新 BLOG - 2008 放眼世界

無線新聞台 in NOWTV 收四十蚊一個月？

最近收費電視大戰傳聞就係無線新電視靜靜改名「無線收費電視」然後起NOWTV 落地，但無線一直都唔評論。

今日從相關人士聽到..佢收到 NOWTV 的職員打黎推銷「無線收費電視頻道」，其中包括”精選劇集台+無線大劇院”套餐，話大約廿幾蚊(印像中係$23)，另外話有無線新聞台，但佢話成四十蚊一個月(可能佢聽錯呱，我都話ATV24都係廿五蚊咋播)，個推銷員話會Fax份資料比相關人士，但暫時未收到。

為了證實，我就今日即刻打去NOWTV CS 部sales 兩個部門問，是否已經有TVB頻道申請，CS 話未收到消息，sales 果位就聽到呆咗，話”我地只係得美亞電視劇台”….

咁所以要等消息人士收到份Fax send 比我先可以證實…

但隨住無線以傳播”媒界”方式入主NOWTV，咁ATV24咪真係可以明正言順咁摺埋？李超超早前已傳話因為ATV24不理想，所以先要自己攪頻道，首先攪財經台(3月播)，然後就係攪自家新聞台，當ATV同NOW的合約起今年年尾完就會結束不再比錢，然後TVB又自己有台，咁NOW 的頻道內容就開始強大，而無線亦會準備攪娛樂頻道，如果到時又比埋NOW播，咁NOW 又會更多才地內容，因為一直以黎NOW都係缺乏本地內容。

以收費電視台黎講，有線的本地內容算係最多，亦係強項，所以當NOW由買起ESPN/Star 、HBO等等頻道後，已經對有線係有一定的壓力，而當再NOW開始做埋自家頻道，或同TVB合作聯播頻道拆數，對有線來講更係壓力。其實呢家已經有壓力，例如外國電視劇方面，美亞電視劇台片亦非常之新，例如Touch，新電視亦主打西遊記同步播放，但有線呢一期就只有一套我係金三珣，雖然娛樂台重有其他幾好的節目，例如活得很滋味，呢個星期開始播的精讀班等等，都比冇呢類節目的NOW(東亞衛視唔計)，同TVB暫時一個都冇比，都算仍然係領先。

再以財經頻道黎講，NOW急急在3月推財經台，話要好過CNBC同Bloomberg 等，雖然有線想搶先改名為財經資訊台以首個本地財經台搶頭炮，但外界批評仍然唔係好掂。而有線最掂的新聞台，暫時仍然站穩陣腳，ATV24 雖然已經比初初有改善，但仍然唔得，無線新聞台都OK，不過就做突發就仍然未掂。

但觀眾並非好似我地要求咁高，可能只係睇邊個收費電視有佢想睇的節目，然後搭單要埋一個大家都係果類的野(例如買睇波，就跟一個新聞台)，而一直以前係有線主打的足球體育，都慢慢開始被NOW食走，可能過埋世界杯之後，面對的就係英超續約，外界傳NOW李超超以”必定要到手”的心態去投，但又有傳聞指英超方面想以分豬肉方式去賣，因為一間電視台到手，但佢亦唔會轉播每周全部賽事，所以就想以分豬肉，每間電視台都有部份強隊，再加啲唔Hit的隊，互拉平均，大家得益，又賺多啲，但呢個仍然係傳聞，不過對有線黎講仍然係一個問題，因為可能會令一部份客戶流失去NOW，咁樣都係大鑊。

電視回應的RSS 按此回應暫時未有引用通告 (0)
2006年02月18日

HKBN商業寬頻BB100

我屋企條BB100 都重未裝到(仍然係BB10)，但HKBN今日就寄黎推銷商業BB100，好抵$899！公司條和記2MB(簽2MB但用足10MB)，都要五百幾蚊一個月，如果你重係用緊龜速行等PPPOE，可以考慮下:P

隨心回應的RSS 按此回應暫時未有引用通告 (0)
2006年02月17日

最愛男人購物狂

過咗十五…逗咗千八蚊利是，派咗六百蚊利是(如果我唔記得派比你的話，唔好意思…下年補番:p，我真係派漏咗比啲好朋友….見諒:p)，都OK啦..(乜你都要派利是？..你唔比我已經………..)，咁跟住就已經做咗Shopping 購物狂… 呢幾日買咗….

1. Philip DVD Player 一部 ($890)

呢部 DVD Player 係 Philip DVD Player 系列中貴果隻級數，因為佢睇到 DivX！咁我就可以燒啲 AVI DVD 起部唔記得29定32吋電視機睇～咁我試過睇咗幾套…你要考慮的因素有…

a. 因為電視有Save Area (即係切邊，咁所以 d AVI 字幕好多時會跌咗出個邊外面，咁好在我個電視機有得Set 16:9 將啲字幕縮番入畫面，但啲人就會扁咗啲，但如果你用LCD TV 果啲就會好啲…

b. AVI 的 fps 同VBR MP3 問題，我試咗幾套…如果果套AVI 的fps 係23.97 的話，電視睇出黎就有啲跳格咁的Feel，但有啲又冇乜事…不過最嚴重係 VBR MP3，你一 Fast Forward 就會甩咀…..

c. RMVB 呀，H323呀，MKV呀，AVI+STR呀…etc… 拜拜…..食自己…咁我就試過將集 24 用VirtualDub + TextSub Encode 個字幕起電視睇，好正！好似睇緊DVD咁！

2. ASUS WL530G Router + 54mbps USB Adapter

今日睇同事檯本上星期的”老母”廣場(冇買十年)，見到ASUS 呢隻WL530G 的廣告，新春Promotion WL530G + 54mbps USB Adapter 原價6XX 特價 $498，抵到爆！（原本上上星期諗住想買隻WL530囉出旅行用(貪佢夠細隻)，咁望過拍賣場，但都要四舊水….呢家498連埋條USB真係好抵！ 11g Adapter 都想換好耐(呢家用緊張3年前3COM Office Connect PCMCIA)，但一直都睇唔岩啲二手(都好貴)．．咁我就拿拿林叫我同事出開黃金同我買番黎！(鳴謝我好同事:X) 呢家真係一野攪掂晒。

買完番黎一拆黎望，嘩！真係好細隻！細到嚇死你！囉出去旅行用真係好方便…(看下文)，另外再望埋隻火牛，完全係旅行專用，佢跟晒不同的電插，好正！另外條 USB Adapter 跟咗一條電話繩，另外重有一個轉插，方便你可以將條USB 轉不同方向黎插，唔會頂到格黎，好正！原本諗住番到屋企就有54MB 用，點之唔記得屋企隻 AP 只係11b -_-;;算！有錢先換埋屋企AP，隻AP好小用….(真係AP only..not router)..

3. EPSON LX300+ x 2

聲明先，呢部機係幫客買，我好耐冇玩過 dot matrix Printer，今次真係有機會玩番，訂咗兩部printer 比個客用黎print 單用，呢隻係 EPSON 最平的一隻 dot matrix printer 型號，只係千二蚊港紙一部，抵到爆，最長入到 A4紙。我呢家同個客寫緊隻Web Base 的POS 系統，可以Remote access 去埋數，Server 起 Frontend ，直接intranet 咁access 去入單出單，IE print 單，然後 dot matrix 一印兩張(過底紙)咁出單。IE 做呢啲 Printing 好好玩架(玩謝你)，你點諗啲record 一版印幾多條，第二版又要print 過啲header 再印落去，都玩謝你(當然我已經玩咗4年…已經知點玩-_-)，不過今次係dot matrix，咁所以要睇下點就位，同埋張電腦紙唔係A4，係另一隻特別Size,而個printer driver冇得揀呢隻紙亦冇得Custom Size，最初就出事，因為load 紙佢唔可以咁準確一頁一頁上，會Print Print 下走位(呢樣就唔同laser/inkjet 一定係一張張)，最後比我起Google 搵到點樣可以經Windows 做Custom Size 比個Driver，跟住即刻Perfect 晒！太正….

4. 一張去日本的來回機票….

嘿…呢期太多野做了(手上有3個Job on hand 未complete..日日做到冇停手..今朝先又見完客)，做到嘔電，日日話跳樓，所以要去減壓。上個月中Hayame 同我講機票特價，二千蚊來回機票，咁我咪話”去啦”，去就要做，咁就訂咗機票了，機票一千九百尾，連埋Tax二千四(用呀媽張信用卡有200蚊refund)，所以二千二蚊落樓，抵到爆，會起3月24號上機，4月1號番黎，共9日…會同hayame 去，Hotel/行程未定晒，但會由東玩到西，會有幾日起關西。去旅行最麻煩的就係啲客打黎搵我，漫遊好X貴呢，咁我最多諗咗三個方案…

將手提所有call飛晒去公司個Mailbox(可以online 聽番)，叫啲客公司野就打比我同事，要我Follow 的就留voice，我夜晚起hotel online 聽番voicemail 處理，有事就打 2b 電話番香港… 但呢個有緊要事上黎就搵唔到我，因為飛晒去mailbox，覆電話都要夜晚，啲客收工啦。
起日本開張電話卡，將個2b 經0060飛去日本張card, 手提照飛mailbox, 重要事就打我2b 個number 直接搵到我，再有事就打番回撥番HK。計成本，因為個手提鎖咗，要搵smartone 解鎖要$800，然後要買電話卡(unknown)，再之後要計0060 打去日本(好似$4/min)，再計埋打番HK回撥($7.8/min)，但最後尾Hayame 話日本電話唔係插卡(係播，CDMA -_-)，咁就失敗了….
請個秘書，將手提飛晒去秘書，佢同我聽call分類，Urgent 要我處理就SMS我($1/一個)，我就打番回撥番黎($7.8/min)，睇落好似好抵，但請個秘書每日都二百幾蚊啦，去九日…咁即係起碼二千蚊落樓(成本價)，但可能成日都冇Call …..

最後決定呢個方法….

照樣漫遊…..我打過去Smartone 問，原來漫遊緊，人地打黎，我唔聽，等到條友收線，我係唔會計1分鐘Charge，但如果我禁咗”Busy”制等佢飛去mailbox的話，會計我Charge。咁有call 我就有佢響，睇Caller ID (會有)，係啲呀豬呀狗打黎，咪有佢飛去smartone 個 VoiceMail(冇得online 聽)，咁重要call咪即聽，跟住如果啲呀豬呀狗留咗message,我就可以夜晚用2b打番smartone 個voice no去聽(收$1聽一次)，咁再用2b覆，咁成本就係$8(當聽8次/晚) + Urgent 要聽的漫遊 + Urgent 要打的回撥… 最平係呢個option…..

突然間係咪覺得好似變咗個師奶咁要計到咁盡呢… 冇法啦，我一日啲電話響過不停…咁當然，如果我真係唔好采去到日本個2b 比hkbn 停咗，或者connect唔到，我重有..打平價PCCW calling card 回撥($4 一分鐘)或者打大陸的ip phone ($1.5一分鐘)，總有方法打番香港，問題只係$$$$

遲下再講日本之旅…..

隨心回應的RSS 按此回應引用通告(4) (0)
2006年02月17日