台灣很滋味 (二) - 高雄夢時代！ - 新 BLOG

台灣很滋味 (二) - 高雄夢時代！

今集台灣很滋味，首先帶你搭高鐵，由台北去高雄的速度比試，跟住去全台灣最大型的購物商場「夢時代」，去買首間於台灣開設的日本家品店，以及Cheap到爆的十蚊店，最後再去高雄的 Maid Cafe，就算未去過日本Maid Cafe都可以起台灣試下，即刻開始今集的台灣很滋味！

高鐵速度感

以前由台北去高雄，搭火車最快都要四個鐘頭的車程，以一分一秒都係錢的遊客，來回高雄都要 8小時的時間，早班火車最早為7點，尾班火車最遲係7點，除非會起高雄住番一兩日，否則落去真係冇時間去玩，但呢家就唔同了，自從台灣高鐵於2007年頭通車後，由台北去高雄的時間大大縮短，只需要一小時四十分，就可以到達左營(高雄)，令大家去一天玩轉高雄已經不再是夢想。

認識高鐵

高鐵現時有7個車站，包括：台北、板橋、新竹、台中、嘉義、台南、左營。高鐵台北及板橋站與現時的火車站及捷運站為同一個地點，但其他車站就不是了，有一些站距離原本的火車站較遠，所以出發前請先查看地圖。

而高鐵現時未能直達高雄，只能到達左營，但可到左營站行到新左營火車站(同一個車站內)轉火車到達高雄，或於高鐵站外搭巴士到高雄(約20分鐘車程)，於2007年底高雄捷運首期通車後，更可以於左營高鐵站直接轉乘捷運到高雄市中心。

高鐵的列車為700T型，採用日本的新幹線(子彈火車)700系列列車再改良而成，時速達每小時 300km，所以坐高鐵就有如至身於日本新幹線之內。

你可以在去程的時候同時間購買回程的車飛，或者任何一班由任何一個站開出的車票，預先買飛，~~由於現時高鐵並不設「自由席」，全為「指定席」，所以遲去買飛的話，客滿就上不到車，所以如果你諗住即日來回，最好買定尾班高鐵車飛。~~

高鐵最近已經推出了「自由座」的車卡，自由座的好處係你只要買了當日的車票，可以搭任何一班列車，坐起自由座的車卡(暫時為3卡)，如果冇位，亦可以企起自由座與自由座車卡之間的走廊。而指定席就指定了班次及坐位，但如果過錯了該班列車，我都不知道是否可以搭自由座的車卡(日本是可以的)，歡迎台灣人士指教。另至12月31日，自由座成人車票更有8折，如果早上搭去台南都可以，但尾班車回台北就唔好了，最好買定指定席較安全及舒服。

反回正題！高鐵係咪真係咁快呢，我地即刻起車上做測試。我地用一部 PDA 配合全球衛星定位系統 (GPS)，利用 Mapking GPS 功能，睇下高鐵的速度。

本次測試採用 QSTARZ BT-Q818 藍芽 GPS 接收器，配合 dopod 838pro PDA 以及 MapKing 10 及台灣地圖作測試，首先 MapKing 內的衛星狀態已經成功顯示 GPS 已經定位，再返回地圖畫面，MapKing 顯示行駛速度平均達300KM/小時，所以真係冇呃人，而 700T 的列車，行駛時列車亦很穩定，所以你可能坐起車箱內真係唔覺車係以 300公里行駛中。

當然，一分錢一分貨，由台北去左營的高鐵標準車箱票價為 NT$1490 (約HK$370)，相比起坐火車自強號票價 N$845 (約HK$211，台北至高雄)，價錢相距貴多達 80%，所以你可以考慮，去程坐火車，回程才坐高鐵，可以慳錢之如，又可以早上在火車訓番四個鐘叉足電。

由於只需一小時四十分鐘就可以來往台北及左高雄，~~所以尾班車的時間為九點，所以遊客可以夜一點來離開高雄回高鐵站返回台北，~~最近尾班車已經加長服務至9:54PM，11:30PM回到台北，比起以前七點為尾班車，可以享受多兩小時呢。不過要留意一點，當列車開車前兩分鐘，持當班列車車票的乘客就不能持票進入站內，以防乘客趕搭列車時發生意外，所以大家仍然要預留時間到達高鐵站入閘，否則搭不到尾班車就麻煩了。

~~最後提大家買高鐵飛時，可以在熒幕選擇出閘時保留車票作記念！~~由3月31日起，所有票出閘亦不會收回…

另外高雄地鐵第一條線(紅線)將於12月尾通車，到時於高雄旅遊會更加方便。

高雄夢時代

呢家高雄最 Hit 的就係夢時代購物中心，夢時代與台北的美麗華的確很相似，除了外型上相似外，各自亦有一個摩天輪，而且重係全台灣最大型的購物商場！

夢時代位於高雄機場附近，距離高雄火車站約 15 分鐘車程、左營高鐵站約 30分鐘車程，於高雄火車站及火營高鐵站都有免費穿梭巴士到達，如等不到穿梳巴士，亦可以於高雄火車站外的巴士站坐巴士到達 (NT$12)，非常方便。

夢時代有很多有名氣的店舖，去一轉隨時未番台北已經山窮水盡，所以推介兩間平靚正大店！如果你係 IKEA 、無印 Fans，就必定要去睇下了。

Home Fashion NITORI 家品店

NITORI (宜得利) 係日本一間專賣平價家居用品的店舖，日本品牌，當然平得黎又係靚野啦，而高雄夢樂園是台灣首間亦是唯一一間海外的分店，裏面就好似一間日本版的 IKEA，配合無印的清淡簡單的 Style ，直頭係 Crossover 咁，價錢非常大眾化，起入面買野，完全不會覺得貴。

雖然裏面有好多都賣大型的產品，例如椅、檯、梳化、床，但仍然有不少較小型的產品，例如文件Tray、燈、廁所用品、床上用品、竹席、床被等等，這些應該會較容易帶回香港，我都買咗一個背塾番香港，只係NT$199(約HK$50)，另外我亦買咗個麻面的筆筒，只係賣NT$49 (約 HK$12)，真係超值！你家中的 Style 即刻可以 Upgrade，唔再係 IKEA款色了！

NITORI (宜得利)
地址：夢時代購物中心 B2 樓
網址：http://www.nitori.co.jp/

DAISO (大創百貨)

NITORI 都覺得貴？咁 10 蚊店一定岩晒你，位於 7樓的 DAISO (大創百貨) 10蚊店一定滿足到你，佢雖然寫住台幣 39蚊，但對番港紙就差不多係 10蚊 (HK$9.3) ，所以係名乎其實的 10蚊店！佢裏面就好似香港吉之島 10蚊店咁，款色勁多，乜都有得賣，不過始終香港都有吉之島 10蚊店，賣的野香港都應該有，當然有啲貨品香港就冇入，如果你睇岩的話，買咗都無妨，差在你有冇手搬香港姐。

DAISO (大創百貨)
地址：夢時代購物中心 7 樓
網址：http://www.daiso.com.tw/

麵屋翔太

夢時代的食店層層都有，由小食甜品到特色餐廳都有，今次就去咗食一間日本好出名的麵店「麵屋翔太」。

翔太最出名的就係黑豚角肉拉麵 (NT$280 / 約HK$70)，而且每日限售 100 碗，角肉非常好味，入口軟化，麵底亦非常正，真係回味無窮，另外佢的炸餃子 (NT$100 / 約 HK$25) 亦係非常出名好食，真係唔食唔得！雖然香港都有翔太，但好似已經摺咗，想食番正正正的翔太，去開台南真係可以試下，而台北翔太亦有兩間分店，就算你只去台北，一樣可以去試下。