新 BLOG - 2008 放眼世界

HKBNTV CUT FORM

經過一波三折，媽完又屌，鬧完又得個等字之後，HKBNTV 終於肯寄份 Cut Form黎，不過叫我唔好交住，話因為一交就當即 CUT 拿播。上次夜晚十點幾打黎對番客戶資料話Confirm 繼續使用服務時又好鬼客氣話多謝我長期支持（我由 $8/月的時代睇到呢家架啦，緊係長期客戶啦，下年你就知味道！），冇架啦，服務太差！一個服務查詢要一個半月後先覆你，跟住重只係推三推四叫你自己打去問，咁洗乜你去Check姐，呢啲咁仆街的服務收皮吧！12月尾就填 Form CUT，睇下你到時有咩留客Plan呀！家居電話我都轉番去PCCW (每個月月費平$20 -_- 而且唔係平均除出黎平$20果隻=.=)，HKBN真係屌一聲！

隨心回應的RSS 按此回應暫時未有引用通告 (0)
2005年08月18日

DHC Day 1

面部皮膚乾燥是我一直都有的問題…早兩日起公司對面檯同事個Tray 度見到本DHC 的書仔，見到有啲男士用的用品，三百蚊包送貨，訂又幾方便，唔洗出去Shop買，咁咪試下訂三舊水玩下囉 (衰在冇試用裝)，星期一晚10PM Fax Order 去，今朝(星期四)收到了…都算幾快。岩岩用完，都幾OK下，試下一兩三星期後係咪真係好咗先！

PS: 原先我起佢website Mark 好晒，點之….. First Order 冇得Online 訂，一定要Fax 或者電話Order….咁最後要將訂的野抄一次落張Order form 度…………………….好低B -_-

隨心回應的RSS 按此回應暫時未有引用通告 (0)

新Download的Wallpaper

今日download 咗幾張新Wallpaper，揀咗四張特別鍾意的！

先黎係呢排格黎台黃蓉好鬼鍾意睇，但我又冇乜心機睇的 H&C ，雖然冇乜睇，不過都係咁靚－真山(男)同山田(女)！

另一張就係Aniplex 、ROD TV班底的神中，都幾好睇架！(一講又比人媽叉話我做乜冇介紹呢套野比佢睇 :X)

另外兩張，係舊的動畫，一套大家都應該識拿呱，咪百變小櫻的基路仔啊~~~呢排又愛上小櫻同小狼(唔係翼啊!)

最後一張就係 Azumanaga Daioh (笑園漫畫大王) 的Neko(貓)，呢套係一套極之好睇的動畫，有機會的一定要睇下。(不過我覺得漫畫又笑唔出 :X)

最後緊係要曬下命，就係……早兩日同呢兩隻公仔洗完白白:X
o衣？乜咁似上面果兩張Wallpaper ？

隨心回應的RSS 回應(1) 暫時未有引用通告 (0)
2005年08月17日

日式麵包王 - 41 話

咁快去到41集，原本我重推介咗比某君叫佢快啲追，好好睇，唔知佢睇成點了…….(可能一集都冇睇過 :X) 呢集笑料不多，不過產生咗一個問題 (Bugs?) …

哈哈哈，河內又會無端端起大家面前小解 :X 重要起蘇菲面前??根據第三張圖企的位置…蘇菲同秘密警察都望住，咁都得??….

小丑諗咗好耐，決定入圍的大國有中美法日～國皇出埋黎，拉曼呢啲小角色就緊係要走老啦，就好似果啲電影咁神神秘秘離開又打比呀媽話以後唔好搵我啊….(國皇都出埋，小丑開始變閒角了..上集做埋主角個位:X)

好憎呢個八婆雪乃，講完。

和馬真抵死，日式麵包51太perfect 了！Perfect 到冇得再Perfect！勁呀！日式麵包無敵呀：～～～～（睇下我幾靚仔 :X)

哈哈哈哈哈！冠的頭腦比你好嗎？你同蘇非拍緊拖嗎？果啲低B動作跟邊個學架？子安激爆了！！！

連國皇都係霧崎雄一啲朋友，呢個世界係咁真係咁細？
國皇：你整咗個麵包，第一個會比邊個食？
和馬：我！自己整的麵包緊係整比自己食架啦！我整啲麵包個個都咁好食，你地冇得食！ :X
(設計對白)

戒：你地係咪傻架！呢家點會走去深山度修練架！
黑柳：覺得戒會去深山度修練的請舉手～

嘿…………………………………………..(睇的時候..笑咗30秒-_-”'’)

開始內亂了！大家下集重要對住法國三支竿架！團結下啦！連國皇都隨時比霧崎雄一背後控制住，你地要加油呀～噢，咁又一集。

PS:原來好戲在後頭(預告)…太正了……….Where is Episode 42?????

咁似睇緊草莓100%的西野??????????

嘩？三支竿除衫露出真面目！！真係咁恐怖？？？？？？？

動畫與漫畫回應的RSS 按此回應暫時未有引用通告 (0)
2005年08月17日

日本動畫眼中的香港

為何會寫這篇文章，是原是因為上星期看到 Ani-wave 內一篇「驚爆危機TSR」 (Full Metal Panic! The Second Raid)內提及動畫內的香港。

近年都有數套有以香港或借用香港為背景的動畫，對一些沒有來過香港的日本動畫迷來講，這都算是一個認識香港的方法，但對一個香港人看回這些情境，都覺得有一個問題，就是覺得「這是七十年代的香港？」原因是畫中的香港背景過份地誇張。

香港七、八十年代的特色都算是唐樓及招牌，還有電車、漁船等。傳統的動畫很多時都將香港七、八十年代的唐樓誇大，很像全港都是唐樓及招牌，以及一些全中文的店舖。例如在動畫見到外國的唐人街亦同樣有類似的風格（龍及唐式標示）。

雖然驚爆危機暫時只看了兩集，香港的特色並不算太多，不過我選了其中兩套較為明顯的代表作，看看日本動畫中的香港。

攻殼機動隊第一代的電影版在十年前推出，當年借用了香港的大廈、大排檔、電車搬到水上版，都是有點兒過份「香港化」，就算在九六年九龍城寨都已經拆除。即使是現代的香港青年，都只是在歷史書才看到這些情景。大部份的市區及新市鎮都沒有這個畫面了。在灣仔、北角、九龍城、旺角、油麻地現時亦有這些唐樓及街道，但肯定沒有在動畫中那麼多招牌。

（第四幅圖的地方很像是在何文田的位置，但結合了水上電車。）

另一套就是 ROD TV 版，第一集已經全是最近香港的景色，包括有青馬大橋，九龍的酒店，還有舊式唐樓。（很像每套以香港為背景的動畫都要有唐樓）其他如汽車、警車，繁華區的大樓都跟得非常之足，尢其香港的警車，他們真的對資料搜集落足功夫。ROD 都算是一套能夠反映香港繁華（銅鑼灣、尖沙咀）與及歷史（九龍城）一面的動畫，至少還有青馬大橋和新機場。

不過如果你留心看的話，就會發現有一樣是錯了。就是車的軚盤方向，香港是右軚車，但動畫中的是左軚車。不過如我沒有記錯，日本都是右軚，為何突然間會變了左軚？

驚爆危機和 ROD 都說劇中人物住在香港的唐樓，有點像九龍城行前圍道一帶的樓宇。雖然我沒有住過，但亦有去過（朋友的家），其實是有點相似，不過問題是，總是要將香港「印像」為唐樓臨下，日本人的香港不夠繁榮？不夠現代？不可以住公屋、居屋？不可以加入旺角大街、沙田新市鎮？這十年來香港變化得很大，我們這樣看覺得自己這十年沒有變過呢。亦令日本人覺得香港仍然是六、七、八十年代的漁港。

另一樣有趣的是在日本動畫內的中文，雖然他們都是用漢字，但並不是所有中文字都是漢字，而且日本的漢字和中國的漢字有一點出入，所以大部份如招牌海報都是照跟足香港的圖片抄襲，如攻殼機動隊的浙江興業銀行。但通常這些中文句字都不為通順或不是一句完整的句子，就有如日本動畫內的英文句字（例可參看右圖的 Galaxy Angel A )。

但亦有一些例外的，如十二國記內的國史，中文亦算不錯（當然亦帶有一些它的風格）。不過，我最覺得 ROD TV 內的中文，非常地道化（下圖），除了是一句看得明的中文外，亦帶有香港粗口文化（可能是導演／編劇故意戲弄大家的內容，尤其最尾一段），人物「董川ねねね」亦變為「董川呢呢呢」。不過，這個畫面，只在動畫出現一至兩秒，而且畫面亦倒轉了，一般在電視觀看的觀眾根本無法看到內容，亦沒有翻譯，這個都算是購買DVD版 Fans 們作為尋寶的地方了。