計埋今年，已經儲了五年「姨媽」年刊。望番呢五年「姨媽」產品，真係好似冇乜新產品，十件有九件都係舊野，但「姨媽」仍然係我 Fans，成日都去走一轉，總係好似想買堆垃圾番去，有時就見原本用緊果件野(都係姨媽)用舊咗，又想貪心買件番去換，例如杯都買過幾隻，檯墊岩岩又換咗，梳化套、地毯用到黑晒都懶得洗，買過張新款又靚又快，洗都洗到媽媽聲。就算冇野買，行去食個Tea 或者熱狗餐都好，入去訓下張床，坐下梳化，好快又想買張番去…
最近起「姨媽」買咗啲乜？…AA 電芯 (電芯都起姨媽買-_-)、檯布、飲筒、紙杯、打牛奶器 (Frak到起泡)、杯 (又買..)、座地燈、膠盒、快子、隔氣玻璃瓶、花瓶、裝飾用玻璃兜+顏色石…數都數唔晒…
隨心
回應的RSS
回應(2)
暫時未有引用通告
(0)
2007年08月31日
經過我同HKBN CS 互片角力超過一年半之後，今日終於由原本 bb10 無合約簽咗份 bb100…
原本 bb10 冇合約係 $168/月，呢家佢Offer 咗個bb100 包網上電視(所謂的bbwatch)，同埋 VIP 客戶服務直線 (一傾之下原來就係佢本人…)，簽 1 年短約，月費只係比之前加 $10，即$178/月，我覺得都幾吸引，所以最後都簽咗…..
對話內容精華：
我：送果個網上電視，我聽人講話裝咗 Router 就會睇唔到架播..
佢：你指分享器？因為要100MB先睇到的，用咗分享器分咗出黎每部得番50MB 咁咪唔夠100MB所以睇唔到
………….
我：果個 VIP 客戶服務係咪 24小時？
佢：其實果個即係我黎嘅…我番下午2點至10點，不過10點半打黎我都 OT 緊未走的…
………….
(讀完一大段合約內容)
佢：你對合約冇問題的話，起我講完之後禁電話 “1″ 字一下確認..
我：就咁禁個 1字？
佢：係..
(Deadair…)
我：禁得未？
佢：……….
(我禁個Keypad 1字一下)
佢：我收到你的確認指示….
如果下個月HKBN都重未Refund番800蚊比我，等我日日打去煩下佢先！
隨心
回應的RSS
回應(3)
暫時未有引用通告
(0)
2007年08月30日
由於對 CW 的不滿(老作)，真的走了去實地參觀澳門同人節。話說我都有超過十年冇去過澳門(冇記錯上一次去係小學的時候….)，不過話晒澳門都係講廣東話，又可以洗港紙，一條友去都冇咩問題的！
(不過真係冇為意今日係澳門XYZ渡假村開幕日)
早前已在網上看過場刊的 Map，不知道係地方問題，還是澳門的同人組織冇想像中的多，已經覺得呢個 Events 會係非常之細，例如場地以及組織數目。場地大小有啲似觀塘IVE的hall(螢之祭，不包括舞台位置)。今次出席是Day2的活動，活動由 2PM到8PM，由於已經在1:45pm到達會場，會場人數只有約十多名，非常冷清，不像香港的同人活動，個個晨早排隊入場。
過了 2點後，人潮開始出現，而且開始有迫爆會場之感覺，再加上 Cosplayer 同時間都在場內被圍影，場內非常之熱鬧，就好似香港CW咁。至於 Cosplayer方面，場內的 Cosplayer 不多於30個，但就非常受到參觀者歡迎，經常出現圍影情況，參加者大多數都是喜歡/熱愛動漫，不像香港 Event 會有「怪叔叔」及Model。但有趣的是看不到他們走出場外私影，不知是否澳門和香港的文化差異，例如澳門 Cosplayer 不習慣著住 Cosplay服裝在大街行走/影相。
會場表演方面，大會今次安排了翻唱動漫歌曲、動漫歌曲表演以及本地歌手演出，個人覺得都不錯(雖然不是歌唱比賽，演出者唱歌質素不太好)，但亦能帶起參觀者對動漫作品的喜愛。
表演安排了跳 Lucky Star OP 舞，都有不少人圍著觀看，而且舞台只是高了觀眾一級，可以與觀眾近距離表演，氣氛真是很好。(同場加插白石稔 WaWaWa) (由於早走，未能觀看晚場涼宮 Show)
另外大會亦有宣傳時段，由主持親自走到各個組織幫手推介(格價)，個人覺得攪手係有心想推廣同人活動 (不過個主持就真係對同人冇乜認識咁囉)，另外大會亦有印制會場 Poster ，一共有 3張，A1 Size，$20一套。不談畫功，但起碼都有心做埋一份，而且我亦覺得印刷質素亦很好，$20係超值，呢方面香港攪手真係可以參考借鏡一下。
其中有一檔早兩日在 CW 看過他們的精品，今次在澳門再一次看到(留意的原因是因為在 CW 時已經想買，但錯過了)，但價錢比起 CW 平了50%，一問之下原來他們是澳門的同人組織，由於要走去香港 CW 賣，所以價錢就貴了。另外亦與一位澳門居住的參觀者交談，講起於澳門購買日本動漫精品，他說在澳門是沒有售賣日本動漫精品的舖頭，可能就係因為咁，所以同人產品在澳門較多Fans，因為可以用極平的價錢購買動漫精品。起翻唱動漫歌曲內，啲歌都非常Update，咁即係澳門 「BT 事業」都非常普及？
最後就係想講下娃娃，雖然會場內放了幾隻娃娃，但行過幾次都覺得冇乜參觀者對娃娃有興趣咁(唔知係咪真)，反而對Cosplayer更有興趣。 反而覺得大會應該加個「請勿用閃光燈」的牌放起度，因為覺得參觀者未必對娃娃有認識，不知道佢地的布料一受強光照射會爛。
不過我都係第一次接觸澳門同人/Cosplay界，暫時對佢地的認識都唔係好深，今次都係一個很好的經驗，起碼對澳門同人 Event 有基本的認識，起碼唔係小貓三隻，下次再有澳門同人 Event，我都帶套衫去 Cosplay支持下先，啊啊。
消閒/嗜好
回應的RSS
按此回應
暫時未有引用通告
(0)
2007年08月29日
1. CW 發生乜事，點解條隊會長到排到Megabox 附近…又熱又冇風？火狗效應？定係呢家數碼相機平咗要黎影女？幸好 1:30pm 入到場….(但後來見到好多熟人都唔想排隊/排得好辛苦放棄入場….)
2. 今次 CW 冇得再起網上 Print $5 Coupon ，係咪因為個個都Print，攪到CW賺小好多錢/要蝕錢呢？…(雖然我都囉唔到)，再加上火狗效應，可能小咗贊助商，所以出動埋岩岩今期八掛雜誌封面寫「吸毒」配音片同埋CW門口熱播電視廣告頻道？
3. 上次九展都重係爛地，今次終於有個九展 EMAX，但樓上就好似一個死城咁，餐廳係收2:30pm，肚餓食自己吧…衰啲講句半年都係咁，摺都似。
4. 「萬零」是 CW 的救星，因為唔洗再起九展買貴野，水只係 $2.8一支…
5. 魔力女管家 (Mahoro) 的作畫 ぢたま(某)老師 神秘地黎咗 CW 有簽名會，幸好都買咗張膠 Poster 同扇。
6. 扇係 CW 最佳良藥，買了 oofuri 扇勁開心(呢期中咗毒)！ 右邊呢把 Code Geass 扇係台灣組織，質素有保證。
7. 下期 CW 預告會租用九展三樓新建的 Star Hall，個場格局就似番台北 FF的場地巨蛋體育館，都係樓上係坐位，樓下係場地，但奇怪地再租番一樓長展館做 GT Zone show 電玩、玩具、娃娃、模型等，CW 係咪想真係分番開兩類人然後再Cap多啲客收租？
8. 起香港去親咩Events 都會見到呢啲情景….比起其他地方真係差天共地…..
9. 如果甩到身，星期二會走一轉澳門同人Event 睇下咩環境…去到唔掂咪變澳門半日遊，嘿！
隨心
回應的RSS
按此回應
暫時未有引用通告
(1)
2007年08月27日
前前言：由於太忙了，所以爛咗幾個星期，相信寫完呢個之後會再爛多一星期…..見諒。
呢集台灣很滋味(縮水版)，先講下有「台灣黃金/高登」之稱嘅光華商場的新大樓即將落成啟用，帶大家睇下新大樓係點，另外帶你去台北有名的18禁咸Game咸碟之地「新光華」走一轉。當然順路帶你去埋台北上年新落成的誠品信義店，除咗買書外，點都要買個手信。另外重會帶你睇下台北史力加同變形金剛，最後當然唔少得食番一餐。即刻送上…遲來的….台灣很滋味！
旅遊/觀光
回應的RSS
按此回應
暫時未有引用通告
(0)
2007年08月16日
