玩謝電話保險Sales…
我有個花名，叫「傻新」，因為啲人話我傻傻地。由於我「傻傻」地，最近玩咗兩個真人電話Sales 保險以及研究如何一向聲都唔出就可以令街邊問卷姐姐仔。(以下全部都係真人真事，但唔知有冇改編。)
真人電話Sales 保險：
滙X銀行編：
有朝早滙X銀行一位女推廣員打黎Sales 家居保險，講咗三分鐘講晒份保險有幾好，呢家做有乜乜特價，有乜乜回饋等等，我細細聲話：「冇需要了。」
佢問我點解，呢家個個都會買家居保險。我話：「關我咩事。」
跟住佢就話如果屋企有事，屋企人都可以有保障，跟住我又話：
「超！佢地有事關我咩事！我都就快死啦，佢地食自己啦！」
佢就好冇癮咁同我拜拜收線。
蘇X細保險編：
由於我曾經同蘇X細買過份旅遊保險，所以就有我Record了..有一日起StarBxxx咖啡舖飲緊咖啡(其實係溫緊書)就打黎了。同樣Sales 家居保險，又講咗幾分鐘，又話乜都保得呀，唔洗單呀，只要留番條屍就可以 Claim到錢等等。講完之後我又話冇興趣啦，佢又係話呢家個個都會買家居保險架播。跟住我就話：
我：「我對家居保險冇乜興趣，我最近想跳樓，你地有冇啲跳樓有得陪嘅保險？」
佢：「全球都冇呢隻保險架播！」
我：「咁呀，我最近真係好想跳樓，如果你地有啲呢保險，你快啲通知我拿拿林買份。」
佢：「咁呀，多謝你嘅意見先，我會向公司反映一下，如果有我地聯絡你呀。」
我：「噢，咁呀，咁你地一有好快知通知我拿！我等住死。」
佢：「好的，拜拜。」
街邊問卷：
報仇編：起旺角街頭，如果你想啲問卷姐姐唔行埋黎，你只要拿住部PSP扮睇片，跟住狂笑，最好行埋去個姐姐身邊，大大聲笑兩三下，嚇下佢，報仇咁報。
一粒聲都唔洗出自動彈開編：呢個方法，我試過係Work的。當個姐姐拿住塊板沖埋黎，頂住你去路，係咁bababa 講野時，你只要慢慢起袋囉部電話出黎，禁去相機模式(斜斜地咁比個姐姐仔望到你個電話熒幕)，跟住對住佢影相，佢即刻就會自動彈開。你無需要講任何野，笑笑咀咁行住囉個電話出黎就得了，試過好Work架，佢好驚你影佢/錄音，所以佢一見就會縮開。
隨心
回應的RSS
暫時未有引用通告
2006年05月27日
有壓力‧冇壓力
呢幾日做到踢晒腳….番工做做做…番到屋企又繼續做做做…..每個人起社會都有壓力…..
最冇壓力，就係利用短短的一小時番工放工車程，睇AVI…尤其Host及School Rumble，會起地鐵笑到似個傻佬 XD
PS：今日起黃金搬咗部 EPSON LQ-590 針機番屋企(謝謝2780個大洋)，Print得真係好快，就算Set 最低DPI同Fast Print(差唔多最差Quality)，都好快Print完，而且冇甩線(比部平機玩謝，Print Barcode 甩線)，Quality重好好，細中文字都好清楚，果然係一分錢一分貨…….
隨心
回應的RSS
暫時未有引用通告
2006年05月26日
我要考試，你要考試。 我有壓力，你有壓力。
1. 今日番CityU考試…見到民主牆…又貼滿大字報…….
2. 今日網友麥fee Send o左條片黎睇，David Chesterfield 的魔術表演。跟住叫我又拍條片番黎…..條片睇到笑爆咀=.= (尤其保齡球…笑到拍晒檯!!!)
隨心
回應的RSS
暫時未有引用通告
2006年05月19日
見工上電視
打風，睇電視睇到呢條News 極為攪笑。
事源講Guy Goma去BBC見一份IT工，咁岩當時IT Show直播又約咗IT專家 Guy Kewney去做Live訪問，但Guy Kewney 遲到，BBC 職員叫搵Guy Kewney時呢個Guy Goma又認係佢(同名嘛)，咁就比個職員拉咗入去Studio做Live Interview，Guy Goma當時以為係見工一部份，個Show Live 緊，主持問佢三條問題，佢唯有頂硬上，極度笑爆。當時 Guy Kewney起接待處做緊手續，起電視機見到自己個名，但就另一個人，佢都呆咗…
相關片段：
PS:火舞涼瓜…..
PS:因工事(趕貨)及私事(考試+功課)關係，本Blog仍繼續小休數天….
電視
回應的RSS
暫時未有引用通告
2006年05月17日
NOW 財經台與無綫收費電視
前言：忙咗一星期，今日先有時間寫…但今日就岩岩係無綫收費電視起NOW落地之日，咁一次過寫晒佢吧。(起Blog有網友留言問財經台幾時寫，真係有Fans？)
註：本文內容只反映作者對事件之看法及意見。
NOW財經台
上年年中，TVB新聞部大地震，不少資深記者離開，有部份齊齊過檔電盈財經台。經過大半年的準備，NOW財經台終於出世。香港的電視頻道已經五花八門，以 NOW每條頻道計費的自選方式收費，再加上從未自資擁有一條電視頻道(ATV24不算) 自辦一條財經台，以香港一個商業賺錢社會，以及新聞頻道的嚴緊要求，NOW財經台是否一條血路？還是為往後業務鋪路？
因ATV24所以有財經台？
04年12月12日亞視24小時新聞台(ATV24)於NOW啟播，當時開創了 NOW 首個投資的廣東話電視頻道，大家都知道辦一條新聞頻道的資金、人力、物力等都為比其他類型頻道高，更可以說為一項燒錢的計劃，當年 NOW 知道自己的頻道缺乏本地的內容，而由於NOW一向都是以購買外國頻道轉播，自家並無製作本地頻道(尤其新聞頻道)，比起有線輸蝕。當時本港的新聞台，只有亞視並無在收費電視落地，所以只有兩個選擇：
- （一）與亞視合作建立收費新聞頻道；
- （二）自行製作新聞頻道（如：香港寬頻）。
但新聞頻道，尤其收費以及24小時始終亦要經得起考驗，例如有熟練電視新聞製作的記者、公信力以及近年由有線帶起「最快最新」的記者實地直播新聞等，NOW自家製作總有壓力，而且真的自家製作，不可以做得太差（例：香港寬頻新聞台），由於電盈在收費電視都叫二哥，做得差亦做壞招牌，所以選擇與亞視合作，較為安全，一來亞視已經有新聞部，人力物齊品牌已存在，只要投資一筆較細的資金，辦24小時頻道，即可在短時間啟播。
不過啟播後，就帶來不少對ATV24 的批評，例如太多國內新聞、新聞更新時間不夠有線快、直播缺乏、資源不足等，但最近幾個月已大為改善。雖如此，NOW 自己亦覺得ATV24 辦得比預期差，難以搶有線的客戶過檔。雖然NOW已經將有線其中兩大武器ESPN及HBO搶到手，但有線另一最強武器──新聞，ATV24仍然未達到有線的水平，難以搶奪或平排有線新聞一哥地位，NOW與ATV的合約要到2006年尾才完結，在當時(2005年中)，ATV24仍然還有最少一年壽命，再辦一條新聞頻道，就是洗錢自己打自己，轉為辦一條財經新聞頻道較為合適。
上年經濟開始好轉，投資活動亦相繼出現，開辦一條財經新聞頻道都算是一個好時機，亦可以給NOW一個辦新聞頻道的經驗，不過本身NOW並無人才，所以就不斷在行內高薪搶去其他電視台及報社新手老手，由羅燦統領，伙拍徐蕙儀及林燕玲主播，再帶走十多位無綫員工，推出NOW財經台，更即時令有線急急轉陣。
財經台變新聞台？
起NOW財經台未啟播前，大家都在電視新聞片已經見到NOW的咪牌，大小新聞，就算與財經有無關連，都會見到NOW咪牌。一條財經台是否只需要採訪與財經事件有關的新聞？其他無關連的，是否都要去採訪？從NOW的新聞運作可以看出，他們的運作，與一般新聞台無異，都是大小新聞都採訪，不過就不需要著重新聞片段直播，由於日間時間有部份都是股票交易時段，以及新聞重點會以財經新聞排先，所以他們做本地新聞仍然有時間的空間。
不過有時候亦會有直播報導，例如早前尖沙嘴槍戰警員葬禮，兩鐵合併記者會，至近期長洲太平清醮，財經台都有直播，就如一條新聞頻道，但當然資源仍比不上。NOW現在已經辦半個新聞頻道，都可以說是「邊做財經新聞、邊在本港新聞吸取經驗」，資源己存在，訓練亦同時進行，即是有朝一日，就可以啟動新聞台？如果年尾，NOW真的不與亞視續約，NOW即時可啟動NOW新聞台銜接現有ATV24客戶？
試看一個月後又試看
財經台推出後，NOW提供免費試看一個月給現有客戶，原本試看只是去到四月尾，但到五月仍然免費試看一個月，真的是上客人數比預期差？香港的股民對財經台沒有興趣還是仍然看有線？這方面雙方暫時並無數字提供，但如果從近兩年的數字來看，前年(2004年)NOW的安裝客戶有36.1萬，只有56%為付費客戶(即20.2萬)，而上年(2005年)NOW有54.9萬客戶中， 71%為付費客戶(即38.9萬)，上年NOW重大變動就是將ESPN及HBO等台從有線搶回來，令上客及付費客戶上升，問題在於這班客戶內，有多少客是炒股票？有多少已經是有線客戶？又另外會有多少新客為了財經台而裝NOW？這些看要看多數個月才知道了。
ATV24會有生機？
雖然NOW一直封口，對ATV24是否續約一事不談，不過，NOW現在已經有自家新聞隊伍，自己辦一條新聞頻道與兩年前相比，已經不是難題，所以ATV24好大機會因為NOW不再續約而倒閉，但ATV24最近數個月不斷改革，例如加入多位主播，本地新聞更新比以前快，很像造給NOW看「我們還有成積，不要遺棄我」一樣，但始終NOW是錢銀來源，沒有資金以及落地之處，ATV24始終有倒閉的一天，如果亞視仍然想繼續生存，就要找其他地方落腳以及資金繼續運作，但在香港現時落地的電視媒界，似乎沒有其他地方可以收留他們，不過 ATV24 可以改為自資運作，再賣播放權給NOW，像普通的收費頻道，NOW可能樂意歡迎ATV呢。
無綫收費電視
無綫三十多年來都在免費電視做大贏家，但在收費電視由頭到尾都係大輸家。改名、拆夥等等不斷，原因都係在於網絡盲點。有名你叫：「無綫用無線，邊會舖條線」。現在無綫借電盈網絡上戰場，一開就起碼有五十萬商機(至少不會因為沒有網絡而上不到客)，這是否真的為無綫兩年的雪恥掃清？
無錢收費電視套餐收費為$138，主打無線自家八大頻道（其中兩條頻道會在六月推出），加上幾條國內及台灣TVBS頻道，將來亦會再加兩條足球頻道等，價錢仍然比其他對手貴，主要原因是因為TVB需要繳付每名客戶 $50 租線費給電盈，亦要補貼兩年來蝕去的錢，每名客戶賺的金額亦很小，由於TVB只是租用電盈網絡，經營方式仍然由無綫管理，故不設散賣，如果真的散賣，租線費是否每條頻道計算？這還是要雙方面討論。對無綫來說，散賣是極為不利，現時八大無綫頻道都是自家製作，如果散賣的話，對一些客源較少的頻道就會產生觀眾不足或收入不足情況，另外更為影響廣告客戶，以套餐捆綁式收費可保證收入金額。
無綫收費電視有咩岩睇？
由於無綫收費電視現時有衛星、和記IP以及電盈NOW網絡傳送，另外NOW本身有部份頻道與無綫收費頻道重覆，在NOW下的無綫收費頻道會比於衛星及和記IP網絡較少，但主打亦是八大無綫頻道，仍然有吸引力之處，例如劇集台之劇目緊貼潮流（有線近來播放之外購電視劇開始欠佳），音樂台有本地歌手之音樂節目，經典劇台有無綫塵年舊片，還有「至信得過」的新聞台（笑），集齊新聞、資訊、娛樂等，$138一個月，你會申請嗎？
免費試睇兩個月變十四個月
為了令變陣成功，以及力谷上客量，無綫提供免費試睇兩個月，但必須先登記一個14個月的計劃，頭兩個月內免費試睇，但如果客戶想在試睇後中止服務，必須要在試睇期內申請中止，否則就會變了簽十二個月約。這一招真是局中局：
- （一）現有NOW 客戶必須登記，不像NOW財經台無需登記都可試看。
- （二）試看心態，但忘記去中止服務，讓你不少心跌入十二個月局中。
- （三）真的是試看，追電視劇等看上癮，最後付錢看。
後記：無綫新聞台
無綫新聞部上年地震一事都已經有所聞，但剛剛又傳出一個小地震，震後觀眾是否有福？（以下內容引述消息人士）現時無線深夜的新聞報導並非直播，是錄影新聞，不過早一兩星期深夜發出黑雨，無綫新聞台變無綫錄影台(當然ATV24亦是錄影)，事後無綫新聞部高層覺得輸了一杖，決定將深夜時段亦轉為直播時段，夜鬼及主播痴漢是否又有一福呢？另外亦引述消息人士，一位姓林的女主播將會離職，無綫新聞部真的節源之外更黑幕重重？
電視, 娛樂/影視
回應的RSS
暫時未有引用通告
2006年05月11日
Mission Impossible 3
岩岩睇完 MI3，好鬼 24 Feel 。 (唔通睇得多 24? …) 覺得呢輯拍得都幾好，由頭到尾都唔覺有悶場，間唔中都會攪下Gap，故事就真係24 Feel了 
講 IMF 裏面有內奸…等等…
呀Tom 都幾有魄力，有個Shot 起上海河邊一直路跑跑跑一個Shot 過冇剪，Tom 跑極都冇減慢速度，另外跳上海中銀都好正，好似睇Ghost in the shell TV 第一集(?)，另外起梵諦岡拍亦很有趣，揀一個全球最細的國家黎拍，真係一眼睇晒(但裏面有幾多係梵諦岡就另一回事:P)。橋上面槍戰果幕亦都好正。
呢期梵諦岡真係好Hit，先有教區主教陳日君，跟住電視到羅蘭，跟住到MI3，下下星期又到達文西密碼。
Same Questions: 18號前睇唔睇得切本小說呢？…
電影
回應的RSS
暫時未有引用通告
2006年05月04日
(1) 
