日式麵包王 - 41 話
咁快去到41集，原本我重推介咗比某君叫佢快啲追，好好睇，唔知佢睇成點了…….(可能一集都冇睇過 :X) 呢集笑料不多，不過產生咗一個問題 (Bugs?) …
哈哈哈，河內又會無端端起大家面前小解 :X 重要起蘇菲面前??根據第三張圖企的位置…蘇菲同秘密警察都望住，咁都得??….
小丑諗咗好耐，決定入圍的大國有中美法日～國皇出埋黎，拉曼呢啲小角色就緊係要走老啦，就好似果啲電影咁神神秘秘離開又打比呀媽話以後唔好搵我啊….(國皇都出埋，小丑開始變閒角了..上集做埋主角個位:X)
好憎呢個八婆雪乃，講完。
和馬真抵死，日式麵包51太perfect 了！Perfect 到冇得再Perfect！勁呀！日式麵包無敵呀：～～～～（睇下我幾靚仔 :X)
哈哈哈哈哈！冠的頭腦比你好嗎？你同蘇非拍緊拖嗎？果啲低B動作跟邊個學架？子安激爆了！！！
連國皇都係霧崎雄一啲朋友，呢個世界係咁真係咁細？
國皇：你整咗個麵包，第一個會比邊個食？
和馬：我！自己整的麵包緊係整比自己食架啦！我整啲麵包個個都咁好食，你地冇得食！ :X
(設計對白)
戒：你地係咪傻架！呢家點會走去深山度修練架！
黑柳：覺得戒會去深山度修練的請舉手～
嘿…………………………………………..(睇的時候..笑咗30秒-_-”'’)
開始內亂了！大家下集重要對住法國三支竿架！團結下啦！連國皇都隨時比霧崎雄一背後控制住，你地要加油呀～噢，咁又一集。
PS:原來好戲在後頭(預告)…太正了……….Where is Episode 42?????
咁似睇緊草莓100%的西野??????????
嘩？三支竿除衫露出真面目！！真係咁恐怖？？？？？？？
動畫與漫畫
回應的RSS
暫時未有引用通告
2005年08月17日
日本動畫眼中的香港
為何會寫這篇文章，是原是因為上星期看到 Ani-wave 內一篇「驚爆危機TSR」 (Full Metal Panic! The Second Raid)內提及動畫內的香港。
近年都有數套有以香港或借用香港為背景的動畫，對一些沒有來過香港的日本動畫迷來講，這都算是一個認識香港的方法，但對一個香港人看回這些情境，都覺得有一個問題，就是覺得「這是七十年代的香港？」原因是畫中的香港背景過份地誇張。
香港七、八十年代的特色都算是唐樓及招牌，還有電車、漁船等。傳統的動畫很多時都將香港七、八十年代的唐樓誇大，很像全港都是唐樓及招牌，以及一些全中文的店舖。例如在動畫見到外國的唐人街亦同樣有類似的風格（龍及唐式標示）。
雖然驚爆危機暫時只看了兩集，香港的特色並不算太多，不過我選了其中兩套較為明顯的代表作，看看日本動畫中的香港。
攻殼機動隊第一代的電影版在十年前推出，當年借用了香港的大廈、大排檔、電車搬到水上版，都是有點兒過份「香港化」，就算在九六年九龍城寨都已經拆除。即使是現代的香港青年，都只是在歷史書才看到這些情景。大部份的市區及新市鎮都沒有這個畫面了。在灣仔、北角、九龍城、旺角、油麻地現時亦有這些唐樓及街道，但肯定沒有在動畫中那麼多招牌。
（第四幅圖的地方很像是在何文田的位置，但結合了水上電車。）
另一套就是 ROD TV 版，第一集已經全是最近香港的景色，包括有青馬大橋，九龍的酒店，還有舊式唐樓。（很像每套以香港為背景的動畫都要有唐樓）其他如汽車、警車，繁華區的大樓都跟得非常之足，尢其香港的警車，他們真的對資料搜集落足功夫。ROD 都算是一套能夠反映香港繁華（銅鑼灣、尖沙咀）與及歷史（九龍城）一面的動畫，至少還有青馬大橋和新機場。
不過如果你留心看的話，就會發現有一樣是錯了。就是車的軚盤方向，香港是右軚車，但動畫中的是左軚車。不過如我沒有記錯，日本都是右軚，為何突然間會變了左軚？
驚爆危機和 ROD 都說劇中人物住在香港的唐樓，有點像九龍城行前圍道一帶的樓宇。雖然我沒有住過，但亦有去過（朋友的家），其實是有點相似，不過問題是，總是要將香港「印像」為唐樓臨下，日本人的香港不夠繁榮？不夠現代？不可以住公屋、居屋？不可以加入旺角大街、沙田新市鎮？這十年來香港變化得很大，我們這樣看覺得自己這十年沒有變過呢。亦令日本人覺得香港仍然是六、七、八十年代的漁港。
另一樣有趣的是在日本動畫內的中文，雖然他們都是用漢字，但並不是所有中文字都是漢字，而且日本的漢字和中國的漢字有一點出入，所以大部份如招牌海報都是照跟足香港的圖片抄襲，如攻殼機動隊的浙江興業銀行。但通常這些中文句字都不為通順或不是一句完整的句子，就有如日本動畫內的英文句字（例可參看右圖的 Galaxy Angel A )。
但亦有一些例外的，如十二國記內的國史，中文亦算不錯（當然亦帶有一些它的風格）。不過，我最覺得 ROD TV 內的中文，非常地道化（下圖），除了是一句看得明的中文外，亦帶有香港粗口文化（可能是導演／編劇故意戲弄大家的內容，尤其最尾一段），人物「董川ねねね」亦變為「董川呢呢呢」。不過，這個畫面，只在動畫出現一至兩秒，而且畫面亦倒轉了，一般在電視觀看的觀眾根本無法看到內容，亦沒有翻譯，這個都算是購買DVD版 Fans 們作為尋寶的地方了。
其實在寫這一篇文前，原先覺得會帶出很多不同的地方，亦會詳細再寫下去，但當開筆後，就覺得寫不出來了，資料搜集亦不足，原本我還記得看過一套動畫OVA，地點是香港的油麻地，但已經不記得那套OVA叫什麼了。所以如你覺得我只是點了水(即吹水)，但不到題又再離題的話，請見諒。
動畫與漫畫
回應的RSS
引用通告(1)
2005年08月14日
日式麵包王 - 40 話
呢集主要講小丑點樣「等瓜」，又係好鬼好笑的一集。上回話大家跌咗落個深洞後，冇法離開，大家都深灰意冷之制，小丑話佢可以游水番出去外面搵人救佢地，但呢家好肚餓冇氣冇力游。大家就合力做個麵包比佢順路係參加比賽的麵包。但點之…小丑係唔識游水的.. 呢集將會係小丑的獨力演出，估唔到….一開波就…
「好難食」！！！嘩！！！第一次見和馬咁的樣！！！！！重大大聲話好難食真好鬼正………….嚇鬼死都似 ：O 魚飽真係咁難食????
嘩！繼和馬鬼樣後到小丑鬼樣！簡值又係笑爆咀。小丑不斷咁驚個麵包一整好就係佢的末日，一講和馬就話整好！真係嚇到眼都凸埋！
呢段又係低低地，突然間諗個咩「媽媽在哪？」的暗號，覺得好似拖時間咁，同埋和馬解釋一次果度我聽咗兩次都唔明，我啲數學太差了！！！！正所謂「聰明同白痴都係一線之差」:X
哈哈哈，大家都喊晒口叫小丑快游出去，戒重囉住把劍向住小丑話：拿！你重唔游的話我切開你十舊八舊架！(設計對白)，睇黎小丑都係前面又死後面又死的了。
小丑跌左落水度，諗番細過的事（佢細個個樣好似得意咗好多咁），跟住突然間話食咗魚所以識用鰓呼吸，都有點兒老吹出黎-___-;;
哈哈哈，亮一野屈爆部Gameboy Advance(?)！乜呢家唔係興 PSP 架咩，有啲動畫都已經畫部PSP落去，咁OUT 架:X 小丑跳到上岸變左條死魚咁，唔識自動調節？
跟住會點呢……….
動畫與漫畫
回應的RSS
暫時未有引用通告
棋魂 (棋靈王)
Animax 又黎呢個一連十二集睇到嘔的連播節。以前個個星期追棋靈王漫畫同動畫，呢家 Animax 又播，雖然已經睇咗兩三次，但每次都咁好睇，一樣睇上癮！
不過總係覺得後尾咁就完左好似唔知點咁。不過我當然冇中圍棋局啦，我都識一兩個人睇左棋魂 (TVB播)跟住中晒毒走去學，不過唔知呢家重有冇學/捉了。
動畫與漫畫
回應的RSS
引用通告(1)
2005年08月06日
(0) 
