新 BLOG - 2008 放眼世界

呢集乙HiME，用一個字黎形容，「悶」。雖然深優出場，但係……

• 奸角又繼續露面……
• 黃色頭髮？
• 深優係乜來頭?……

即係又係乜都冇講過，只係產生更多疑問…..

 動畫與漫畫  回應的RSS 按此回應  暫時未有引用通告   (0)
2005年11月27日

經過上一集冇乜野好笑之後，今集笑到爬起度！龍珠！！！！黑柳變咗孫悟空VS雪櫃河內！重識出「包」(龜)波氣功！！好掂！！！笑足五分鐘！後尾坪冢食咗個麵包變咗 鬼太郎放海胆針又係笑爆咀！太好笑了！！！！服咗作者啲諗頭！

下集又要隔一星期……..

PS:點可以唔提黑柳讚冠博學多才：P

 動畫與漫畫  回應的RSS 按此回應  暫時未有引用通告   (0)

愛莉卡大變身！勁！呢集好似冇咩講過，但其實又係講咗好多野。一開始又話你知真假公主事件，咁其實係咪真係假呢？謎。跟住又影住藍星(HiME叫媛星，呢輯好似未提過叫乜名，叫住藍星先啦)，蒼天之青玉裏面粒GEM又係藍色，咁又係咪有關呢？謎。起管風琴上面果個好明顯係命啦，佢話要搵齊歌，演奏者同守護者，咁又係乜呢？謎。起沙幕中裏面有幾秒鐘深優的樣子，佢呢次乜來歷呢？謎。一切都係謎……….. 唯有繼續下集下集再下集啦。

 動畫與漫畫  回應的RSS 按此回應  暫時未有引用通告   (0)
2005年11月22日

咁快就一星期，呢集真係劇情為主，笑料冇乜。不過重點係有新OP同新ED！新OP最攪笑係黑柳眼發光果段！爆笑十足。ED就一個字形容「懶」，仍然係SUNRISE ED特色。

如果你唔知咩係SUNRISE ED特色，咁我好快咁講下。SUNRISE 製作的動畫，ED好多時都會係一條好長的人物陣，畫面由左至右移，或者由下至上or上至下移，咁就算數，睇得最多都算係大家成日睇的Gundam Seed，大家不妨留意下。

另一樣想講的，就係啲作畫越黎越走樣-_-。可以睇下呢四張冠茂的樣，係咪一張比一張年輕，一集裏面有四個唔同的樣，唔通食咗啲麵包可以時光倒流？-_-

PS：TVB已經買咗日式麵包王的播放權，暫稱為「天才麵包師」…….另外亦買咗翼(Tsubasa)及捉鬼天狗幫(Tactics)，會起2006年內播放，都算係咁。

 動畫與漫畫  回應的RSS 按此回應  暫時未有引用通告   (0)

終於播了-_-呢兩集真係非常緊張，就算翻睇的我都睇到定晒神！佢地幾個的關系越黎越激，靜留GL過晒火位，舞衣重要的人都消失晒，以及深優「番生」，結局會係點呢？舞衣、命、靜留、玖我、深優最後會點呢？未睇過HiME的你一定要睇埋下週大結局！

PS：睇過的我，會諗：

1. 會唔會剪咗第26集開頭果啲不雅片段呢？
2. 會唔會超時播放呢，因為EP26冇OP冇ED，以呢家香港電視台要提供大量廣告時段，一係剪咗啲唔為意的，一係就播長兩三分鐘先完到。

PS2：保證會於最後兩集Blog出埋DVD特別修錄的「加長版」圖片。(我點會唔記得呢：P )

 動畫與漫畫  回應的RSS 按此回應  暫時未有引用通告   (0)

嘩哈哈哈哈！美式米飯王！！！由開始笑到預告！河內後尾話改變歷史有埋預告同小知識笑到肚都痛埋！！！好耐冇試過睇日式麵包王咁好笑-_- (早排果D 笑話笑唔出：X)不過我就唔知點解河內恭介會改做「岸和田」，真係要指教下。

黑柳終於可以做番「正職」，之後可以每集睇佢發癲～太開心了！河內咁快生番D頭髮出黎？坐緊飛機都重係光頭架播。同埋，圖七月乃個樣，成熟咗，好似變咗Nana咁（可能呢排興Nana所以咩都話似:X，Nana Fans 唔好屌我）。

 動畫與漫畫  回應的RSS 按此回應  暫時未有引用通告   (0)
2005年11月17日

呢集乙HiME 真係Service 到喊，真係睇到 orz，差啲以為睇緊果啲咸濕三仔動畫(一條條虫果啲呢)，又係咁「叫」，又條條虫，又泳衣大特寫，重有透明「虫」，最後重一幕虫虫大戰，真係睇緊三仔，差在未有啲虫虫激到要打格仔。中段又勁GL，繼果啲打格仔的GL 畫面，重有中段人工呼吸，真係：～～。

提外話，今集起碼出現咗三次「藍星」，第一集都出過，驚你睇唔到，今集連出三次。

提外二，呢集出現過神秘HiME，大家又努力估下佢係邊個了-_-;;

 動畫與漫畫  回應的RSS 按此回應  暫時未有引用通告   (0)
2005年11月14日