新 BLOG - 2008 放眼世界

最近無聊中發現原來小弟的 blog 在Yahoo 打 “blog” 黎search 之下排第五，睇見都有啲嚇親。

為答謝大家支持，2007年本Blog會更加努力，唔再偷懶，寫更多古靈精怪、攪攪笑笑、奇型怪狀的 blog 文出黎！但首先在2007年前，我一定會盡快補完舞-乙HiME最尾四集之及新出的 OVA 舞-乙HiME Zwei 之blog，以表謝意！特此通知！

 隨心  回應的RSS 按此回應  暫時未有引用通告   (2)
2006年12月12日

繼 Yumiko 甩褲片起Youtube 比 TVB 掃晒後，連 Code Geass 起 Youtube 嘅 Video 都比SUNRISE 摺埋，連我早排放上去果條 DVD VOL 1 發售 CM 都不敵 SUNRISE 被掃命運….(CM 都唔放過~_~)

好在重有呢兩條 MAD 片， CODE GEASS X SCRYED ，都幾有趣。

[勇侠青春スクライド] [反逆のスクライド]

最後送一條近期勁 LOOP 的 CRESCENDO MAD 片….

[CRESCENDO full version song by Stella Quintet]

PS: FOR MOCASTING ONLY….

 動畫與漫畫, 隨心  回應的RSS 回應(2)  引用通告(8)   (0)
2006年12月12日

地獄通信的網址係… Document and Settings.. NEC USER…..

 電視  回應的RSS 回應(2)  暫時未有引用通告   (0)
2006年12月08日

SONY 終在港推出 Location Free Base Station ，最近幾個月我己知的已經有兩個同類產品，例如電八月通訊展推過的 Slingbox 和十月尾推出的 Adigit gogomedia。

價錢方面，呢三隻野都係要成二千蚊，Sony呢隻都賣二千二蚊，你覺得你會唔會用二千幾蚊令到你起街都睇到屋企嘅電視？而且由於呢啲正牌產品要講版權，所以有好多唔同的限制同古怪野，例如 Adigit 呢隻就要用佢指定的 Player 先睇到，裏面重話行 DRM，SONY呢隻就玩license key，限4部機而且每次只可以得一部機login 睇到(即係唔可以同人分享)。

咁鬼煩，不如自己用番自己的電腦，買個USB 的 TV Tunner(外置，唔洗拆機)，再行免費的Windows Media Encoder去播，用Windows Media Player 就可以睇到，又唔限User，價錢都係六、七、八蚊一隻USB TV Tunner，肯定平過晒其他野，不過當然你部電腦要長開，電費又唔係咁計，如果你起屋企的話，部機用晒你CPU 做處理，部機又會慢啲(當然你行C2D呢啲高級CPU又唔同)，而且就冇咗可以起 PSP 睇啦，不過係咪犯法，就自行定斷:P。

所以件野值唔值二千幾蚊，就睇你點諗了。

 消閒/嗜好  回應的RSS 按此回應  暫時未有引用通告   (0)
2006年12月05日

等咗半年，24 Season 6 終於在下年一月播出！Trailer 己經在24 Trailer 網站即刻收看！你未睇的快啲去睇下拿。

Trailer 裏面提及中國駐洛杉機領事鄭志出黎，用 Jack 同美國佬交換囚犯，話 Jack 呢家已經唔係中方的敵人。睇Trailer講，大約提過話美國德州聖安東尼奧炸彈襲擊，同埋上任總統Logan已落台，所以呢家新美國總統由 Wayne Palmer (David Palmer 細佬)頂上，另外Trailer 當然唔少得 Jack 的打鬥場面，極度期待。

初頭 Season 5 完時重吹水話，下輯係咪番大陸拍，變 24 in China XD，原來又係唔知攪乜老土野送番佢番黎，不過詳情當然未知啦….。

如果你想知更多，原來 Wiki 已經有好多內幕料，例如邊啲角色會出黎一兩集做客串演出等等…

 電視  回應的RSS 按此回應  暫時未有引用通告   (0)
2006年12月05日

Tales of Destiny 的 Game OPENING 係我當年一隻非常之鍾意的歌 - 「DEEN 的 夢であるように」，隻Games雖然起果時黎講，畫面真係差緊啲。唔計 Animation外，其他畫面都衰過 FF5/6 in 超任，不過故事都好好，但果時我玩唔掂，玩到一半就放棄，但首Opening 到呢家呢一刻都咁鍾意，唱到識背(不過當然我唱歌係超難聽啦:P)， PS2 一出，點都要囉黎試下玩的…

一開黎玩，發現冇播OPENING片，直去Game Start 畫面，咁照去啦，跟住玩玩下，終於播 Opening 了！！同9年前的Opening一樣呀！勁開心！又可以聽到首歌！不過番到黎研究之下，發現其實係有唔同…

左邊係1997年 PS1 版本的 Opening，而右邊就係2006年 PS2 版，除咗呢度外，裏面係一樣，不過覺得係Tune過啲色，所以感覺靚咗。

呢次除咗得隻 Game外，重有一隻 DVD 特典。裏面收錄咗一個EMOTIONAL CARD CHAT 的Drama，一啲經典 Tales系列遊戲的音樂外，附有早前東京 Game Show TOD 的發報會，請來了關智一、井上喜久子以及綠川光來即場配音！

關智一同井上喜久子我都間唔中都會起 D Promo片同雜誌裏面見到，但綠川光真係好小見，所以我覺得好難得

另外隻碟就得番聲優自我介紹同埋原畫集。冇了。原畫集我比較喜歡印刷書本版多過起DVD睇，因為可以Scan番出黎做Wallpaper :p

上次冇心機打埋佢，今時唔同往日，Game書同Google都大把攻略搵到，希望可以煲晒佢啦！

PS: 望望眼前盒 FF12 都未玩爆…重有隻 FFX-2、Tales of Legendia..買咗番黎連膠袋都未拆….

 隨心  回應的RSS 按此回應  暫時未有引用通告   (0)
2006年12月03日

卡塔爾(QATAR)呢個地方，以前我都從來未聽過，但自從911之後拉登就開始成日聽到，因為裏面的首都多哈(Doha)有間電視台成日播出獨家拉登片段，就係半島電視台(Al Jazeera) [Wiki]。最近卡塔爾又出名了，因為多哈亞運會，但問題係…卡塔爾係起邊度呢？

紅點咁細粒？放大啲！

嘩！原來卡塔爾係一半島，位於沙地亞拉伯海邊的一個半島，國境與沙地亞拉伯相連。不過卡塔爾的面積都不是很大，自從911後，再加埋呢家多哈亞運，相信都唔會冇乜人未聽過，可能只係唔知起邊度。

半島電視台原來都有10年的歷史，是以阿拉伯語(當地語言)作為播放語言，一向以國際為主的新聞電視台，大家第一時間就會諗 CNN、BBC，如果你有NOW TV，更可以收看到 FOX、SKY TV、EuroNews、DW等這些美國、英國、德國、歐洲等新聞聲音，但欠缺了中東的聲音，而且美國佬愛國主義強列，對於中東國家的聲音差不多叫完全封殺，但由於半島是以阿拉伯語播放，難以向全世界廣播，半島電視台就選擇了以英語向全世界播放，令中東CNN推向國際化。

要向全世界廣播，當然要在不同地方設立新聞中心，他們在美國華盛頓、倫敦、吉隆坡設立直播新聞中心，半島電視台曾經希望在香港設立亞太區直播中心，但由於北京方面不保證新聞自由的問題，以半島的原則，根本不會談條件，所以就要另尋直播中心地點。不過幸好香港仍然可以收看到半島電視台，唔似美國佬同中國大陸全面封殺，冇Cable台肯為他們「落地」。

現時半島電視台以 12 小時直播新聞 12 小時資訊目為主，每半小時為一節目，直播時段形式與CNN/BBC等大型新聞頻道以同一製作方式，以記者 Live 直播報導最新消息，香港的有線/無線亦在近兩三年開始經常以記者現場直播方式報導特發新聞。據半島講2007年會全面24小時播放，現時都可以話係試播階段。

半島電視台的新聞內容主要以中東新聞為主，當然不會少得國際大事，亦會報導其他國家的新聞專題故事，如果你平時有睇開CNN/BBC呢類大台，睇下 Al Jazeera 真係會大開眼界，一啲平時你唔會起呢類台聽到的新聞，完形畢露。

播放方面，Al Jazeera 已經採用 HDTV 高清制式播放，但香港仍然係「落後」地區，暫時未能以高清收看，不過畫質亦非常之高。暫時香港只有香港寬頻數碼電視55台可以收看，不過相信好快其他收費電視頻道都可以睇到。你亦可以去 Al Jazeera 網站有 online broadcast，但高質素版本要比錢睇。

如果你有興趣睇下 First Day 播放，可以去Youtube 睇下。首條Breaking News就係日本地震有海嘯，而且有AlJazeera的介紹，播放咗不少呢幾年經典的畫面。我亦無聊錄咗條 Al Jazeera 1分鐘 Intro 片段(704x396/DIVX6.4/MP3/12MB)，有興趣又可以d/l黎睇下。

 電視, 隨心  回應的RSS 回應(4)  暫時未有引用通告   (0)
2006年12月03日