新 BLOG - 2008 放眼世界

EIGHT HD-1 高清機頂盒 (一)

繼上次 OLEVIA 後，今次測試的是內置 PVR 錄影功能的 EIGHT HD-1 高清機頂盒。

 

首先聲明是呢個機頂盒是最初街賣的 Firmware 版本 110 (Jan 16)，並非內部測試 Firmware。

機身／背輸出

到手後拆隻機頂盒望，Size 比Olevia大及高好多，機面有齊基本開關/轉台/音量制，而右邊有個位可以打開插 USB 硬碟/手指，另外重有吉位插類似記憶卡/碟的槽，不過係假的，應該係啲公家外殼百搭設計。

 

機背與一般機頂盒無異，有 RCA/色差/S-Video/光纖/HDMI 同暫時冇用的 Ethernet頭。輸出頭比 OLEVIA 小， OLEVIA 有兩組 RCA 頭 Audio 輸出及Coaxial輸出 。

安裝方法都係一樣，將公眾天線插去 ANT IN ，然後在各種輸出揀一種，你插 HDMI 電視就插 HDMI 、其他就插三色、色差、S-Video 等等….(視乎你的電視可以插邊隻頭)。

開機後佢就會開始即刻 Search 台，正常的話就會 Search到晒ATV及TVB所有標清及高清頻道，搜索完就可以收看了。 轉台/按 Info時，畫面都會顯示現時節目名稱及之後播放節目的名稱，同時亦會顯示訊號的編碼/格式及現時時間。

基本功能

於遙控可以選擇 A. RATIO 及字幕、音頻等設定，於 Apect Ratio 內，設定名稱有些不同，包括 “預設” (Pillar Box) 、 Pan_Scan (Crop) 及 Letter Box ，同時亦可設定輸出解像度 (於 Olevia 是分開兩個地方設定)。有關比例的解說請參看 Olevia 內文。

機頂盒設定

於 Menu 內可為機頂盒作一般設定、Factory Reset 及升級 Firmware，亦可觀看接收頻道/天線的信號等級，以及 Firmware 資料。

EPG 錄影功能

呢隻機頂盒的賣點就係可以錄影到外置硬碟機，首先請預備一隻 USB 硬碟，我將一隻舊的 120GB硬碟，裝到可插 USB/Ethernet 的外置3.5″ 盒上插到 HD-1 的 USB前置頭便用，一插熒幕便會顯示找到 USB 設備，幾秒後便會顯示可以使用。 請留意硬碟需為 FAT32 格式，如硬碟並非 FAT32 ，可自行在電腦中備份所有檔案並 Format 到 FAT32，無需備份的話，機頂盒都有 Format 功能， 可直接使用。

你可以即時按遙控的錄影鍵，即時就可以將畫面錄影，錄緊的時候可以轉台去同一頻譜的頻道收看，但仍然係錄緊原本的台，例如錄緊翡翠台可以轉去明珠台，錄緊高清翡翠台可以轉去J2台。

由於錄影時只係將Streaming Raw 資料抄到USB硬碟機，所以與現時電腦USB軟解高清手指一樣，不會佔用資源及影響收看畫質。 另外更可以在錄影時收看其他預先錄影在硬碟的節目，或收看同一個錄影中的節目(即Time Shift功能)，錄完後，經機頂盒選擇收看節目時亦會顯示該節目名稱方便選擇。

播放錄影片段時可以按遙控不同鍵去飛前後以及轉另一個Audio，不過字幕就冇了，所以如果錄外國節目想聽番原聲要留意會冇字幕睇。

除了作即時錄影外，亦可以透過 EPG 電視節目表選擇節目錄影，或自行輸入節目時間錄影。如透過 EPG 錄影，可以按遙控 EPG 鍵開啟 EPG 畫面，選擇頻道及節目，按OK即可選擇錄影，同時間可以選擇錄一次、每天及每周(多於一天)錄影，都幾方便。

當然亦可以自己設定錄影日期時間，就如一部錄影機一樣。

如果你己設定預告某一個台，但當時機頂盒並非在該台的話，時間到時就會顯示警告畫面，會問你是否確認轉台，不過唔洗驚，佢會Timeout，就算唔禁任何鍵，機頂盒都會自己轉台，所以就算你出咗街亦沒有問題。

仍需改善

試用咗幾日，雖然呢隻野功能比Olevia 及市面其他品牌機頂盒強，但呢隻野有的問題比 Olevia 更多，不過都應該係Firmware 問題。可能隻野入面好空，所以機頂冇 Olevia 咁熱。

而EPG 錄影功能，我果隻已經炒晒，呢家已經用唔到 EPG 錄影，揀完EPG 錄影設定會Save 唔到，有時會Save咗另一個節目時段，有時直頭Auto Restart機機頂盒。試過Factory Reset 隻機頂盒， 熄大制等一段時間再開番都唔得。亦試過EPG預錄明天的節目，佢有時話時間已經過去咗唔可以設定，都唔知係Firmware Bugs到爆定隻野有問題。

字幕亦有問題，長期開住某個台而冇開字幕的話，再想開番的時候起字幕Menu會話冇任何字幕，試過有次轉台再轉番轉頭，都仍然話冇字幕揀(但果個節目肯定有字幕)。

試過有次更勁，機背Power On 後畫面寫住冇訊號，但字幕出到黎。

另外 Aspect Ratio 都有問題，在16:9 設定比例下，以及在收看高清台下，揀任何顯示模式 ( Pan 或 Letterbox) 都沒有反應外，由於我現時係經 S-Video 接駁到電視/TV Box，所以在收看高清台時，全部變晒 Pillar Box，即拉高晒，並非16:9， OLEVIA 並無此問題。 如果你電視機係可以Set Ratio影響不大，但係如果你係落4:3 的LCDTV 而個TV/TV Box而佢冇得咁比你set 就變晒形了。

錄影方面，暫時係可以錄到多個Audio 頻道，但就無法錄影字幕，不知道係錄到字幕落File但Play不到定係其他問題 (Specs 都係寫住錄到多音效，但冇講過錄到字幕)。

有時亦試過，之前囉走咗隻USB 硬碟，再插番的時候，會成個機頂盒Hang 晒，初頭試過Factory Reset 都唔得，最後發現只要 Delete USB 硬碟裏面的 FLPvrGrp.dat 檔案就攪掂了。

裝咗2月26號出的Firmware後，EPG錄影暫時都沒有大問題，但有時候較咗預錄，出咗街番黎發現冇錄到，但隻硬碟係正常(隻HDD BOX 並無Sleep Mode)，錄影連字幕功能很滿意，差不多接近完美，高清台Aspect Ratio 亦已經Fix 咗，現時黎講呢隻係幾滿意。

另外提一提…有時候 TVB 經常都遲播節目..所以有時候..時間夠鐘，但個節目未完，所以我呢家就算起 EPG set 咗之後，都會番錄影設定入面再改改個錄影時間，起完結時間加長多5分鐘，方便可以真係睇晒個節目及儲存留檔。

下回講下起電腦睇番錄咗落USB 硬碟的檔案，以及將佢Resize/轉做其他格式 。

PS: Olevia 新 Firmware 加咗錄影功能，不過聽到好多古怪問題，最攪笑係用 Olevia Format 出黎隻HDD 係Linux Partition，插番落Windows 即刻暈咗，所以 Olevia 仍需努力..否則百記咁落力同你推隻Product但比人媽到七彩。

 消閒/嗜好  回應的RSS 回應(3)  暫時未有引用通告   (0)
2008年01月30日