終於播了-_-呢兩集真係非常緊張，就算翻睇的我都睇到定晒神！佢地幾個的關系越黎越激，靜留GL過晒火位，舞衣重要的人都消失晒，以及深優「番生」，結局會係點呢？舞衣、命、靜留、玖我、深優最後會點呢？未睇過HiME的你一定要睇埋下週大結局！
PS：睇過的我，會諗：
PS2：保證會於最後兩集Blog出埋DVD特別修錄的「加長版」圖片。(我點會唔記得呢：P )
動畫與漫畫
回應的RSS
按此回應
暫時未有引用通告
(0)
http://www.sce.pccu.edu.tw/card/boss/
今日玩咗呢個心理測驗，話我有57%老闆格，但重點係，佢有份詳細報告，裏面寫得我好中=.=
包括話我係純潔、與人為善、有自閉之傾向、容易心軟、善其身、自我要求高的人、靜沈著、善於分析、交遊廣闊，朋友含括各個階層等等..
你又中唔中？
隨心
回應的RSS
回應(2)
暫時未有引用通告
(0)
2005年11月19日
前日裝咗 Google Analytics 起呢個Blog度，今日終於有數字睇了。先講下Google，岩岩尋日Google股價升破400美元大關，最近又推出咗 Google Base 同 Analytics，重有Google Reader呀，Google Desktop Search 呀，Google Homepage呀，Google Talk 呀，Google 乜乜呀等等。
Google 一種簡單而實用的網站，表面上唔會呃你，又唔會有大量廣告，但佢實現咗「每人比一蚊，全球六十五億人就有六十五億」的理念。每個廣告只係幾仙，Click Click 下就賺你幾百萬。Google 推更多服務，令你起不同層面都接觸到Google，亦不斷起左右賣人地啲廣告。廣告有平有貴，大小通吃，總之就係你肯比錢，就有你份。
返回正題，雖然 Google Analytics 係買番黎，但Google 將佢平民化，而且重係免費，目的都係想你知道你個網站需要咩Keyword，然後你就可以主力落邊隻Keyword，咁最後，賺錢的咪又係佢。佢一平民化，最得益的都係用家，如果唔係，普通User何來有機會用到呢啲商業軟件。
Google只係賣Keyword都賺到發，所以Mic記同Yahoo都睇住Google走。Mic 記已經靜靜地咁行緊 Windows Live Ideas，重點將會放起Live Mail 入面。Live Mail 就好似佢隻Exchange 2003 Web版咁，同個Windows 冇乜分別，埋明頂住 GMail 。 Yahoo最近都推出了 Yahoo 360，真係有排爭。
再次回到正題。Google Analytics 更新比較慢，所以如果你岩岩裝好啲Code，佢要一日後先會有資料睇，所以你咪咁心急，等下啦。
我Cap 咗幾個Screen，係尋日一日內的資料，可以Click 入黎睇。
隨心
回應的RSS
回應(8)
引用通告(2)
(0)
2005年11月19日
早兩日終於走咗去上次做開果個造衫師父做呢套CLUSTER EDGE 校服Beryl外套同西褲了，夾埋來回車錢要成八百蚊！如果你起ACG 見到一個著住呢套衫的Cosplayer，應該係我的了，可以黎同我打個招呼架！我諗住著住去的了，去到換都好煩，多條燕子尾之嘛：X我仍然諗緊買唔買個假髮…….心大心細中….
頭先睇ATV24直播廖秀冬記者會，比我發現字幕打錯咗，跟住唔夠20秒就改番，跟住ATV又趕住收工，廖秀冬一講完就即直播完，早兩日曾生講麵包又係咁，一講完就ATV24就話要完，接住要播12點半新聞聯播。講番頭先廖秀冬直播，直播完後主播蘆葦琪就好有「動感」地講解一次。不過呢個咩機制，聽完我都唔識計：X 證明我啲數學真係奇差！！
最後，講下呢兩個星期借咗呢堆書。E-Commere 為咗讀書做Paper用的，C#為咗有啲新Program 要寫做研究 (C# Web) 同埋Improve my programming skill，Java Game 就係見到個封面有啲日本漫畫公仔吸引咗借黎睇：XD
隨心
回應的RSS
回應(3)
暫時未有引用通告
(0)
2005年11月17日
嘩哈哈哈哈！美式米飯王！！！由開始笑到預告！河內後尾話改變歷史有埋預告同小知識笑到肚都痛埋！！！好耐冇試過睇日式麵包王咁好笑-_- (早排果D 笑話笑唔出：X)不過我就唔知點解河內恭介會改做「岸和田」，真係要指教下。
黑柳終於可以做番「正職」，之後可以每集睇佢發癲～太開心了！河內咁快生番D頭髮出黎？坐緊飛機都重係光頭架播。同埋，圖七月乃個樣，成熟咗，好似變咗Nana咁（可能呢排興Nana所以咩都話似:X，Nana Fans 唔好屌我）。
動畫與漫畫
回應的RSS
按此回應
暫時未有引用通告
(0)
2005年11月17日
又無聊講下呢期見到/收到風的新聞事…
早幾日吉林化工廠爆炸事件，有線駐北京記者趕去現場，又做埋現場報導，見佢戴住個N95口罩，但見到格黎亞視記者，只係戴住個普通手術用口罩，亞視窮到冇錢買口罩？ ：X
講起亞視，有睇開myBlog的都知我呢排裝咗ATV24啦，但ATV24開台五大主播已經走咗三個…郭詠琴去咗TVB，李潤庭去咗有線娛樂台，林俊業又番咗有線，不過去咗做財經新聞。連另一個ATV老手洪綺敏都去埋TVB。唔通因為TVB上排地震走咗好多人，呢排要起ATV搵D 資深記者番黎？有傳聞鎮台之寶黃珊都可能會走，但未確實。岩岩諗起一樣，上星期睇五晚睇ATV24 00:00AM 新聞，個新主播(唔記得叫乜名)，讀咗「歡迎收睇NOW 14 小時亞視新聞」，笑爆咀， 00:30AM 新聞又重播番呢段，再笑多次-_-
又講起林俊業，早兩日收到消息，佢讀果間中學正想搵佢番黎母校講Talk，詳情未八掛到，不過都應該係同新聞有關架啦。不過原來林俊業起讀中學時讀書好勁的，英文勁之餘，重囉埋學校獎學金。不過，佢好似又肥咗-_-。上年起有線時都未有咁肥…同埋老咗好多，佢今年25之嘛(大我一年：X)，但重老積過我…唉-.-
星期二晚起街收到個電話，電話中人問我係咪裝咗SuperSUN，我話冇。原來係電話中人的「友人」陳家珍去咗 SuperSUN做主播。陳家珍上年七八月去咗有線做實習，早排起蘋果副刊做記者，咁快就去咗 SuperSUN，可能好快就會好似「珠珠」咁轉去630做主播，勁呀：～
電視
回應的RSS
回應(6)
暫時未有引用通告
(0)
2005年11月17日
哈哈，曾蔭權以焗麵包比喻策略發展委員會(策發會)，唔通佢都有睇日式麵包王？ ：X
「英式麵包、德式麵包、法式麵包、但冇香港麵包？既然冇的話就做出黎啦！呢個故事就係講有孤獨的推銷員之手的特首曾蔭權，將會創造出起世界上引以為倣，香港人為香港人而造的香港麵包，『港式麵包』的一系列故事..」
PS:如果你有睇有線，剪片條友將曾蔭權「行出黎咪前咳咗幾聲，跟住令轉面再咳過」果段播出黎做intro，真係笑爆咀。 有線剪片都幾有趣，前年新年黃大仙頭炷香就播出黃夏蕙裝香唔小心跌咗個假髮，笑爆咀。
電視
回應的RSS
回應(1)
暫時未有引用通告
(0)
2005年11月15日
