2007 台灣很滋味 (一) - 機場前傳 - 新 BLOG

2007 台灣很滋味 (一) - 機場前傳 - 新 BLOG - 2008 放眼世界

2007 台灣很滋味 (一) - 機場前傳

今集的台灣很滋味，首先係未出發，先食野。早D check-in，然後去新開的機場2號客運大樓，食盡市區都冇得食的好野，跟住就係入住一間台北至潮又in但平到笑的旅館。即刻開始今集的台灣很滋味-機場前傳！

機場客運樓 2

最近機場 Terminal 2 開咗，裏面除咗開咗幾間好野食外，同樣可以過關出境。咁所以今次就特登行去 Terminal 2 望下有咩好野食。

呢次推介係由New York 到港的首間 Pizza 店FAMIGLIA，每塊 Pizza 由 $22-$28不等，另外可加 $20 轉為 Set 附沙律及汽水。呢次試左呢件 Famiglia Special，售$28，你買果時佢會即刻翻熱番比你，雖然翻熱，但勁多汁，非常好食。

食完再行下等上機，因為呢邊冇乜人起大堂，多人都起晒上面餐廳(尤其板前..，機場板前都一樣咁多人)，坐起下面起7-11買杯雪糕等上機 Relax 一下。

Terminal 2 可以出境過關，而且人小小的話都唔洗排，不過 e 道機暫時就只係得兩部，但我地去根本冇人排，所以都好快過到關，但落到下面佢要坐番電車去番 Terminal 1 個禁區大堂(唔好彩的話重要轉車去遠啲果個 Gate)，如果你趕時間上機就千其咪起 Terminal 2 出境。

新驛旅店

最近不少旅遊書都推介呢間位於台北車站斜對面的新驛旅店，佢裝修 In 之如，價錢亦很平，所以我地今次特登去試下。離開機場搭巴士去到台北車站，過對面新光三越向NOVA 方向行一條街，就到達懷寧街(台北地下街3號出口後面)，之後轉入去行 1 分鐘就到。

新驛旅店用橙色做主色調，所以一定見到非常搶眼。我地今次Book咗一間雙人套房，於5樓某一房間，入到去佢做高咗一級地台，間房雖然唔大，但感覺亦很舒服，牆上裝咗部廿幾寸的 LCD 電視(不過冇開黎睇過)，廁所用透明落地隔水玻璃，洗手盤亦係全透明玻璃。佢每間房的設計都有不同，所以每次入去住唔同方都有新的感覺。

床係較落地較低的床，所以可以坐起度手提電腦上網。另外佢亦提供有線及無線上網，不過我呢間房收得比較差，所以就自備 Wireless Router 上網 (上網需要登入，詳情請問 Receiption)。佢亦設有免費自助洗衣間，你可以囉衫落去洗，不過要留意房間內並無雪櫃。另外旅店格黎間舖就係便利店，肚餓走落 Hotel 過格黎便利店超方便。

價錢方面，我地住呢間雙人套房每晚只係 NT$1920 (約HK$457)，而時尚客房亦只需 NT$1560 (約HK$371)，兩個人住每人平均只係港紙$228，真係幾平，交通又方便，我地果層格黎房都係香港人住，一出門口格黎房啲友仔就大大聲講廣東話。

地址：台北市中正區懷寧街7號
電話：(02) 2314-8008
傳真：(02) 2331-3311
網址：http://www.gocityinn.com

豆知識2007 - IT人去旅行

好似我呢啲 IT 病人，去旅行真係好似搬咗成間屋企去咁，成身都電子設備，例如電話、電腦、相機都兩部、重有 PSP、iPod、Walkie Talkie等等，連Router都有帶，最慘就係樣樣都要叉電，雖然呢家啲火牛好多都 110-220 兩用，但隻腳插就唔岩，例如台灣日本都係兩腳直腳，香港係三腳，已經唔岩用，除此之外，通常酒店都唔會有咁多個電插比你插，我試過去過一間日本 hotel 只係得一個插，佢比你用黎插熱水煲煲水。所以我每次出外，都會帶定一條拖板以一個旅行萬用轉插，每日番黎插notebook上網、叉電等等都可以攪掂晒。