今日睇報紙，睇見呢個豐澤廣告， PSP 行機 $1980 + 一隻 Game 有 24 個月分期，囉個計數機計計，當隻 Game 300蚊，=2280 / 24 = $95 ！！！真係好吸引，每個月食小餐和味飯就有部 PSP！我驚我會忍唔到呢個引誘，走去無痛分期！
我上年都起豐澤無痛分期咗部LG DVD 錄影機兩年(三千六蚊)，呢家先過咗第一年冇耐………無痛分期供供下就變骨肉分離(期) :O
遊戲
回應的RSS
按此回應
引用通告(2)
(0)
2005年09月30日
啱啱番到屋企，見到我老豆坐起電腦面前訓著咗，個芒開住個 Web Chatroom，裏面有大大個大陸”北妹”坐起度講國語，覺得係咸濕 Chatroom，咁我就靜靜雞影咗佢落黎 ：PPP (唔好話比我老豆知:X)
我屋企都算係個IT 家庭…. 屋企有5部電腦，老豆自己一部，我媽同我妹用一部，我自己都有2部PC 1部Notebook，我老豆用電腦黎玩大陸 Game Room 、Webcam Chatroom 同睇財經新聞 (我老豆部機有兩隻Webcam -_-)。我媽就Online買賣股票、自己去大陸 BT Site 搵韓劇Download，我妹就起各大Forum 搵Scan 果啲漫畫儲，儲夠4GB 就燒落碟，同埋起HK Yahoo 賣家產，我都唔知佢有幾多野賣。我…. 咪普通人一個 :X 講起早兩日無意中起餃個blog 度見到link 去我呢度個名叫”奇人小新之Blog “，我有幾奇呢？
隨心
回應的RSS
回應(1)
引用通告(1)
(1)
2005年09月30日
早兩日見到 ipod updater 2005-09-23..終於有 ipod shuffle 的update 。
初頭以為有咩正野加落去啦 (部機咩 Q 都冇，有咩可以加 ? :X) ，個 Description 話係 Bug Fixed！
哈哈， ipod shuffle 有 Bugs 啊，所以我就整咗呢張「設計圖片」，搵隻蒼蠅(?) 同佢影番張相 :p
PS: Next Blogs.. FF7 AC 特別版 DVD… 三日前囉咗番黎 Cap 咗堆Screen 但未處理……..
隨心
回應的RSS
按此回應
引用通告(3)
(0)
2005年09月29日
打住三號風球睇HiME…..
每次睇夏姬呢幕順風車，都笑到爬起度….尤其搖兩野Pat Pat極度攪笑:X
要笑就笑多啲啦，遲多一兩集笑都冇得笑:XX 呢兩集完全係賣 Service 同埋爆忍者崎晶都係 HiME，重記唔記得早兩集咪起Blog講過「每幕都有佢的原因」，其實就係令你有個錯覺崎晶係男人，其實係女人 :X
佢兩個鬥頂咀又係攪笑，但最攪笑係，右邊張圖奈緒個樣，完全係兩個人咁-_-
又黎「姊弟戀」啊…… 再加埋「假」BL… 超級雜交：～
嘿.. 點解個胸會大咗咁多？「窄」得多，個胸咪大多啲囉 :X
呢Pat 野………………………………… 睇見都想嘔 :O~~~~~~~~~
留意下份禮物，係支手提卡拉OK咪黎，之後兩三集會講番舞衣好鍾意唱 K的。(又放風聲:X)
乜有呢幕架咩？我真係冇印象..;ppppppppppppppp 咁就快十集，真係唔覺唔覺，一星期兩集真係快好多。十月就快黎了！期待乙HiME中！
提外話：呢兩集啲廣東話配音進步咗好多！可能都配咗八集，開始熟咗，感覺上了解咗個角色同埋配得好咗好多了。
左邊呢個咩黎？Cable 剪漏咗呢幕，原本係日本電視播果時用黎出果啲贊助商啲名的，佢剪漏咗，所以就出咗黎了 
剪乜鬼丫，唔剪咪可以有番原本 OP ED 囉，多鬼如。歌詞字幕之嘛，你本身都有字幕架啦，用番果度出番歌詞字幕都得架嘛，學埋 TVB 啲仆街野！
PS:我開始覺得自己越黎越冇野想寫添…-_-
PS2: 神秘人士Reply話字幕打錯字，你肯定係聽日文原聲，所以好留意中文字幕了 :X 我掛住聽配音所以都冇留心字幕了 :pppp 岩岩 Cap 番個畫面出黎。
動畫與漫畫
回應的RSS
回應(1)
暫時未有引用通告
(0)
2005年09月27日
由於堆咗一堆 Blog 都想寫，大家都係同電視有關，所以就叫電視 Blog.. 先黎係：
叮皇之爆炸猛男 PHD
睇完之後，覺得不敵的原因有二：
一叮基本上都已經出咗名的了，佢地可以攪下起旺角街頭玩下唱歌，都應該會幾受歡迎架！
PS:估唔到有一隊唱我極為反感的 Kaleidostar 中文版 OP ！日文版好好聽架！中文改到又難聽，作詞又作到要好努力咁作啲中文字落去咁，所以用「反感」黎形容！
總括黎講，第二輯一叮冇第一輯咁好睇，一來已經睇得太多，有啲悶，第二係啲參賽者已經主力係實力派／表演派，而唔係攪笑派，所以冇咁好笑。我連叮皇果集都係睇錄影（8PM-9PM睇緊活得很滋味睇蘇絲王，9PM-9:30PM睇女神候補生 :X ）。
女神候補生
今次係我第三次睇女神候補生，第一次係睇 VCD ，第二次係睇 ATV ，第三次當然係 Animax 大人啦！ 翻睇睇三次，都仍然係咁好睇，因為「爛尾」！！！！
今次睇回想起三樣野，一：幾時先肯爛完呢…. 二：好記得 ATV 每集 ED 都剪咗呢幕(右圖)，因為ATV 當年起兒童時段播，唔播得食煙，所以一去到 ED 呢個位之前，就會玩定格。三：諗起小泉恒平。小泉恒平係乜水？佢咪係唱 ED 果個人囉。好有趣的。你聽落佢把聲係女仔聲咁，但原來係男人黎，但佢又唱得好好聽播！呢兩、三年佢都冇再出碟。但呢個月有個Live Concert… 真係掛住讀書所以停產？呢兩日我又將佢唱果兩首ED 放番入 iTune Playlist 度，出街又可以聽下。
Onegai Teacher 星空的邂逅
Animax 呢排真係Keep住每月都有新動畫播，呢套又係好野（雖然睇ed)。
睇到個廣告，一聽見保志總一郎o拿o拿地果把聲，太正了:~~~ 呢家佢配 SEED Destiny 真係越黎越冇乜機會出場咁(冇法啦，有呀懶係勁的真哥哥頂住晒)
不過以 Animax 的「尺度」，我都唔記得有冇邊一幕要同佢做手術了。不過我相信，幽遊白書應該會剪得好恐怖下， Animax 打得勁都要剪 (睇下月姬同GITS都知) ，咁幽遊白書成套龍珠咁，日打夜打，咁咪日剪夜剪，一百集剪到得番30集?哈哈！
電視, 動畫與漫畫
回應的RSS
回應(1)
暫時未有引用通告
(0)
2005年09月27日
又繼續大戰美國佬第一戰，輸咗就真係冇望架啦！
E~~~~ 小丑好似見鬼咁～小丑呢家已經佔據咗亮個位了…. 你覺得小丑有趣啲定亮有趣啲？
嘩～原來好戲在後頭，乜麵包都可以做到咁？越黎越似已經唔係「日式」麵包王，係味吉陽一 :X
原來睇呢套動畫可以學埋世界故仔，今次有「不能打開的相」，點解我冇聽過的？我小學中學真係咁自閉，乜課外書都唔去睇？
呀媽叫你唔好偷食，你咪一樣照去偷食架啦～哈哈，一堆白菜，呢集主力玩日文同音字…. 譯番做中文果時都唔知點譯了 :X
小丑又發完癲了…..果Look “樹” (?) 好鬼有趣…..
突然間覺得好似一個人，就係… Meer in Destiny ～！！！哈哈哈！哈！～～
又學一樣野，法國打17原來就係香港的999。……
連續睇三張 Monica 凸胸照，覺得佢都好有女人味，有時候個胸都時大時細，其實有幾大呢？哈哈哈！
唉….第一場輸咗了……………..河內都一定會輸的了，咁冠呢個計劃冇了，月乃倒閉了！
嘩！佢兩個突然間變咗情逗初開的男女孩！唔通真係會有發展？？？？？跟住兩個結埋婚開間麵包糖果店！哈！
預告！河內睇個樣都輸硬的了，所以全日本後台都殺晒黎法國！黎個再培訓計劃！即刻變咗個傻佬！下集再發癲………………
動畫與漫畫
回應的RSS
按此回應
暫時未有引用通告
(0)
2005年09月25日
估唔到我攪出黎的傑作 “Disney 9月4日公益日太空山壞機賓客被困空中及惡鬧演藝人員事件” 由 PUMB 起9月4號晚開始開始流傳，已被傳到去各大 Forum 同 Newsgroups，重有一堆 Email Forward，直至尋日，三條片夾埋已經有五十六萬下載人次(第一條片超過20幾萬，另外兩條片各15萬)，下載流量共超過340GB（最高一日去到48GB)，攪到 Server 頂唔順，差D 被停Server！唔好睇少 Internet 的魔力！
諗起一兩年前一個笑話，有某朋友起網上透過ICQ流傳一個關於”香港學生作文” 的Scan的功課(當時很出名)，最後該網扯又由 ICQ 流傳回他手上，完全笑爆。
隨心
回應的RSS
按此回應
暫時未有引用通告
(0)
2005年09月24日
