新 BLOG - 2008 放眼世界

棋魂 (棋靈王)

Animax 又黎呢個一連十二集睇到嘔的連播節。以前個個星期追棋靈王漫畫同動畫，呢家 Animax 又播，雖然已經睇咗兩三次，但每次都咁好睇，一樣睇上癮！

不過總係覺得後尾咁就完左好似唔知點咁。不過我當然冇中圍棋局啦，我都識一兩個人睇左棋魂 (TVB播)跟住中晒毒走去學，不過唔知呢家重有冇學/捉了。

動畫與漫畫回應的RSS 按此回應引用通告(1) (0)
2005年08月06日

今日收到個電話.. HKBN 打黎null我續約家居電話服務，開價 $88 + $20 VAS ，簽24個月，送頭3個月，我話貴！我呢家都係交緊 $78 + $20 VAS 之嘛，而且我重有4個月先約滿，開價$88貴到離譜！我呢家用緊果張合約係簽兩年，第一年 $48 ，第二年$78 ，但唔包任何 VAS，咁我需要用 VAS，所以就加咗 $20 用佢個 VAS 套餐。但呢家開價 $88 已經變相加價！

當時我同姐仔話：好貴播！
姐仔：唔貴架啦。
我：我覺得貴嘛！
姐仔：哦，咁呀，我地再有其他優惠，再聯絡番X生你呀。

重諗住有其他Plan 添。不過我都估佢遲下再打黎的了。今年年尾Cut 埋家居電話，下年年頭 Cut 埋數碼電視，咁就同HKBN講拜拜。

跟住，我就打去PCCW 問下咩價。但…..

第一次打去，等咗一陣(唔夠30秒)就話線路煩忙，請起Beep一聲留低姓名同電話-.-
第二次打去，等候期間，個電話發出高聲波Beep長響聲音…Beep 咗一分鐘..跟住無端端飛咗去歌仔等候，歌仔得黎重斷下斷下咁，好似 IP Phone 一樣….再等咗一陣，先有個真人哥仔講野。

(黑哥同中仔重起電視廣告話佢地的客戶服務年年囉獎架播=.=)

跟住佢就Sales 咗個 $88蚊包 CallWaiting 同 Caller ID 的Plan，簽18個月，但冇任何野送，包括月費。後尾我話重有4個月先到期，咁就屈咗送半年搬遷期間 Free (變相送咗兩個月)。

計落去，PCCW 平過流長 10 蚊，但起碼係PCCW 播-.- 同埋我搬BB又可以裝DIY Plan 唔洗比530安裝費，所以重係考慮當中，不過聽日再打去問下和記電話又幾錢先，其實屋企個電話..真係冇幾何用，個個起屋企都係講手提架啦。

PS:尋日流長寄咗一大塊流長磁石版黎，重跟埋支筆，可以當Memo版寫，呢家貼咗起雪櫃…..

PS2:流長BB100未出前HKBN都打黎null過我做Tester…但我好憎web login 所以冇裝到….

隨心回應的RSS 按此回應暫時未有引用通告 (0)
2005年08月06日

日式麵包王 - 38-39 話

太多圖了，我又貪心，所以就想一行出三張圖，如果覺得太細下次都係照舊一行兩張。不過．．縮咗了，唔想再攪 :X 字就越寫越小，圖就越Cap越多…………見諒。

一開始就已經笑爆咀，黎個「22世紀殺人網絡」真係妙絕！！漫畫版係點畫出黎架呢，動畫版睇真係好鬼正！笑到唔停得口！

噢！原來佢地係摩洛哥秘密警察，又有呀基德有情演出！服咗佢地！不過真係唔知呢幾幕片佢係抄邊套野，謝謝指點。跟住後尾穆罕默德囉張證件出黎果時寫住「后宮俱樂部」咭片又係好鬼好笑-_-;; 河內個樣每集都古古怪怪，所以特登Cap 咗張….遲下真係可以做個河內怪面大全。

佢地終於整咗個麵包９號了，小丑食完又吹一餐辛酸史，咁都諗到可以搵基德黎做泰式按摩->變做鯛魚燒-_-日本仔諗野真有趣。

今次聽完小丑講野佢地變晒燒豬入晒院，小丑真樣露面探佢地都嚇親，低能到平時個樣係件衫咁都得…。黑柳呢兩集好正經啊！奇蹟：O 惡魔的局又來了，今次係一千五百米的深洞！正義的人士加油！哈哈哈，原來戒怕高，一聽見由”基德”化身由高空跳落去嚇到傻咗。

哈哈，河內對戒的愛的宣言好BL啊;~~~~~~~~~~~~~~~~~~~ ：O

佢地最後當然要根據故事的發展跌落個洞度啦 :X，估唔到小丑都跟埋黎，小丑身上連個爐都帶埋黎，真係「就算是動畫都太誇張了！」串得好好笑=.=

嘩！河內好核突！！舔小丑隻鞋！核突到嘔=.=;;;; 不過…小丑講咗個大話添….話自己識游水，但原來係唔識………

今集39集..咁即係下集有新 OP ED 呱？期待中。出街 mp3 (shuffle) 都重有Loop 住 OP1 同 ED1 ，iTune 有五粒星！好鬼好聽……….

PS: 新 Eye Catch好鬼好笑…尤其 Q 版咗的和馬，好似以前D Q 太郎咁….正!

動畫與漫畫回應的RSS 按此回應暫時未有引用通告 (0)
2005年08月05日

啲野唔洗錢????

啲野好似唔洗錢咁，今日見到呢個「流長」寬頻有呢個WebDrive 服務，$68 有10GB…好似啲 HDD 唔洗錢咁，同埋重有Backup 呢，除非佢地冇啦，Backup 個Cost 重貴過買 Hard drive。不過要upload/download 10GB，真係 BB100/1000先得了， BB10 都慢….龜速BB。

另外「流長」重出埋 AntiSpam 同 AntiVirus 的服務，價錢都係其他都係果個「公價」，不過有趣在，AntiSpam用 Symantec的 Brightmail AntiSpam，但 AntiVirus 用咗TrenoMicro，唔通連「流長」都唔信Symantec 的 AntiVirus ? (嘿……)

跟住正想呢個blog 其間，港娛網界之神秘人物「佐藤聖」貼咗個 Dell 的20″ Wide Screen 芒的網址出黎，賣US$483(約$3700港紙)，痴線架，真係啲野唔洗錢咁-_____-香港都有呢隻芒賣，不過要 HK$5299，貴成千六蚊…不過都真係好平！我隻 SGI 17″ WideScreen 壞咗的話…可以考慮呢野了，「佐藤聖」重話呢隻芒同 Apple 同一個 LCD Panel 架！唉！今日贈自己五個字：賤物鬥窮人！

隨心回應的RSS 按此回應暫時未有引用通告 (0)
2005年08月04日

See-Saw - 君は僕に似ている

我都算係一個幾喜歡 See-Saw 音樂的小朋友，突然間諗起今日Seed Destiny ED4 隻碟君は僕に似ている今日出，咁當然要拿拿林聽下啦！

雖然首歌都起每集SEED都聽一次， Full Version 都係一樣咁有 Feel !至於另一隻 CW 靜寂はヘッドフォンの中係首慢歌，不過亦很好聽。

如果我冇記錯，第一次聽 See-Saw 的音樂係 hack//sign 時代，當時梶浦由記的BGM 極為好聽，所以就認識了。

不過，一望隻碟面… Kira 又做番主角了！ Shin 注定收皮啦:~~~ 你個胸口有 Faith 又有何用？突然諗起呢集 SEED Destiny 41(Revision) 又播番 Kira 同 Asuran 起個島度見果幕，Kira 講的野永遠是對的！ Kira 萬歲！Asuran 信錯人！Shin收皮！

音樂回應的RSS 回應(1) 暫時未有引用通告 (0)
2005年08月03日

公司偷懶

我覺得我的工作性質已經變為出 Quotation，每日都係出Quotation -_- Quotation 其實可以算係一項需要時間但唔代表一定有回報的工作。做生意就實係要出 Quote 架啦，但又唔代表出左張Quote 人地就會做你生意，但出一張Quote 閒閒地由一兩個鐘到一兩三日都要(例如成份 Project Proposal 咁) ，有時都幾唔願做。咁起偷懶期間，今日囉左做部相機番公司，所以為新貼的 Poster 影咗張相。

另外起漫畫節同書展入咗幾本漫畫同小說，但又未得閒睇，呢家又堆起晒我公司個書架度……真係有排睇…. 呢家睇緊最後一本十二國記的小說。覺得小野不由美開始寫寫下就有啲偷懶咁的Feel….攪到我都冇乜心機隻隻字睇落去……..奇諾之旅就幾好睇，書展買番第7及8冊，得閒睇埋佢….重有好多 waiting for me…

偷懶完畢，返回工作崗位，否則我份工就凍過水