新 BLOG - 2008 放眼世界

早排無意中發現 Smartone 新加了「24小時中文視像新聞」 ，初頭睇以為是 TVB 的 Live Streaming，但原來只係滾筒式將新聞、娛樂、財經、國際、體育新聞不斷重覆又重覆咁播放，每次滾筒，都係播番同一條新聞，重衰過自己揀黎睇，當然比當年 ATV24 的重讀新聞更衰 -.- (Just for fun) 。

佢裏面滾筒的新聞，又唔係最 Latest 果條News (可能係果段時間的重點新聞)，但每次都係滾番同一條，咁嘅情況下，比我我都係會Click入去每個Section，每條睇算，雖然滾筒播放係可以一次過睇晒多方面的內容，但每次滾筒都重係同一條新聞，即係佢的設計係預計觀眾每次睇Video的時間係 10分鐘內，所以就設計成咁。

用電話睇News，我覺得係會有以下情況：

• 平時搭車悶消磨時間
• 收工時冇野做搭車睇新聞
• 起公司食Lunch/偷懶時搵野睇下
• 聽到人地講有單新聞，就開黎睇下

而睇News 的喜好，我覺得又會有呢D情況：

• 隨意睇下，都係消磨時間搵野睇/聽下
• 只想睇某一類新聞 (例如港聞）
• 只想睇最新發生的新聞事件
• 每一類新聞都想知兩三條

佢呢家咁設計，就適合「每樣都想知啲」嘅觀眾，但時間太短，因為每一個 Cycle大約只係5-7分鐘時間，即係上車冇耐就睇完一圈。如果係想不斷睇的話，用者就要不斷咁禁每條 News 揀黎睇。

不過如果佢咁整的話，我建議佢地不如再分類，每一類都有一個 Streaming，將最新果十條 News 放入 Streaming 滾筒播放，咁可以唔洗每條 News Click黎睇，比較方便，而且亦可以方便消磨時間，方便不同類型的觀眾。又或者改良滾筒，每次滾筒都播不同的內容，這樣我都喜歡。唔做Streaming 嘅話，改為 Playlist都得架(不過呢樣我唔知係咪部部機都可以做到 Support playlist)。

我當然明白點解唔可以直接 Live Stream TVBN (版權問題，尤其體育新聞)， CableTV 呢家就做到 “BAR” 咗個畫面(起畫面右角加上三粒顏色，當軟件Detect到果三個位置係呢三隻顏色，就會即時將畫面”BAR”咗)，所以 Online 版及3都可以做到Live Streaming，但 TVB 暫時未做到。不過其實佢改良到，唔洗下下咁禁每條News睇，我都好滿意。

 隨心  回應的RSS 按此回應  暫時未有引用通告   (0)
2006年12月23日

今年我又攪攪新意思，送一張聖誕卡比大家～

製作後記….

 隨心  回應的RSS 按此回應  暫時未有引用通告   (2)
2006年12月21日

突然間收到報料人士爆出，TXB 新聞之花豬豬(化名)上星期六遞信辭職，詳細消息未明，但有來自非正式傳聞指今次豬豬(化名)係一氣之下補錢即走，所以離開消息係突如其來咁急。

如果豬豬(化名)有興趣的話可以過檔「最前線」新聞台，佢地呢排請兩個記者，不過呢期「最前線」主播陰盛陽衰，得一個男主播(不計體育部門)，但如果豬豬(化名)過去的話，效應可能比起地鐵賣全車廣告谷「超越事實最前線」更好。

 隨心  回應的RSS 按此回應  暫時未有引用通告   (0)
2006年12月18日

今次攝影實戰去到 AGS Band Show ，嘉賓包括 Solar, 黃貫中, Zarahn, 方大同以及高潮樂隊。今次由於企起前排位置，影相出黎效果我個人覺得都幾OK。不過仍然係欠缺一啲攝影工具，下次有待改善。以下分享戰果…歡迎比啲意見…

 娛樂/影視  回應的RSS 回應(2)  引用通告(5)   (0)
2006年12月17日

一年前的呢幾日，你重記唔記得發生咗啲咩大事，就係 WTO 了…..你重記得一班南韓的示威者起香港倒亂放火嘛…….？

估唔到一年後，香港人可以為咗天星碼頭呢一個「集體回憶」的事物，可以做出呢啲行為，情況就越黎越似 WTO 的情況…示威一次比一次惡化咁，睇下幾時香港人惡到霸晒成條街要差佬放催淚彈同出動防暴警察拉人。

人就係好得意，佢一直起度的時候，你就當佢冇到，但當果樣野唔存在後，大家先會開始諗起佢的重要性。呢個世界所有野都會有新，放得耐就自然舊，舊咗你又想留起佢，又唔想掉咗佢，跟住就越儲越多，儲到成間屋都係「垃圾」，最後就好似新聞賣出黎果啲屋企雜物推到去天花板再發出臭味的怪住客。可能你呢家屋企就係咁，你自己都儲埋儲埋一堆野唔願掉。

「舊啲唔去，新嘅唔黎」，如果你覺得每一樣嘅都要集體回憶的話，咁即係香港乜鬼舊樓舊建築都唔拆得，呢家就話天星碼頭，下次就話灣仔舊樓，跟住再話尖咀鐘樓等等，咁不如香港變番六七十年代嘅漁港咁，唔洗去變的了，因為成個香港裏面一草一物，都係「集體回憶」。

不過香港人又有另一個特點，就係貪新忘舊，就算你呢家保留咗，好快你已經會遺忘佢，因為香港每一日都有新鮮事物。就好似新聞裏面的頭條，一年半載大家又會唔記得，舉個例，可能下年你已經唔記得有歌星起現場節目甩褲咁。所以我認為，利用「集體回憶」作為小部份人的私利是不正確的，而且呢家呢班友仔攪到自己好似一個爛仔咁，有損市容。

呢家鐘樓都拆咗，孫公都話「講黎都太遲」，不過呢件事又反映咗五年黎政府的處事方法仍然係好守舊，就好似當年老董咁，岩聽嘅佢就聽，唔岩聽嘅就當聽唔到，視而不見，聽而不聞。其實政府係咪想每次都要睇見有幾十萬人上街，先識得聰明啲，又話聽到市民的訴求等等。但如果追索番去呢幾年，政府自稱已經做足諮詢，但聽咗就算數咁，呢啲做法根本唔健康，不過呢家唐生就聰明咗了，GST太多人反對都自己主動摺埋，其他官員真係要醒小小，EQ咁低，民望自然低。雖然呢家政府後知後覺地話會起另一個地方保留鐘樓，都已算係咁的了，「保留鐘樓」同「原址保留鐘樓」，原址係咪真係咁重要呢？

但大家已經忘記了，保留是一個問題，保留後亦是一個問題。誰管理鐘樓？鐘樓只係一件古董還是仍然會運作及響？如果響的話，原址響的話，是否會和新鐘樓一齊響(撞聲)，誰負責保養問題？等等….所以諗野要全面，唔係好似只係諗頭唔諗尾，係咪都走出黎叫咗先，但又唔諗往後的事，覺得呢樣「虎頭蛇尾」就係香港人做野嘅特徵。

 隨心  回應的RSS 按此回應  引用通告(4)   (1)
2006年12月16日

為了讓喜歡動畫的網民可「集體回憶」2006 播放之動畫及歌曲，本 Blog 無無聊聊下攪一個「2006 十大我最喜愛動畫歌曲選舉」。

 動畫與漫畫, 隨心  回應的RSS 回應(1)  暫時未有引用通告   (0)
2006年12月14日

一年一度的 Shake Shake 薯條聽日番黎了！今年的主角就係 Joey ！(冇記錯，上年係咪Kelly??)…不過印像中果四隻「味精粉」味，好似冇變到….

老麥年年都大約起呢個時段推 Shake Shake 薯條，係咪驚大家聖誕掛住去食聖誕大餐唔去食 Cheap雞老麥呢？ 但老麥都唔平架…頭先去買個大薯條都已經加價加到 $9.9 ，不如 $10蚊齊頭啦..$9.9 真係好似女人街 $39.99 一件衫咁 (但又冇得找果一仙 )

其實，你都可以自袋 Shake Shake 薯條，方法好易，就係買餐或薯條時，叫佢比三包黑椒、一包鹽、一個細外賣紙袋，同埋一張紙巾。先將紙巾放起外賣紙袋底，跟住倒入整包薯條，再煲三包黑椒，及半包鹽，跟住就可以摺埋紙袋口 Shake 佢幾野，攪掂之後，打開紙袋，捲起袋口向內反摺幾下，咁就可以食得，唔洗 Meet 爛成個紙袋咁核突（如下圖）。

最後講下 Starbucks，因為聽日考試，Starbucks 係我的溫書最佳地方，一來有咖啡飲(好過老麥啡)，二來又可以坐幾耐都得，不過當然價錢Double兩野啦。咁今次就試咗佢個聖誕特飲「拖肥果仁鮮奶咖啡」 (Toffee Nut Latte) ，非常好飲，非常之香滑，有好重的果仁同鮮奶味道，咖啡味真係飲唔出 ，如果你比較怕飲咖咖的苦澀味，除咗飲 Mocha 之外， 呢個Latte都幾好飲，值得推介。

起 Starbucks 網站見到呢段介紹，諗起「口感 」呢個Terms，唔記得咗邊個導師教 蘇絲黃起節目入面講過，佢話如果你話啲野食落有「口感」，呢個形容係唔得的。咩叫「口感」？甜就甜，咸就咸，苦就苦，咁咩為之「口感」？口感即係甜？咸？還是苦？所以佢話千其唔好只係話有「口感」，要加上其他形容的字眼。

聽晚考完試後繼續再戰 Blog 湖

 隨心  回應的RSS 回應(3)  暫時未有引用通告   (0)
2006年12月14日