故事始終冇 Kira VS L 咁好睇..只係因屈機而出現的結局編，但煲到好似好勁咁。

套戲拍到好似為咗 L Fans 同松山 Fans 而拍咁(尤其爛Gag位)，真正講破奇案的內容唔係太多，而且最後解破出黎的都唔係 L ，咁L Change 乜鬼the world 呢？

裏面D 化裝/特技就真係多得”午夜凶鈴”再次翻版上演..核突野叫做嚇下你但都只係好皮毛..

女主角褔田麻由子笑起上黎的確好殺食，L 演技都幾好，交足功課，其他都算係咁..但..

對劇情同拍攝不滿就大把：

• 二階堂博士自插病毒死果大幕，拍到好鬼電視劇 Feel，後尾塊面爛晒爬番上黎好老土
• L 間屋咁易就比人爆入黎，連FBI都會無端端起L屋入面出現，神不知鬼不覺
• 三條友踏單車走佬果度真係好悶，悶到想離場..
• L起破病毒成件事根本行行企企多，最終解迷的都唔係佢..
• 點解L會咁勁有預知會坐飛機，去秋葉原買定材料做Remote
• 隻病毒勁到又爆面爆血又嘔泡，點解打支針會冇事死唔去重識自己行上警車
• 完場後的一段真係…唉…鬼唔知…瓜咗-_-

PS：無意中起蘋果的 L 電影網站..發現…兩個角色相同內容倒轉咗-_-

班友仔冇Double Check架咩-_-

首先聲明是呢個機頂盒是最初街賣的 Firmware 版本 110 (Jan 16)，並非內部測試 Firmware。

機身／背輸出

到手後拆隻機頂盒望，Size 比Olevia大及高好多，機面有齊基本開關/轉台/音量制，而右邊有個位可以打開插 USB 硬碟/手指，另外重有吉位插類似記憶卡/碟的槽，不過係假的，應該係啲公家外殼百搭設計。

機背與一般機頂盒無異，有 RCA/色差/S-Video/光纖/HDMI 同暫時冇用的 Ethernet頭。輸出頭比 OLEVIA 小， OLEVIA 有兩組 RCA 頭 Audio 輸出及Coaxial輸出 。

安裝方法都係一樣，將公眾天線插去 ANT IN ，然後在各種輸出揀一種，你插 HDMI 電視就插 HDMI 、其他就插三色、色差、S-Video 等等….(視乎你的電視可以插邊隻頭)。

開機後佢就會開始即刻 Search 台，正常的話就會 Search到晒ATV及TVB所有標清及高清頻道，搜索完就可以收看了。 轉台/按 Info時，畫面都會顯示現時節目名稱及之後播放節目的名稱，同時亦會顯示訊號的編碼/格式及現時時間。

基本功能

於遙控可以選擇 A. RATIO 及字幕、音頻等設定，於 Apect Ratio 內，設定名稱有些不同，包括 “預設” (Pillar Box) 、 Pan_Scan (Crop) 及 Letter Box ，同時亦可設定輸出解像度 (於 Olevia 是分開兩個地方設定)。有關比例的解說請參看 Olevia 內文。

機頂盒設定

於 Menu 內可為機頂盒作一般設定、Factory Reset 及升級 Firmware，亦可觀看接收頻道/天線的信號等級，以及 Firmware 資料。

EPG 錄影功能

呢隻機頂盒的賣點就係可以錄影到外置硬碟機，首先請預備一隻 USB 硬碟，我將一隻舊的 120GB硬碟，裝到可插 USB/Ethernet 的外置3.5″ 盒上插到 HD-1 的 USB前置頭便用，一插熒幕便會顯示找到 USB 設備，幾秒後便會顯示可以使用。 請留意硬碟需為 FAT32 格式，如硬碟並非 FAT32 ，可自行在電腦中備份所有檔案並 Format 到 FAT32，無需備份的話，機頂盒都有 Format 功能， 可直接使用。

你可以即時按遙控的錄影鍵，即時就可以將畫面錄影，錄緊的時候可以轉台去同一頻譜的頻道收看，但仍然係錄緊原本的台，例如錄緊翡翠台可以轉去明珠台，錄緊高清翡翠台可以轉去J2台。

由於錄影時只係將Streaming Raw 資料抄到USB硬碟機，所以與現時電腦USB軟解高清手指一樣，不會佔用資源及影響收看畫質。 另外更可以在錄影時收看其他預先錄影在硬碟的節目，或收看同一個錄影中的節目(即Time Shift功能)，錄完後，經機頂盒選擇收看節目時亦會顯示該節目名稱方便選擇。

播放錄影片段時可以按遙控不同鍵去飛前後以及轉另一個Audio，不過字幕就冇了，所以如果錄外國節目想聽番原聲要留意會冇字幕睇。

除了作即時錄影外，亦可以透過 EPG 電視節目表選擇節目錄影，或自行輸入節目時間錄影。如透過 EPG 錄影，可以按遙控 EPG 鍵開啟 EPG 畫面，選擇頻道及節目，按OK即可選擇錄影，同時間可以選擇錄一次、每天及每周(多於一天)錄影，都幾方便。

當然亦可以自己設定錄影日期時間，就如一部錄影機一樣。

如果你己設定預告某一個台，但當時機頂盒並非在該台的話，時間到時就會顯示警告畫面，會問你是否確認轉台，不過唔洗驚，佢會Timeout，就算唔禁任何鍵，機頂盒都會自己轉台，所以就算你出咗街亦沒有問題。

呢套 Cloverfield 真係好有趣。入場前從身邊聽到以下的comments..

• 睇到頭暈.. 我個Friends 睇睇下去咗嘔
• DV拍攝有爆炸有怪獸好正
• 垃圾片，不知所謂，退錢
• 拍得好正， 好真實
• 睇得好辛苦，又無離頭，怪獸又小….呃錢

但睇完之後，我完全唔覺頭暈(可能我剪得多呢D頭暈片…)，拍攝真係好 Home Video Feel，令你覺得好真實，但其實又覺得真係好縮皮，偷雞同埋好好玩的片。

此片不適合一家大細、唔識上網、師奶、呀叔、情侶、懶人、廢人、影評人觀看。

(以下內容有劇透……)

拍得好Home Video 式呢個的確係令你用另一個方法去睇一件事，你要當呢套片係一個 Event 的記錄片(Full Version/無剪接版)，但就係因為要扮到係一個普通人拍，就產生咗不少縮皮(Cut cost)位，例如每次影住啲大怪物的時間都好短，起地面士兵開炮果度，經常兩邊都影，但影怪物的時間非常短，心理上係個Camera Man 好驚唔敢望住隻怪物，但又令我覺得係縮皮，怪物出短啲，Cost 就平D，真係數數埋埋起呢70分鐘裏面，有怪物出現的畫面係有幾多分鐘？ 感覺似 JJ 又用番拍電視劇的quality去拍電影咁..

又有另一幕從插住鋼根裏面拉個女人上黎，畫面又要講到放低部DV機起一角，但只係影到隻腳，咁就拉番個人出黎，咁又做小個Visual Effect/化裝/特效等等…(重可以跑咁耐都死唔去又另一回事:P) 

不過都要讚，佢因為要扮到用 DV 連續拍，有啲Shot 係冇停一直去，果啲係真係好真實下(咁當然係藍幕…)，例如講男主角三個走上四十幾樓跳去對面大廈果度係連續戲，由梯口直出再跳過對面再入番大廈天台再走到間屋入面真係連續落，唔覺有咩地方有CUT到。

不過如果用心睇，其實起邊度CUT邊度轉shot 佢係安排過晒，例如用D 靜止畫面，扮rollback睇帶畫面，影影下stop 機果啲， 就係方便佢轉場景同CUT Shot。另外睇番Making of 的話，有啲景係用DV拍，有啲係用大機拍，所以其實唔係全部都係DV拍..

講完拍攝手法…

呢套片賣點並唔係片中果七十幾分鐘…而係事前事後你用幾多時間去了解整個故事，不斷咁利用 google / forum / blog / youtube 的資料去同你解迷..(但唔想多講，講o左就失去o左你的互動)，睇呢D research 都攪咗我四個鐘，但出黎係原來咁另有內容，非常有趣，JJ果然有料到。 如果你被此片的 viral marketing中毒的話，就會好似我咁好想去睇多次解迷同每個shot 研究…正所謂：「睇片一個鐘，睇完搵餐槽」

如果你入場出黎係屌三聲的話，請你有時間去google 下關於呢套”記錄片”的神秘地方，會有好多驚喜，而呢D 就係呢套片的賣點：互動。 呢套並唔係怪獸片，係”記錄片”。

最後，如果你有拍開DV的話，你自己睇番拍到咁搖都頭暈，所以唔該拍DV前，先感受拍到咁Home Video 睇番出黎的感受…(暈)…

又有另一個諗頭…如果拍套叫 Mongkokfield，起旺角有怪物攻擊，遠處見到奧海城HSBC大樓著火倒塌，機鐵列車成架飛入旺角行人專用區，市民不斷跑….作為Video 的功課…拍唔拍到呢??? 09.09.09

http://www.youtube.com/watch?v=WRS9cpOMYv0

1. 高清產品2 - 圓剛 USB…. 或…

相信大家都睇電腦雜誌睇 USB 高清 Test 都睇到喊…. 呢支圓剛係聖誕前囉番黎試的…但圖/相 cap 到呢家都未得閒寫,都out out 地,應該都未必會再寫…取而係…

EIGHT HD-1 高清解碼器，呢隻野將於下星期首賣..基本的function 都齊，EPG 可以做埋預錄(冇講識唔識自動轉台，呢期有一隻「正方型」的decoder唔識轉台)，插 USB HDD 就可以錄落隻硬碟，標清會錄做MPEG2，高清會錄 AVI (但冇講咩compression)，不過就衰在暫時未可以用番隻解碼器讀番 HDD 的file 起電視playback，暫時只可以起電腦playback，佢地話遲下會加番做埋playback 功能，價錢約 $23XX，當有機到貨時會即時測試..(有時間會盡快出review )

2. 台灣行2008 - 高雄旗津

旗津位於高雄市南面的一個半島，海對面就係中國大陸，旗津最出名就係租單車去參觀多個景點…會慢慢介紹。

3. ColorChecker 色卡

呢張卡睇雜誌就見得多，呢張24格的色卡有咩玩呢…最近手多訂o左張番黎玩…

 

作品名稱：棋逢敵手 (Go Master)

故事：一個來自日本的十一、二歲的天才，認叻，自細喜歡下圍棋(Go)，贏得不少獎項，有時候更在internet 與不同的對手下棋。有天他在internet 見到一個叫棋聖的對手…

看後你是否有以下的感覺…? 

原本份功課係想攪爛 Gag，起堂上present播片的時候，我係望住同學們的反應，但令我非常surprise，冇同學識笑…個個都好留心望條片…. 係咪我的爛Gag 位仍然功力未夠？

雖然起2D動畫方面仍然係好甩格，但我希望從三個不同的動畫技考中，令故事由原本的日本動畫Feel到 3D 另一個科幻境界，到最後抽離科幻，回到現實，令一個普通的故事，讓觀眾感受到自己就是其中一份子。

雖然大家都見條片有好多好爛的地方，例如人物的動畫好生硬、配音冇感情、故事太急速(1分鐘功課限制)等等，不過我唔希望太強迫同學做得太靚，而且同學們都係第一次做呢類功課，希望留番機會比同學自由發展一下，自然就會有做得唔好的地方。

如果你對片段有comments ，歡迎講下…等我下次的功課可以改進下!

當你Update 咗firmware 之後，起Menu 入面的Network就加入了 internet radio 功能。

但其實個Firmware 只係同你去PSP一個指定的webpage 入面，下載 internet radio 的plug-in儲到記憶卡中，之後再去番相關的網頁，啟動相關plug-in去收聽音樂，就好似睇一個有 flash 的 website去聽internet radio。

現時PSP 網站支援兩個 internet radio 的網絡，包括 SHOUTcast 同 icecast (icecast.org)，兩個網絡都要各自下載相關的 plug-in 。

下載後，在Menu就會見到相關plug-in 的 internet radio player， 再禁入去，就會load PSP 自己internet radio player 網頁，然後問你要唔要enable個plug-in，當然要選Yes，之後就進入了一個其實係web pages 的 internet radio 收音機界面。

界面都唔係太難用， 不過要留意其實個界面係有上下兩 Part ，先講下面先，下面係你可以從不同的音樂類別中，揀你想聽的類別，例如 JPOP，禁一下就可以轉去JPOP類別的Radio Channel。 之後就可以起上面轉台搵個連線速度又快、又岩聽的radio 。不過你聽聽下可能好似我咁覺得果啲 “DooDooDoo” 聲扮未tune到台就好煩，只要起最底果四粒sound effect 制全部off 晒佢就攪掂。另外只要將mouse cursor 移到畫面四隻角，就算你插住火牛，LCD背燈就會關閉。

簡單介紹完後，PSP起老麥繼清Video、睇LocationFree TV 後又多個用途，最近 Skype 更同Sony合作，會在新的 PSP-2000型號上配上專用 Speaker 就可以打 skype(但我仍然係用緊1系機)，PSP越黎越恐怖….

咁係咪一定要換番個高清電視先有精彩的享受呢？又唔一定架播，就算你係用緊傳統的電視機，起數碼電視機盒裏面觀看數碼標清及高清頻道，畫面一樣靚到嚇死你。今次試用的就係首隻由 TVB Interactive 認證的 OLEVIA ZMT-620FTA 高清電視機頂盒。

輸出介面 

先介紹一下機背的輸出界面，由於可以配盒傳統及新的電視機，輸出方面包括有 RCA、S-VIDEO、色差以及最新的 HDMI端子輸出，如果你是採用高清電視，就需要使用 HDMI 輸出才可，但如你的電視機只是普通的電視機，就可以使用RCA、S-VIDEO及色差輸出，不過最好使用 S-VIDEO 或色差，因為畫質較好，RCA輸出畫質就麻麻。

音效輸出，包括傳統的RF OUT(即AV OUT，共2組)、SPDIF (Coaxial/Optical)輸出，另外亦有一個 USB的插頭，可讓你插入USB的手指讀取手指中的JPEG檔案觀賞(由於只有一個USB頭在機背，我相信大家都不會用它來看相吧)，最後機背有一個 CAT5 的插頭，暫時只作技術人員使用，並無其他功能。

安裝方法非常簡單，只要將你現時公眾天線輸出到電視的 RF 線插到機頂盒的 RF-IN 位置即可，如果你想你的電視仍然可以收看公眾天線頻道 (如原有的TV頻道或有線電視頻道)，就需要插多一條 RF 線，由機頂盒的 RF-OUT，插到電視機原本的RF線頭。再跟據你現時電視機提供的輸入方式，插上 RCA、S-VIDEO、色差或 HDMI 線，以及音效線，安裝便完成。

首次使用就當然要好似平時電視咁要Tune 番啲台出黎，只要按遙控的 Menu 制，選擇安裝 -> 自動掃描，即可以掃瞄所有數碼頻道。

Tune好後，即刻可以收看所有數碼台，選台號碼方面，亞視的號碼全部是1字頭，而TVB為8字頭，所以大家可能需要重新適應一下頻道編號。在畫面的 OSD 你可以看到現時數碼頻道的資料，例如節目名稱、播放時間(會有一條顏色Bar 令你知道播了多少)、畫面的質素 (如標清頻道為 720x576i)、比例(16:9)、音效格式(AC3)等。

數碼化後，除了沒有了鬼影外，更加入了不少附加功能，例如電子節目表，以及互動功能。頻道選擇更多，所以除了按數目字選台外，亦可於遙控開啟頻道表選擇想看的頻道。

顯示比例設定

現時無綫及亞視的標清頻道都是以 16:9 方式廣播(並不代表節目是16:9)，所以如果收看一些4:3的節目時候，畫面就會有黑邊或顏色邊，在舊式的4:3電視觀看與在新的16:9闊銀幕電視觀看，又會有所分別，所以在遙控中，有一粒為 A. RATIO 的按鈕 (Aspect Ratio)，讓你選擇合適的顯示比例。

於傳統4:3 電視，由於畫面以16:9廣播，所以如果播放一般4:3 節目的時候，左右就會有黑邊，你便可以於 Aspect Ratio 中選擇 Crop，只顯示中間的 4:3 畫面，即變回傳統的全熒幕畫面。

不過電視台會同步播放16:9的節目，如節目是以16:9製作，便會同時間以16:9播放(播放時並無上下黑邊)，如選擇了 Crop 的話，反而就會看不到左右的畫面。所以就要在Aspect Ratio 選擇 Letter Box，令你的4:3 電視看到16:9的闊熒幕畫面。

ATV 有一個新聞財經頻道，以16:9播放，如果選Letter Box的話，雖然可以看到整個畫面但裏面的字幕又被壓扁了，覺得看得有點辛苦，但選擇Crop的話，只能看到中間的部份。

你可以考慮選擇選擇 Pillar Box，它會將整個畫面拉到全個畫面(4:3)，字幕看來正常了，但中間人的畫面被拉高了，是否好就各人喜好了。

如你的電視已經是16:9闊銀幕的話，在觀看現時4:3標清節目時，可能會出現了左右黑邊，這樣選擇 Crop 即可將4:3畫面拉橫至16:9觀看(好似現時咁)，而於正式的16:9節目，選擇 Pillar Box 即可正常觀看。 (Letter Box 無需再選擇) 不過較新的節目/廣告，在原先的4:3畫面上加上顏色左右邊，令在16:9下亦較為好看。

剛才提及，如電視節目製作時已是16:9，於數碼頻道播放下，會以全16:9播放，所以線數會比傳統電視更好，如以下明珠台節目，於傳統電視下，播放時已經有上下的黑邊(Letter Box)，但在數碼頻道下，你可以看到明珠台的標示並非在最右上角(由於是非全16:9播放)，但畫面是全16:9播放。

畫面輸出設定 

於畫面輸出設定方面，你可以選擇以傳統的 PAL 制式，576p(Progressive)、 720p 以及1080i 輸出，除非你是使用高清電視，否則於普通電視輸出的話，根本並不支援，所以分別不大。但如果你發現的你電視機或 TV BOX/標清 LCD TV，看節目時於移動的畫面中經常出現一條條甩線，你可以試下選擇 576p 輸出，可能會有所改善。

隱藏字幕 

於字幕方面，TVB的字幕已經可以以隱藏式字幕選擇，觀眾可看按遙控制的 SUBT制，選擇開啟或關閉隱藏式字幕(像DVD)。 除了繁體字幕外，TVB更提供簡體字幕，如果你新買的機頂盒一買回來看就是簡體，可能是預設的語言設定有問題，可以在Menu ->設定->聲音->字幕設定選擇繁體中文。

多聲道選擇   

除了隱藏字幕外，數碼頻道更提供多聲道功能，多語言並非再是 NICAM 麗音(只限左/右兩聲道作為 NICAM/單聲播放)，而可以是多過兩條聲道，而且每條聲道都是音體聲/5.1 聲道。

高清節目

就算你並非有高清電視，一樣可以看到高清節目，在普通標清電視下觀看高清，一樣可感受到高清的清晰及鮮艷，雖然本人並無高清電視，但在普通電視下看，一樣會令你覺得高清電視質素非常高。如你好想看看高清電視下的質素，你可以走到旺角的電器舖看，不過我個人覺得唔知點解起電器舖看的高清畫面，畫質有些差，不知是否因為他們用一隻機頂盒輸出到多個電視機看，所以畫質有時候起格及起塊。

機頂盒設定

於設定內，都是一般的設定，除了剛才提及的字幕語言外，如你使用非 RCA 的輸出，而是直接輸出至音響設備，音效輸出就會影響你，否則一般都無需理會。

於圖像調整中， DNR (Digital Noise Reduction)可能會對你有幫助，如你發現畫面有過份的雜訊，可試啟動 DNR 可否令畫質改良。

有待改善

最嚴重的問題是轉台等候非常慢，會顯示約一秒「沒有信號」提示，再等候一至兩秒才有畫面，前後合共差唔多要四秒才可轉台有畫面看。順便一提，數碼化由於有壓縮，與原有的廣播，數碼廣播比原有的廣播有約一秒的延遲。

隱藏字幕中，有時候隱藏字幕無法完全消除，會留下一些印，要一段時間才消失，個人覺得是這隻機頂盒的Bugs，希望在往後的版本會解決。

另外一個不滿的地方就是遙控器的上、下制。用Cable/NOW 的遙控，中間的四方剪咀制的上下制都可以轉台，但這個OLEVIA 遙控就不能，必須要按最右上角的 CH制才可，但 CH制的上一個制就是機頂盒開關制，有時候一時按錯，就會關了機頂盒，但開機頂盒又要Warm Up等候，所以有時候都會幾不方便。

錄影節目

暫時呢隻 OLEVIA的機頂盒中的電子節目表並非支援自動轉台，即是如果我需要錄影電視，而要錄不同的頻道，便無法於適當的時間內自動轉台，而由於暫時亦未有支援 DMB-T/H 的錄影機，所以在錄影節目時，就變了局限了一個頻道。

RCA輸出

一向都知使用 RCA (一般AV線)輸出，畫質較差，咁有幾差呢？可以看看以下比較。

於RCA 中，文字間有一些雜訊，而在無綫Logo中，線條不清晰，但S-Video就非常清楚，文字中間並無雜訊，而無綫Logo的幼線條非常清楚，質素非常好，而於隱藏字幕測試中S-Video文字清晰，但RCA線條不太清晰，所以如果你的電視機有S-Video/色差，就務必要用了。

惡毒高清

當試用了數碼機頂盒後，心情就好似幾年前有線轉用數碼解碼器，畫面靚到喊一樣，再睇埋無線的高清試播片後，就算你的電視機只係普通傳統大電視，完全會中毒，感覺自己的舊電視機突然間番生了！你會付出$1990為你的電視番生嗎？