我地將時間交比…………..
小朋友，唔好咁惡播！
十三腰？哈哈哈，成支麻雀打落個記者度…
麻雀都唔夠，要用鎚仔？？？？？？
亞記啲毛片…….. Windows 3.1 ??? 市政局 ???? …
Windows 2000?………….. 但只係用黎 Check Email or newsgroups :ppppp (成日都見佢開住隻outlook express…)
隨心
回應的RSS
回應(1)
暫時未有引用通告
(0)
2006年01月29日
舞-乙HiME - 第16集
嘩！全新OP呀～～～即係劇情進入另一境界了～一開始就好似外敵殺入，咁似幾個鐘前講的SUNRISE 經典內容….
好鬼似 Gundam Seed Style OP -_-;;;;; 睇到呆晒…….
啲舞鬥服唔同晒播，變身變主角變咗尼奈，唔再係愛莉卡，而件舞鬥服又全新，同埋，舞衣呀！！！！！！型到爆！！！！！！！！！！！！舞衣呀！！！！！！舞衣呀！！！！！
嘩！！！呢次栗林首歌好聽好多，重好正！幾時出碟啊！！
奸角越黎越奸！ 連千惠都知知繪係奸角，但係咪因為冇得當場拉佢呢…埃爾聽到又唔爆佢出黎，咁老土的？
條手巾果段，同後尾見到翁果段，咁似玻璃面具啲劇情？肯定又係話愛莉卡或者尼奈發現翁有條手巾，就知道佢就係叔叔？呢啲老土劇情真係估都估到 :X
嘩！發生咩事？？？？突然間攪到咁？？？？？跟唔到啲劇情添？？？
動畫與漫畫
回應的RSS
按此回應
暫時未有引用通告
(0)
過年賣懶…
1. 忙住咁過年
呢幾日都係忙住做野，而且重比啲客/Vendor激死，激到爆血管果隻……早兩日番咗Lib 尋書，呢個Sem報o左兩科..一科要寫OpenGL（從未學過），另一科要起一個3D Network Multiplayer 的Game -_-;;;;;;; ，咁後尾起Lib搵到呢本字典…厚7CM -_- 希望助我過度難關… 工作方面，原本係年28起貨，但年初一都只係做o左70% -_-;;重有 Job 2 未做過-_________________- 神呀，救救我，我唔想年初七就跳樓 ~_~;;
2. 新年洗錢….
上年年中咪話想換電話 K300i …不過一直都等唔到佢跌價，所以冇買到，點之比我知到佢跌價跌到一千蚊樓下心理關口，去買的時候．．．停產冇貨！！-_-;;;;;;最後起無意之中之下…. 用o左 $980 (唔洗一千蚊！) 蚊出o左部 Sharp SX313 ，重轉埋 3G ，可以起電話睇到 TVB 新聞台….. 果然係不幸中行小運…. (咁我已經可以睇晒全港所有新聞頻道) ，跟住… HSBC 咪有個Promotion，簽三次滿$500就可以抽獎回饋 $20 不同的貨幣，咁我打去啦，抽到”美金” (約$156)，以為好幸運啦，周圍同人講，後尾有兩條友抽咗話我知，抽到$20澳元，我初頭以為澳元高過美元，原來係我記錯，應該係歐元高過澳元…咁我都抽到美金都算係咁 
3. BB100….
攪咗兩星期，申請咗三次，終於申請到條BB 10…. BB100冇晒Port，要等兩星期，最後一次，我落街搵個Sales 申請，起碼有張紙起手，有咩事就有人屌下，勁好笑地，25號申請，27號裝，26號下午有人打黎”Double Confirm”叫我留起屋企等師父上黎裝，咁最初約7-10PM，27號下午師父打黎話可以早D，咁我話6點啦，個師父6點9打黎話黎緊，最後8點3先到，裝到10點4先走-_-;;;;好在佢獨立拉多條線比我，唔影響個數碼電視，終於可以起過年前裝到條BB -_-;;煩到嘔……
舞-乙HiME - 第14-15集
繼續一野講兩集，16集都出咗了。首個奸角手下爆咗出黎了！咁又走一件，一個一個咁走晒啲人，得番集十集咋！愛莉卡估唔到咁主動去等翁咀落去:X，但翁同炎背後係想做啲乜呢，係咪只係想搵番真正的公主然後…….好似又冇左影…深優又突然出現兩秒…勁到連靜留都唔知！勁呀！連真白都掛住巧海…..果然戀愛的偉大:P但….點解突然間最尾就話畢業武鬥？..定係我聽錯….聽聞話EP16 又有野爆…等待中…
但通常以SUNRISE 的衰格劇情，隔多兩集就會話有個神秘XYZ敵人殺出黎，然後要銷毀晒全世界咁 :X
提外話… 同一時間播的SUNRISE 另一套劇 CLUSTER EDGE…越睇越想屌屌屌，EP14 又用 2/3 時間黎重溫劇情，睇幾集又重溫一次，溫到想啤啤聲，係咪冇時間做？係就咪咁趕推出黎啦-_-;;;;;;;
日式麵包王 - 59-61 集
時間緊迫，一野講三集:X 新Eyecache幾正，再黎玩野Naruto，雖然我冇睇(好多人都話我，出名果啲你就唔去睇，唔出名果啲你就睇…eg… HxH (好後期睇番), Naruto (冇睇), Keroro (只係睇咗兩三集), 頭文字D (第四輯冇再追) etc…etc….) ，不過又係好好好笑！最尾子安變咗隻狗?(似地雷探測多D)又係好頂癮……戒你啲性知識好差播 :X 抱下都會生仔，哈哈 :X
呢集又開始作故仔…..又冇咁好笑..不過有冠全力出擊～我支持你:~~~其實睇咗都幾日，但唔得閒Cap…都已經冇乜印像-.-(算吧啦….)
動畫與漫畫
回應的RSS
按此回應
暫時未有引用通告
(0)
藝墟 2006 十年特典 Day2
因尋日工務關系，不便出席，所以今日先去呢個藝墟。原本都諗過今日會”出”(自己估下點解;p)，但一訓醒，凍到打冷震，我最怕就係凍，而且乜都冇預備，所以就放棄….CW再來:P
講回正題，今日又都幾旺，都算係Cosplay界重要事件之一。同人誌方面，我講明唔會再買書及畫冊，只會買啲實用同埋可以貼出黎的野，咁最後精心細選之下，買咗三張Poster，其中一張係呢期大Hit的Saber，張Poster Print 得幾靚，超值。
Cosplayer勁呀，咁X凍都可以咁小布，越黎越賣肉。總括黎講都OK。不過，開始有好多唔識係Cos乜了，尤其右下角呢張13人的團，真係唔識=.=;;;;;另外重有一團係紅藍色衫，又係成十個，都唔識=.=;;;;開始OUT 了…………….. (正如冇人識我 Cos 果個角色…極度唔出名…係香港睇動畫的人，只係過份睇某一類?還是………有待討論..:P )
不過….番到黎就唔OK了….. 因為….張 CF 炒X咗！！！！！
Total 炒咗 40張…………. 咁跟住努力搵啲Software 去試下 FIX…… 初頭試咗隻叫 FileRecovery for CF ，但唔掂，最後搵咗一隻叫 PhotoRescue，試完，掂到爆，救番98%，衰咗果啲好在係影多咗的，總算係不幸中的大幸……。
PS1：有幾個人問我係咪出咗PCCW 3G，不是！！！！我係借番黎試…….我連申請都冇，點會出呢？
PS2：呢期工作超忙，都未必有時間Cap 啲圖黎繼續Hime blog、麵包王Blog,我又有d 想寫 fate/stay night blog….唉…如果我新年前後唔趕起啲Job，請大家夾錢買個山墳比我，我已經橫屍片野….亞門…
動畫與漫畫
回應的RSS
按此回應
暫時未有引用通告
(0)
2006年01月22日
短訊五篇
1. 串醫生
星期二晚去咗睇個醫生，個醫生係一個熟朋友介紹，不過講明個醫生係好鬼串。咁我睇佢，佢最初問我做咩職業，我答佢做IT。咁我睇個咀，個咀唇爆晒，由上星期四開始爛晒，每日都只係結晒一塊塊啡色好核突的皮，但唔埋口。個醫生話我成日用利Lam個咀，我話冇，佢就串我：「你做IT丫嘛，你囉部DV機，24小時影住你個咀，睇下你有冇Lam咀丫拿，我話肯定你有！」笑鬼我。不過個醫生真係睇得出我咩病，同埋附帶其他病徵，好似算命咁。原本話：你聽我話，唔攪個咀，我3個星期一定醫好你！你攪個咀你的話，就永遠都醫唔好！。後尾佢開咗支藥膏我搽，果晚搽完，第二朝訓醒，嘩！好番七成=.=呢家好番九成五！真係神醫，起碼唔洗再帶口罩出街！之前帶口罩係因為個咀爆到唔見得人，後尾就係搽咗藥膏唔見得人，呢家真係靚晒！
2. PCCW Mobile
今日有幸囉到部 PCCW Mobile 黎試，國產華為OEM機，但PCB望落去好靚仔下，唔係雞野，拍得住外國牌子機，成部機由前到後都大大隻PCCW字樣，連Wallpaper 同Screensaver 都係，機身有啲重，但可接受。跟機跟一舊電，連續睇都可以睇三個鐘度，畫面啲字夠晒大隻，尤其打電話果時Show出黎的電話號碼，雞拿咁大隻，方死你盲咁。
講下3G內容，TVB News 呢家任睇，但如果可以做到Live TVB新聞台就正了，呢家都係一條條News 咁睇，但下下睇完又要Back再Back再揀，覺得煩，可能我冇玩開3G 內容啦。不過總括來講，算幾好，話晒都叫唔洗錢，你想點，但，如果你有份出機，要留意就係部機，如果你唔好彩整花小小，PCCW 都會屈你賠$1500出機(消息來自PCCW內部職員)，所以其實，你真係用足半年的話，1. PCCW 都會比啲爛鬼plan 你轉用佢， 2. 有理冇理先屈你千五，話之你。
3. 真大班椅
上星期六訂的大班椅終於今日到送黎，張死人舊椅坐到我骨痛，個Pan又頂唔到頭，起度訓就真係條頸痛到喊。今次呢張真皮同埋夠晒高，坐起度訓真係正。張野唔太記得係699定799，張單起公司，但都算係咁，所謂一分錢一分貨。其實我重想換埋間房張電腦檯同張床，但未揀到一張啱心水同埋設計，又要放得晒我現有咁多狗屎垃圾，唯有再望下….
4. 重未裝到BB100
繼續又係BB100之迷，上星期日HKBN打黎話收到我裝BB100的Order，對完資料之後先話冇晒100MB Port位，得番10MB，問我試唔試用住10MB，有100MB先上番去，10MB試用都148，但我問佢，呢家裝咗10MB到時裝番100MB重有冇呢個188試用Plan，佢又話未必。咁我問可唔可以比188裝100MB Plan但你比住條10MB線我，Hold住個Offer，等有100MB再轉番過去，又話唔得，電話CS話四星期後會有100MB Port，但係咪保證四星期一定有，都係話唔得，咁後尾個CS話再問下先，遲下覆我，遲下遲下就遲咗四日，到呢家都未覆，咁即係想點？聽日再唔打黎我又再打去申請多次，今次乜鬼都唔玩，裝唔到100MB就拿拿林裝條10MB就算數。
5. 24 Season 5
早兩日利用晒搭車時間煲晒頭四集 24 Season 5，第一個鐘已經嘩然！覺得呢一輯好睇過上一輯，睇到停唔到手，期待下一集！！為免爆料，所以唔起度講劇情，講咗就唔好睇架啦。
隨心
回應的RSS
按此回應
暫時未有引用通告
(0)
2006年01月20日
