺得參觀者未必對娃娃有認識，不知道佢地的布料一受強光照射會爛。

不過我都係第一次接觸澳門同人/Cosplay界，暫時對佢地的認識都唔係好深，今次都係一個很好的經驗，起碼對澳門同人 Event 有基本的認識，起碼唔係小貓三隻，下次再有澳門同人 Event，我都帶套衫去 Cosplay支持下先，啊啊。

 消閒/嗜好  回應的RSS 按此回應  暫時未有引用通告   (0)
2007年08月29日

前前言：由於太忙了，所以爛咗幾個星期，相信寫完呢個之後會再爛多一星期…..見諒。

呢集台灣很滋味(縮水版)，先講下有「台灣黃金/高登」之稱嘅光華商場的新大樓即將落成啟用，帶大家睇下新大樓係點，另外帶你去台北有名的18禁咸Game咸碟之地「新光華」走一轉。當然順路帶你去埋台北上年新落成的誠品信義店，除咗買書外，點都要買個手信。另外重會帶你睇下台北史力加同變形金剛，最後當然唔少得食番一餐。即刻送上…遲來的….台灣很滋味！

 旅遊/觀光  回應的RSS 按此回應  暫時未有引用通告   (0)
2007年08月16日

今集台灣很滋味，首先帶你搭高鐵，由台北去高雄的速度比試，跟住去全台灣最大型的購物商場「夢時代」，去買首間於台灣開設的日本家品店，以及Cheap到爆的十蚊店，最後再去高雄的 Maid Cafe，就算未去過日本Maid Cafe都可以起台灣試下，即刻開始今集的台灣很滋味！

(閱讀全文)

 旅遊/觀光, 消閒/嗜好, 隨心  回應的RSS 按此回應  暫時未有引用通告   (0)
2007年07月01日

今集的台灣很滋味，首先係未出發，先食野。早D check-in，然後去新開的機場2號客運大樓，食盡市區都冇得食的好野，跟住就係入住一間台北至潮又in但平到笑的旅館。即刻開始今集的台灣很滋味-機場前傳！

(閱讀全文)

 旅遊/觀光, 消閒/嗜好  回應的RSS 按此回應  暫時未有引用通告   (0)
2007年06月24日

最近城中食話就當然係人氣店PepperLunch 殺入旺角朗豪坊Food Court，食一個靚牛肉用四、五、六、七十蚊就睇你有冇銀兩了。咁我早幾日都走去食完黎，不過食到半肚氣。

話說我夜晚七點去到食，朗豪坊Food Court 又細又多人就出晒名架啦，咁我同我Friends起朗豪坊等位都等咗差唔多三個字，等到位，我Friends去買先，跟住我去買，咁我咪去排啦，點之排到差唔多到我(第3個)，因為廚房太多單做唔切，停咗Counter，等下等，等到我Friends 都有得囉，Counter都重未開，黎得當然繼續等，足足企咗差唔多四五個字，終於開番Counter賣飛，咁我買咗個餐，買完再等，終於有得食，番到埋位，我Friends 已經食完，真係吹到咩一聲。

小貼子：記住唔好好似我咁掛住影相，因為塊鐵板有成260度，啲牛肉叮一聲就熟晒，同埋記住企起出面等，因為你番咗埋去唔記得再出黎，可能已經又熟晒。一囉到番黎，拿拿林Load晒佢再反轉燒多一陣就即食拿，否則就熟到爆。

另外就係呢家新開期間，佢張宣傳單張係有$5/$10 Coupon，單買同Set(多咗個飯同汽水)就係差呢$5/$10，所以記住囉單張用Coupon。

 飲食  回應的RSS 回應(4)  暫時未有引用通告   (1)
2007年06月18日

提外話…咁要攪入學啦，要做學生證，但係我又冇晒啲證件相(一向都冇:P)，咁唯有自製啦，咪拿拿林囉部相機，起大門度貼幾張白畫紙做背景，搵我妹同我拍啲相出黎，然後排版囉去曬。咁原本我諗住用Photoshop 自己排，但有人提起話用neoimage 咪得囉，咁我就走去試下了。neoimage 好耐之前已經聽過，不過真係冇認真用過，發覺用黎排證件相的確好方便。

1. Load 咗張相先啦，然後選擇 工具 -> 證件照片沖印排版

2. 由於張相係未 Crop(剪裁) ，所以先揀「裁剪」入去 Crop 番岩Size

3. 拉個框去縮番岩 Size，一般用 3:4比例都OK的，咁因應你想個頭大啲定細啲自己拉啦。雖然佢有「去背景」功能，但我一禁就炒軟件，所以我預先起Photoshop 整好晒先入黎攪。揀岩Size 攪掂禁OK。

4. 如果你有多張圖，起照片2度Load 埋入去再重覆Crop的步驟。攪掂後就起「排版樣式」揀番岩用的Size，我出4R相，所以就揀6寸/4R相紙。你亦可以剔埋「照片間用灰線隔間」，到時曬完番黎方便搵Cutter對住黎開。攪掂埋禁確定收工。

5.最後記住要另存新檔啦，儲好就可以Send 去曬了！

PS: 原本我咪又諗住upload 去snaap 再曬啦(平D)，點之send 極去都話Failure，真係嘔血，最後就走咗落樓下快圖美，每張貴三毫子架XD，好心PCCW改良下啦，冇客打黎Complain架咩！

 隨心, 消閒/嗜好  回應的RSS 回應(1)  暫時未有引用通告   (1)
2007年06月17日

係，又去台灣了，呢次目的係去聽KOTOKO演唱會，為咗貪平，所以呢次搭夜機，呢個星期五(22號)晚10點機，下星期一(25號)晚番，真係去咗都冇人知。夜機有幾平？來回機票+附加費+稅搭港龍只係$1300，真係抵到爆，酒店呢次揀咗近期都幾多人推介的新驛旅店，佢起正台北火車站格黎個巴士站對面，真係超方便。價錢呢家重有折頭，雙人套房只係NT$1920，除番開每人只係HK$240一晚，計落機票度即係$1540，一定抵過你搭早機，而且訓醒已經起台灣，唔洗趕。

行程方面，由於台灣呢幾日預計都會落雨，原本我地會諗住去台中清境，就可能會改去台南高雄，但高鐵真係好貴，搭落去高雄(高鐵左營站)要成 $350港紙，不過時間由原本4個鐘縮到2個鐘，真係時間就係金錢，睇下到時點啦。

上次去咗成八日都懶得寫blog，今次希望有時間連埋上年果啲一次過寫埋，補番上年冇去到的野，一次過介紹晒。講起台灣，我地去得唔合時，原本話貓空個纜車要6月30號開，但我地25號已經番黎，再加上「爛車」360飛咗落黎，即刻唔敢坐。又諗起HKBN 廣告：「你有新聞台，我都有新聞台！」你個新聞台有冇360直播？….(嘿!)

 旅遊/觀光  回應的RSS 按此回應  暫時未有引用通告   (0)