新 BLOG - 2009起死回生

努力搵戲睇 - 第31屆香港國際電影節

又到三月，除咗係我就快生日之外，亦係一年一度搵戲睇的時候，因為香港國際電影節又黎了。

佢個Website 年年都係咁黑人憎咁難睇，除咗個Pulldown menu年年都要由頭揀過之外，又要套套戲click入去睇Desciption，今年啲Description直頭變埋image，細粒之如又難睇到爆，勁惡攪，囉本場刊睇冇咁嬲。

初步睇咗，暫時已經搵到呢幾套想睇。

• 惡女花魁 3月20日 9:45 pm 香港會議展覽中心演講廳1 [20CE3E2]
• 武士之一分 3月27日 7:15pm 香港文化中心大劇院 [27KG3E1]
• 蟲師 4月1日 6:00pm 香港文化中心大劇院 [01KG4E1]
• 立喰師列傳 4月4日  3:30pm 葵青劇院演藝廳 [04TY4E2]
• 超時空泡泡女 4月5日 9:00pm 香港文化中心大劇院 [05KG4E2]
• 惡童 4月7日 3:00pm 香港文化中心大劇院 [07KG4M3]

因為冇本書，個Website 又冇得Search by 國家，所以都可能有睇漏想睇嘅戲。另一樣就係，呢次Animax Theatre 有三套戲，分別係小小備長炭、命運守護夜同玻璃艦隊。諗咗好耐先醒起命運守護夜就係 Fate / Stay Night =.=。到時啲ACG友仔囉埋隻邪神 Saber 入場就真○晒咀，不過咁的話，即係Animax將會好快播呢三套劇，咁其實未必值得比錢入去睇。另外上年起日本動畫展中的 Animax 廣告曾經播過話會有 FF7AC，但仍然未有音訊。

另外講起日本動畫展，當時都有幾套係日本播緊的動畫，例如機動搜查隊(TOKKO特工)[一集]、怪醫外傳(Ray)[四集] 全部冇晒影，只係得聖魔之血(Trinity Blood)有起Animax播。不過當然仍然希望今年有再辦，例如帶銀髮阿基德黎香港，近期最想就係有新海誠套秒速5cm黎，因為隻顏色真係太靚，勁鍾意，希望可以起戲院睇到。[下個blog 介紹(如無意外)]

今年id club冇咗9折優惠，咁唯有搵齊老友一齊網上訂飛用盡$20手續費，24號好去訂飛了，尤其得一場果啲。

 電視  回應的RSS 回應(1)  暫時未有引用通告   (0)
2007年02月22日

新年閒話

又係新一年了，祝大家搵多啲錢，多到用唔晒就比啲我，等我今年又可以週遊列國。嘿。

正版軟件好有問題

有人報料話Windows 個WGA中文網頁，講有關翻版的唔好處，裹面有呢句：

正版冇保養，重冇得升級添！正版咁有問題，記住用翻版拿！

不過Microsoft好快已經改番個網頁，加番個「非」字了。而第二句本身都譯錯，Microsoft網頁亦已經重新寫過呢句。

 

SONY PSP NUD 玩完了

剛剛收到 SONY 寄黎的email，話NUD 入面的收費頻道三月就會摺了。PSPOnline Website裹 面話2月已經停止接受登記，即係倒閉在即。佢裹面個收費頻道都冇咩好睇，搵笨到喊，搵鬼Join咩，摺係預咗。NUD由上年大約4月開始推出，計埋佢今年 3月就真係岩岩一年，摺係真係正常，一來佢太局限起部PSP入面，又要加隻碟先睇到，再加埋要行貨機，更要比錢睇內容，但啲內容又只係好普通冇乜特別， TVB果啲now.com.hk都有啦，其他果啲搵笨到喊，唔洗錢果啲咪又係sony啲game trailer，contents黎講係奇差，但隻NUD碟係好搶手，因為果期個個囉黎開機玩老翻，隻碟炒價至平都係三、四十蚊，抵過買隻正版game， 所以NUD呢隻Product 都幾攪野，益晒翻版友打老翻。

唔玩MHP2 冇朋友 

講起老翻，呢期大家都應該努力煲緊Monster Hunter Portable 2 (MHP2) ，早兩日起電視睇到MHP2的賀年廣告，真係攪野，平靚正電視推廣，重抵過宣傳易，果啲時段都冇人睇 XD。我啲Friends個個都有玩(係我冇)，有啲都係有買正版的，但佢地都係玩ISO，原因係因為過場Load碟慢，慢到冇朋友，人地個個都行ISO load過場勁快，你玩碟要等Load，真係打機打到冇朋友。所以就算佢地買正版支持，但玩都係老翻ISO。唉…. load 碟慢真係 PSP 一大問題。算吧，呢家個個ISO，我買正版玩碟都比人話我低能仔，香港Game友真係好無良。另外呢期過年，去派年啲小朋友打PSP都係煲MHP2，係我 冇玩，即刻冇朋友。

影靚相，緊係DSLR啦！

早幾日西鐵火警的樹仁大學生，影果張消防員教火相靚到爆，電視台訪問佢，佢囉住部 Canon 350D 出黎，唔怪得咁鬼靚啦(不過就睇唔到佢支鏡係乜鏡)，重可以比蘋果起頭版放到咁鬼大張都冇起格，DSLR 呢家真係平靚正架，下次你又想你啲相可以登蘋果頭條，記住出街都帶住部DSLR啦。

 

我會做好 ???

曾生一句「我會做好呢份工」成為全城話題，就連你去到年宵，都會成日見到呢句野，比啲年青人改到古古怪怪，咁我又整句啦：「我會寫好呢個Blog」。

 隨心  回應的RSS 按此回應  暫時未有引用通告   (0)
2007年02月20日

於PSP上聽Streaming MP3

前言：呢個Blog本在係起一個半月前諗住寫，圖都晨早已經Capture晒，不過只係拖到呢家先有心機寫咁解。

有一朝無聊起張床度訓醒，囉住部PSP，有啲想聽歌，但PSP入面就只係有動畫同日劇，冇歌起入面，咁所以就諗，其實有冇得用PSP聽streaming mp3呢？咁咪試下用部PSP上Google 搵下啦，點之真係搵到隻叫MyTunesRSS啲軟件，可以將iTune入面啲歌變成RSS清單，然後用PSP入面嘅Audio RSS訂閱功能，令到可以聽到Streaming MP3，不過條件係，你要用開iTune囉。

要玩呢個 Streaming MP3，你需要有用開iTune啦，裹面當然要load咗你聽啲歌入黎，同埋要整啲Playlist出黎，不過當然可以用佢預設果啲啦。另外就係裝 MyTunesRSS同埋Java Runtime。由於佢係行Java，所以 Windows同Mac都可以玩MyTunesRSS。 另外亦當然要有隻Wireless的Router/AP去比部PSP connect入黎。

MyTunesRSS 的原理係將你部電腦變成一個HTTP  Server咁，內置埋個JSP程式，去讀取你iTune入面的Playlist清單，當你開著佢裹面個HTTP Server之後，就可以用PSP入面個Internet Browser去你部主機個IP Address就可以睇到個MyTunesRSS的登入畫面。不過之前你當然要Set好個MyTunesRSS同埋可能要起Windows入面個 Security度放番個軟件或者Port 出黎比部PSP去Access。

登入咗之後，就會有呢個畫面，就係你iTune入面的Playlist，你可以揀啲歌出黎，跟住揀  就可以起部PSP入面訂閱。
 

跟住起RSS入面就可以搵到呢條Channel同埋可以Play黎聽，如果你個Playlist係多過100首歌，佢只會囉最前果100首落去，另外就係佢唔會同 你係個Playlist Random咁囉，即係話如果你每次都係聽果個Playlist而果個List啲歌次序冇變，咁即係每次都會囉番同一堆歌落黎。

不過你都可以用Player裹面開Shuffle mode去Random呢100首歌，而啲歌係會即時download落黎的，咁就即時變咗個streaming 的mp3 RSS channel 了。

如果你放埋個IP同Port出街，咁即係你起街用無線上網都可以番黎聽到Streaming 歌了。不過，抄啲歌落條Memory Stick 咪重好，做乜攪咁多野呢，其實真係多舊魚-_-

最後，有時候聽每首歌開頭，佢都間唔中會Streaming唔切，尤其你用緊802.11b(就好似我咁)，咁就會出現Streaming畫面，即時冇野聽，但我又唔覺有Setting可以較Buffer大啲播，聽聽下停下跳下勁冇癮。

 隨心  回應的RSS 按此回應  暫時未有引用通告   (0)
2007年02月20日

手嶌葵 - 春の歌集

如果你有看到「地海傳說」，相信你會記得裏面女主角蒂露唱的插曲，除了是清唱外，亦非常之動聽，她就是手嶌葵。早兩日看Animax的Music Station Super Live中看到她的演出，現場清唱亦非常好聽，真是實力的表現。

呢次的音樂推介就是她新推出的大碟「春の歌集」，今次大碟中收錄了8首歌，雖然再唔有完全清唱，但聽落的感覺真的很好，他的聲線真是有一種特別的感覺，如果你看完地海傳說後對她的清唱吸引了的話，呢隻碟真的不能錯過。[試聽 from Yamaha Music]

春の歌集 ~ 手嶌葵
CD (2007/2/7)
ASIN: B000LC5C4G

1. 岸を離れる日
2. 風の唄
3. 徒然曜日
4. 月のかけら
5. 卒業式
6. 花びら
7. 心の調べ
8. 願いごと

 音樂  回應的RSS 按此回應  引用通告(6)   (0)
2007年02月19日

AXN 於HKBNTV播放 及 Music Station 登陸 Animax

早兩日HKBNTV Update 了機頂盒，可以於12台收看AXN了，自從上年8月10日AXN和有線的合約更新後，AXN不再是有線的獨家頻道，NOWTV亦可以收看了，而當時亦同時將SONY其下另一頻道Animax在有線的附加收費頻道轉回基本頻道，對SONY來看，AXN不再是有線獨家是一個開拓新觀眾層面的決定，當然亦同時令 Animax於有線中可免費讓觀眾收看，其實都可算是雙贏方案。其實之前Discovery Channel亦同樣有這個問題，最後亦是在兩家電視登錄。

至於AXN落地HKBNTV，亦與現時MGM一樣，採用按台收費方式，並不包括在基本頻道方面。由於始終加入一個質素較高的頻道，費用亦相當大， HKBNTV由於上客人數及費用都是比其他收費電視平，但又不希望因為加入高質素頻道而令月費大增，採用NOWTV的用者自負的收費模式，更對他們長遠發展有利。

現時AXN於2月28日前都可以免費收看，之後的費用暫時HKBNTV都未定價，早兩天曾經致電HKBN查詢之後的費用，但回覆說仍然未定案。不過以現時MGM 的收費與NOWTV的比較，他們簽一年約的費用都是 $21/月，而 NOWTV 現時收看 AXN 的月費為 $40/月，即是在HKBNTV 亦好大可能都是大約$30-$40/月，相信不會貴過NOWTV的。

以現時HKBNTV的方向，應該暫時都不會再加免費台(加極都係大陸衛星台)，會向單一收費台方面發展，一來可以加入一些較為強勁的頻道，另外當有一定數目的頻道時，亦可以推出合約套餐，賣給新及現有客戶，亦可鞏固收入來源及加強競爭力。

至於Animax最近亦公布於三月頭開始播放日本其中一個知名的音樂節目Music Station。於香港，日本的音樂節目是非常缺乏，除了沒有一個專屬的日本音樂頻道外(版權問題)，於電視播放日本音樂的時段亦很少，至多都算係星期一日的無間音樂時段，就算收費頻道Channel V 亦不多，Animax 於播放日本音樂來說，已經算是較多了，在廣告時段亦經常播放日本歌曲PV，現在更在每星期五播放Music Station，不過由於未正式開始播放，暫時未知與日本播放相隔多久。

於年三十晚 Animax播放了Music Station Super Live 2006，該節目是於2006聖誕放播的，Animax 於年三十晚及初一播出，共長四小時，裏面所有對話及歌詞都譯上中文字幕，真的算是非常之有誠意，所以我都估計三月播放的Music Station 亦應該會有配上中文字幕，所以最小都要遲一星期播放，但如果遲一個月至三個月的話，就有點兒過份了。

另外Animax將於4月1日開始播放死亡筆記 Death Notes，真是觀眾一大褔氣。上年年尾時已經有報導指Animax已購入Death Notes，不過通常是需要等日本方面播放完畢，海外地區才可開始播放。今次應該是Animax首套日本仍然在播放，而可在Animax播放的動畫(同一季內)。不過新年流流賣 Death Note 廣告….. 嘿…啋！

 電視, 娛樂/影視, 隨心  回應的RSS 按此回應  暫時未有引用通告   (0)
2007年02月19日

一切的巧合 2月14

2月14情人節，先黎一早梁家傑到選舉辦交表，出黎見記者唔夠一陣，西鐵起大欖隧就發生火警，直播未完就即刻轉走畫面，又咁岩CableTV有個記者搭緊西鐵(係咪番工呢…)，咁就拿拿林做個電話報道。

咁因為Cable大樓起西鐵荃灣站附近，佢肯定最快趕到場，比佢拍到乘客走出隧道的畫面，唔洗觀眾手機片段，更攪笑地，重搵咗兩個乘客走去Cable現場同主播訪問。

點解唔直接起外面做訪問呢，我估一係Cable要不斷Feed片番黎，冇時間再用條訊號做現場訪問，又或者出鏡記者未趕到現場，只係得工程人員同攝影師，所以就不如車佢地番廠，快靚正。

跟住九鐵位PR梁小姐接受傳媒訪問，佢肯定冇睇「最緊要正字」，佢講話要作進一步「條」(調)查，應該係讀「掉」查。XD

咁梁家傑的對手曾生就去咗出席樹仁大學的正名禮，而最攪笑的係，影到消防爬上九鐵車頂救火的，就係樹仁的新聞傳播學系的同學….

一切都係咁巧合？

不過呢件事，又令大家發現一個社會問題。當有特發事故發生，講緊性命由關的時候，你第一件事會做乜？

就係囉個電話出黎拍低佢。

本日笑話：西鐵沖擊波？

 隨心  回應的RSS 按此回應  暫時未有引用通告   (0)
2007年02月14日

短評HKBNTV特首論壇

當坊間仍然討論3月頭曾生與梁生開得成論壇之制，HKBNTV突然搶頭啖湯骨，攪得成一個獨腳戲論壇，比其他電視台更快手。雖然真係得梁生獨腳戲(根本曾生冇必要出席)，不過起電視台以及傳媒方面黎睇，的確係比其他台搶先一步，而且以他們的小台黎講，呢次已經係一個新特破以及經驗。

基本資料 

節目於尋晚(2月9日)8PM直播，由兩位於新聞部資歷較長的主播譚宇頌及冼程峰主持，出席嘉賓包括梁家傑、時事評論員黎則奮、香港婦女勞工協會總幹事胡美蓮、中原地產主席施永青、立法會議員梁國雄及學者劉銳紹。原定節目長約1.5小時，但後來加長達接近兩小時。

節目安排了梁家傑、黎則奮及主持譚宇頌於旺角香港寬頻門市為直播點，而其他嘉賓於葵涌的新聞中心錄影廠進行直播式互動討論，其間更有市民於旺角門市外作即時發問問題。

節目場地及佈景

早期HKBNTV的弱項在於直播的技術，所以今次他們選擇於旺角門市，一來是自己地方，可以使用自己的網絡及設備作現場直播，另外亦方便建立佈景，他們用backdrop背住後方的工作檯，前面加上茶几，將 Camera 放在舖外位置，簡單的現場錄影即成，而且於旺角鬧市作直播，一來可以更容易讓市民收看及參與節目，比起 Phone In 更為有效(始終HKBN是小台，觀眾層面有限，於旺角街頭更容易加插市民發問時段，收效更大)，亦可以作為一個即時的宣傳效果，有助HKBNTV的推廣。

葵涌錄影廠方面，他們用了一張長檯，同時間可以坐三位嘉賓及主持，再用鮮色貼上數碼電視及香港新聞台的台徽，比起平時報導新聞所用的圓檯更搶眼，可能都是為了推廣節目，選用鮮的橙+綠色作為主色調。另外亦在右方放了backdrop，可能因為想不到Backdrop放在那裡，當然又不想做一條超長的backdrop cover晒背面的電視Panel。 Backdrop 用了紅色的色調，亦可能是因為梁生參選的Theme colour 是紅色，所以Backdrop亦用紅色作為主色。

節目及嘉賓安排

討論內包括由幾位嘉賓輪流向梁生進行發問，另外亦於旺角門市外找了幾位市民進行發問，不過可能由於始終分隔兩地，互相討論及交接容易出現混亂，亦可能主持並非有主持這類多嘉賓的討論節目，有時未能控制場面，這方面亦需要作改善。

嘉賓安排方面，他們請了嘉賓來自不同界別，有基層、商界及泛民主派，亦包括了時事評論員，嘉賓都是以向市民想聽到的聲音為主，原則上都算不錯，都算為中立(除了梁國雄)。

但當然如果他們請左派/民建聯這類支持曾生的嘉賓，一般都不會出席，出席的話亦除時攪亂檔，即係等如曾生根本無需要出席這類小圈子論壇，因為選他們的都是一班小圈子，只需要服侍這班小圈子就已經足夠，其他外間基本冇興趣亦冇必要聽。亦正如左派人士只會對曾生的聲音有興趣，其他人士不聽亦不聞。

仍需改善之處

這次論壇特備節目對他們來講都算係新嘗試，以我記得他們應該未辦過這類兩地直播的討論節目。這次最大的問題就係於旺角直播，地方比較嘈雜，而且在旺角門市上面更有一個大熒幕同步直播，所以很容易地聽到有節目的回音，而且最初領咪的收音欠佳，主持及嘉賓的聲音被街外的聲音覆蓋，後來已經改善，不過由於太嘈，嘉賓的耳機非常難聽到葵涌錄影廠嘉賓的對話，讓梁生要經常按實耳機才可聽到。

另外就是他們的片頭動畫(intro)的中文字比較「行貨」，至於Namecard 顏色設計都算滿意合格，轉播技術由於我真的不知道他們是用什麼品牌的技術，所以無評論，不過我相信他們都是用 IP 轉播技術(類似 now財經台所用的streambox)，不過始終用 IP轉播，解像度及bitrate都可因為傳送的頻寬而有作不同，畫質亦有所而影響，所以不能作正面比較。

總結

今次HKBNTV搶先攪論壇，除了係新嘗試，亦係為公司品牌宣傳的一個機會，但對他們黎講，觀眾層及數量仍然係一個問題，HKBNTV 的觀眾層面主要都是一些觀眾質素要求較低的市民(與有線相反)，當然資金、節目成本及內容選購方面亦足以反映他們的對像是一般的小市民，今次HKBNTV都算辦得不錯，都值70分。

小插曲

起觀眾發問時段，無端端殺出早前巴士呀叔陳乙東，發表佢的偉論，將香港上市，每人派100股，值50萬，再不收稅，跟住再講曾先生有450位刷鞋仔的票，跟住又話係咩白雪公主，聽極都唔明 XD

 電視  回應的RSS 按此回應  暫時未有引用通告   (0)
2007年02月10日