你重記唔記得我隻Keyboard??? 今日終於放棄佢了……
拜拜!!!!!!
買咗一隻平價一舊水都唔洗黑色冇Power制PS2頭Classic 版嘅Logitech keyboard….
不過，覺得隻keyboard 冇以前咁好打，可能打慣以前啲keyboard粒制高身啲同埋打落去”park park”聲，需要時間適應下…..
PS:…. 終於上了… 高達電影 II &III，不過，我覺得，有時間的話，18號一次睇晒兩套(覺得會隔時間咁播呢兩套)，而且可能你睇緊的時候，同場有班cosplayer一齊黎添:pppp
不過….18號….又係達文西密碼上影….勁想去睇..我有冇可能可以18號前睇完本英文版小說呢?…… 早兩日睇o左幾頁…每頁都起碼有10個英文生字唔識解-.-;;;; 出街真係唔洗睇…除非買支典字筆啦~_~ 。岩岩望過…一支字典筆原來成千幾蚊=.=;;;;;;;
隨心
回應的RSS
回應(3)
暫時未有引用通告
(0)
2006年04月30日
今日賣咗兩隻PSP Games 套現，錢一黎，跟住就洗晒佢了:P
咁就起書局買咗三本書…….
第一本係… 日語會話辭典，呢本野點都好過 Talkman (今日岩岩賣咗…:p)，除咗可以囉去日本用之外，重可以平時學下常用日語對話。(HK$80)
第二本係… CEO對話。我一向都有興趣睇呢啲管理書籍，原本呢套野有 DVD 賣，不過一集都賣成五十幾蚊，買晒咪五舊水？本書都係賣138蚊….
第三本……係我第一本比錢買的英文小說=.=….. 達文西密碼。點解買英文？講我話學英文都冇人信啦！中文版賣百幾蚊，但英文版只係$76蚊…平成四十幾蚊，所以…買英文版啦。….(PS:你估我係咪真係有心機睇? …之前我睇基路山都係睇中文版…..)
最後….比完錢..先知…用某銀行信用卡有9折……但咁岩，我就係用果張信用卡比…… 所以最後平o左 $29.4….
隨心
回應的RSS
按此回應
暫時未有引用通告
(0)
2006年04月28日
岩岩得知 PSP Firmware 2.7 出咗，就急急腳裝咗了…初頭以為 PSP Firmware 2.6 之後會直接跳去 3.0 ，不過今次 Ver 2.7 加番繁簡介面已經係為台灣/香港玩家提供中文介面支援（尤其台灣…..）
Upgrade 咗之後， 起System Settings -> System Language 就可以搵到繁簡體中文。
開咗之後，嘩….啲 FONTS 好核突………一粒粒BITMAP 咁….尤其起細字特別明顯，比起 Internet Browser 入面啲中文Fonts (中黑體) 差好遠咁=.=…
至於 Flash 方面，同樣同之前WMA版本一樣，要先去 Settings 入面啟動(即係同意份條款，而且要住上網先啟動到)。
跟住搵啲有 Flash 的網頁試下啦，嘩！真係睇到播，而且識得縮細佢黎播，跟住我搵moov~ 個網頁開黎睇下啦….就…….出現.. :O (雖然唔係第一次睇到呢句野…)
PS: 無聊之下，走咗去 PSP JP Website 睇，見到 BLOOD+ for PSP 有第一、二集及特別編(即係重溫編)下載，全部無料(免費)，而且Encode得幾靚架！
遊戲
回應的RSS
回應(2)
暫時未有引用通告
(0)
2006年04月26日
netvigator (PCCW) 繼 now 網上節目$10任睇TVB節目重溫之後，又一恐怖新產品 MOOV~，以$39蚊一個月(原價$69)任聽歌曲，唔洗每首收費。
睇落$39好似好抵，除咗裏面歌曲都幾多及齊外，亦無收聽限制外，但一講到下載歌曲呢段，就話「無須下載，網上連線收聽」，咁即係「冇得下載，只限網上收聽！」，如果你想抄落mp3 機，咁你自己諗諗計了:P 不過當然，以正版黎睇，$39算係平，而且冇任何限制，但裏面啲歌…..我搵唔到日文歌，所以完全唔岩我 
PPPP (中文同英文歌就有……)
另外，正想我login 入去望下…….就…..
隨心
回應的RSS
按此回應
暫時未有引用通告
(0)
2006年04月24日
上星期看櫻蘭高校提及「庶民咖啡」，窮人冇時間磨咖啡豆，所以要飲即沖咖啡，重要賣100克300Yen！(看到呢幕真係笑出口..原因下面先講:p)
極為有同感！窮人的確係冇時間磨咖啡豆！亦都唔識沖咖啡！
最近望望信用卡積分，原來我已經儲咗接近六萬分….係時候搵啲野換下。咁例牌去望下個禮品Menu，望極都唔岩心水，越高分果啲，大大部份都係家庭電器，但我對果啲真係冇乜興趣(我要黎做乜?一係屋企已經有未壞，一係就冇用)。最後比我見到呢件……
咖啡機一部！如果我換黎放起公司，咁就可以唔洗再起公司沖「庶民咖啡」！不過…就要改買咖啡豆同埋買過濾紙，咁就真係變咗「富豪咖啡」了………
咁我呢啲窮人會唔會有冇時間去研究咖咖豆？
最後，好笑的原因係…我起公司都係飲緊畫面中同一隻牌子同一個Packing的「庶民咖啡」……….(Packing 說明都係印日文字 :p)
動畫與漫畫, 隨心
回應的RSS
按此回應
暫時未有引用通告
(0)
2006年04月19日
終於起去完日本番黎之後，囉到隻碟黎試，不過覺得係一個局！
隻碟就係咁，附跟一張影印核突到爆的Manual，首先你要去番 pspol.com.hk 登記你部 PSP 序號(如果你未註冊)，然後再登入戶口設定部 PSP 的Mac Address，再將隻 NUD放入PSP當 Game 咁執行，就可以了。不過如果你未登記部機的 Mac Address，係無法啟動 NUD 。另外當然，要先Upgrade部PSP Firmware 去 2.5 或以上啦。
現時 SONY 派的碟係版本 1.00C ，香港係繼韓國之後另二個啟動 NUD 的地區(與台灣同步)，至於有關中文化方面，本人曾經向 SONY HK 內部人士查詢是否由香港本地翻譯，但說並非由香港負責，估計是由台灣方面負責。 (可能是同步開發中文版翻譯遊戲的小組負責)
「開始遊戲」後，就會見到三個格，暫時就只有這三個大頻道：「我的PSP」、「PSP頻道」及「now.com.hk」。
其實呢個NUD就係一個瀏覽器，不過內置一個支援Streaming的Media Player，因為PSP Firmware 內並未有 Media Player，而且重要限你Upgrade唔玩老翻，所以局你用隻碟啦。至於內容方面，呢家都係非常之弱！大部份都係試片(PS2/PSP 廣告片、SONY Music 廣告片、電影Trailer片等)，不過亦有其他內容，如巴士Roadshow裏面的Game介紹節目、RTHK經典節目、飲食(賣比手提3G 內容果啲片的MTEL)、星座小王子、另外有兩條足本的電影(港產片)以。最Update的都算係TVB 節目(東張西望及娛樂直播)。不過冇樣岩我睇…………
個Media Player，都還OK，可以 Fullscreen 以及Zoom (同呢家 Firmware 內的Player 模式相同)，如果你睇果條片係Streaming，重可以 Scroll 前後睇。不過最做得唔好的，就係離開個Media Player，要禁 Start，再禁「關閉播放介面」，覺得唔係幾方便。
可能呢家重係小人用，Streaming 播片都好順，有啲片佢用到500kbps，質素已經算高，所以Fullscreen睇都幾靚。
暫時NUD 用家都可以免費試用三個月，但之後就要收錢了，收幾錢暫時又未公布，不過內容太唔岩我睇，呢家咁免費比你開咗Account，收錢時你唔Cut佢咪開始收你錢？不過你都未登記Credit Card 佢都未必收到你錢，但要收錢時我一定 CUT架啦，雖然呢家免費試用都預咗小野睇架啦，不過要留客，內容方面真係要加強番啲，呢家都係唔岩睇。
另一樣野就係由於個Player 係一隻NUD 碟入面，如果隻碟要更新，就非常之麻煩了，唔通又每個用家又派過隻碟？另外隻碟由於唔係話囉就囉，如果你唔見咗隻碟，亦都係一個問題之一。
最後，起拍賣場，都有幾多人將隻NUD囉去賣，叫價由 $65至$100不等，不過，其實SONY會將隻碟免費派比登記咗保養的行貨用家，只係派發時間需時，未到你的唔洗心急，另外水貨用有碟都玩唔到，因為要登記機身號碼及Mac Address，所以得物亦無所用，所以千其咪走去Bid隻碟番黎，蝕水架。
遊戲
回應的RSS
回應(1)
引用通告(3)
(0)
2006年04月17日
我的 iTune 一直都有一問題，就係不斷咁侵食我硬碟空間。
起iTune 的音樂資料夾，佢會不斷咁 Generate 順號碼的 Temp File，食到我隻Windows 叫救命話冇 HDD 位。好似今次咁，食咗9.6GB…..次次都要人手入去剷。你有冇咁的情況？
隨心
回應的RSS
按此回應
暫時未有引用通告
(0)
2006年04月17日
