新 BLOG - 2009起死回生

又比人話好耐冇update個blog 囉!

1. 就快考車了..

下星期一就係考車了，真係肥過肥仔水，為左面子，我一定唔會轉做自動波，所以呢家要祝好運一Take Pass，但呢家連轉波都仍然未掂，努力Google 之下都囉左唔少心得，希望再試熟D果D技考，同埋因為時間問題，未能就到時間補鐘，呢家真係同錢作對，肥左一腳就2K的了….

2. 一年一Show

攪左幾個月，終於起上次HKU 出到我的一年一Show cos，雖然個頭係衰衰地攪唔掂個色(上唔到色-_-)，下次有機會再攪的時候要再攪攪個頭！好好笑比米王話影左出黎靚仔到完全唔似我 XD 雖然由最初planning 到呢家出左黎都比人話我應該cos 鴉 (因為夠高)，但唔好咁啦XD

3. EVA 2.0

終於順順利利起優先場睇左 EVA 2.0 ，不過當日太凍，冇著到件EVA2.0衫..係衰呢樣…..(劇情唔講) ….. 當日完場後起戲院入面做左個解封日本版場刊儀式，歡迎收看：

4. 戲..

最近又係靜雞雞睇左２套戲，2012同20世紀少年。2012 前半Part 過份戲劇，根本係mission impossible，d 畫面係為3D 而3D 做到咁爆，太假，後半part 起船入面，尤其起水果幾幕，覺得自己睇緊D 日本電視劇/電影咁的畫面，太數碼質素，冇晒Film 的感覺，差D 睇到界椅。

20世紀少年結尾，始終因為要完，又要交代晒之前一大堆謎，得個講字，唔緊張，差D可以訓著(好在睇4點場)，後尾有D O咀，「朋友」真名真係從未起套戲出現過，真係佢老作個名話係朋友咁，然後彈「完結」散場咁，不過起Credit 度見到神木隆之介個名都覺得奇，點解成套戲冇見過佢個樣，一除面具，即時O左咀，真係佢…完-_-

5. 預定活動

12月3日 - 出席某校聯校畢業禮 (食客嘉賓)
12月7日 - 考車
12月10日 - 東亞運動會
12月12日 - 東亞運動會

 隨心  回應的RSS 按此回應  暫時未有引用通告   (0)
2009年12月02日