新 BLOG - 2008 放眼世界

幾日堆咗個Blog起度唔得閒理，但就又被spam comment炸了。就快忙到唔記得呢個星期六要同下星期六要考試…..

小談一──WTO之亂：

幾日WTO 我都未講過，亂都不大問題，暫時對我冇乜影響，不過講起電視直播，我有睇到的有線、ATV24及HKBN黎講，有線呢次贏晒，ATV24唔係經常有直播，HKBN更唔掂，直播位置遠到好似睇唔到咁(佢做到直播都算係咁-_-)，TVBN睇唔到，所以不評論。做呢啲 Live 最考主播經驗，否則齊齊Dead Air….

小談二──曾生政改：

尋日曾生帶埋成班同事走去出席民建聯的簽名會，簡直離譜。曾生谷立法會通過都唔洗咁呀嘛，咁樣係咪即係曾生幫民建聯，官黨勾結？曾生幾時入咗民建聯？呢家規定特首唔可以有黨派，呢家咁帶隊黎支持，根本有問題，睇見都眼火爆。

早日報紙都已經講佢地簽名會出口術，同市民講係支持普選等等，跟住呢家話有40萬個簽名，又玩鬥多？曾生早日先話人數唔係重點播………

小談三：玉置成實@高達展

今年又有高達展，但經常都比人話年年翻炒，所以今年大示宣傳話今年有好多新野架，起碼有Destiny兩米高模型！玉置成實重會黎出席唱首歌咁啦(但冇講邊日到..)，最有趣是高達Fans關智斌，已取代了梁榮忠的位置，嘿……..偷食丫拿:X

小談四：Animax 2006年一月新動畫！

2006年1月Animax新動畫很正！包括有星空的邂逅 OVA 、卒業、絕對少年、風人物語和奇諾之旅！全部都係推介！

 隨心  回應的RSS 回應(1)  暫時未有引用通告   (0)
2005年12月16日

又一集了。碧出場了！奸角一名？張相入面中間果個….好熟口面…係咪黎人呢-.- 預告重衰.. 舞衣細佬巧海都出現埋…幾時真正有舞衣呀！期待中！！！愛莉卡越黎越同謝爾蓋親密，連尼娜都睇唔過眼。最尾炎話謝爾蓋有野隱瞞佢，唔通係內奸？…..

 動畫與漫畫  回應的RSS 按此回應  暫時未有引用通告   (0)
2005年12月13日

Cluster Edge 真係睇到啤一聲，十集裏面，有兩集故事重溫-.-，做唔切咪唔好播住先啦，真係睇到屌屌聲。

出DVD的話，重呃錢呃到暈！十集都好似冇乜劇情講過，咁之後，重會有幾多集都係故事重溫呢-______-;;

 動畫與漫畫  回應的RSS 按此回應  暫時未有引用通告   (0)
2005年12月13日

呢家啲劇情好似變咗味吉陽一？已經唔再係麵包……係乜鬼食物都有…..個節目名都要改唔再叫日式麵包王，叫麵包小廚神：X 。黑柳成功變身果度好鬼咸濕(三個波波:X)，跟住變身後有啲似 ONE PIECE？…….預告冠好Service啊:~~~~ (其實呢集真係冇乜劇情，笑料唔多=.=)

 動畫與漫畫  回應的RSS 按此回應  暫時未有引用通告   (0)
2005年12月10日

呢集又係Service 到傻，劇情都有小小，例如提過和也係卡爾迪帝國第三代先帝公子呀，預告有杉浦碧呀咁囉，其他，……. service ! 所以圖都冇乜cap 得落手=.=;;;;;;;;;;;;; 不過又幾好笑:p都唔知有咩好講了=.=;;

 動畫與漫畫  回應的RSS 按此回應  暫時未有引用通告   (0)
2005年12月07日

1. 星期一，PCCW 師父晨早打黎話上黎裝電話線，先諗起今日搬番條電話線黎PCCW。師父上到黎，望見電話插位，打開望完，屌晒鬼，入屋得兩條線，一條比咗個CyberExpress 3Mb BB，另一條比咗個NOWBBTV ，後尾佢打電話去機樓落Data，點之機樓一野攪死晒BB同NOWTV 兩組線，話之前D 資料錯晒，個師父打電話鬧鬼機樓條友，發晒皮氣，話我係安裝電話，呢家BB死咗我做唔到，你安排個BB維修師父上黎啦！一路裝一路屌，話：上到黎睇見兩隻Modem三組分機已經大鑊。我重有四單客，你(機樓)咁攪死晒兩組線，我重洗走？

後尾攪一餐，條CyberExpress BB 正常番，NOWTV 都正常番，電話線由NOWTV 抽出黎，但因為我呢度有幾組分機，插晒的話，NOWBBTV 個Modem 會閃Alert 燈即死，後尾只係飛咗一組分線入去。問題係電話線唔可以用 CyberExpress 果條BB 度囉，因為PCCW 獨立租咗比CyberExpress，唔可以咁偷黎用。最後終於攪掂上得番網同NOWTV。

2. 尋日打去HKBNTV CUT 電視，CS 即刻飛我條線去客戶關注組，又Sales 我。我第一句屌佢：我打黎Cut，你做乜Sales 我？跟住佢Sales 咗個$88蚊/月送水晶麻雀的Plan，重貴過之前D sales 打黎Sales 果個$28/88/月的Plan，跟住我不斷話貴，佢就話好抵，又有七十幾條頻道。我話你個價錢唔乎合我心目中合理的水平，所以我會CUT，跟住佢就話，平均除開每日都係三蚊咋播，抵過買份報紙。我即話：不如除盡啲丫，除到每秒幾多仙丫，聽落重抵呀。後尾佢就話佢地平過其他收費電視公司，而且頻道多，我話：我冇話過要轉去另一間公司播，CUT 咗咪唔睇囉。

經過一大餐你屌我插之後，佢終於話Fax份Form黎，我問佢最遲幾時Fax番去，佢就話呢個月尾前Fax番黎，然後要起合約期完之前(1月31日前)還解碼器。我問佢，點解係前，唔係後，佢答：你可以1月31日或之前還都得。我問佢點解要1月31號之前還，我都未用完個Service，跟住佢話，你可以1月31號還，但之後還的話就要收錢。(真係痴線，呢個我會遲下再寫信去投訴下-_-)最後終於Fax咗份Form黎，我亦於5min內填完Fax番去，睇下佢會唔會再打黎比個更平的留客Plan我….

3. 尋日收到考試局寄黎的會考個人資料檢查表(我無無聊聊報咗下年會考英文課程乙:X)，發現考試局寄黎的信封都好透下，完全係可以見到晒印起入面的個人資料，包括姓名、電話、身分證號碼、出生日期及地址，都好離譜下，咁諗住寫封信去考試局投訴，但諗諗下，不如又Send 比蘋果玩大佢，連埋Scan咗個信封，睇下今次又可以煲幾大。識我的人都知我幾年前有單「玩謝百老匯戲院事件」，呢次黎單「玩謝考試局」…封信及Scan 咗的圖可看內文。

 隨心  回應的RSS 回應(2)  暫時未有引用通告   (0)
2005年12月07日

你又上電視了 :X

 隨心  回應的RSS 回應(1)  暫時未有引用通告   (1)
2005年12月04日