新 BLOG - 2008 放眼世界

日式麵包王 - 47 話

愛情的魔力，連武士佬都受感染！講野都同聲同氣，平時都鬥露肉，哈哈哈！

冠回來了：～～～～～～～～～~~~~~～～～～～~~~~～～～～越黎越型！店長全班人家過晒黎，呢場輸咗咁呢個節目都可以完！

哈哈哈哈哈哈哈哈哈哈，呢段太好笑-_________________- …可憐的和馬……

發癲的河內，咁攪法，會唔會贏架，咁下集一小時 Special 會唔會係…最後兩集？ :X (冠同月乃個樣好奸！！！！)

哈哈哈哈哈哈哈，冇人黎睇場！佢兩個又「糖痴豆」都唔鬼理你，人地又咁勁，河內你功底差，呢個節目玩完拿:～～～
下星期可以轉睇十月新番！

下？下集變左名偵探柯南？
嘔血中 :O~~~~~~~~~

格黎陳師奶話：做乜呢集Cap 咁小圖架？…因為呢集講河內囉 :X

動畫與漫畫回應的RSS 按此回應暫時未有引用通告 (0)
2005年10月05日

怒屌 Gundam Seed Destiny

前言：「我都忍咗你成五十集了！」最近兩日的話題都離不開 Gundam Seed Destiny (GSD) 五十集的內容，劇情又爛又翻炒，最尾咁樣草草完咗就算。當然有好多GDS 向的人士會「看人不看劇」:X ，但大部份高達男性向觀眾都會離不開呢個字，「屌」！

睇咗五十集，就好似被洗腦五十集咁，地球聯軍一堆三色小強都只係配角，打咁Q耐都係為咗令議長啲野 Dum波鐘 Dum到五十集！中段又成日都有重溫又Dum波鐘！囉你命係穆上輯咁爆法都冇事，面具佬Clone 極都有！Kira 啲「教化」，平時都係用黎 Num Lucas，呢家一教就教化有五十集自我中心的 Rei？

最估唔到係，佢地一家人，唔到最尾果刻都唔爆出黎…唔怪得艦長一直都企得咁硬，同埋早前有集講Shin 放走咗Stella 上面都可以冇事發生過咁。Stella 同 Shin 出黎「冥話」，又搬番之前GS 時代 Flay 果幕咁，已經惡頂，呢次又再翻炒，簡直惡惡頂！

重有穆「明搶」Kagari 架曉天（Kagari 呢集一句對白都冇-_-），架野勁到不知所謂，乜Q都唔怕，最囉命係話架機晨咁早已經收埋咗起地底(上一輯Kagari 呀爸未瓜之前)，咁即係晨咁早之前已經有咁勁的技術，咁整兩架 Crossover 機出黎做乜？留意EP50 14分 Kira 同穆殺入反射塔果個保護幕時， Kira 都要同個幕炒一秒先入到去，但穆係直行直過，上集頂米蘭飛船時成條Laser 光都頂到，有冇過份咗啲-.-;;;

咁屌法，真係有十萬隻字都唔夠你屌………算吧啦，五十集已經過去，但五十集好快又黎，因為.. TVB 好快會播了(有傳聞是年尾至下年年頭)=.=到時大家再次忍受剪到十件八件的 GDS 同睇住啲模型升值。

後記：會否再有第三輯 Gundam Seed？下輯會唔會又有艦長 Clone、議長Clone、Rei Clone 中 Clone，一家齊齊打麻雀叫「”Car”窿」？ (:X) 第三輯會叫乜名？ Gundam Seed Eternal ？Gundam Seed Destiny Clone ？開始係咁Clone了，Clone 到99代都重係Clone！

動畫與漫畫回應的RSS 按此回應暫時未有引用通告 (0)
2005年10月03日

舞-HiME (誘姬) 有線第十一、十二話

留意今集嘅內容，你有機會獲得神秘劇情一份：D

格黎台呀姐話：又出番呢張圖？上個blog 咪出咗囉！果然係咸濕仔！

哈哈，又借機串呀崎晶！巧海你想做秘密忍者？唔係呀嘛，咁不自盡力呀！

拿拿！呢啲咁開心的場面，印像中都冇乜再有機會出架啦！因為…劇情將會有 360度大轉變：P

因為CableTV一連播兩集，所以呢家睇到大家咁開心，下集就打埋一碟了。

修女都出場了！可能你會問，究竟肴幾多個 HiME 架呢？都係果句，留意本集內容 :X

爆鑊了！提你一句，「唔好睇得咁膚淺！」你再睇落去，將會就好似 Gundam Seed Desitny 咁，講講下東就爆個西出黎！

12？黎人？…… ：|

留意下靜留隻眼同眼神 :X 又留意下雪之 :X (不停咁放毒 :pp 睇過HiME 的應該知我暗視緊乜，未睇過的… 咪 GL 囉 :XXXXX )

又一個 HiME 出場了，又有名「千里眼」。你最初有冇諗過深優係 HiME 呢？我第一次睇果時都以為佢係架，後尾講到佢同喬瑟夫一齊果時就開始覺得有古怪，先知原來係奸的。

呢幕可能係艾莉莎最後一幕咁甜美的笑容了…..

PS: o衣？最尾係咪剪咗？我印像中有一幕講喬瑟夫比深優殺咗架播，唔通係下一集？ :X

又爆劇情？？還掂爆開，再爆多啲！你只要將 GDS 裏面議長的劇情條段的道理，應用落去HiME 就知的了 :X 即係，攪一大堆不知所謂又冇乜關連的野，其實最後只係為咗……….

故事咁就去咗一半，之前都講咗，唔爭在講多句，「劇情將會有 360度大轉變」嘛！（你睇完13集之後，就可以洗腦的了！）

表情集？………….

珠洲城：神之一手？(棋魂)

修女：咪再講咸野呀！
舞衣：吾～～～你個blog 好悶呀！

動畫與漫畫回應的RSS 按此回應暫時未有引用通告 (0)

舞-HiME (誘姬) 有線第九、十話

打住三號風球睇HiME…..

每次睇夏姬呢幕順風車，都笑到爬起度….尤其搖兩野Pat Pat極度攪笑:X

要笑就笑多啲啦，遲多一兩集笑都冇得笑:XX 呢兩集完全係賣 Service 同埋爆忍者崎晶都係 HiME，重記唔記得早兩集咪起Blog講過「每幕都有佢的原因」，其實就係令你有個錯覺崎晶係男人，其實係女人 :X

佢兩個鬥頂咀又係攪笑，但最攪笑係，右邊張圖奈緒個樣，完全係兩個人咁-_-

又黎「姊弟戀」啊…… 再加埋「假」BL… 超級雜交：～

嘿.. 點解個胸會大咗咁多？「窄」得多，個胸咪大多啲囉 :X

呢Pat 野………………………………… 睇見都想嘔 :O~~~~~~~~~

留意下份禮物，係支手提卡拉OK咪黎，之後兩三集會講番舞衣好鍾意唱 K的。(又放風聲:X)

乜有呢幕架咩？我真係冇印象..;ppppppppppppppp 咁就快十集，真係唔覺唔覺，一星期兩集真係快好多。十月就快黎了！期待乙HiME中！

提外話：呢兩集啲廣東話配音進步咗好多！可能都配咗八集，開始熟咗，感覺上了解咗個角色同埋配得好咗好多了。

左邊呢個咩黎？Cable 剪漏咗呢幕，原本係日本電視播果時用黎出果啲贊助商啲名的，佢剪漏咗，所以就出咗黎了

剪乜鬼丫，唔剪咪可以有番原本 OP ED 囉，多鬼如。歌詞字幕之嘛，你本身都有字幕架啦，用番果度出番歌詞字幕都得架嘛，學埋 TVB 啲仆街野！

PS:我開始覺得自己越黎越冇野想寫添…-_-

PS2: 神秘人士Reply話字幕打錯字，你肯定係聽日文原聲，所以好留意中文字幕了 :X 我掛住聽配音所以都冇留心字幕了 :pppp 岩岩 Cap 番個畫面出黎。

動畫與漫畫回應的RSS 回應(1) 暫時未有引用通告 (0)
2005年09月27日

電視 Blog (PHD + 女神候補生 + 星空的邂逅)

由於堆咗一堆 Blog 都想寫，大家都係同電視有關，所以就叫電視 Blog.. 先黎係：

叮皇之爆炸猛男 PHD

睇完之後，覺得不敵的原因有二：

排練時間不足，翻叮與叮皇相差好似得兩個星期，兩星期排兩隻舞有啲難度呱，所以唱起黎都夾唔到時間。
對手以實力取勝，太強了。

一叮基本上都已經出咗名的了，佢地可以攪下起旺角街頭玩下唱歌，都應該會幾受歡迎架！

PS:估唔到有一隊唱我極為反感的 Kaleidostar 中文版 OP ！日文版好好聽架！中文改到又難聽，作詞又作到要好努力咁作啲中文字落去咁，所以用「反感」黎形容！

總括黎講，第二輯一叮冇第一輯咁好睇，一來已經睇得太多，有啲悶，第二係啲參賽者已經主力係實力派／表演派，而唔係攪笑派，所以冇咁好笑。我連叮皇果集都係睇錄影（8PM-9PM睇緊活得很滋味睇蘇絲王，9PM-9:30PM睇女神候補生 :X ）。

女神候補生

今次係我第三次睇女神候補生，第一次係睇 VCD ，第二次係睇 ATV ，第三次當然係 Animax 大人啦！翻睇睇三次，都仍然係咁好睇，因為「爛尾」！！！！

今次睇回想起三樣野，一：幾時先肯爛完呢…. 二：好記得 ATV 每集 ED 都剪咗呢幕(右圖)，因為ATV 當年起兒童時段播，唔播得食煙，所以一去到 ED 呢個位之前，就會玩定格。三：諗起小泉恒平。小泉恒平係乜水？佢咪係唱 ED 果個人囉。好有趣的。你聽落佢把聲係女仔聲咁，但原來係男人黎，但佢又唱得好好聽播！呢兩、三年佢都冇再出碟。但呢個月有個Live Concert… 真係掛住讀書所以停產？呢兩日我又將佢唱果兩首ED 放番入 iTune Playlist 度，出街又可以聽下。