新 BLOG - 2008 放眼世界

每當一缺水….就會有隻小妖精話你知冇水的苦處…. 

PS: 甩色Keyboard…屋企部電腦，我仍然用緊一隻打到啲字甩色、啲膠凹晒，同埋好鬼黑蚊蚊的 Logitch Keyboard

 隨心  回應的RSS 回應(3)  暫時未有引用通告   (0)
2006年02月28日

早兩日因趕JOB，在公司OT + 訓….. 凌晨 12點落去買「晚餐」，最後就在七仔買了呢個扒飯+意粉。

叮叮飯，七仔OK的都比我食過晒，包括早午晚餐同宵夜，味道……er……。唔通真係 IT 人－「叮叮飯與你同在」？

離開IT界，係咪就可以過番正常朝九晚五的生活？晚上重可以同同事朋友落下 Coffee Shop 同去行街 Shopping ？

最近除了喜歡睇蘇絲黃之外，重有睇蘇民峰風水精讀班，完全勁好笑，一來係講果啲風水命理，全部都有口決。跟住重講咗兩個好有趣的point：

1. 電腦電視對住張床頭，吸晒啲電磁波，可以放水種植物化解：－我已經係啦 :pppp 重兩部電腦+大大芒添….啲電磁波吸到正一正….
2. 廁所對書房，利桃花：我都係播，廁所對住我間房個門口，但又唔見我有桃花 :pppppppppp

跟住今日路經九龍灣，又去了我至愛的移媽家私，買了支富貴竹，放咗起電腦格黎的窗口位，吸吸啲電磁波先 :ppppp

 隨心  回應的RSS 回應(6)  引用通告(1)   (0)
2006年02月27日

有日路經童年夢，無聊之制，又見到呢啲動畫 DVD 雜誌，賣十蚊人仔一本(12蚊港紙)。除咗呢本「動畫狂熱」外，重有另外幾本，大致上都係咁，一本薄薄書仔，加兩隻 DVD ，賣港紙12-15蚊，重有一箱舊雜誌，港紙20蚊3本。

望望封面，寫住雙 DVD 8GB 海量動畫， 36集動畫完整收錄，高清畫面 + 悅耳音質。究竟裏面係啲乜呢…8GB 36集有幾「高清」呢？…

一個無聊過頭，咁就走去比錢買番黎望下了…..裏面掛咩頭賣咩肉，番到屋企開部DVD 機睇下就知了….

搭地鐵回家時拆來看，本書仔裏面原來都有內容架播，不過我諗都係起其他雜誌「翻」番黎，都有十幾頁，印刷 OK 啦，要求不要太高 :X 。

隻碟面印都可接受啦，同大陸翻版 DVD 面差唔多咁 (事實上就係大陸翻版 )  。重點來了，回到家第一件事就係開DVD 機，放隻碟入去睇啦………

燈燈燈燈…………….

“3″ />

哈哈，真係有18集AVI 的Menu比你揀，雖然個Menu 都幾七，但算吧啦…心諗…一隻D4..4GB..18集AVI..即係 18 X 25min…=450min / 60min = 7.5小時..一隻D4 放7.5小時的節目….Quality 都會幾…… 差！咁點都要開睇下裏面係乜架啦，咁揀套乙Hime 睇啦。一睇…..嘩！！！！！大陸Csub！！！！而且畫面都幾差下。……

咁再望埋其他啦，全部都係不同大陸CSUB黎，$10 36集(半月刊)，真係比啲上唔到網/下載速度慢/DL唔到等等的大陸同胞睇，而且重有本書仔！

好，跟住囉隻碟去PC望下啲Video 係乜料。一望之下，係 DVD 格式 (VOB)，但啲片只係 MPEG1 格式，而且重係..平均800 - 1100k 質素，比 VCD 更差 (VCD CBR 1150k) ….

最後一句：好在都係$12蚊買黎玩下……………. 對香港人(尤其好熟上網)黎講，大家都 BT / emule 等等架啦，都識路去搵黎download，而且速度極快，唔同大陸網民，ADSL 1.5MB龜速下載…所以起大陸出呢啲「DVD雜誌」雜誌都幾有作為，而且重有幾本起市場添。至於$10人仔平定貴，我都唔知了，大陸人窮人好窮，有錢人好有錢…..兩個極端世界。

 動畫與漫畫  回應的RSS 回應(1)  暫時未有引用通告   (0)
2006年02月26日

碧終於爆咗佢搶黎做乜了，原來要科學技術黎醫病，所以又要爭住去搶。同埋利用蕾娜做新HiME真祖(e? 但OP裏面，舞衣之後出場果個唔係佢咩?唔通復活？…好亂!) 突然間講咁多劇情，吸收唔切，我都中段睇咗兩次先明明地…………….(得番7集，係時候爆爆鑊，爆個舞衣出黎拿呱….)

好好笑，咸濕罪 下集繼續笑到面黃……(翻炒 HiME其中一集的劇情 -_-)

PS: GUNDAM SEED 乙HiME OP2 出咗碟了！Crystal Energy !!!!! 努力日日Loop學識唱中…………..

 動畫與漫畫  回應的RSS 按此回應  暫時未有引用通告   (0)
2006年02月24日

陳師奶按：一次講五集？你都懶得幾過份 :X

62-63..太耐了，冇乜特別…忘記吧:P

63-64…嘩哈哈哈，一睇見呢個「呀伯」就笑到爬起度…… 又令我諗起呢個Blog……. 如果你唔知呢個呀伯係乜水，咁你要睇下呢個Blog 了，有講的….

哈哈哈，哈哈哈哈！多咗隻字啊！跟住我急急腳又Row 番去開場果時望下，真係有播！！！真係笑爆咀！(你估下TVB播果時，會唔會將個節目都靜雞雞改咗名做「天才麵包師啊」呢？

哈哈哈哈哈哈哈！黑柳結婚3分鐘後離婚了！勁好笑…………. 呢度真係服咗作者的諗頭………

前言：因為呢排冇乜 PSP game 好玩，咁所以就買咗條 2GB DUO 搭車食飯煲 AVI，一日都煲到1.5hr AVI，原來我起街浪費咗好多時間。65-66 就係起地鐵睇的了…….

65-66….睇到呢度…又令我有幻想..如果冠茂是女的就好了 :O

呢集咁鬼 FANS 向的…………………….

出事了！千其咪起地鐵睇麵包王… 會笑到成架地鐵都聽到你啲笑聲 -______________________- ，笑到肚痛．．(黑柳 X、爬地道、黑柳娃娃..)

繼續笑到肚痛…..

警告！勿在地鐵看麵包王….否則…….笑到變傻佬/婆！

 動畫與漫畫  回應的RSS 按此回應  引用通告(1)   (0)
2006年02月24日

呢期預算案比預期更差….差起個數字…盈餘得小…粒糖又小…我完全冇受惠……… 算啦吧，呢期政府黑到爆，尋日許生單野已經係又一政府污點。

最後我係..10:55AM起張床度(岩岩醒)，囉起個電話，起電話用3G睇 :X 最後…播完之後重冇CUT..繼續播TVB節目…但外面條link 就cut o左…. 唔通佢地內部有條TVB台比自己友睇? :X

PS: 六至八個星期後，Cap圖就會有埋無線新聞台 XD

 電視  回應的RSS 按此回應  暫時未有引用通告   (0)
2006年02月22日

PCCW 終於起今日公布了！新電視同PCCW 達成協議，於NOWTV網絡播放新電視內容，一如我地所料，有齊TVB八大頻道(包括無線新聞台)，價錢未有，於六至八星期內開始播放。咁睇下我地的探子，係咪真係40蚊新聞台，23蚊戲劇台等等了。

PS: 如果你個3G台，有直播財爺預算案，記住無聊開黎睇:X

 電視  回應的RSS 按此回應  暫時未有引用通告   (0)
2006年02月21日